नरेंद्र मोदींसोबत एक तास चर्चा, अर्धा तास महाराष्ट्राच्या दुष्काळाबाबत विचारलं; एकनाथ शिंदेंनी दिल्ली भेटीचा किस्सा सांगितला

Parbhani Accident: परभणी पाथरी महामार्गावरील किंन्होळा पुल बनला मृत्यूचा सापळा; चार दिवसांत एकाचा मृत्यू, 13 जण जखमी

पंकज क्षीरसागर, एबीपी माझा, परभणी — Wed, 28 Oct 2026 07:30:34 +0530

Parbhani Accident: परभणी पाथरी महामार्गावरील किंन्होळा पुल बनला मृत्यूचा सापळा; चार दिवसांत एकाचा मृत्यू, 13 जण जखमी

Parbhani News : मायक्रो फायनान्सच्या कर्जाचा डोंगर, 32 वर्षीय तरुण शेतकऱ्याने संपवलं जीवन; परभणीतील धक्कादायक घटना

पंकज क्षीरसागर, एबीपी माझा — Sat, 24 Oct 2026 20:45:52 +0530

परभणी : राज्यात दुष्काळाचे सावट असताना आणि मायक्रो फायनान्स कंपन्यांच्या जुलमी वसुलीविरोधात संताप व्यक्त होत असतानाच परभणीतून एक अत्यंत मन हेलावून टाकणारी घटना समोर आली आहे. परभणी जिल्ह्यातील मानवत तालुक्यात एका 32 वर्षीय तरुण शेतकऱ्याने मायक्रो फायनान्सच्या कर्जाला कंटाळून शेतात गळ्याला दोर लावून आपले जीवन संपवले आहे. लहू लाडाने असे मृत शेतकऱ्याचे नाव असून या दुर्दैवी घटनेमुळे संपूर्ण परिसरात हळहळ व्यक्त केली जात आहे.

मिळालेल्या माहितीनुसार, मानवत तालुक्यातील केकरजवळा शिवारात असलेल्या शेतात लिंबाच्या झाडाला लहू लाडाने यांचा मृतदेह लटकलेल्या अवस्थेत आढळून आला. अवघ्या 32 व्या वर्षी तरुण शेतकऱ्याने अशा प्रकारे टोकाचे पाऊल उचलल्याने लाडाने कुटुंबावर दुःखाचा मोठा डोंगर कोसळला आहे.

Parbhani Farmer News : कर्जाच्या ओझ्यातून उचलले टोकाचे पाऊल

मृत शेतकरी लहू लाडाने यांच्यावर खासगी मायक्रो फायनान्स कंपनीचे मोठे कर्ज असल्याची प्राथमिक माहिती समोर आली आहे. शेतीतील नापिकी आणि त्यातच मायक्रो फायनान्सच्या कर्जाचा वाढता डोंगर तसेच वसुलीचा तगादा, या मानसिक ताणतणावातूनच त्यांनी हे टोकाचे पाऊल उचलल्याची चर्चा परिसरात सुरू आहे. याप्रकरणी मानवत पोलीस ठाण्यात नोंद करण्यात आली आहे.

Parbhani Crime News : मानवत पोलिसांकडून तपास सुरू

घटनेची माहिती मिळताच मानवत पोलीस ठाण्याच्या पथकाने तातडीने घटनास्थळी धाव घेऊन घटनेचा पंचनामा केला. मृतदेह उत्तरीय तपासणीसाठी (Post Mortem) स्थानिक शासकीय रुग्णालयात पाठवण्यात आला आहे. या प्रकरणी पोलीस अधिक तपास करत असून मायक्रो फायनान्स कंपनीच्या कर्मचाऱ्यांकडून छळवणूक झाली होती का, याचाही शोध घेतला जात आहे. तरुण शेतकऱ्याने जीवन संपवल्यामुळे केकरजवळा गावावर आणि संपूर्ण मानवत तालुक्यावर शोककळा पसरली आहे.

ही बातमी वाचा:

Nanded : अवघे 10 हजारांचे कर्ज, शेतकऱ्याचा फायनान्स कंपनीत संशयास्पद मृत्यू; मारहाण करून बनाव रचल्याचा कुटुंबाचा गंभीर आरोप

Parbhani Crime News: खळबळजनक! राष्ट्रवादी काँग्रेसच्या नगराध्यक्षाकडून शिंदेसेनेच्या नगरसेवकाच्या भावाला बेदम मारहाण; परभणीत अंकुश लाडसह सात जणांविरुद्ध गुन्हा दाखल

पंकज क्षीरसागर, एबीपी माझा — Fri, 23 Oct 2026 10:42:21 +0530

Manwath Crime News : परभणी जिल्ह्यातील मानवत (Parbhani Manwath Crime news) शहरातील राजकीय वर्तुळात खळबळ उडवणारी घटना समोर आली आहे. राष्ट्रवादी काँग्रेसच्या नगराध्यक्षांचे पती तथा नगर परिषदेचे विद्यमान उपाध्यक्ष अंकुश लाड यांनी आपल्या समर्थकांसह शिंदे सेनेच्या नगरसेवकाच्या भावाला बेदम मारहाण(Manwath Crime News)केल्याचे समोर आले आहे. भरदुपारी घडलेली मारहाणीची (Crime News)घटना सीसीटीव्ही कॅमेऱ्यात कैद झाली असून, या व्हिडिओने सध्या जोरदार चर्चा सुरू झाली आहे.

दरम्यान, या प्रकरणी मानवत पोलीस ठाण्यात नगराध्यक्षांचे पती तथा उपाध्यक्ष अंकुश लाड यांच्यासह सात जणांविरुद्ध गंभीर कलमान्वये गुन्हा दाखल करण्यात आला आहे. पोलिसांकडून या प्रकरणाचा पुढील तपास सुरू आहे.

Manwath Crime News: पूर्वीपासून वाद, राजकीय वातावरणही तापण्याची शक्यता

मिळालेल्या माहितीनुसार, ही मारहाण जुन्या वादातून झाल्याची प्राथमिक माहिती समोर येत आहे. अंकुश लाड आणि हसन युनूस बागवान यांच्यात पूर्वीपासून वाद असल्याचे सांगितले जात आहे. याच वादातून नगरसेवकाच्या पुत्रावर हल्ला झाल्याचा आरोप करण्यात येत आहे. या घटनेमुळे मानवत शहरात खळबळ उडाली असून,राजकीय वातावरणही तापण्याची शक्यता आहे. तर भरदिवसा घडलेल्या या मारहाण प्रकरणामुळे शहरातील कायदा-सुव्यवस्थेचा प्रश्न ऐरणीवर आला आहे.

Parbhani News: परभणीत सोयाबीन आणि तुरीचे कुटार औद्योगिक वापरावर बंदी, पशुधनाच्या चाऱ्यासाठी प्रशासनाचा मोठा निर्णय

परभणी जिल्ह्यात दुष्काळसदृश परिस्थिती निर्माण झाल्याच्या पार्श्वभूमीवर पशुधनाच्या चाऱ्याचा प्रश्न गंभीर होण्याची शक्यता आहे. ही बाब लक्षात घेऊन जिल्हा प्रशासनाने सोयाबीन आणि तुरीचे कुटार औद्योगिक वापरावर बंदी घालण्याचा निर्णय घेतला आहे. जनावरांसाठी चारा उपलब्ध राहावा,तसेच चाऱ्याचा तुटवडा निर्माण होऊ नये, यासाठी हा निर्णय घेण्यात आला आहे. कुटारापासून बायोमास ब्रिकेट्स आणि पेलेट्स तयार करणाऱ्या उद्योगांसह कुटाराचा औद्योगिक वापर करणाऱ्या घटकांवर निर्बंध घालण्यात आले आहेत. या आदेशाचे उल्लंघन करणाऱ्यांवर कारवाई करण्याचा इशाराही प्रशासनाने दिला आहे.परभणी जिल्ह्यातील पशुधनाला पुरेसा चारा उपलब्ध व्हावा,यासाठी प्रशासनाकडून उपाययोजना केल्या जात आहेत.आदेशाचे उल्लंघन करणाऱ्यांवर संबंधित अधिकाऱ्यांमार्फत कारवाई केली जाणार आहे.

Crime News: दुर्गा विसर्जन मिरवणुकीवर दगडफेक करणाऱ्या दोघांना पोलिसांनी बेड्या ठोकल्या आहेत.

मालेगावमधील टिपू सुलतान चौकात दुर्गा विसर्जन मिरवणुकीदरम्यान गुलाल उधळण्यावरून दोन गटांत जोरदार वाद उफाळला होता. या वादातून काही समाजकंटकांनी थेट विसर्जन मिरवणुकीवर दगडफेक केली होती. या प्रकरणी पोलिसांनी तात्काळ गुन्हा दाखल करत कारवाई सुरू केली होती. आता या प्रकरणातील फरार संशयितांपैकी दोन आरोपींना गजाआड करण्यात मालेगाव पोलिसांना यश आलं असून, इतर फरार आरोपींचा पोलीस कसून शोध घेत आहेत.

चारा टंचाई टाळण्यासाठी परभणी प्रशासन ॲक्शन मोडमध्ये! सोयाबीन अन् तुरीच्या कुटाराबाबत मोठा निर्णय

पंकज क्षीरसागर, एबीपी माझा, परभणी — Wed, 21 Oct 2026 10:46:05 +0530

Parbhani: मराठवाड्यासह संपूर्ण राज्यात दुष्काळझळा तीव्र झाल्या आहेत. सर्वाधिक नद्या असणाऱ्या परभणीत नद्यांची पात्र अक्षरशः कोरडी पडली आहेत. दुष्काळसदृश परिस्थिती निर्माण झाल्याने शेती आणि पशुधनासमोरील संकट अधिक गडद होताना दिसत आहे. हातातून अशी आलेली पिके डोळ्यासमोर करपली आहेत. आता जनावरांच्या चाऱ्याचा प्रश्नही गंभीर होतोय. ही संभाव्य परिस्थिती लक्षात घेऊन परभणी जिल्हा प्रशासनाने महत्त्वाचा निर्णय घेतला आहे. सोयाबीन आणि तुरीच्या कुटाराचा औद्योगिक वापर करण्यावर बंदी घालण्यात आली आहे. त्यामुळे आता पशुधनासाठी चारा उपलब्ध करून देण्याला प्रशासनाने प्राधान्य दिले आहे.

सोयाबीन-तुरीच्या कुटाराच्या औद्योगिक वापरासाठी बंदी

शेतीमध्ये सोयाबीन आणि तूर ही महत्त्वाची पिके मानली जातात. या पिकांची काढणी झाल्यानंतर उरणारे कुटार जनावरांसाठी चारा म्हणून वापरले जाते. मात्र, या कुटाराचा वापर औद्योगिक क्षेत्रातही केला जातो. विशेषतः कुटारापासून बायोमास ब्रिकेट्स आणि पेलेट्स तयार करणाऱ्या उद्योगांमध्ये त्याचा उपयोग होतो. अशा परिस्थितीत कुटाराचा मोठ्या प्रमाणावर औद्योगिक वापर झाल्यास पशुधनासाठी चाऱ्याची उपलब्धता कमी होण्याची शक्यता आहे.

ही बाब लक्षात घेऊन जिल्हा प्रशासनाने सोयाबीन आणि तुरीच्या कुटाराच्या औद्योगिक वापरावर निर्बंध घालण्याचा निर्णय घेतला आहे. जनावरांसाठी पुरेशा प्रमाणात चारा उपलब्ध राहावा आणि संभाव्य चारा टंचाई टाळता यावी, हा या निर्णयामागील मुख्य उद्देश आहे. दुष्काळसदृश परिस्थितीत शेतकऱ्यांना केवळ पिकांच्या नुकसानीचाच सामना करावा लागत नाही, तर जनावरांच्या संगोपनासाठी आवश्यक चारा आणि पाण्याची व्यवस्था करणेही आव्हानात्मक ठरते.

त्यामुळे उपलब्ध चाऱ्याचे योग्य नियोजन करणे आवश्यक झाले आहे. प्रशासनाच्या या निर्णयामुळे सोयाबीन आणि तुरीच्या कुटाराचा वापर पशुधनासाठी उपलब्ध ठेवण्यास मदत होण्याची अपेक्षा आहे. दरम्यान, या आदेशाचे उल्लंघन करणाऱ्यांवर कारवाई करण्याचा इशाराही प्रशासनाने दिला आहे. संबंधित अधिकाऱ्यांमार्फत आदेशाची अंमलबजावणी केली जाणार आहे. जिल्ह्यातील पशुधनाला पुरेसा चारा मिळावा आणि चारा टंचाईची परिस्थिती निर्माण होऊ नये, यासाठी प्रशासनाकडून पुढील काळात कोणत्या उपाययोजना केल्या जातात, याकडे शेतकऱ्यांचे लक्ष लागले आहे.

बाजारात फेरी मारुन 5000 रुपये जमा केले, सगळे पैसे मुख्यमंत्र्यांना पाठवले, परभणीत काँग्रेसचं अनोखं आंदोलन

पंकज क्षीरसागर, एबीपी माझा — Tue, 20 Oct 2026 17:57:21 +0530

Parbhani News : राज्यात सध्या दुष्काळी परिस्थिती निर्माण झाली आहे. पाऊस न पडल्यामुळं शेतकऱ्यांची उभी पिकं करपून गेली आहेत. पिण्याच्या पाण्याचा जनवरांच्या चाऱ्याचा मोठा प्रश्न निर्माण झाला आहे. अशातच राज्य सरकारनं दुष्काळग्रस्त शेतकऱ्यांसाठी 5 हजार रुपयांची प्राथमिक मदत जाहीर केली आहे. ही मदत दुष्काळग्रस्त घोषित केलेल्या तालुक्यांमधील पात्र शेतकऱ्यांनाच वितरित केली जाणार आहे. दरम्यान, याच मुद्यावरुन परभणी जिल्ह्यातील काँग्रेसचे कार्यकर्ते आक्रमक झाल्याचं पाहायला मिळत आहे.

बाजारात फेरी काढून जमा केलेले 5 हजार रुपये मुख्यमंत्र्यांना पाठवले

परभणीच्या जिंतूरमध्ये काँग्रेसकडून अनोखे आंदोलन करण्यात आले. बाजारात फेरी काढून जमा केलेले 5 हजार रुपये मुख्यमंत्र्यांना पाठवले आहेत. शेतकऱ्यांना 5 हजार रुपये मदत जाहीर केल्याच्या निषेधार्थ आंदोलन करण्यात आले. शेतकऱ्यांना जाहीर करण्यात आलेल्या पाच हजार रुपयांच्या मदतीच्या निषेधार्थ परभणी जिल्ह्यातील जिंतूरमध्ये काँग्रेसने अनोखे आंदोलन केले. बाजारपेठेत फेरी काढून नागरिकांकडून पाच हजार रुपये जमा करण्यात आले आणि ही रक्कम मुख्यमंत्री यांच्याकडे पाठवण्यात आली. शेतकऱ्यांच्या नुकसानीच्या तुलनेत जाहीर केलेली मदत अपुरी असल्याचा मुद्दा उपस्थित करत काँग्रेसने या आंदोलनातून सरकारच्या मदतीच्या घोषणेचा निषेध नोंदवला. दुष्काळसदृश परिस्थिती आणि पिकांचे नुकसान लक्षात घेता शेतकऱ्यांना पुरेशी मदत मिळावी, अशी मागणी या आंदोलनातून करण्यात आली आहे.

राज्य सरकारने दुष्काळग्रस्त शेतकऱ्यांसाठी 5 हजार रुपयांची प्राथमिक मदत जाहीर केली आहे. ही मदत दुष्काळग्रस्त घोषित केलेल्या तालुक्यांमधील पात्र शेतकऱ्यांनाच वितरित केली जाणार आहे. ज्या शेतकऱ्यांचा पीक नुकसान पंचनामा पूर्ण झाला आहे आणि ज्यांच्या माहितीची पडताळणी झाली आहे, त्यांना ही मदत सर्वप्रथम मिळण्याची अपेक्षा व्यक्त केली जात आहे. पात्र शेतकऱ्यांची अंतिम यादी आणि सर्व अटींचा संपूर्ण तपशील सरकार जाहीर केल्यानंतरच कोणत्या शेतकऱ्यांना या मदतीचा लाभ मिळेल हे स्पष्ट होणार आहे. मराठवाड्यासह अनेक भागांमध्ये याचा परिणाम जाणवत आहे. दरम्यान, सरकारनं जाहीर केलेली 5000 रुपयांची मदत तुटपुंडी असल्याचे मत शेतकऱ्यांनी व्यक्त केले.

अनेक ठिकाणी पावसाच्या कमतरतेमुळे शेतांमधील ओलावा कमी झाला असून, त्यामुळे पाण्याची तीव्र टंचाई निर्माण झाली आहे. यामुळे शेतकऱ्यांना पुढील पिकाची तयारी करणे अवघड झाले आहे. दुष्काळामुळे अनेक भागांमध्ये भूजल पातळी खालावत आहे. मराठवाड्यात पाण्याची पातळी तीन मीटरपर्यंत खाली गेल्याचे वृत्त आहे. दुष्काळी परिस्थितीमुळं पिण्याच्या पाम्याचा जनावरांच्या चाऱ्याचा मोठा प्रश्न निर्माण झाला आहे.

Parbhani Rivers: जिथे नद्या वाहायच्या, तिथे आता वाळवंट! परभणीतील दुष्काळाचं भयावह चित्र

पंकज क्षीरसागर, एबीपी माझा, परभणी — Mon, 19 Oct 2026 10:55:49 +0530

Parbhani Rivers: जिथे नद्या वाहायच्या, तिथे आता वाळवंट! परभणीतील दुष्काळाचं भयावह चित्र

Maharashtra Weather Updates Rain Marathi News: पुणे, सोलापूर, कोल्हापूर, नांदेडसह कोकणात वादळी वाऱ्यासह पावसाची शक्यता; 10 जिल्ह्यांना यलो अलर्ट, नेमकं काय घडलं?

मुकेश चव्हाण — Sun, 18 Oct 2026 09:07:01 +0530

Maharashtra Weather Updates Rain Marathi News: राज्यात एकीकडे उन्हाचा चटका आणि उकाडा कायम असताना दुसरीकडे पावसाला पोषक हवामान तयार झाले आहे. भारतीय हवामान विभागाने आज (18 ऑक्टोबर) रोजी कोकण, पश्चिम महाराष्ट्र आणि मराठवाड्यातील काही जिल्ह्यांना वादळी पावसाचा यलो अलर्ट जारी (Rain In Maharashtra) केला आहे. कोकण किनारपट्टीवर पुढील 5 दिवसांत वादळी वाऱ्यासह पावसाची शक्यता हवामान विभागाने वर्तवली आहे. विजांच्या कडकडाटासह हलक्या ते मध्यम स्वरूपाच्या पावसाचा अंदाज व्यक्त करण्यात आला आहे. हवामान खात्याने दिलेल्या माहितीनुसार सिंधुदुर्ग जिल्ह्यांमध्ये 18, 19 आणि 20 ऑक्टोबर दरम्यान वादळी वारे, विजांचा कडकडाट आणि ताशी 40 ते 50 किलोमीटर वेगाने वादळी वारे वाहण्याची शक्यता आहे. (Maharashtra Weather Updates)

हवामान विभागाच्या अंदाजानुसार, आज रत्नागिरी आणि सिंधुदुर्ग या कोकणातील जिल्ह्यांसह पश्चिम महाराष्ट्रातील सांगली, कोल्हापूर आणि सोलापूर येथे वादळी वाऱ्यांसह पाऊस (Rain Marathi News) पडण्याची शक्यता आहे. मराठवाड्यातील धाराशिव, लातूर, नांदेड आणि हिंगोली या जिल्ह्यांनाही यलो अलर्ट देण्यात आला आहे. तसेच पुणे, सातारा, रायगड, बीड आणि परभणी या जिल्ह्यांतील तुरळक ठिकाणी विजांसह पावसाची शक्यता वर्तविण्यात आली आहे. त्यामुळे संबंधित भागांतील नागरिकांनी हवामानाच्या बदलांकडे लक्ष द्यावे, असे आवाहन हवामान विभागाकडून करण्यात येत आहे. पुढील दोन दिवस राज्यात काही ठिकाणी पाऊस पडण्याची शक्यता व्यक्त केली आहे.

उत्तर, पूर्व आणि दक्षिण भारतातील काही भागांत हवामान अस्थिर राहण्याची शक्यता- (Rain Marathi News)

नैऋत्य मान्सून महाराष्ट्राच्या (Maharashtra Rain) उर्वरित सर्व भागांतून तसेच गोवा, कर्नाटक, तेलंगणा व ओडिशाच्या काही भागांतून आणि झारखंड व छत्तीसगडच्या आणखी काही भागांतून मागे फिरला आहे. याबाबत हवामान विभागाने अधिकृतपणे जाहीर केले आहे. मात्र हवामान विभागाने (IMD) दिलेल्या नवीन अंदाजानुसार, येत्या काही दिवसांत उत्तर, पूर्व आणि दक्षिण भारतातील काही भागांत हवामान अस्थिर राहण्याची शक्यता आहे. उत्तर भारत आणि डोंगराळ प्रदेशातील अनेक भागांत विजांचा कडकडाट, वादळी वारे आणि मेघगर्जना होण्याची शक्यता वर्तवण्यात आली आहे. (Maharashtra Weather Updates)

देशातील 16 राज्यांमध्ये मुसळधार पाऊस आणि वादळाचा इशारा- (Rain Updates)

हवामान विभागाच्या अंदाजानुसार, आज 18 ऑक्टोबर रोजी महाराष्ट्र, उत्तर प्रदेश, दिल्ली, बिहार, राजस्थान, उत्तराखंड, हिमाचल प्रदेश, पंजाब, जम्मू-काश्मीर, पश्चिम बंगाल, झारखंड, ओडिशा, कर्नाटक, आंध्र प्रदेश, छत्तीसगड आणि मध्य प्रदेश या राज्यांमध्ये व प्रदेशांमध्ये मुसळधार पाऊस आणि वादळाचा इशारा देण्यात आला आहे. या काळात ताशी 70 ते 80 किलोमीटर वेगाने जोरदार वारे वाहण्याची शक्यता आहे.

राज्यासह देश-विदेशातील महत्वाच्या घडामोडी, VIDEO:

'भाजप जे देईल ते त्यांना घ्यावं लागतं' पदवीधर निवडणूकीवरून अंबादास दानवेंचा राष्ट्रवादी अन् शिंदेसेनेवर हल्लाबोल

पंकज क्षीरसागर, एबीपी माझा, परभणी — Sat, 17 Oct 2026 14:41:09 +0530

Parbhani: गेल्या काही दिवसांपासून महायुतीत पदवीधर मतदार संघाच्या निवडणुकीवरून राजकीय घडामोडींना वेग आला आहे. महायुतीतच बेबनाव झाल्याची चर्चा तिला काही दिवसांपासून रंगली होती. अमरावतीत शिक्षक मतदार संघाच्या निवडणुकीसाठी शिवसेनेच्या जागेवर राष्ट्रवादीच्या उमेदवाराने बंडखोरी केल्याने शिंदे सेनेने छत्रपती संभाजीनगरचे राष्ट्रवादी काँग्रेसचे उमेदवार सतीश चव्हाण यांचा पाठिंबा काढून घेतला होता. आज परत एकदा पत्रकार परिषद घेत पालकमंत्री संजय शिरसाट यांनी महायुतीला जवळ केल्याचे दिसलं. यावरून शिवसेना उद्धव बाळासाहेब ठाकरे गटाचे आमदार अंबादास दानवे यांनी पत्रकार परिषद घेत राष्ट्रवादी आणि शिंदे सेनेवर जोरदार प्रहार केला. सरकारमध्ये राष्ट्रवादी आणि शिंदे सेनेला फार मान नाही. भाजपने दिले तेच त्यांना घ्यावं लागणार, असे म्हणत त्यांनी महायुतीला डिवचले.

अंबादास दानवे यांनी आज मराठवाडा पदवीधर मतदारसंघातील शिवसेनेच्या उमेदवाराच्या प्रचारार्थ परभणीत बैठक घेतली. या बैठकीत ते बोलत होते.

नेमकं काय म्हणाले अंबादास दानवे?

ठाकरे गटाचे आमदार अंबादास दानवेंनी कॉकरोच जनता पार्टीचे संस्थापक अभिजीत दीपके यांच्या 'लहरा दो तिरंगा' आंदोलनावरून सरकारवर निशाणा साधला . ते म्हणाले, 'भाजपने तिरंगा रॅली काढली तर ती देशभक्ती आणि अभिजीत दिपके 'तिरंगा लेके चलो' म्हणले तर ते देशद्रोही का? असा सवाल अंबादास दानवेंनी केला. ते पुढे म्हणाले,' इंग्रजांच्या काळात भारतात तिरंगा फडकवणे गुन्हा होता, तीच परिस्थिती आज भाजपच्या काळात आली असल्याचा गंभीर आरोप अंबादास दानवे यांनी केला आहे. तसेच अभिजीत दिपके हे तिरंगा घेऊन जात असतील तर समस्त देशवासीयांना त्यांच्याबद्दल अभिमान असल्याचे अंबादास दानवे यांनी म्हटलं आहे.

पदवीधर निवडणुकीवरून अंबादास दानवेंचा हल्लाबोल

अंबादास दानवे यांनी आज मराठवाडा पदवीधर मतदारसंघातील शिवसेनेच्या उमेदवाराच्या प्रचारार्थ परभणीत बैठक घेतली या बैठकीनंतर पत्रकार परिषद घेतली या पत्रकार परिषदेत त्यांनी सरकारवर विशेषतः राष्ट्रवादी आणि शिंदेसेनेवर जोरदार प्रहार केला आहे.

'राज्य सरकारमध्ये राष्ट्रवादी आणि शिंदे सेना या दोन्ही पक्षांना मान नाही. त्यांना काही बोलण्याची मुभा नाही . त्यामुळे जे असेल ते घ्या, अशी वागणूक भाजप त्यांना देते.

राष्ट्रवादीने अर्थ खात मागितलं यावरून त्यांनी तटकरे हे मॅनेज लीडर आहे. तेच केव्हा भाजपमध्ये जातील याचा विश्वास नसल्याचे स्पष्ट केलंय. दुसरीकडे उपसभापतींचे अधिकार कमी केल्याच्या बाबत अंबादास दानवे यांनी उपसभापती आणि सभापती हे वैयक्तिक हेवे दावे आणि दाबदडप करण्यासाठी तिथे बैठका घ्यायचे, त्यांचे अधिकार कमी करण्यात येऊ नयेत, मात्र त्यांनीही अशा पद्धतीने बैठका घेऊ नये, असं अंबादास दानवे म्हणाले आहेत.

Parbhani: दुष्काळाने सोयाबीनचा हाती आलेला घास हिरावला! उरलं सुरलं पीक पदरात पाडण्यासाठी शेतकऱ्याची धडपड; परभणीतील विदारक चित्र

पंकज क्षीरसागर, एबीपी माझा, परभणी — Fri, 9 Oct 2026 12:24:50 +0530

Parbhani: परभणी जिल्ह्यात यंदा पावसाने पाठ फिरवल्याने खरीप हंगामाला मोठा फटका बसला असून, सोयाबीन उत्पादक शेतकरी आर्थिक संकटात सापडले आहेत. सोयाबीनच्या पिकातून चांगल्या उत्पन्नाची अपेक्षा असलेल्या शेतकऱ्यांच्या पदरी यंदा निराशा आली आहे. जिल्ह्याचं खरीप क्षेत्र हे साडेपाच लाख हेक्टर आहे. यातील तीन ते साडेतीन लाख हेक्‍टरवर सोयाबीन पेरलं गेलं.मात्र, पावसाअभावी अनेक भागांत सोयाबीनचे उत्पादन पूर्णपणे हातचे गेले असून, काही ठिकाणी एकरी अवघे एक ते दीड क्विंटल सोयाबीन शेतकऱ्यांच्या हाती लागत आहे.

सोयाबीन गेलं, खर्चही निघेना

सध्या जिल्ह्यात सोयाबीन काढणीचा हंगाम सुरू आहे. मात्र, शेतात उभ्या असलेल्या पिकातून अपेक्षित उत्पादन मिळत नसल्याने शेतकऱ्यांची चिंता वाढली आहे. काही शेतांमध्ये सोयाबीनचे उत्पादन शून्यावर आले आहे, तर काही शेतकऱ्यांना उरले-सुरले पीक पदरात पाडून घेण्यासाठी धडपड करावी लागत आहे. त्यामुळे यंदाचा खरीप हंगाम शेतकऱ्यांसाठी मोठे आर्थिक संकट घेऊन आला आहे. पूर्णा तालुक्यातील एका शेतकऱ्याने सोयाबीनच्या पाच बॅगची लागवड केली होती. यातून शेतकऱ्याच्या हाती अडीच क्विंटल पेक्षाही कमी एकरी सोयाबीन हाती लागले आहे. बियाण्यांच्या बॅगा हजार, सोयाबीन काढायला लागणाऱ्या खर्च दोन हजार रुपये, फवारणी आणि मजुरांचा खर्च वेगळाच. आता सोयाबीन विकायला शेतकऱ्याला त्याच्याच खिशातून पैसे टाकावे लागणार आहेत. खर्च तर निघालाच नाही, पण आहे ते जमापुंजीही सोयाबीन विकण्यासाठी लावण्याची वेळ शेतकऱ्यावर आली आहे.

सोयाबीन पिकासाठी शेतकऱ्यांनी बियाणे, खते, मशागत, फवारणी आणि मजुरीवर मोठ्या प्रमाणात खर्च केला. मात्र, पावसाअभावी उत्पादनात मोठी घट झाल्याने हा खर्चही भरून निघण्याची शक्यता कमी झाली आहे. उत्पन्नच हाती येत नसल्याने पुढील हंगामासाठी भांडवल उभे करायचे कसे, कुटुंबाचा खर्च भागवायचा कसा आणि कर्जाची परतफेड कशी करायची, असे अनेक प्रश्न शेतकऱ्यांसमोर उभे ठाकले आहेत. दुष्काळाच्या या संकटात सोयाबीनचा हातात आलेला घासही हिरावला गेल्याने शेतकऱ्यांचे आर्थिक गणित पूर्णपणे कोलमडले आहे. त्यामुळे नुकसानग्रस्त शेतकऱ्यांना शासनाकडून मदत मिळावी, अशी अपेक्षा व्यक्त केली जात आहे.

नरेंद्र मोदींसोबत एक तास चर्चा, अर्धा तास महाराष्ट्राच्या दुष्काळाबाबत विचारलं; एकनाथ शिंदेंनी दिल्ली भेटीचा किस्सा सांगितला

पंकज क्षीरसागर, एबीपी माझा — Wed, 7 Oct 2026 15:53:42 +0530

परभणीत : राज्यातील दुष्काळी (Drought) परिस्थितीच्या पार्श्वभूमीवर सरकारमधील मंत्र्‍यांचे दौरे विविध जिल्ह्यात सुरू आहेत. उपमुख्यमंत्री एकनाथ शिंदे यांच्या हस्ते आज परभणीत सायकल आणि शिलाई मशीनचे वाटप करण्यात आले. पंतप्रधान नरेंद्र मोदी (Narendra modi) यांच्या कारकिर्दीस 25 वर्षे पूर्ण झाल्याच्या अनुषंगाने या कार्यक्रमाचे आयोजन करण्यात आले होते. यावेळी, बोलताना एकनाथ शिंदेंनी (Eknath Shinde) दिल्ली दौऱ्याची माहिती देत पंतप्रधान नरेंद्र मोदींसोबत एक तास चर्चा केली असून अर्धा तास दुष्काळाबाबतच बोलल्याचं त्यांनी म्हटलं.

मी एक महिन्यापूर्वी परभणीत आलो होतो, तेव्हाही याच पद्धतीने माझे लाकडे भाऊ आणि बहीणी आल्या होत्या, आजही आल्या आहेत. मागचा मेळावा वेगळा होता, आज दुष्काळ आहे याची जाणीव मला आहे. आज बळीराजाच्या मुलींना आणि माझ्या लाडक्या बहिणींना काही ना काही मदतीचा हात द्यायला हवं म्हणून मी संकल्प केला आहे. देशाचे पंतप्रधान नरेंद्र मोदी यांनी मला परवा एक तास वेळ दिला होता. त्या एक तासामधील अर्धा तास फक्त महाराष्ट्रातील दुष्काळावर चर्चा केली. शेतकरी, लाडक्या बहिणी आणि दुष्काळांची माहिती त्यांनी घेतल्याचं एकनाथ शिंदेंनी म्हटलं.

मी त्यांना सांगितले की, संकट मोठे आहे, पण शेतकऱ्यांना कधीही वाऱ्यावर सोडले नाही. मी मुख्यमंत्री होतो तेव्हाही अनेक नियम अटी बाजूला ठेवून मदत केली. आम्ही मुख्यमंत्री, उपमुख्यमंत्री बांधावर होतो, त्यांचे दुःख आम्ही जाणून घेतले, अनेक शेतकरी ओक्साबोक्शी रडत होते. पण मी त्यांना सांगितले आमचे सरकार ठामपणे तुमच्या पाठीशी आहे. सगळी चिंता सरकारने आपल्या डोक्यावर घेतली आहे, सरकारने दुष्काळ जाहीर केलाय असे एकनाथ शिंदेंनी परभणीतून म्हटले.

मोदींनी आश्वस्त केलं

एकनाथ शिंदे शेतकऱ्याचा पुत्र आहे, शेतकऱ्यांना कधीही वाऱ्यावर सोडणार नाही हा शब्द द्यायला आलोय.राज्यात जवळपास 80% भागात पीके करपली आहेत. या संपूर्ण दुष्काळ परिस्थितीत बळीराजा आपला अन्नदाता आहे. पंतप्रधान मोदींनी मला आश्वस्त केले आहे की, मै किसानों के साथ हूँ.. असेही शिंदेंनी सांगितले. मोदींनी शेतकऱ्यांसाठी कधीही हात आखडता घेतला नाही, मागच्या वर्षीही पावसामुळे प्रचंड नुकसान झाले होते, त्याहीवेळी आम्ही शेतकऱ्यांच्या मदतीला आलो, यंदाही आम्ही मदतीला आलो आहेत. त्यामुळे, बळीराजाची दिवाळी काळी होणार नाही असा माझ्या लाडक्या बहिणी आणि भावांना माझा शब्द आहे, अशा शब्दात एकनाथ शिंदेंनी दुष्काळग्रस्त शेतकऱ्यांना शब्द दिला आहे.

विशेष म्हणजे परभणीत भाषण सुरू असताना एकनाथ शिंदेंना घशाचा त्रास जाणवत होता, बोलताना वारंवार त्यांचा आवाज बसल्याचं पाहायला मिळालं. भाषणाच्या शेवटही एकनाथ शिंदे यांनी तसेच केले. दरम्यान, हिंगोलीतील फटाका आगीत मृत्युमुखी पडलेल्या 3 व्यक्तीच्या कुटुंबांना प्रत्येकी 5 लाखांची मदत शिवसेनेच्यावतीने एकनाथ शिंदे यांनी जाहीर केली.

हेही वाचा

नवनाथ बन उकीरडा बुद्धीचा माणूस, विवेकानंद पाटलांची बोचरी टीका, नवनाथ संप्रदायाचा उल्लेख करत दिलं चॅलेंज

Parbhani Accident: परभणी पाथरी महामार्गावरील किंन्होळा पुल बनला मृत्यूचा सापळा; चार दिवसांत एकाचा मृत्यू, 13 जण जखमी

Parbhani News : मायक्रो फायनान्सच्या कर्जाचा डोंगर, 32 वर्षीय तरुण शेतकऱ्याने संपवलं जीवन; परभणीतील धक्कादायक घटना

Parbhani Farmer News : कर्जाच्या ओझ्यातून उचलले टोकाचे पाऊल

Parbhani Crime News : मानवत पोलिसांकडून तपास सुरू

चारा टंचाई टाळण्यासाठी परभणी प्रशासन ॲक्शन मोडमध्ये! सोयाबीन अन् तुरीच्या कुटाराबाबत मोठा निर्णय

बाजारात फेरी मारुन 5000 रुपये जमा केले, सगळे पैसे मुख्यमंत्र्यांना पाठवले, परभणीत काँग्रेसचं अनोखं आंदोलन

बाजारात फेरी काढून जमा केलेले 5 हजार रुपये मुख्यमंत्र्यांना पाठवले

Parbhani Rivers: जिथे नद्या वाहायच्या, तिथे आता वाळवंट! परभणीतील दुष्काळाचं भयावह चित्र

उत्तर, पूर्व आणि दक्षिण भारतातील काही भागांत हवामान अस्थिर राहण्याची शक्यता- (Rain Marathi News)

देशातील 16 राज्यांमध्ये मुसळधार पाऊस आणि वादळाचा इशारा- (Rain Updates)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

सोयाबीन गेलं, खर्चही निघेना

मोदींनी आश्वस्त केलं

हेही वाचा