Aditi Tatkare and Bharat Gogawale : महाराष्ट्र दिनी रायगडमध्ये झेंडावंदनाचा अदिती तटकरेंना मान, पण भरत गोगावलेंनीही झेंडावंदन केलंच; नेमकं काय घडलं?
Aditi Tatkare and Bharat Gogawale : महाराष्ट्र दिनी ध्वज वंदनाचा मान अदिती तटकरे यांना मिळाल्याने शिवसेना शिंदे गटाने नाराजी व्यक्त केली होती.
Aditi Tatkare and Bharat Gogawale : मुख्यमंत्री देवेंद्र फडणवीस (Devendra Fadnavis) यांनी 18 जानेवारी रोजी पालकमंत्र्यांची यादी जाहीर केली होती. या यादीनुसार, नाशिकसाठी भाजपचे गिरीश महाजन (Girish Mahajan) तर रायगडसाठी राष्ट्रवादी काँग्रेसच्या अदिती तटकरे (Aditi Tatkare) यांची नियुक्ती करण्यात आली होती. मात्र, या घोषणेनंतर शिवसेना शिंदे गटाचे मंत्री भरत गोगावले (Bharat Gogawale) आणि मंत्री दादा भुसे यांच्या समर्थकांनी तीव्र नाराजी व्यक्त केली. यानंतर केवळ 24 तासांत नाशिक आणि रायगडच्या पालकमंत्रिपदाबाबत (Raigad Guardian Minister) घेतलेला निर्णय तात्पुरता स्थगित करण्यात आला. महायुतीत नाशिक आणि रायगडच्या पालकमंत्रिपदाचा तिढा अद्यापही सुटलेला नाही. तर रायगडमध्ये महाराष्ट्र दिनाच्या (Maharashtra Din 2025) झेंडावंदन कार्यक्रमाच्या पार्श्वभूमीवर राजकीय वातावरण तापल्याचे दिसून आले. रायगड (Raigad News) जिल्ह्यातील अलिबाग येथे जिल्हा मुख्यालयावर महाराष्ट्र दिनी मुख्य झेंडावंदनाचा मान पुन्हा एकदा अदिती तटकरे यांना मिळाला. एकीकडे अदिती तटकरे यांच्या हस्ते तर रायगडमध्ये झेंडावंदन केले. तर दुसरीकडे भरत गोगावले यांनी देखील रायगडमध्ये झेंडावंदन केल्याने राजकीय वर्तुळात चर्चांना उधाण आले आहे.
आज राज्यात महाराष्ट्र दीन साजरा होतोय. रायगडमध्ये महाराष्ट्र दिनाचा उत्साह पाहायला मिळतोय. राज्याच्या महिला आणि बालविकास मंत्री आदिती तटकरे यांच्या हस्ते अलिबागमधील मुख्यालयात महाराष्ट्र दिनी ध्वजवंदन करण्यात आले. यावेळी रायगड जिल्ह्याचे जिल्हाधिकारी डॉ. किशन जावळे यांच्यासह अन्य अधिकारी आणि प्रशासकीय कर्मचारी उपस्थित होते. यावेळी महिला पोलिस कर्मचारी वर्गाकडून पोलीस परेड ग्राऊंडवर बाईक रॅली काढण्यात आली होती.
भरत गोगावलेंनीही झेंडावंदन केलंच
तर दुसरीकडे आदिती तटकरे यांना ध्वजवंदनाचा मान मिळाल्याने रायगडमधील मंत्री भरत गोगावले (Bharat Gogawale) समर्थकांनी आपली नाराजी जाहीरपणे व्यक्त केली होती. आज राज्याचे रोजगार आणि फलोत्पादन मंत्री भरत गोगावले यांच्या हस्ते महाड शहरातील चांदे क्रीडांगणावर ध्वजवंदन करण्यात आले. यावेळी विविध खात्याचे शासकीय अधिकारी उपस्थित होते. भारत गोगावले यांनी केलेल्या झेंडावंदनाची आता रायगडमध्ये जोरदार चर्चा रंगली आहे.
इतर महत्त्वाच्या बातम्या
महत्त्वाच्या बातम्या
