Ajit Pawar Plane Crash Black Box: ब्लॅक बॉक्स जळाला तरीही चिप सुरक्षित असू शकते; अजितदादांच्या विमान अपघाताचं कारण कसं उलगडणार?, एअर फोर्सच्या निवृत्त कॅप्टन देवधर यांनी सगळं सांगितलं!
Ajit Pawar Plane Crash Black Box: अजित पवारांच्या विमानात दोन रेकॉर्डर होते. हे बराच वेळ आगीत जळाल्यामुळे रेकॉर्डरला नुकसान झालं आहे. त्यामुळे विमान अपघात कसा झाला याची माहिती कशी उपलब्ध होणार?, असा सवाल उपस्थित होतं आहे.
Ajit Pawar Plane Crash Black Box: दिवंगत उपमुख्यमंत्री अजित पवार यांच्या विमान अपघाताबाबत (Ajit Pawar Plane Crash) एक महत्वाची माहिती समोर आली आहे. अजित पवारांच्या विमान अपघाताबाबत पहिल्यांदाच विमान अपघात तपास ब्युरोकडून अधिकृत स्पष्टीकरण दिलं आहे. विमानातील दोन्ही रेकॉर्डरवर उच्च तापमानाचा (आगीचा) दुष्परिणाम झाला आहे. विमानातील दोन्ही रेकॉर्डर जास्त वेळ आगीत राहिल्यामुळे त्यावर गंभीर परिणाम झाल्याचं विमान अपघात तपास ब्युरोकडून सांगण्यात आलं आहे.
अजित पवारांच्या विमान अपघाताबाबत पहिल्यांदाच अधिकृत स्पष्टीकरण देण्यात आलं आहे. विमान अपघात तपास ब्युरोकडून निवेदन जारी करण्यात आलं आहे. अजित पवारांच्या विमानात दोन रेकॉर्डर होते. हे बराच वेळ आगीत जळाल्यामुळे रेकॉर्डरला नुकसान झालं आहे. त्यामुळे विमान अपघात कसा झाला याची माहिती कशी उपलब्ध होणार?, असा सवाल उपस्थित होतं आहे. यांसंदर्भात इंडियन एअर फोर्सचे निवृत्त गृप कॅप्टन विनायक देवधर यांनी एबीपी माझाशी महत्वाची माहिती दिली आहे.
अजित पवारांच्या अपघाती विमानात दोन रेकॉर्डर होते. त्यामधील पहिले फ्लाइट डेटा रेकॉर्डर (FDR) आणि दुसरे कॉकपिट व्हॉइस रेकॉर्डर (CVR). हे दोन्ही वेगवेगळ्या ठिकाणी ठेवलेले असतात. यामधील फ्लाइट डेटा रेकॉर्डर पूर्णपणे चांगल्या स्थितीत मिळालेला असल्याची माहिती डीजीसीएने दिली आहे. तर कॉकपिट व्हॉइस रेकॉर्डर देखील महत्वाचा असतो. यामध्ये दोन वैमानिकांमध्ये काय संभाषण झालं आणि वैमानिक आणि ग्राऊंडस्टाफमध्ये काय संभाषण झालं, याची माहिती कॉकपिट व्हॉइस रेकॉर्डरमध्ये असते, असं विनायक देवधर म्हणाले.
कॉकपिट व्हॉइस रेकॉर्डर जरी जळाला तरी त्यातील चिप सुरक्षित असू शकते- विनायक देवधर
कॉकपिट व्हॉइस रेकॉर्डर जळालेल्या अवस्थेत मिळालेला आहे. पण कॉकपिट व्हॉइस रेकॉर्डर जरी जळाला असला तरीही त्यातील चिप ही सुरक्षित असू शकते आणि त्यामधून सर्व माहिती संकलित केली जाऊ शकते. मॅन्युफॅक्चरिंग कंपनीची डीजीसीआय संपर्क साधेल आणि त्यातून या सर्व गोष्टी चा उलगडा होऊ शकतो, असा आशावाद विनायक देवधर यांनी व्यक्त केला आहे.
ब्लॅक बॉक्स म्हणजे काय? (What is a black box?)
सर्वात पहिले विमानाचा ब्लॅक बॉक्स शोधला जातो. ज्याला फ्लाइट डेटा रेकॉर्डर (FDR) आणि कॉकपिट व्हॉइस रेकॉर्डर (CVR) असेही म्हटले जाते. हे एक प्रकारचे रेकॉर्डिंग डिव्हाइस असते, ज्यामध्ये विमानाच्या उड्डाणादरम्यान कॉकपिटमधील संभाषण आणि उड्डाणाचे डेटा रेकॉर्ड केले जाते. ब्लॅक बॉक्सचा रंग नारंगी असतो. या ब्लॅक बॉक्सवर आग किंवा पाण्याचा कोणताही परिणाम होत नाही. ब्लॅक बॉक्सची बॅटरी 30 दिवस टिकते. त्याच्या डेटाचा वापर अनेक वर्षांनंतरही करता येतो.
महत्त्वाच्या बातम्या
