Parbhani : चंद्रपूरचे उट्टे काँग्रेस परभणीत काढणार की भाजप काही खेळी करणार? सहलीवर गेलेले नगरसेवक आज परतणार
Parbhani Election News : परभणीत शिवसेना आणि काँग्रेस एकत्रित येऊन सत्ता स्थापन करणार असून त्यासंबंधी एक महत्त्वाची बैठक पार पडणार आहे.
परभणी : चंद्रपूर महानगरपालिकेत ठाकरेंच्या शिवसेनेने काँग्रेस सोबत न जाता भाजपला पाठिंबा दिल्याने त्याचे पडसाद परभणीत उमटतील का याचं उत्तर आता अवघ्या काही तासांमध्ये मिळणार आहे. सहलीवर गेलेले काँग्रेसचे 10 आणि ठाकरेंच्या शिवसेनेचे 22 नगरसेवक परभणीत परतणार आहेत. त्यानंतर काँग्रेस आणि ठाकरेंच्या शिवसेनेच्या नेत्यांमध्ये महत्त्वाची बैठक होऊन महापौर आणि उपमहापौरपदाचा निर्णय घेतला जाणार असल्याची माहिती आहे.
चंद्रपुरात ठाकरेंच्या शिवसेनेने वेगळी भूमिका घेत भाजपला पाठिंबा दिला. त्यामुळे काँग्रेसकडे सर्वाधिक जागा असतानाही त्यांचा महापौर होऊ शकला नाही. त्याचे परिणाम परभणीत पाहायला मिळतील अशी चर्चा सुरू आहे. परंतु, परभणीत आमची निवडणूकपूर्व युती असल्याचा दावा ठाकरेंचे खासदार संजय जाधव यांनी केला.
बैठकीत महापौरपदाचं नाव ठरणार
परभणीत आता खरोखरच काँग्रेस आणि ठाकरेंची शिवसेना एकत्र येऊन सत्ता स्थापन करणार की भाजप काही वेगळी खेळी करणार हे काही तासांमध्ये स्पष्ट होणार आहे. ठाकरेंच्या शिवसेनेचे 22 आणि काँग्रेसचे 10 नगरसेवर हे सहलीवर गेले असून ते बुधवारी रात्री परभणीत उतरणार आहेत.
बुधवारी रात्री काँग्रेसचे नेते आणि ठाकरेंच्या शिवसेनेचे नेते यांच्यामध्ये एक महत्त्वाची बैठक होणार असून त्यामध्ये महापौर आणि उपमहापौरपदाचा निर्णय होणार असल्याची माहिती आहे. काँग्रेसकडून या बैठकीला माजी आमदार सुरेश देशमुख, काँग्रेसचे उपाध्यक्ष सिद्धार्थ हत्तीअंबीरे, शहराध्यक्ष नदीम इनामदार यांच्यासह गुलमिर खान उपस्थित असतील. तर ठाकरेंच्या सेनेकडून खासदार संजय जाधव, आमदार डॉ. राहुल पाटील, गटनेते दिलीप ठाकूर उपस्थित असणार आहेत. ठाकेरेंच्या शिवसेनेकडून सहा जणांनी महापौरपदासाठी अर्ज दाखल केला आहे.
परभणी महापालिकेतील संख्याबळ: एकूण जागा 65
शिवसेना ठाकरे : 25
काँग्रेस : 12
भाजप : 12
राष्ट्रवादी काँग्रेस : 11
जनसुराज्य शक्ती : 3
यशवंत सेना : 1
इतर : 1
ठाकरेंकडून कुणाचे अर्ज?
दिलिप ठाकूर
2. श्याम खोबे
3. सौ. प्रतिभा अतुल सरोदे
4. माजू लाला
5. सय्यद इकबाल
6. शाबुद्दिन सिद्दिकी
उपमहापौर
श्याम खोबे
काँग्रेसकडून महापौरपदासाठी कुणाचा अर्ज?
भगवान वाघमारे
2. गणेश देशमुख
3. गुलमिर खान
उपमहापौर
भगवान वाघमारे
2. गणेश देशमुख
3. गुलमिर खान
भाजपकडून महापौरपदासाठी अर्ज
सौ. मीनाताई सुरेश वरपुडकर
2. डॉ. केदार खटींग
3. सौ. तिरुमला खिल्लारे
4. रितेश झांबड
भाजप उपमहापौर पदासाठी अर्ज
सौ. तिरुमला खिल्लारे
2. विश्वजीत बुधवंत
ही बातमी वाचा:
महत्त्वाच्या बातम्या
