Baramati ZP Election Ajit Pawar: राज्यातील 12 जिल्हा परिषदा आणि 125 पंचायत समित्यांसाठी शनिवारी पार पडलेल्या मतदानाला (Voting) भरभरुन प्रतिसाद मिळाला. अनेक गावांमध्ये मतदान केंद्रांबाहेर लांब रांगा लागल्याचे चित्र दिसत होते. जिल्हा परिषद (ZP Election 2026) आणि पंचायत समित्यांसाठी सरासरी 70 टक्के मतदान झाले. मात्र, पवार कुटुंबीयांचा बालेकिल्ला असणाऱ्या बारामतीमध्ये अजित पवार (Ajit Pawar) यांच्या निधनानंतर मतदारांनी जिल्हा परिषद निवडणुकीच्या मतदानाकडे साफ पाठ फिरवल्याचे दिसले. (Barmati Latest news)
पुणे जिल्ह्यातील सर्वात कमी मतदान बारामती तालुक्यात झाले आहे. त्यामुळे राजकीय वर्तुळात अजितदादांच्या निधनानंतर बारामतीकरांनी मतदान करणं टाळल्याची चर्चा आहे. अजित पवार हे जिल्हा परिषद आणि पंचायत समिती (Panchayat Samiti) निवडणुकांच्या प्रचारासाठी बारामती येथे येत असताना 28 जानेवारीला त्यांचे विमान कोसळले (Ajit Pawar plane crash) होते. या अपघातामध्ये अजित पवार यांचा मृत्यू झाला होता. त्यामुळे यंदाच्या बारामती जिल्हा परिषदेच्या निवडणुकीवर दुःखाचे सावट होते. काल बारामतीमध्ये पवार कुटुंबीयांनी आवर्जून मतदान केले होते. मात्र, बारामतीमधील सामान्य मतदारांनी मतदानाकडे पाठ फिरवल्याचे दिसले. बारामतीमध्ये जिल्हा परिषद (Baramati ZP) निवडणुकीसाठी अवघे 54 टक्के मतदान झाले आहे. तर पुणे जिल्ह्यात सरासरी 69 टक्के मतदान झाल्याची माहिती जिल्हा प्रशासनाने दिली. पुणे जिल्ह्यातील वेल्हे याठिकाणी सर्वाधिक 79 टक्के मतदान झाले.
Pune Election news 2026: पुणे जिल्ह्यात सरासरी झालेल्या मतदानाची आकडेवारी (सरासरी)
जुन्नर: ६१.१८ टक्के
आंबेगाव: ६५.३० टक्के
शिरूर: ७५.६९ टक्के
खेड: ७५.४६ टक्के
मावळ: ७७.४३ टक्के
मुळशी: ६३.७९ टक्के
हवेली: ६८.०२ टक्के
दौंड: ६५ टक्के
पुरंदर: ६८.३७ टक्के
वेल्हे: ७९.३० टक्के
भोर: ७५.६२ टक्के
बारामती: ५४.९० टक्के
इंदापूर: ६५.६७ टक्के
Sunetra Pawar: सुनेत्रा पवारांनी मानले मतदारांचे आभार
जिल्हा परिषद निवडणुकीचे मतदान संपल्यानंतर दुसऱ्या दिवशी उपमुख्यमंत्री सुनेत्रा पवार (Sunetra Pawar) यांनी मतदारांचे आभार मानले आहेत. त्यांनी सोशल मीडियावर एक पोस्ट शेअर केली आहे. यामध्ये जिल्हा परिषद आणि पंचायत समिती निवडणुकीत मतदान करणाऱ्या मतदारांचे सुनेत्रा पवार यांनी आभार मानले आहेत. अजितदादांचे विचार व कार्य अधिक सक्षमपणे पुढे जात असल्याचा विश्वासही त्यांनी यावेळी व्यक्त केला.
आणखी वाचा