Maharashtra Weather Updates: राज्यभरात पावसाची 16 टक्के तूट; आता मान्सून कधी कोसळणार?, हवामान विभागाची A टू Z माहिती

नरेंद्र मोदींसोबत एक तास चर्चा, अर्धा तास महाराष्ट्राच्या दुष्काळाबाबत विचारलं; एकनाथ शिंदेंनी दिल्ली भेटीचा किस्सा सांगितला

पंकज क्षीरसागर, एबीपी माझा — Wed, 7 Oct 2026 15:53:42 +0530

परभणीत : राज्यातील दुष्काळी (Drought) परिस्थितीच्या पार्श्वभूमीवर सरकारमधील मंत्र्‍यांचे दौरे विविध जिल्ह्यात सुरू आहेत. उपमुख्यमंत्री एकनाथ शिंदे यांच्या हस्ते आज परभणीत सायकल आणि शिलाई मशीनचे वाटप करण्यात आले. पंतप्रधान नरेंद्र मोदी (Narendra modi) यांच्या कारकिर्दीस 25 वर्षे पूर्ण झाल्याच्या अनुषंगाने या कार्यक्रमाचे आयोजन करण्यात आले होते. यावेळी, बोलताना एकनाथ शिंदेंनी (Eknath Shinde) दिल्ली दौऱ्याची माहिती देत पंतप्रधान नरेंद्र मोदींसोबत एक तास चर्चा केली असून अर्धा तास दुष्काळाबाबतच बोलल्याचं त्यांनी म्हटलं.

मी एक महिन्यापूर्वी परभणीत आलो होतो, तेव्हाही याच पद्धतीने माझे लाकडे भाऊ आणि बहीणी आल्या होत्या, आजही आल्या आहेत. मागचा मेळावा वेगळा होता, आज दुष्काळ आहे याची जाणीव मला आहे. आज बळीराजाच्या मुलींना आणि माझ्या लाडक्या बहिणींना काही ना काही मदतीचा हात द्यायला हवं म्हणून मी संकल्प केला आहे. देशाचे पंतप्रधान नरेंद्र मोदी यांनी मला परवा एक तास वेळ दिला होता. त्या एक तासामधील अर्धा तास फक्त महाराष्ट्रातील दुष्काळावर चर्चा केली. शेतकरी, लाडक्या बहिणी आणि दुष्काळांची माहिती त्यांनी घेतल्याचं एकनाथ शिंदेंनी म्हटलं.

मी त्यांना सांगितले की, संकट मोठे आहे, पण शेतकऱ्यांना कधीही वाऱ्यावर सोडले नाही. मी मुख्यमंत्री होतो तेव्हाही अनेक नियम अटी बाजूला ठेवून मदत केली. आम्ही मुख्यमंत्री, उपमुख्यमंत्री बांधावर होतो, त्यांचे दुःख आम्ही जाणून घेतले, अनेक शेतकरी ओक्साबोक्शी रडत होते. पण मी त्यांना सांगितले आमचे सरकार ठामपणे तुमच्या पाठीशी आहे. सगळी चिंता सरकारने आपल्या डोक्यावर घेतली आहे, सरकारने दुष्काळ जाहीर केलाय असे एकनाथ शिंदेंनी परभणीतून म्हटले.

मोदींनी आश्वस्त केलं

एकनाथ शिंदे शेतकऱ्याचा पुत्र आहे, शेतकऱ्यांना कधीही वाऱ्यावर सोडणार नाही हा शब्द द्यायला आलोय.राज्यात जवळपास 80% भागात पीके करपली आहेत. या संपूर्ण दुष्काळ परिस्थितीत बळीराजा आपला अन्नदाता आहे. पंतप्रधान मोदींनी मला आश्वस्त केले आहे की, मै किसानों के साथ हूँ.. असेही शिंदेंनी सांगितले. मोदींनी शेतकऱ्यांसाठी कधीही हात आखडता घेतला नाही, मागच्या वर्षीही पावसामुळे प्रचंड नुकसान झाले होते, त्याहीवेळी आम्ही शेतकऱ्यांच्या मदतीला आलो, यंदाही आम्ही मदतीला आलो आहेत. त्यामुळे, बळीराजाची दिवाळी काळी होणार नाही असा माझ्या लाडक्या बहिणी आणि भावांना माझा शब्द आहे, अशा शब्दात एकनाथ शिंदेंनी दुष्काळग्रस्त शेतकऱ्यांना शब्द दिला आहे.

विशेष म्हणजे परभणीत भाषण सुरू असताना एकनाथ शिंदेंना घशाचा त्रास जाणवत होता, बोलताना वारंवार त्यांचा आवाज बसल्याचं पाहायला मिळालं. भाषणाच्या शेवटही एकनाथ शिंदे यांनी तसेच केले. दरम्यान, हिंगोलीतील फटाका आगीत मृत्युमुखी पडलेल्या 3 व्यक्तीच्या कुटुंबांना प्रत्येकी 5 लाखांची मदत शिवसेनेच्यावतीने एकनाथ शिंदे यांनी जाहीर केली.

हेही वाचा

नवनाथ बन उकीरडा बुद्धीचा माणूस, विवेकानंद पाटलांची बोचरी टीका, नवनाथ संप्रदायाचा उल्लेख करत दिलं चॅलेंज

साडेसोळा कोटींचा पूल उभारला, पण जोडरस्त्यासाठी जमीनच नाही! 4 वर्षांपासून अधिग्रहण रखडलं; परभणीत प्रशासनाचा अजब कारभार

पंकज क्षीरसागर, एबीपी माझा — Wed, 7 Oct 2026 13:43:16 +0530

Parbhani: कोट्यवधी रुपये खर्च करून पूल उभारला, मात्र त्या पुलाला जोडणाऱ्या रस्त्यासाठी आवश्यक जमीनच संपादित केली नाही. त्यामुळे तब्बल साडे सोळा कोटी रुपये खर्चून कशासाठी उभारला असा प्रश्न कायम आहे. परभणीच्या पूर्णा तालुक्यातील धानोरा काळे गावाजवळ गोदावरी नदीवर उभारण्यात आलेल्या पुलाचा हा प्रकार समोर आला आहे. पूल उभारून चार वर्षे उलटली, तरी जोडरस्त्यासाठी जमीन अधिग्रहणाची प्रक्रिया पूर्ण झालेली नाही. पुलाच्या दोन्ही बाजूंना जोडरस्ता तयार करण्याचा प्रश्न निर्माण झाला आहे. नवीन पुलासमोरच घरं आणि कब्रस्तान असल्याने या ठिकाणाहून रस्ता काढण्यासाठी जमीन अधिग्रहणाची गरज आहे. प्रशासनाकडून पर्यायी जागेचा विचार केला जात असला, तरी त्यालाही विरोध होत असल्याचं समोर आलं आहे.

साडे सोळा कोटींचा पूल, पण जोडरस्ताच नाही

परभणीच्या पूर्णा तालुक्यातील धानोरा काळे गावाजवळ गोदावरी नदीवर तब्बल साडे सोळा कोटी रुपये खर्च करून पूल उभारण्यात आला… मात्र या पुलाला जोडणाऱ्या रस्त्यासाठी आवश्यक जमीनच संपादित न केल्याने आता हा कोट्यवधींचा पूल असूनही वाहतुकीसाठी अडथळा ठरत आहे.२०२० मध्ये पुलाच्या कामाला सुरुवात झाली आणि पूल उभारण्यात आला. मात्र पूल उभारण्यापूर्वी जोडरस्त्यासाठी आवश्यक जमीन अधिग्रहित करण्याची प्रक्रिया पूर्ण करण्यात आली नाही. प्रशासनाच्या चुकीमुळे पुलाच्या दोन्ही बाजूंना जोडरस्ता निर्माण होऊ शकला नाही.विशेष म्हणजे, नवीन पुलासमोरच घरं आणि कब्रस्तान असल्याने या ठिकाणाहून रस्ता काढण्यासाठी जमीन अधिग्रहणाचा प्रश्न निर्माण झाला आहे. स्थानिकांकडून पर्यायी जागा देण्याची मागणी केली जात आहे; मात्र त्यालाही विरोध होत असल्याने पूल आणि रस्ता यांच्यातील दरी कायम आहे.

दोन भावांच्या जमिनीच्या मोबदल्यावरून वाद

जोडरस्त्यासाठी आवश्यक असलेल्या जमिनीच्या मोबदल्यावरून दोन भावांचा प्रश्न प्रलंबित असल्याची माहिती आहे. सार्वजनिक बांधकाम विभागाचे अभियंता देशपांडे यांनी येत्या दोन दिवसांत संबंधित गावकऱ्यांची भेट घेऊन जमीन अधिग्रहणाचा प्रश्न मार्गी लावण्याचं सांगितलं आहे.मात्र, स्थानिक शेतकऱ्यांचा आक्षेप वेगळा आहे. नदीकाठची जमीन बागायती असताना ती जिरायती दाखवून त्यानुसार मोबदला दिला जात असल्याचा आरोप शेतकऱ्यांनी केला आहे. त्यामुळे आम्हाला बागायती जमिनीचा योग्य मोबदला मिळावा, अशी त्यांची मागणी आहे.कोट्यवधी रुपये खर्च करून पूल उभारला, मात्र जोडरस्त्यासाठी जमीन अधिग्रहणाची प्रक्रिया आधीच पूर्ण न झाल्याने हा पूल सध्या असून अडचण नसून अडथळा ठरत असल्याचं चित्र आहे. त्यामुळे प्रशासन आता हा प्रश्न नेमका कसा सोडवतं आणि कोट्यवधींच्या पुलाचा प्रत्यक्ष वाहतुकीसाठी वापर कधी सुरू होतो, याकडे लक्ष लागलं आहे.

पाऊस नाही, पाणी नाही, सोयाबीनही गेलं! आता रब्बीत कमी पाण्यात कोणती पिकं घ्यायची? कृषी तज्ज्ञांचा महत्त्वाचा सल्ला

पंकज क्षीरसागर, एबीपी माझा, परभणी — Sun, 4 Oct 2026 11:03:16 +0530

Rabbi Crop production: मराठवाड्यात निर्माण झालेल्या भीषण दुष्काळी परिस्थितीमुळे (Drought)खरीप हंगामाचे मोठे नुकसान झाले आहे.आता रब्बी हंगामासमोरही पाण्याचे मोठे संकट उभे आहे. पावसाअभावी सोयाबीन (soybean) काढणीतून काहीच निघणार नसल्याने अनेक शेतकऱ्यांवर पिकावर रोटावेटर फिरवण्याची वेळ आली आहे. दुसरीकडे सोयाबीन बाजारात येण्याआधीच त्याचे दर कमी झाले आहेत. त्यामुळे आता रब्बी हंगामात (Rabbi) शेतकऱ्यांनी उपलब्ध पाण्याचा अंदाज घेऊनच पीक नियोजन करावे, असा सल्ला वसंतराव नाईक मराठवाडा कृषी विद्यापीठाच्या तज्ज्ञांनी दिला आहे.

रब्बी हंगामात कमी पाण्यात चारा आणि उत्पन्नासाठी कोणती पिके घ्यावीत?

नेमके शेतकऱ्यांनी कमी पाण्यात चारा आणि उत्पन्नासाठी कोणती पिके घ्यावीत याबाबत परभणीच्या वसंतराव नाईक मराठवाडा कृषी विद्यापीठाच्या हवामान शास्त्र विभाग प्रमुख डॉ कैलास डाखोरे यांनी 'एबीपी माझा'ला सांगितले आहे. ते म्हणाले, " सध्या मराठवाड्यात पाण्याची उपलब्धता हा रब्बी पीक निवडीचा मुख्य निकष असणार आहे.ज्या शेतकऱ्यांकडे मर्यादित पाणी उपलब्ध आहे,त्यांनी रब्बी ज्वारी,बाजरी,करडई आणि हरभरा यांसारख्या पिकांचा विचार करावा.विद्यापीठाच्या सध्याच्या कृषी हवामान सल्ल्यानुसार पाण्याची उपलब्धता असल्यास रब्बी ज्वारी, करडई,बाजरी आणि हरभऱ्याची पेरणी करता येऊ शकते. कोरडवाहू हरभरा आणि करडईसाठी जमिनीतील उपलब्ध ओलावा महत्त्वाचा ठरणार आहे."

राज्यातील मोठ्या भागात दुष्काळ (Drought) सदृश्य स्थिती निर्माण झाली असून त्याचा थेट फटका आता शेतकऱ्यांना बसतो आहे. मोठ्या कष्टानं पिकवलेली पिकं पाण्याअभावी करपून गेली आहे. तर दुष्काळाचं सावट आगामी काळात अधिक तीव्र होण्याची शक्यता आहे.

रब्बी हंगामात कमी पाण्यात चारा आणि उत्पन्नासाठी कोणती पिके घ्यावीत?

काही महिन्यात भीषण चारा टंचाई होण्याचीही शक्यता आहे. वर्षानुवर्षे पोसलेले जनावरे या संकटात कशी जगवायची असा प्रश्न शेतकऱ्यांसमोर उभा ठाकला आहे. या पार्श्वभूमीवर, वसंतराव नाईक मराठवाडा कृषी विद्यापीठाने चारा टंचाईच्या बाबतीत काही महत्त्वाच्या सूचना केल्या आहेत. मराठवाड्याच्या अनेक भागामध्ये कमी पाऊस झाल्यामुळे भविष्यात पशुधनासाठी चारा टंचाई भासू शकते. यासाठी रब्बी हंगामामध्ये ज्वारीसारखे पीक घेऊन कडबा उत्पादन करणे गरजेचे आहे. रब्बी ज्वारी पिकाच्या पेरणीसाठी पूर्व मशागतीची कामे करून घ्यावीत व पाण्याची उपलब्धता असल्यास रब्बी ज्वारी पिकाची पेरणी करून घ्यावी. रब्बी ज्वारी पिकाची पेरणी ऑक्टोबर महिन्याच्या पहिल्या पंधरवड्यात (१ ते १५ ऑक्टोबर) करावी. असेही तज्ञ समितीने केलेल्या शिफारशीत म्हटले आहे.

धक्कादायक! परमिट घेतलं तरही वीजपुरवठा सुरुच, युवकाचा जागीच मृत्यू, मृतदेह महावितरण कार्यालयात आणत ग्रामस्थांचा ठिय्या

पंकज क्षीरसागर, एबीपी माझा — Fri, 2 Oct 2026 16:38:14 +0530

Parbhani : परभणी जिल्ह्यात धक्कादायक घटना घडली आहे. पाथरीतील रेणापुरात युवकाचा विजेच्या धक्क्याने मृत्यू झाल्याची घटना घडली आहे. परमिट घेतल्यानंतरही वीजप्रवाह सुरूच राहिल्याने युवकाचा मृत्यू झाला आहे. मृतदेह महावितरण कार्यालयात आणत ग्रामस्थांनी ठिय्या आंदोलन सुरू केले आहे. दरम्यान यावेळी ग्रामस्थांनी आर्थिक मदत आणि गुन्हा दाखल करण्याची मागणी केली आहे. दरम्यान, या घटनेमुलं परिसरात ङळहळ व्यक्त केली जात आहे.

परमिट घेऊन वीजपुरवठा बंद असल्याची खात्री केल्यानंतर घडली घटना

परमिट घेऊन वीजपुरवठा बंद असल्याची खात्री केल्यानंतर कृषी वाहिनीवरील रोहित्राच्या दुरुस्तीचे काम करण्यासाठी गेलेल्या 36 वर्षीय युवकाचा विजेच्या धक्क्याने जागीच मृत्यू झाला. पाथरी तालुक्यातील रेणापुर शिवारात ही धक्कादायक घटना घडली. ञानेश्वर गोरे हे रेणापुर शिवारातील कृषी वाहिनीच्या रोहित्रावर दुरुस्तीचे काम करण्यासाठी गेले होते. दुरुस्तीच्या कामासाठी स्थानिक 33 केव्ही उपकेंद्राकडून आवश्यक परमिट घेण्यात आले होते, असा दावा ग्रामस्थांनी केला आहे. मात्र,गोरे रोहित्रावर काम करत असतानाच अचानक विद्युतप्रवाह सुरू झाला.यात त्यांना जोरदार विजेचा धक्का बसला आणि त्यांचा जागीच मृत्यू झाला. दरम्यान, या घटनेनंतर पाथरीतील रेणापुरमधील ग्रामस्थ मोठ्या प्रमाणात आक्रमक झाल्याचे चित्र पाहायला मिळाले. त्यांनी महावितरणवर गंभीर आरोप केले आहेत. उपकेंद्राकडून आवश्यक परमिट घेण्यात आले होते, असी माहिती ग्रामस्थांनी दिली आहे. तरीदेखील वीजपुरवटा सुरु कसा? असा सवाल ग्रामस्थांनी उपस्थित केला आे.

मृतदेह रुग्णवाहिकेतून थेट पाथरी येथील महावितरणच्या उपकार्यकारी अभियंता कार्यालयात आणला

घटनेनंतर संतप्त ग्रामस्थांनी ज्ञानेश्वर गोरे यांचा मृतदेह रुग्णवाहिकेतून थेट पाथरी येथील महावितरणच्या उपकार्यकारी अभियंता कार्यालयाच्या परिसरात आणला. मृताच्या कुटुंबीयांना तातडीने आर्थिक मदत द्यावी आणि घटनेस जबाबदार असलेल्या लाईनमनसह संबंधितांवर गुन्हे दाखल करावेत, अशी मागणी ग्रामस्थांनी केली आहे.मागण्या मान्य होईपर्यंत मृतदेह कार्यालय परिसरातून हलवणार नाही, तसेच गरज पडल्यास याच ठिकाणी अंत्यविधी करण्याचा इशाराही ग्रामस्थांनी दिला आहे.

Maharashtra Drought : सरकारकडून दुष्काळ जाहीर, पण प्रत्यक्षात मदत द्यायला वेळ लागणार; राज्याच्या मंत्र्याचे वक्तव्य, विरोधकांची टीका

एबीपी माझा ब्युरो — Sat, 26 Sep 2026 17:25:24 +0530

मुंबई : राज्य सरकारने शेतकऱ्यांच्या दृष्टीने महत्त्वाचा निर्णय घेत राज्यातील 265 तालुक्यांमध्ये दुष्काळ जाहीर केला आहे. राज्यातील एकूण 358 तालुक्यांपैकी 265 तालुक्यांमध्ये म्हणजेच 75 टक्के महाराष्ट्रात दुष्काळ घोषित करण्यात आला आहे. मात्र, या निर्णयानंतर प्रत्यक्ष मदत मिळण्यास वेळ लागणार असल्याचे वक्तव्य राज्याचे सहकार मंत्री बाबासाहेब पाटील यांनी परभणी येथे केल्याने नवीन वाद निर्माण होण्याची शक्यता आहे. या वक्तव्यावरून विरोधकांनी राज्य सरकारवर जोरदार टीका केली आहे.

दुसरीकडे, मदत आणि पुनर्वसन मंत्री मकरंद पाटील यांनी स्पष्ट केले आहे की, नुकसानभरपाईचे पंचनामे पूर्ण झाल्यानंतर सरकार दिवाळीपूर्वी डीबीटी (DBT) द्वारे शेतकऱ्यांच्या खात्यावर थेट आर्थिक मदत जमा करण्याचे नियोजन करत आहे.

Minister Babasaheb Patil On Drought : सहकार मंत्र्यांचे वक्तव्य काय?

सहकार मंत्री बाबासाहेब पाटील यांनी परभणीतील पाथरी येथे बोलताना सांगितले की, "राज्यात याआधी कधीही पाहिला नाही असा भीषण दुष्काळ यंदा आहे. विद्यार्थ्यांची फी, टँकरची मागणी, वीज बिल यासह सर्व प्रकारची मदत केली जाईल. एकही शेतकरी वंचित राहणार नाही, मात्र प्रत्यक्ष मदत वितरणात काही तांत्रिक अडचणी असल्याने थोडा वेळ लागेल."

या वक्तव्यावर ठाकरेंच्या शिवसेनेचे आमदार आदित्य ठाकरे यांनी कडक शब्दांत टीका केली. "मंत्री मदत उशिरा मिळेल असे म्हणत असतील तर ही शेतकऱ्यांची क्रूर थट्टा आहे. मुख्यमंत्र्यांनी यावर स्पष्टीकरण दिले पाहिजे. सॅटेलाइटमधून शेतकऱ्यांच्या वेदना दिसणार नाहीत, त्यामुळे कागदी उपाययोजना न करता तातडीने प्रत्यक्ष मदत द्या," अशी मागणी आदित्य ठाकरे यांनी केली आहे.

Taluka Wise Drought List : कोणत्या विभागात किती तालुक्यांचा समावेश?

'ट्रिगर-1' लागू झालेल्या 265 तालुक्यांची महसूल विभागनिहाय आकडेवारी खालीलप्रमाणे आहे,

छत्रपती संभाजीनगर विभाग : सर्वाधिक 74 तालुक्यांमध्ये दुष्काळ जाहीर झाला आहे. यात जालना, बीड, लातूर, धाराशिव, नांदेड, परभणी आणि हिंगोली जिल्ह्यांचा समावेश आहे.

अमरावती विभाग : बुलढाणा, अमरावती, अकोला, वाशिम आणि यवतमाळ जिल्ह्यांतील एकूण 56 तालुक्यांचा समावेश आहे.

नाशिक विभाग : नाशिक, धुळे, जळगाव, नंदुरबार आणि अहिल्यानगर जिल्ह्यांतील 49 तालुक्यांचा समावेश आहे.

नागपूर विभाग : वर्धा, नागपूर, भंडारा, गोंदिया, चंद्रपूर आणि गडचिरोली जिल्ह्यांतील 39 तालुक्यांचा समावेश आहे.

पुणे विभाग : पुणे, सोलापूर, सांगली, सातारा आणि कोल्हापूर जिल्ह्यांतील 35 तालुक्यांचा समावेश आहे.

ठाणे महसूल विभाग : एकूण 12 तालुक्यांचा समावेश असून, यामध्ये रायगड (श्रीवर्धन), रत्नागिरी (रत्नागिरी, संगमेश्वर, राजापूर) आणि सिंधुदुर्ग (सावंतवाडी, दोडामार्ग, कणकवली, कुडाळ, वैभववाडी, मालवण, देवगड, वेंगुर्ला) यांचा समावेश आहे. ठाणे व पालघर जिल्ह्यांतील एकाही तालुक्याचा यात समावेश नाही.

Maharashtra Drought Relief Measures : काय आहेत दुष्काळातील 12 उपाययोजना?

सरकारकडून दुष्काळी भागात 12 प्रकारच्या सवलती लागू करण्यात आल्या आहेत. यामध्ये खालील प्रमुख उपाययोजनांचा समावेश आहे,

पिण्याच्या पाण्यासाठी तातडीने टँकरची व्यवस्था करणे.

जनावरांसाठी चारा छावण्या उभारणे आणि चारा पोहोचवणे.

शेतकऱ्यांचे वीज बिल आणि शैक्षणिक फी माफ करणे.

'मनरेगा' अंतर्गत रोहयोची कामे उपलब्ध करून देणे.

डीबीटी (DBT) द्वारे नुकसानभरपाईचा निधी थेट शेतकरी खात्यात वर्ग करणे.

ही बातमी वाचा:

Maharashtra Drought : राज्यातील 265 तालुक्यात दुष्काळ जाहीर, ट्रिगर 1 दुष्काळ म्हणजे नेमकं काय? त्यामुळे शेतकऱ्यांना नेमकी काय मदत होणार?

मग मुख्यमंत्र्यांनाच बांधावर पाठवा, रोहित पवार मंत्र्यांवर संतापले; आमदार देशमुख निवासी जिल्हाधिकाऱ्यांवर भडकले

पंकज क्षीरसागर, एबीपी माझा — Mon, 21 Sep 2026 18:51:48 +0530

परभणी : राज्यात एकीकडे पावसाने गेल्या महिनाभरापासून दडी मारल्याने शेतकरी (Farmers) हवालदील झाला आहे. शेतातील पीकं वाळून गेली असून काही जिल्ह्यात शेतकऱ्यांनी चक्का पिकांवर नांगरणी केलीय, रोटावेटर फिरवल्याचं चित्र पाहायला मिळत आहे. दुसरीकडे राज्यातील मंत्र्‍यांचे दुष्काळ पाहणी दौरे सुरू झाले असून बांधावर जाऊन शेतकऱ्यांशी संवाद साधला जात आहे. मात्र, अद्यापही शासनाकडून दुष्काळ निधी किंवा दुष्काळ जाहीर करण्यात आला नाही. तर, 5 ऑक्टोबरपर्यंत थांबावे, सर्वेक्षण सुरू आहे, असे शासनाकडून सांगितले जाते. त्यावरुन, आता आमदार रोहित पवार (rohit Pawar) यांनी सरकारवर टीका केली. दुसरीकडे प्रशासकीय अधिकारी उपलब्ध नसल्याने आमदार नितीन देशमुख (Nitin Deshmukh) यांनीही संताप व्यक्त केलाय.

मंत्र्यांकडे निर्णय घेण्याचीच क्षमता नसेल, तर मग तुम्ही शेतकऱ्यांच्या बांधावर फिरता कशाला? मुख्यमंत्र्यांनाच बांधावर पाठवा आणि निर्णय घ्यायला सांगा, अशा शब्दांत आमदार रोहित पवार यांनी राज्य सरकारमधील मंत्री आणि राज्यमंत्र्यांवर जोरदार निशाणा साधला आहे. परभणी जिल्ह्यातील शेतकऱ्यांच्या नुकसानीची पाहणी करण्यासाठी बांधावर गेलेल्या रोहित पवारांनी सरकारच्या मदत प्रक्रियेवरही सवाल उपस्थित केले. शेतकरी मंत्र्यांना किती मदत मिळणार, असा प्रश्न विचारतात; मात्र मंत्री ‘मुख्यमंत्र्यांशी बोलतो, त्यांच्याकडून निर्णय घेऊ’ असं सांगतात. त्यामुळे निर्णयच मुख्यमंत्र्यांना घ्यायचा असेल, तर मंत्री आणि राज्यमंत्री शेतकऱ्यांच्या बांधावर येतात कशासाठी, असा सवाल रोहित पवार यांनी केला. मुख्यमंत्री देवेंद्र फडणवीस यांनाच थेट शेतकऱ्यांच्या बांधावर आणा आणि त्यांनीच शेतकऱ्यांच्या मदतीबाबत निर्णय घ्यावा, अशी मागणीही त्यांनी केली.

मंत्रालयात मंत्री आणि राज्यमंत्री मुख्यमंत्र्यांना भेटण्यासाठी जातात, निवेदन देतात; मात्र मुख्यमंत्र्यांना त्यांच्याकडे ढुंकून पाहायलाही वेळ नाही, असा दावा करत त्यांनी सरकारमधील मंत्र्यांच्या निर्णयक्षमतेवरच प्रश्नचिन्ह उपस्थित केलं. दरम्यान, दुष्काळ आणि पावसामुळे संकटात सापडलेल्या शेतकऱ्यांसाठी तातडीने हेक्टरी ५० हजार रुपयांची मदत द्यावी, अशी मागणी रोहित पवार यांनी केली. मागील वर्षाचा प्रलंबित पीकविमा आणि यंदाचा पीकविमाही शेतकऱ्यांना पूर्णपणे मिळावा, जनावरांसाठी चारा छावण्या सुरू कराव्यात, चाऱ्याची उपलब्धता करावी आणि पिण्याच्या पाण्याचा प्रश्नही तातडीने सोडवावा, अशी मागणी रोहित पवारांनी केली.

बंडू जाधव नेमकं कोणाचा विकास करणार?

खासदार संजय जाधव यांना शेतकऱ्यांचे प्रश्न सोडवण्यापेक्षा काजू-बदाम खाण्यात अधिक रस असल्याचं दिसतंय, असा टोला त्यांनी लगावला. काजू-बदाम खाल्ल्याने बुद्धी तल्लख होते असं म्हणतात. आता ते खाल्ल्यानंतर तरी खासदारांची बुद्धी तल्लख होऊन त्यांनी शेतकऱ्यांच्या प्रश्नांसाठी प्रयत्न करावेत, असा उपरोधिक टोला रोहित पवारांनी संजय जाधवांना लगावला. संजय जाधव यांनी उद्धव ठाकरे यांची साथ सोडून शिंदे गटात प्रवेश करताना ‘विकासासाठी जात आहे’ असं सांगितलं होतं, असा संदर्भ देत रोहित पवारांनी त्यांच्यावर आणखी टीका केली. विकासासाठी सत्तेत गेलो म्हणत असताना नेमका कोणाचा विकास करणार, परभणीच्या जनतेचा की स्वतःचा हे मात्र त्यांनी सांगितलं नव्हतं. आता त्यांच्या भूमिकेकडे पाहता ते स्वतःच्या विकासासाठी गेले असावेत, असं आम्हाला वाटतं, असा दावा रोहित पवारांनी केला.

आमदार देशमुख निवासी उपजिल्हाधिकाऱ्यांवर भडकले

वाशिमचे निवासी उपजिल्हाधिकारी ऑन ड्युटी जेवायला गेल्याने शिवसेना कार्यकर्त्यांनी संताप व्यक्त केला. वाशिम शहरातील दुष्काळ जनआक्रोश मोर्चा नंतर ठाकरेंच्या शिवसेनेचे कार्यकर्ते जिल्हाधिकाऱ्यांना निवेदन देण्यासाठी गेले असताना अधिकारी उपस्थित नसल्यानं काही काळ तणाव पाहायला मिळाला. हजारो शेतकऱ्यांनी जिल्हाधिकारी कार्यालयावर मोर्चा काढला असतांना अधिकारी मात्र कार्यालयात नसल्यानं संताप व्यक्त करण्यात आला. शेतकरी संकटात असतांना अधिकारी संवेदनशील नसल्याचा आरोप आमदार देशमुख यांनी केला. अखेर निवासी उपजिल्हाधिकारी विश्वनाथ घुगे यांनी दिलगिरी व्यक्त केली.

हेही वाचा

... तर राज्यात दुष्काळच पडला नसता; शरद पवारांचा दुष्काळी दौरा, पत्रकारांच्या प्रश्नावर मंत्री जयकुमार गोरेंची टीका

Maharashtra Weather Updates: मराठवाड्यात दीड महिन्यांच्या विश्रांतीनंतर पावसाच्या हलक्या सरी; परभणी, लातूर, हिंगोली, धाराशिव आणि जालनामध्ये मान्सूनची हजेरी

मुकेश चव्हाण — Fri, 18 Sep 2026 07:51:23 +0530

Maharashtra Weather Updates: मराठवाड्यात गेल्या दीड महिन्यांच्या विश्रांतीनंतर पावसाच्या हलक्या सरी कोसळल्या. पावसाच्या आगमनामुळे शेतकरी सुखावला आहे. परभणी, लातूर, हिंगोली, धाराशिव आणि जालनामध्ये पावसाची हजेरी पाहायला मिळाली. (Marathwada Rain Updates)

परभणीत जवळपास 40 दिवसानंतर पावसाची हजेरी- (Rain In Parbhani)

परभणी जिल्ह्यात तब्बल जवळपास 40 दिवसांच्या प्रतीक्षेनंतर अखेर पावसाने हजेरी लावली आहे. पहाटेपासून परभणी शहरासह जिल्ह्यातील विविध भागांत संततधार पाऊस सुरू असून, दीर्घ प्रतीक्षेनंतर झालेल्या या पावसामुळे वातावरणात मोठा बदल झाला आहे. गेल्या अनेक दिवसांपासून पावसाने दडी मारल्याने जिल्ह्यातील खरीप पिक हातून गेली आहेत. काही भागात सोयाबीन, कापूस, तूर यासह विविध पिकांना पाण्याची मोठी गरज होती अशातच आज पहाटेपासून सुरू झालेल्या पावसामुळे शेतकऱ्यांच्या आशा पुन्हा पल्लवित झाल्या आहेत. संततधार पावसामुळे जमिनीतील ओलावा वाढण्यास मदत होणार असून, पिकांना या पावसाचा कितपत फायदा होतो, हे आगामी काही तासांतील पावसाच्या प्रमाणावर अवलंबून असणार आहे. मात्र सध्या तरी जवळपास 40 दिवसांनंतर पाऊस झाल्याने सर्वसामान्य परभणीकर सुखावला आहे.

लातूर शहर आणि परिसरात दीड महिन्याच्या मोठ्या खंडानंतर अखेर पावसाची हजेरी- (Rain In Latur)

लातूर शहर आणि परिसरात दीड महिन्याच्या मोठ्या खंडानंतर अखेर पावसाने हजेरी लावली. रात्री दीड वाजल्यानंतर ढगांच्या गडगडाटासह हलक्या ते मध्यम स्वरूपाच्या पावसाच्या सरी बरसत आहेत. पावसामुळे वातावरणात गारवा निर्माण झाला असून, उकाड्याने हैराण झालेल्या लातूरकरांना काहीसा दिलासा मिळाला आहे. मागील काही दिवसांपासून लातूर जिल्ह्यात प्रचंड उकाडा जाणवत होता. वाढत्या उन्हामुळे नागरिक त्रस्त झाले होते. अशातच मध्यरात्रीनंतर सुरू झालेल्या पावसाने वातावरण बदलून टाकले आहे. जोरदार वारे आणि ढगांच्या गडगडाटासह पाऊस सुरू असल्याने शहरातील अनेक भागांतील वीजपुरवठा खंडित झाला आहे.

हिंगोली जिल्ह्यातही वादळी वाऱ्यासह पाऊस- (Rain In Hingoli)

हिंगोली जिल्ह्यात गेल्या दीड महिन्यापासून पावसाने दडी मारल्याने शेतकऱ्यांच्या डोळ्यात चिंतेचं पाणी होतं. मात्र गणरायाच्या आगमनासोबतच वरुणराजानेही हजेरी लावल्याने शेतकऱ्यांना मोठा दिलासा मिळाला आहे. रात्रीपासून हिंगोली जिल्ह्यात अनेक भागांत जोरदार पावसाने हजेरी लावली आहे.विजांचा कडकडाट आणि वादळी वाऱ्यासह बरसणाऱ्या या पावसामुळे कोमेजून गेलेल्या खरीप पिकांना जिवदान मिळण्याची आशा निर्माण झाली आहे. गेल्या दीड महिन्यापासून पाऊस नसल्याने सर्वाधिक फटका सोयाबीन पिकाला बसला होता. अनेक ठिकाणी पिकं माना टाकत होती, तर शेतकरी आभाळाकडे डोळे लावून बसला होता. अशातच रात्रीपासून सुरू झालेल्या पावसाने शेतकऱ्यांच्या चेहऱ्यावर पुन्हा आनंद आणला आहे. ज्या पावसाची शेतकरी आतुरतेने वाट पाहत होता तोच पाऊस अखेर बरसला. त्यामुळे पिकांना काही प्रमाणात का होईना नवसंजीवनी मिळण्याची शक्यता आहे.

धाराशिवसह परिसरात मध्यरात्री हलक्या स्वरूपाचा पाऊस- (Rain In Dharashiv)

धाराशिवमध्ये गेल्या दीड महिन्याहून अधिक काळापासून जमीन पावसाच्या एका थेंबासाठी तहानलेली आहे.तर शेतकरीही चातकाप्रमाणे पावसाची वाट पाहत आहे. मात्र गौराईचं आगमन झालं आणि तिच्यासह पावसाचंही आगमन झालं. मध्यरात्री हलक्या स्वरूपाच्या सरी जिल्ह्यामध्ये बरसल्या. जमिनीची तहान मोठी आहे आणि पडलेला पाऊस अतिशय तुटपुंजा आहे. या पावसानं ती तहान भागली जाणार नाही. मात्र पूर्णपणे पाठ फिरवलेल्या पावसाचे गौराईसह आगमन झाल्याने शेतकऱ्यांमध्ये काहीसे समाधानाचे संकेत आहेत. पुढील काळात मोठा पाऊस होऊन दुष्काळ धुवून निघावा अशी भावना शेतकऱ्यांमध्ये आहे. मध्यरात्री हलक्या स्वरूपाच्या सरी बरसल्या. शेतकरी चातकाप्रमाणे चांगल्या पावसाची वाट पाहत आहे.

जालना शहर आणि परिसरात दमदार पाऊस- (Rain In Jalna)

जालना शहर आणि परिसरात जोरदार पावसाला सुरुवात झाली असून. अनेक दिवसांच्या खंडानंतर जालन्यात दमदार पावसाच आगमन झाला. काल सकाळपासूनच शहर आणि परिसरात ढगाळ वातावरण होते. एक तासापासून जालना शहर आणि परिसरात जोरदार पाऊस बरसलेला पाहायला मिळतोय. जालना तालुक्यासह अंबड तालुक्यातील अनेक गावांमध्येही पावसाने हजेरी लावली आहे. पावसाअभावी रानातील पिक करपू लागल्याने शेतकरी चिंतेत होते. त्यामुळे आज झालेल्या या पावसामुळे पिकांना काही प्रमाणात का होईना दिलासा मिळण्याची शक्यता आहे.

राज्यासह देश-विदेशातील महत्वाच्या घडामोडी, VIDEO:

Maratha Reservation : परभणीत मराठा आरक्षणासाठी‎ शेतकऱ्यानं संपवलं जीवन; शेतात गेले, झाडाला दोर बांधली अन्..., शेवटच्या चिट्ठीत लिहलं, 'जरांगे उपोषणाला बसले असूनही मराठा आरक्षणाचा प्रश्न...'

पंकज क्षीरसागर, एबीपी माझा, परभणी — Tue, 15 Sep 2026 09:37:15 +0530

परभणी : एकीकडे मराठा आरक्षणाच्या मागणीसाठी आंदोलक मनोज जरांगे गेल्या अठरा दिवसांपासून अंतरवाली सराटीमध्ये उपोषण करत आहेत. तर दुसरीकडे, मराठा आरक्षणाचा (Parbhani Maratha Reservation) प्रश्न अद्याप मार्गी लागत नसल्याने नैराश्यातून पूर्णा तालुक्यातील सुहागन येथील एका मराठा बांधवाने आत्महत्या (Parbhani Maratha Reservation) केल्याची धक्कादायक घटना समोर आली आहे. गणेश साहेबराव भोसले असे मृत व्यक्तीचे नाव आहे. या घटनेमुळे पूर्णा तालुक्यासह संपूर्ण परभणी जिल्ह्यात खळबळ उडाली आहे. या घटनेनंतर ठाकरे सेनेचे आमदार राहुल पाटील तसेच शिंदे सेनेचे खासदार संजय जाधव यांनी भोसले कुटुंबीयांची भेट घेवून सांत्वन केले आहे. (Parbhani Maratha Reservation)

मनोज जरांगे पाटील यांच्या नेतृत्वाखाली मराठा आरक्षणाच्या मागणीसाठी गेल्या अनेक वर्षांपासून आंदोलने आणि उपोषणे सुरू आहेत. सध्या देखील आरक्षणाच्या मागणीसाठी आंदोलन सुरू असताना सरकारकडून ठोस निर्णय होत नसल्याने गणेश भोसले हे चिंतेत आणि नैराश्यात असल्याचे सांगण्यात येत आहे. रविवारी गणेश भोसले यांनी आपल्या शेतातील आखाड्याजवळील लिंबाच्या झाडाला गळफास घेऊन आत्महत्या केली. घटनेची माहिती मिळताच पोलिसांनी घटनास्थळी धाव घेत पंचनामा केला. यावेळी गणेश भोसले यांच्या खिशात एक चिठ्ठी आढळून आली. या चिठ्ठीत मनोज जरांगे पाटील उपोषणाला बसले असूनही मराठा आरक्षणाचा प्रश्न सुटत नसल्याने आपण आत्महत्या करत असल्याचा मजकूर असल्याचे पोलिसांकडून सांगण्यात आले आहे. (Parbhani Maratha Reservation)

या प्रकरणी मृताचा मेहूणा विनोद देवरे यांच्या फिर्यादीवरून पूर्णा पोलिस ठाण्यात घटनेची नोंद करण्यात आली आहे. पोलिस निरीक्षक सचिन बेंद्रे यांच्या मार्गदर्शनाखाली पुढील तपास सुरू आहे. गणेश भोसले यांच्या पश्चात पत्नी आणि दोन लहान मुली असा परिवार आहे. सोमवारी, १४ सप्टेंबर रोजी सुहागन येथे शोकाकुल वातावरणात त्यांच्या पार्थिवावर अंत्यसंस्कार करण्यात आले. दरम्यान, मराठा आरक्षणाच्या प्रश्नावर आणखी किती बळी जाण्याची सरकार वाट पाहणार? असा संतप्त सवाल गावकरी आणि मराठा समाजातील बांधवांकडून उपस्थित केला जात आहे. गणेश भोसले यांच्या आत्महत्येमुळे मराठा समाजात शोककळा पसरली असून सरकारच्या भूमिकेविरोधात संताप व्यक्त केला जात आहे. (Parbhani Maratha Reservation)

Manoj Jarange Patil : मनोज जरांगेंच्यावतीनं मुंबईतील आंदोलनासाठी तिसऱ्यांदा अर्ज दाखल

मराठा आंदोलनकर्ते मनोज जरांगे पाटील (Manoj Jarange Patil) उपोषणाचा आजचा 18 वा दिवस आहे. मनोज जरांगे आज (15 सप्टेंबर) सकाळी 11 वाजण्याच्या सुमारास आपल्या काही मोजक्या समर्थकांसह अंतरवाली सराटीतून मुंबईच्या दिशेने रवाना (Manoj Jarange Patil Mumbai Morcha) होणार आहेत. मनोज जरांगेंच्या मुंबईतील आंदोलनाला मुंबई पोलिसांनी पुन्हा परवानगी नाकारली असून रविवारी परवानागी नाकारण्यात आल्यानंतर मनोज जरांगेंच्यावतीनं तिसऱ्यांदा अर्ज दाखल करण्यात आला आहे. मनोज जरांगे यांनी मुंबई पोलिसांकडे पुन्हा अर्ज केला आहे. 50 लोकांना आंदोलन करण्याची परवानगी द्यावी अशी मागणी मनोज जरांगेंच्या अर्जात केली आहे. आम्ही सगळ्या नियम आणि अटी पाळू, १८ तारखेला दिलेल्या वेळेत आम्ही आंदोलन करू, असंही नव्या पत्रात नमूद करण्यात आलं आहे. जर आज दुपार पर्यंत परवानगी दिली नाही तर मनोज जरांगे दुपारी कोर्टात अर्ज दाखल करणार असल्याची माहिती समोर आली आहे. तर आज केलेल्या या अर्जावरती पोलिस जरांगेंना आंदोलनाला परवानगी देणार की नाही याकडे सर्वांचं लक्ष लागलं आहे.(Manoj Jarange Patil Mumbai Morcha)

Maharashtra Drought : दुष्काळाची दाहकता! पावसाअभावी पोळ्याच्या दिवशी बळीराजाच्या डोळ्यात अश्रू; विदर्भ, मराठवाड्यासह राज्यातील बळीराजा पुन्हा संकटात

एबीपी माझा वेब टीम — Thu, 10 Sep 2026 08:25:22 +0530

Maharashtra Drought : पावसाचे महत्वाचे तीन महिने उलटले असले तरी राज्यातील बहुतांश भागात अद्याप आभाळाने पाठ फिरवली असल्याचे भयावह चित्र आहे. शेतकऱ्याने बी पेरलं, पण पावसाने साथ सोडली आणि ज्या शिवारात आता हिरवळ असायला हवी होती, तिथे आता जमिन दुष्काळाने (Severity Drought) भेगाळेलेली दिसतेय. मराठवाडा (Marathwada), विदर्भ (Vidarbha) पुन्हा एकदा पाण्यासाठी आसुसलाय. अशातच आता कृत्रिम पावसाची मागणी जोर धरतेय. पण त्यालाही मर्यादा आहेत. आता या संकटाच्या काळात बळीराजाला सरकार आधार देणार का? याकडे राज्यातील शेतकऱ्यांच्या (Farmers) नजरा लागल्या आहे. तरसप्टेंबरचा पहिला आठवडा संपला. पावसाळ्याच तीन महिने सरले. पण राज्याच्या अनेक भागांमध्ये पावसाने अपेक्षित हजेरी लावली नाही. विशेषतः मराठवाडा, विदर्भ (Vidarbha) , सोलापूरसह राज्यातील अनेक भागांवर दुष्काळाचे गंभीर सावट निर्माण झालंय.

दरम्यान, ऑगस्टपासून पावसाने दिलेली मोठी ओढ आता शेतकऱ्यांच्या काळजावर घाव घालू लागलीय. सोयाबीन, कापूस, मका, बाजरीसह ज्या पिकांवर शेतकऱ्याचं वर्षभराचं गणित अवलंबून असतं, तीच पिकं आता पाण्याअभावी माना टाकू लागली आहेत. पेरणीसाठी पैसा खर्च झाला, बियाणं, खतं घेतली, त्यासाठी कर्जही काढलं. पण आता पिकच हातातून गेलं, तर हे कर्ज कोण फेडणार? परिस्थिती इतकी गंभीर आहे की मोठ्या जलाशयांमधील पाणीसाठाही चिंताजनक पातळीवर पोहोचलीय. परिणामी शेजारील कर्नाटकने संभाव्य दुष्काळी परिस्थितीवर मात करण्यासाठी क्लाऊड सीडिंग अर्थात कृत्रिम पावसाच्या प्रयोगाला सुरुवात केलीय. त्यामुळे महाराष्ट्रातही अशीच मागणी जोर धरतेय.

Maharashtra Drought Pola Festival : शेतकऱ्यांच्या पाठीशी पुन्हा संकट! पोळ्याच्या दिवशी बळीराजाच्या डोळ्यात अश्रू

राज्यात आज सगळीकडं बैलपोळा सण उत्साहात साजरा होत आहे. वर्षभर राबणाऱ्या सर्जा-राजाप्रती कृतज्ञता व्यक्त करण्याचा हा दिवस असताना, भंडारा जिल्ह्यातील बळीराजा मात्र चिंतेच्या आणि हतबलतेच्या छायेखाली वावरत आहे. जिल्ह्यातील शेतकऱ्यांच्या डोळ्यात आनंदाच्या नव्हे, तर पिकावरील संकटांमुळं अश्रू तरळले आहेत. भंडारा हा राज्यभरात प्रामुख्यानं भात उत्पादक जिल्हा म्हणून ओळखला जातो. यंदाच्या हंगामाच्या सुरुवातीलाचं 'एल निनो'चा जोरदार फटका बसला. पावसानं सुरुवातीला पाठ दिल्यानं भाताची नर्सरी (रोपे) वाचवण्यासाठी शेतकऱ्यांना अतोनात कसरत करावी लागली. अनेक भागात तर टँकरद्वारे पाण्याचा पुरवठा करून रोपे जगवावी लागली, अशी विदारक परिस्थिती भंडारा जिल्ह्यात पाहायला मिळाली. यानंतर उशिरा का होईना, पाऊस आल्यानं शेतकऱ्यांच्या आशा पल्लवित झाल्या होत्या आणि मोठ्या प्रमाणावर भात पिकाची लागवड करण्यात आली.

Bhandara : भंडाऱ्यात भात पिकावर मावा, तुडतुडा व खोडकिड्याचा विळखा

मात्र, आता हे पीक जोमात येत असतानाच त्यावर मावा, तुडतुडा (Brown Plant Hopper) आणि खोडकिडा (Stem Borer) यांचा मोठ्या प्रमाणावर प्रादुर्भाव झाल्याचं समोर आलं आहे. यामुळं हातातोंडाशी आलेला घास हिरावला जाण्याची भीती निर्माण झाली आहे. एकीकडे निसर्गाची अवकृपा आणि रोगांचा प्रादुर्भाव, तर दुसरीकडे रासायनिक खते व औषध फवारणीच्या वाढलेल्या दरांनी शेतकऱ्यांचे कंबरडे मोडले आहे. आधीच डोक्यावर कर्जाचा डोंगर असताना, या जीवघेण्या किडींच्या प्रादुर्भावाने बळीराजाला पुन्हा एकदा आर्थिक आणि मानसिक संकटात लोटले आहे. पोळ्याच्या दिवशीही राजा माणसाच्या नशिबी आलेली ही शोकांतिका शासनाचे आणि प्रशासनाचे डोळे उघडणारी ठरणार का, असा सवाल आता उपस्थित होत आहे.

Solapur Rain: पावसाने पाठ फिरवल्याने शेतकऱ्यांवर उभ्या सोयाबीन पिकावर ट्रॅक्टर आणि रोटावेटर फिरवण्याची वेळ

सोलापूर जिल्ह्यात पावसाने पाठ फिरवल्याने शेतकऱ्यांवर उभ्या सोयाबीन पिकावर ट्रॅक्टर आणि रोटावेटर फिरवण्याची वेळ आली आहे. बार्शीच्या नारी महसूल मंडळात मागील अनेक दिवसांपासून पावसाने दडी मारल्याने सोयाबीन पिके करपली आहेत. त्यामुळे नारीतील शेतकरी सतीश शिंदे यांनी तीन एकर उभ्या सोयाबीन पिकावर रोटावेटर फिरवत पीक नष्ट केलं.

तर अक्कलकोट तालुक्यातील घोळसगावमध्येही पावसाअभावी तीच परिस्थिती निर्माण झाली आहे. अक्कलकोट मधील शेतकरी पंडित शिवप्पा बादोले यांनी उभ्या सोयाबीन पिकावर ट्रॅक्टर फिरवला. बियाणे, खते, औषधे, मशागत आणि मजुरीवर केलेला खर्चही वसूल होण्याची शक्यता नसल्याने शेतकऱ्यांसमोर मोठं आर्थिक संकट उभं राहिलं आहे. नुकसानग्रस्त पिकांचे तातडीने पंचनामे करून नुकसानभरपाई द्यावी, तसेच कोरडा दुष्काळ जाहीर करून हेक्टरी 50 हजार रुपयांची मदत द्यावी, अशी मागणी शेतकऱ्यांकडून होत आहे.

Maharashtra Drought: जानेवारीत हिरवीगार आलेली बाग ऐन पावसाळ्यात करपली; चार एकर वरील तीनशे झाडांची फक्त लाकडं उरली

जानेवारीमध्ये हिरवीगार दिसणार लिंबोणीच्या बागेचे शेत आता वाळलेल्या झाडांनी व्यापून गेले. चार एकर बागेत 400 झाड, पण आता तीनशेहून अधिक झाड करपली. उन्हाळ्यात ज्या बागेला टॅंकरने पाणीपुरवठा केला ती बाग ऐन पावसाळ्यात करपून गेली. उन्हाळा लांबल्यासारखी परिस्थिती झाल्याने बागेचं सरपच झालं. तर कुठे पाऊस लिंबू बागेला लिंबूच लागलं नाही. नव संकट निर्माण झाले.

पाऊस नसल्याने सर्वाधिक फटका सोयाबीन पिकाला बसला. आता त्या फोटो पाठ फळबागाही नुकसानीच्या तडाख्यात सापडत आहेत. आष्टी तालुक्यातील जामगाव येथे पण अभावी संत्रा बागेत फळगळती. झाड हिरवं दिसत असलं तरी पाणी नसल्याने लागलेली फळ टिकेना. छोटी संत्र्याची फळ आपोआप गळून पडायला. विहिरीत पाणी नाही शेततळ्यातील पाणी संपलं. पाऊस झाला नाही तर झाडावरची फळगळती अधिक वाढण्याची भीती.

Hingoli Rain: पाऊस नसल्याने शेतकऱ्याचा उन्हाळा; करपत असलेल्या सोयाबीन बघू शेतकऱ्यांने फिरवला रोटावेटर

हिंगोली जिल्ह्यांमध्ये मागील दीड महिन्यापासून पाऊस गायब झाला आहे. परिणामी जिल्ह्यात दुष्काळ सदृश्य परिस्थिती निर्माण झाली असून सोयाबीन, कापूस, हळद, ज्वारी, यासह भाजीपाला वर्णीय पीक करपायला सुरुवात झाली आहे. त्यामुळे शेतकरी हताश झाल्याचे पाहायला मिळत आहे. हिंगोली जिल्ह्यातल्या बेरुळा गावामध्ये शेतकऱ्यांनी सोयाबीन वर रोटावेटर फिरवायला सुरुवात केली आहे. दररोज शेतामध्ये येऊन पिकाची पाहणी केली असता पिकं करताना पाहायला मिळत असल्याने हताश होत आहोत. पोटच्या लेकराप्रमाणे जोपासलेली पिकं आपल्या डोळ्यासमोर वाळून जात आहेत. हे पाहण्यापेक्षा सोयाबीनचे पिकावर रोटावेटर फिरवून नष्ट केलेलं बरं, म्हणून शेतकऱ्यांनी करपत असल्यास सोयाबीनवर रोटावेटर फिरवला आहे.

Rain News : निसर्ग मायबाप आहे, तोच रुसलाय; शेतकऱ्याचा हुंदका दाटला, डोळ्याच्या कडा पाणवल्या

गुरांसाठी शेतात मका पेरला. पण जिथे डोलदार हिरवीगार मका यायला पाहिजे होती ते ऐन पावसाळ्यात करपून गेलं. ती करपलेले पीक पाहिलं की रडायला येतं. निसर्ग मायबाप आहे, तोच रुसलाय काय करावे? असे म्हणत शेतातलं करपलेले पिक बघून शेतकऱ्याच्या डोळ्याच्या कडा पाणवल्या आहे. गुरांना खायला काय घालावे. भूर भूर पावसावर पेरणी केली, पण आता सगळं करपून चाललंय. पाऊस येतो-जातो, केवळ आता वाट पाहत बसणं पाहतात उरलंय अशी प्रतिक्रिया बळीराजानं दिलीय.

Maharashtra Weather Updates: राज्यभरात पावसाची 16 टक्के तूट; आता मान्सून कधी कोसळणार?, हवामान विभागाची A टू Z माहिती

मिकी घई, एबीपी माझा — Wed, 9 Sep 2026 14:50:28 +0530

Maharashtra Weather Updates: यंदा राज्यात सरासरीपेक्षा कमी पावसाचा अंदाज (Maharashtra Rain News) वर्तवण्यात आला होता. त्यात आता राज्यात पावसाची तब्बल 16 टक्के तूट झाली आहे. विदर्भ आणि मराठवाड्यात पावसाने पाठ फिरवल्याचे चित्र आहे. या भागांमध्ये अपेक्षेप्रमाणे पाऊस न झाल्याने शेतकऱ्यांचे मोठे नुकसान झाले आहे. ऑगस्ट महिन्यात तर जवळपास 70 टक्के पावसाची तूट नोंदवण्यात आली आहे.

पश्चिम-मध्य बंगालच्या उपसागरात कमी दाबाचा पट्टा तयार होण्याची शक्यता- (Maharashtra Weather Updates)

दरम्यान, 11 सप्टेंबर ते 14 सप्टेंबरदरम्यान पश्चिम-मध्य बंगालच्या उपसागरात कमी दाबाचा पट्टा तयार होण्याची शक्यता आहे. त्यामुळे विदर्भ आणि मराठवाड्यात काही भागांमध्ये पावसाची शक्यता निर्माण झाली आहे. कृत्रिम पाऊस पाडण्यासाठी विशिष्ट प्रकारचे आणि योग्य स्थितीतील ढग असणे आवश्यक असते. मात्र, कृत्रिम पावसाचा प्रयोग केला तरी त्यातून नेमका किती पाऊस पडेल, हे निश्चितपणे सांगता येत नाही. आतापर्यंतची पावसाची परिस्थिती पाहता शेतकऱ्यांचे मोठे नुकसान झाले आहे. उभी पिके करपली असून अनेक ठिकाणी फळझाडांनाही मोठा फटका बसला आहे. या पार्श्वभूमीवर उपलब्ध पाण्याचा काटकसरीने आणि जपून वापर करणे गरजेचे आहे. (Maharashtra Rain Updates Marathi News)

यंदा परभणीसह मराठवाड्यात दुष्काळाचे सावट- (Rain Updates Marathi News)

मराठवाड्यात मागील 45 दिवसांपासून पावसाचा थेंबही न पडल्याने दुष्काळाची छाया अधिक गडद झाली आहे. हिंगोली जिल्ह्यात तर परिस्थिती इतकी गंभीर झाली आहे की, हजारो रुपये खर्च करून दिवस-रात्र मेहनत करून उभं केलेलं सोयाबीन पीक आता शेतकऱ्यांच्या डोळ्यांसमोर मातीमोल होत आहे. औंढा नागनाथ तालुक्यातील बेरुळा येथील शेतकरी अमृता चव्हाण यांनी तब्बल सात एकर क्षेत्रात सोयाबीनची पेरणी केली होती. मात्र पावसाअभावी पीक करपून गेलं. उत्पादनाची कोणतीही शक्यता उरली नाही आणि अखेर नाईलाजाने अमृता चव्हाण यांनी उभ्या सोयाबीन पिकावर रोटावेटर फिरवत पीक नष्ट केलं. ज्या पिकातून चार पैसे हातात पडतील कुटुंबाचा संसार चालेल, अशी आशा होती. त्याच पिकावर आता रोटावेटर फिरवण्याची वेळ शेतकऱ्यावर आली आहे. हिंगोली जिल्ह्यात अनेक शेतकऱ्यांच्या शेतातील पिकांची अशीच अवस्था झाली असून, पावसाअभावी उभी पिकं करपली आहेत. शेतकऱ्यांसमोर आता उत्पादनाचा प्रश्न तर आहेच, पण केलेला खर्चही वसूल होणार का, हा मोठा सवाल उभा राहिला आहे.

पाऊस नसल्याने दुग्ध व्यवसाय करणारे शेतकरी सुद्धा संकटात (Drought In Marathwada)

मराठवाड्यावर दुष्काळात संकट आता अधिकच गडद होऊ लागलेला आहे मागील महिन्यापासून पाऊस गायब झाला असून त्यामुळे शेतातली पिक तर वाळवून गेलेच आहेत. त्याचबरोबर जनावरांसाठी पेरलेल्या चारा सुद्धा पूर्णपणे वाढ झालेली नाही. त्याचबरोबर आता पाऊस नसल्याने तो चारा करपून गेलेला आहे परिणामी भीषण चारा टंचाई निर्माण होण्याची शक्यता वर्तवली जात आहे. अशा परिस्थितीमध्ये शेतीला जोडधंदा म्हणून सुरू केलेला दूध व्यवसाय करणे कठीण झाल्याच शेतकरी सांगत आहेत. हिंगोली जिल्ह्यातल्या माळसेलू येथील हे आहेत गणेशराव नाईक यांच्याकडे वीस म्हैशी आहेत शेतीला जोड व्यवसाय म्हणून त्यांनी बँकेचे कर्ज घेऊन हा दुग्ध व्यवसाय सुरू केला. परंतु यावर्षी पहिल्यांदाच ऑगस्ट महिना पूर्णपणे कोरडा गेला असून आता सप्टेंबर महिन्यातही पावसाचा पत्ता नाही. त्यामुळे शेतात पेरणी केलेल्या चाऱ्याची वाढ झालेली नाही. शिवाय चारा शेतामध्ये आहे तो पूर्णपणे वाळून गेलेला आहे. परिणामी चाऱ्याची मोठी टंचाई निर्माण झाली आहे. दूध उत्पादन देणाऱ्या म्हैशीला मोठ्या प्रमाणामध्ये खायला हिरवा चारा द्यावा लागतो. त्यानंतर अपेक्षित दूध निघतं. परंतु यावर्षी हिरवा चारा नसल्याने त्यांना चक्क कोरडा चारा खायला द्यावा लागतो. तोही वेळेवर मिळत नाही. त्यांनी चढ्या दराने परभणी येथून हा कोरडा चारा म्हैशीसाठी विकत आणला आहे. यावर्षी पाऊस नसल्याने चाऱ्याचेही भाव वाढले आहेत. त्यामुळे दूध व्यवसाय करताना म्हैशीला चारा विकत आणून खाऊ घालणे आणि त्यामधून दूध उत्पादन घेणे हे आर्थिक दृष्ट्या परवडत नाही. परिणामी पुढील आठ ते दहा दिवस पुरेल इतका चारा नाईक यांच्याकडे उपलब्ध असून त्यानंतर ह्या म्हैशी बाजार विकाव्या लागणार आहेत.

बुलढाणा जिल्ह्यात कृत्रिम पावसाचा प्रयोग राबवा- प्रतापराव जाधव (Weather Updates In Buldhana)

बुलडाणा जिल्ह्यासह राज्यातील पावसाने दडी मारलेल्या भागांत अनुकूल हवामान असल्यास कृत्रिम पर्जन्य अर्थात ‘क्लाउड सीडिंग’चा प्रयोग तातडीने राबवावा, अशी मागणी केंद्रीय राज्यमंत्री प्रतापराव जाधव यांनी मुख्यमंत्री देवेंद्र फडणवीस यांच्याकडे केली आहे. 5 सप्टेंबर रोजी त्यांनी मुख्यमंत्र्यांना ई-मेलद्वारे निवेदन पाठवले. बुलडाणा जिल्ह्यात पावसाचे प्रमाण सामान्यापेक्षा सुमारे 87 टक्के कमी असल्याचे निवेदनात नमूद करण्यात आले आहे. पावसाअभावी खरीप पिकांवर संकट निर्माण झाले असून, शेतकऱ्यांच्या अडचणी लक्षात घेता IMD, IITM आणि तज्ज्ञांच्या मार्गदर्शनाखाली कृत्रिम पर्जन्य प्रयोगाची तांत्रिक व्यवहार्यता तपासून निर्णय घ्यावा, अशी मागणी प्रतापराव जाधव यांनी केली आहे.

Maharashtra Weather Updates: राज्यभरात पावसाची 16 टक्के तूट; आता मान्सून कधी कोसळणार?, हवामान विभागाची A टू Z माहिती

मोदींनी आश्वस्त केलं

हेही वाचा

साडे सोळा कोटींचा पूल, पण जोडरस्ताच नाही

दोन भावांच्या जमिनीच्या मोबदल्यावरून वाद

पाऊस नाही, पाणी नाही, सोयाबीनही गेलं! आता रब्बीत कमी पाण्यात कोणती पिकं घ्यायची? कृषी तज्ज्ञांचा महत्त्वाचा सल्ला

परमिट घेऊन वीजपुरवठा बंद असल्याची खात्री केल्यानंतर घडली घटना

मृतदेह रुग्णवाहिकेतून थेट पाथरी येथील महावितरणच्या उपकार्यकारी अभियंता कार्यालयात आणला

Minister Babasaheb Patil On Drought : सहकार मंत्र्यांचे वक्तव्य काय?

Taluka Wise Drought List : कोणत्या विभागात किती तालुक्यांचा समावेश?

Maharashtra Drought Relief Measures : काय आहेत दुष्काळातील 12 उपाययोजना?

बंडू जाधव नेमकं कोणाचा विकास करणार?

आमदार देशमुख निवासी उपजिल्हाधिकाऱ्यांवर भडकले

हेही वाचा

परभणीत जवळपास 40 दिवसानंतर पावसाची हजेरी- (Rain In Parbhani)

लातूर शहर आणि परिसरात दीड महिन्याच्या मोठ्या खंडानंतर अखेर पावसाची हजेरी- (Rain In Latur)

हिंगोली जिल्ह्यातही वादळी वाऱ्यासह पाऊस- (Rain In Hingoli)

धाराशिवसह परिसरात मध्यरात्री हलक्या स्वरूपाचा पाऊस- (Rain In Dharashiv)

जालना शहर आणि परिसरात दमदार पाऊस- (Rain In Jalna)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

Manoj Jarange Patil : मनोज जरांगेंच्यावतीनं मुंबईतील आंदोलनासाठी तिसऱ्यांदा अर्ज दाखल

Maharashtra Weather Updates: राज्यभरात पावसाची 16 टक्के तूट; आता मान्सून कधी कोसळणार?, हवामान विभागाची A टू Z माहिती

पश्चिम-मध्य बंगालच्या उपसागरात कमी दाबाचा पट्टा तयार होण्याची शक्यता- (Maharashtra Weather Updates)

यंदा परभणीसह मराठवाड्यात दुष्काळाचे सावट- (Rain Updates Marathi News)

पाऊस नसल्याने दुग्ध व्यवसाय करणारे शेतकरी सुद्धा संकटात (Drought In Marathwada)

बुलढाणा जिल्ह्यात कृत्रिम पावसाचा प्रयोग राबवा- प्रतापराव जाधव (Weather Updates In Buldhana)

राज्यात पावसाची 16 टक्के तूट; 11 ते 14 सप्टेंबरदरम्यान विदर्भ-मराठवाड्यात पावसाची शक्यता, VIDEO:

संबंधित बातमी: