Abdul Sattar at Shiv Mandir: अब्दुल सत्तारांनी शंकराच्या मंदिरात बाहेरुन दर्शन घ्यायला हवं होतं, खूपच वाटत असेल तर हिंदू धर्म स्वीकारावा: तुषार भोसले
Abdul Sattar at Shiv Mandir: अब्दुल सत्तार यांनी काल महाशिवरात्रीच्यानिमित्ताने छत्रपती संभाजीनगर येथील एका देवळात जाऊन दर्शन घेतले होते. यावरुन वाद निर्माण झाला आहे.
Abdul Sattar at Shiv Mandir: शिवसेनेचे आमदार अब्दुल सत्तार यांनी महाशिवरात्रीला शंकराच्या मंदिरात जाऊन दर्शन घेतल्याने वाद निर्माण झाला आहे. अब्दुल सत्तार हे मंदिरातून गेल्यानंतर काही तरुणांनी या मंदिरात गोमूत्र शिंपडून मंदिराचे शुद्धीकरण करण्याचा प्रकार केला. यावरुन उलटसुलट चर्चा सुरु असतानाच आता भाजपच्या (BJP) अध्यात्मिक आघाडीचे प्रमुख तुषार भोसले (Tushar Bhosale) यांनी अब्दुल सत्तार यांना लक्ष्य केले आहे. अब्दुल सत्तार हे हिंदू नाहीत. त्यामुळे त्यांनी मंदिराच्या गर्भगृहात जाऊन दर्शन घेणे योग्य नाही. त्यांना इतकीच इच्छा असेल तर त्यांनी हिंदू धर्मात प्रवेश करुन मंदिरात यावे, असे तुषार भोसले यांनी म्हटले. ते सोमवारी वर्धा येथे प्रसारमाध्यमांशी बोलत होते.
अब्दुल सत्तार यांनी हिंधू धर्मात प्रवेश केलाय का, हिंदू धर्म स्वीकारला आहे का? तसे नसेल त्यांनी गर्भगृहाच्या बाहेरुन दर्शन घ्यायला हवे होते. आमच्या देवी-देवतांचे मंदिरं ही काही स्मारकं नाहीत. गर्भगृहाचे धार्मिक नियम असतात. राजकीय फायद्यासाठी आमच्या धर्माचे धार्मिक नियम मोडू नका. तुम्हाला खूपच इच्छा असेल तर मग हिंदू धर्म स्वीकारा आणि खुशाल आमच्या देवी-देवतांचे आशीर्वाद मिळवा, असे तुषार भोसले यांनी म्हटले.
राज्यभरात रविवारी महाशिवरात्रीचा (Mahashivratri) उत्सव मोठ्या उत्साहात साजरा झाला होता. अब्दुल सत्तार यांनी छत्रपती संभाजीनगरमधील रहिमाबाद येथील नागेश्वर मंदिरात जाऊन शंकराचे दर्शन घेतले होते. अब्दुल सत्तार यांनी मंदिरात दर्शन घेतल्यानंतर मंदिर अपवित्र झाल्याचे म्हणत काही तरुणांनी गोमूत्र शिंपडून मंदिर स्वच्छ केल्याचा प्रकार समोर आला होता. या तरुणांनी सत्तार यांच्या याच दर्शनावरून आक्षेप घेतला होता. अब्दुल सत्तार सकाळी जेवणात मांसाहार करतात, त्याशिवाय घर सोडत नाहीत. त्यामुळे अशा अपवित्र माणसाला महाशिवरात्रीच्या दिवशी मंदिरात प्रवेश देण्याला विरोध करत या तरुणांनी मंदिरात गोमित्र शिंपडून मंदिर स्वच्छ केले. या प्रकारावरुन आता नवा वाद निर्माण होण्याची शक्यता आहे. या सगळ्यावर अब्दुल सत्तार यांनी अद्याप कोणतीही प्रतिक्रिया दिलेली नाही.
आणखी वाचा
टिपू सुलतान हे शिवाजी महाराजांच्या समकक्ष योद्धे होते, हर्षवर्धन सपकाळांच्या वक्तव्याने वादाचा भडका
महत्त्वाच्या बातम्या
