BMC Mayor Election : मुंबईत भाजपचा महापौर खुर्चीत बसला, पण काँग्रेसच्या नगरसेवकांना जमिनीवर बसण्याची वेळ, पहिल्याच दिवशी रितू तावडेंना घेरलं
BMC Mayor Election : मुंबई महानगरपालिकेच्या सत्तारोहणाच्या आजच्या पहिल्याच दिवशी भाजप (BJP) विरुद्ध काँग्रेस (Congrss) आणि ठाकरे गटाच्या (Shivsen UBT) नगरसेवकांमध्ये जोरदार खडाजंगी झालीय.
BMC Mayor Election BJP Vs Congrss Shivsen UBT : मुंबईत भाजपचं सत्तारोहन झालं असून भाजपच्या रितू तावडे (Ritu Tawde) या महापौरपदी तर उपमहापौरपदी संजय घाडी (Sanjay Ghadi) असे महायुतीचे दोन शिलेदार विराजमान झाले आहे. अशातच मुंबई महानगरपालिकेच्या आजवरच्या इतिहासात पहिल्यांदाच पालिकेची सत्ता हस्तगत केल्यानंतर बुधवारी भाजपचा महापौर (BMC Mayor) विराजमान झालाय. असे असताना, सत्तारोहणाच्या आजच्या पहिल्याच दिवशी भाजप (BJP) विरुद्ध काँग्रेस (Congrss) आणि ठाकरे गटाच्या (Shivsen UBT) नगरसेवकांमध्ये जोरदार खडाजंगी झालीय. तर दुसरीकडे काँग्रेसच्या नगरसेवकांनी महापौरांना घेरल्याचे चित्र आहे. (Mumbai Mahangarpalika Election 2026)
सभागृहात बसायला जागा नाही, या मुद्द्यावर काँग्रेसचे नगरसेवक थेट व्यासपीठावर जात ठिय्या आंदोलन सुरु केलंय. महापौरांचे भाषण सुरू असताना काँग्रेस आणि भाजपच्या नगरसेवकांमध्ये मोठा शाब्दिक वाद सुरू झाला. काँग्रेसच्या नगरसेविकांकडून जागा द्या.. जागा द्या... अशा घोषणा देण्यात आल्या. तर यावर भाजपचे ही नगरसेवक आक्रमक झाल्याचे दिसून आलंय.
BJP Vs Congrss Shivsen UBT : 'मुख्यमंत्र्यांची बहीण खुर्चीवर, लाडक्या बहिणी जमिनीवर'
'मुख्यमंत्र्यांची बहीण खुर्चीवर, लाडक्या बहिणी जमिनीवर' असं म्हणत काँग्रेसने सभागृहात आंदोलन सुरू केलंय. तर 'महिला महापौर, महिलांचाच अपमान' असा आशय कागदावर लिहून काँग्रेसने हे फलक सभागृहात झळकावले आहेत. महापौर यांचे भाषण सुरू असताना काँग्रेसने हे आंदोलन सुरू केलंय. बसायला जागा नसल्याचे सांगत काँग्रेसच्या निवडून आलेल्या महिला नगरसेविका थेट जमिनीवर बसल्या आहेत. त्यामुळे सत्तारोहणाच्या आजच्या पहिल्याच दिवशी सभागृह काहीसं वादळी ठरल्याचे चित्र आहे.
BMC Mayor : '50 खोके, एकदम ओके'च्या घोषणा
महापौर रितू तावडे यांच्या भाषणावेळी 'तानाशाही नही चलेगी' असं म्हणत काँग्रेसकडून नारेबाजी सुरू करण्यात आली. तर उपमहापौर संजय घाडी बोलत असताना '50 खोके, एकदम ओके'च्या घोषणा देत काँग्रेस नगरसेवक सभागृहातून बाहेर पडले आहेत.
सुरवातीला, भाजपच्या नगरसेवकांनी हुतात्मा चौक येथे जाऊन संयुक्त महाराष्ट्र चळवळीतील हुतात्म्यांना आदरांजली वाहिली आणि त्यानंतर महायुतीचे सर्व नगरसेवक मुंबईत महानगरपालिकेत आले. पालिका सभागृहात महायुतीचे नगरसेवक आल्यानंतर जोरदार शंखनाद करण्यात आला. भाजपच्या महापौरांच्या सत्तारोहणाच्या या कार्यक्रमाला मुख्यमंत्री देवेंद्र फडणवीस उपस्थित होते. त्यामुळे भाजपच्या नगरसेवकांच्या अंगात प्रचंड उत्साह संचारला होता. त्यांनतर मात्र गदारोळाने आज सभागृह दणाणून गेलंय.
मुंबई महानगरपालिका निवडणुकीचा अंतिम निकाल-(BMC Election Result 2026)
भाजप - 89
शिवसेना ठाकरे गट - 65
शिवसेना - 29
काँग्रेस - 24
मनसे - 6
एमआयएम- 8
एनसीपी - 3
एसपी - 2
एनसीपी शप - 1
महत्त्वाच्या बातम्या
