Bacchu Kadu : मोठी बातमी! कोकणातील राजकारणात आता बच्चू कडूंची होणार एंट्री; रत्नागिरी नगरपरिषदेसाठी प्रहार मैदानात

कोकणातील राजकारणात आता बच्चू कडू आणि प्रहार जनशक्ती पार्टीची एंट्री होणार असल्याची मोठी माहिती समोर आली आहे. प्रहारचे सर्वेसर्वा बच्चू कडू यांनी स्व:ता या संदर्भात 'एबीपी माझा'ला माहिती दिली आहे.

Bacchu Kadu

Source : ABP Majha

Bacchu Kadu : राज्यात स्थानिक स्वराज्य संस्थांच्या निवडणुकीचे बिगुल वाजले असून, 246 नगरपरिषदा आणि 42 नगरपंचायतींसाठी उमेदवारी अर्ज भरण्याच्या प्रक्रियेला आजपासून (10 नोव्हेंबर) सुरुवात झाली आहे. त्या अनुषंगाने सर्वच राजकीय पक्ष तयारीला लागले आहे. तर दुसरीकडे महायुती (MahaYuti)आणि महाविकास आघाडीतील (MVA) मित्रपक्षाने एकत्र लढायचं कि स्वतंत्र हे अद्याप ठरताना दिसत नाहीये. असे असताना स्थानिक स्वराज्य संस्थेच्या निवडणुकीसाठी प्रहार देखील आपली तयारी करत आहेत. प्रहार जनशक्ती पक्षाने (Prahar Janshakti Party) अनेकांच्या मुलाखती घेणे सुरु केलं आहे. तर कोकणातील राजकारणात आता बच्चू कडू आणि प्रहार जनशक्ती पार्टीची एंट्री होणार असल्याची मोठी माहिती समोर आली आहे. प्रहार संघटनेचे सर्वेसर्वा आणि अध्यक्ष बच्चू कडू (Bacchu Kadu) यांनी स्व:ता या संदर्भात 'एबीपी माझा'ला माहिती दिली आहे.

Bacchu Kadu  : रत्नागिरी नगरपरिषदची निवडणूक लढवणा, 5 ते 6 जागांवर आपले उमेदवार उभे करणार

प्रहार जनशक्ती पक्ष आता रत्नागिरी नगरपरिषदची निवडणूक लढवणार असून 5 ते 6 जागांवर प्रहार जनशक्ती आपले उमेदवार उभे करणार, अशी माहिती प्रहार संघटनेचे सर्वेसर्वा आणि अध्यक्ष बच्चू कडू (Bacchu Kadu) यांनी स्व:ता 'एबीपी माझा'ला माहिती दिली आहे. तर पुढे बोलताना त्यांनी निवडणूक प्रक्रियांवर देखील संताप व्यक्त केलाय.

Bacchu Kadu on Election Commission: निवडणूक आयुक्तांना नोटांची गड्डी मिळाली असेल, त्यामुळे सर्व गोंधळ

आपण मत कुणाला दिलं हे माहीत होत नसल्याने बच्चू कडूंनी संताप व्यक्त केला. ईव्हीएम मशीनचा घोळ या निवडणुकीत नसला पाहिजे. सगळे नामर्दाची अवलाद आहेत. मशीन समोर करतात, मशीन मधून चोरी करतात. प्रामाणिकतेचे मत कुठे राहतं? संविधानात अधिकार दिला आहे आपण कुणाला मत दिलं हे जाणून घेण्याचा. मात्र आज मत कुणाला दिलं हे आपल्याला कळत नाही. याचे उत्तर निवडणूक आयोग देऊ शकतो का? असा प्रश्न देखील उपस्थित केला. निवडणूक आयुक्तांना नोटांची गड्डी मिळाली असेल त्यामुळे सर्व गोंधळ सुरू आहे, अशी शंका बच्चू कडूंनी व्यक्त केली.

इतर महत्वाच्या बातम्या