Parineeti Chopra Raghav Chadha Engagement : बॉलिवूड अभिनेत्री परिणीती चोप्रा (Parineeti Chopra) आणि आपचे खासदार राघव चड्ढा (Raghav Chadha) यांचा नुकताच साखरपुडा पार पडला आहे. गेले काही दिवस मौन बाळगून एकत्र दिसणारे परिणीती चोप्रा आणि राघव चड्ढा यांनी आज सोशल मीडियावर त्यांच्या साखरपुड्याचे फोटो टाकून चाहत्यांना त्यांच्या नात्याबद्दल माहिती दिली आहे.
राघव चड्ढा आणि परिणीती चोप्रा यांना आजवर अनेकदा एकत्र स्पॉट करण्यात आलं. त्यांच्या डेटिंगच्या चर्चा रंगल्या होत्या. अनेक दिवस एकमेकांना डेटिंग केल्यानंतर नवी दिल्लीतील कपूरथला हाऊसमध्ये त्यांचा साखरपुडा पार पडला. खास थीम, प्रमुख पाहुणे, हटके लूक आणि शाही भोजन हे परिणीती आणि राघव यांच्या साखरपुड्याचं विशेष आकर्षण होतं.
राजकारणी ते सेलिब्रिटी; परिणीती-राघव यांच्या साखरपुड्याला दिग्गजांची उपस्थिती
पंजाबचे मुख्यमंत्री भगवंत मान, लोकप्रिय फॅशन डिझायनर मनीष मल्होत्रा आणि दिल्लीचे मुख्यमंत्री अरविंद केजरीवाल यांच्यावर अनेक राजकारणी मंडळी परिणीती आणि राघव यांच्या साखरपुड्याला उपस्थित होते. दरम्यान बॉलिवूड अभिनेत्री आणि परिणीतीची बहिण प्रियांका चोप्रानेदेखील बहिणीच्या साखरपुड्याला हजेरी लावली होती. 150 पाहुण्यांच्या उपस्थितीत परिणीती आणि राघव यांचा साखरपुडा पार पडला आहे.
परिणीती चोप्राने सोशल मीडियावर साखरपुड्याचे फोटो शेअर केले आहेत. या फोटोंमध्ये अभिनेत्री राघव चड्ढा यांच्यासोबत रोमॅंटिक अंदाजात दिसत आहे. साखरपुड्यासाठी परिणीती आणि राघव यांनी खास लूक केला होता. परिणीतीने पांढऱ्या रंगाचा ड्रेस आणि राघव यांनीदेखील पांढऱ्या रंगाचा सूट परिधान केला होता. राघव यांनी साखरपुड्याचे फोटो शेअर करत लिहिलं आहे,"मी प्रार्थना केली... अखेर ती हो म्हणाली".
सेलिब्रिटींकडून शुभेच्छांचा वर्षाव
परिणीती चोप्रा आणि राघव चड्ढा यांच्या फोटोवर चाहत्यांसह सेलिब्रिटी कमेंट्स करत शुभेच्छांचा वर्षाव करत आहेत. प्रियांका चोप्राने लिहिलं आहे,"अभिनंदन तिशा आणि राघव… आता आम्ही लग्नाची वाट पाहतोय! तुम्हा दोघांसाठी आणि कुटुंबासाठी मी खूप आनंदी आहे. त्याबरोबरच सर्वांना पुन्हा भेटून फारच मज्जा आली". विनोदवीर कपिल शर्माने शुभेच्छा देत लिहिलं आहे,"परिणीती आणि राघव तुम्हा दोघांचे खूप अभिनंदन. तुमच्या आयुष्यात खूप प्रेम आणि आनंद कायम येऊदेत". रणवीर सिंह, अनुष्का शर्मा, नेहा कक्कर, भूमी पेडणेकर, कनिका कपूर, नेहा धुपिया यांनीदेखील जोडप्याला शुभेच्छा दिल्या आहेत.
संबंधित बातम्या