Aaditya Thackeray: मुख्यमंत्र्यांच्या वाॅररुमध्ये सीएम आणि डीसीएममध्ये वाॅर सुरुय, समृद्धीवर दरोडे पडताहेत; आदित्य ठाकरेंचा जोरदार हल्लाबोल

विखे पाटील यांनी मराठा आरक्षणावरून शरद पवार यांच्यावर केलेल्या टीकेवर आदित्य ठाकरे यांनी खोचक प्रतिक्रिया दिली. ते म्हणाले की, विखे पाटील नेहरूपर्यंत ते पोहोचले नाही ते नशीब आहे.

Aaditya Thackeray

Source : ABP Majha

Aaditya Thackeray: मुख्यमंत्र्यांच्या वाॅर रुममध्ये सीएम आणि डीसीएम यांचा वाद सुरू आहे, समृद्धी महामार्गावर दरोडे पडत आहेत, अशा शब्दात आमदार आदित्य ठाकरे यांनी आज मराठवाडा दौऱ्यावर तोफ डागली. छत्रपती संभाजीनगर दौऱ्यावर असलेल्या आदित्य यांनी राज्यातील प्रश्नांवर महायुती सरकारवर हल्लाबोल केला. किती आले किती गेले तरीसुद्धा आम्ही एकटे राहिलो तरी संघर्ष करत राहू, असेही त्यांनी सांगिगतले. आदित्य ठाकरे म्हणाले की, सर्व पक्षांनी एकत्र येऊन विकास करणे गरजेचं आहे. त्यांनी पुढे सांगितले की, मराठवाड्यात 211 कंपन्या बाहेर गेल्या किंवा बंद पडल्या आहेत. आता मोठी निवडणूक नाही त्यामुळे तिकडे न पाहता विकासाकडे लक्ष देऊ. अभिजित दिपके शाळांची पाहणी करत आहे. त्यामुळे आपण सर्वांनी एकत्र येऊन हे विषय सोडवणे गरजेचं असल्याचे ते म्हणाले. जंतर मंतरनंतर विद्यार्थ्यांची हिंमत मोठी झाली असून Gen-z मध्ये मोठी ताकद निर्माण झाली असून सर्व तरुण रस्त्यावर उतरले असल्याचे त्यांनी सांगितले. 

जीडीपीवरून आदित्य ठाकरेंचा टोला 

आदित्य यांनी सांगितले की, जीडीपी 7.8 असला तो दिसला तरी पाहिजे. दोन दिवसात रघुराम राजन किंवा अजून अभ्यासक बोलत आहेत. GDP वाढत असेल तर पंतप्रधान सोने खरेदी करू नका परदेशात जाऊ नका असे सांगत आहे यात विसंगती आहे. तो वाढत असेल, तर दिसायला हवे, असे ते म्हणाले. 

विखे पाटील नेहरूपर्यंत ते पोहोचले नाही ते नशीब

दरम्यान, विखे पाटील यांनी मराठा आरक्षणावरून शरद पवार यांच्यावर केलेल्या टीकेवर आदित्य ठाकरे यांनी खोचक प्रतिक्रिया दिली. ते म्हणाले की, विखे पाटील नेहरूपर्यंत ते पोहोचले नाही ते नशीब आहे. जे आपल्या अधिकारातील आहे त्यांना कोणत्याही समाजाचे घेऊन न देता त्यांना आरक्षण द्यायला हवे, अशी मागणी त्यांनी केली. सगळे समाज रस्त्यावर उतरले आहेत, पण फक्त खोटं आश्वासन दिले जात आहे. सरकार म्हणून तुम्ही समोर येत नाही, असे त्यांनी सांगितले.  दिशा सालियान प्रकरणावर आदित्य यांनी आपला काहीच संबंध नसल्याचे सांगितले. 

इतर महत्वाच्या बातम्या