Maharashtra Rain :राज्यभरात लाडक्या बाप्पासोबत पावसाचंही आगमन; मुंबईसह महाराष्ट्राच्या 'या' भागांत मुसळधार पावसाचा इशारा; आज कुठे कसं असेल हवामान? वाचा सविस्तर

Virar Thar Accident News: भरधाव थार घराच्या शेडमध्ये घुसली; घराची भिंत कोसळून शेतकरी जखमी, विरारमधील घटना

प्रभाकर कुडाळकर, एबीपी माझा — Tue, 6 Oct 2026 14:55:59 +0530

Virar Thar Accident News: भरधाव थार घराच्या शेडमध्ये घुसली; घराची भिंत कोसळून शेतकरी जखमी, विरारमधील घटना

ठिकाण एकच उद्घाटन मात्र दोन वेळा, 4 वाजता भाजपकडून तर आता बहुजन विकास आघाडीकडूनही लोकार्पणाची तयारी, विरारमध्ये राजकीय वातावरण तापलं

प्रभाकर कुडाळकर, एबीपी माझा — Sat, 3 Oct 2026 17:06:57 +0530

Virar News : विरार येथील स्पोर्ट्स कॉम्प्लेक्सच्या उद्घाटनावरून सकाळपासून सुरू असलेला भाजप आणि सत्ताधारी बहुजन विकास आघाडीमधील वाद अखेर काहीसा शमल्याचे चित्र आहे. दुपारी चार वाजता भाजपकडून स्पोर्ट्स कॉम्प्लेक्सची फीत कापून उद्घाटन करण्यात आले. त्यानंतर भाजपचे पदाधिकारी आणि कार्यकर्ते तेथून निघून गेले आहेत. आता सायंकाळी पाच वाजता सत्ताधारी बहुजन विकास आघाडीकडून याच स्पोर्ट्स कॉम्प्लेक्सचा लोकार्पण सोहळा आयोजित करण्यात आला आहे. त्यामुळे एकाच प्रकल्पाच्या उद्घाटनावरून निर्माण झालेल्या या राजकीय संघर्षाकडे सर्वांचे लक्ष लागले आहे.

रविंद्र पाठक यांच्या एंट्रीमुळं संपूर्ण प्रकरणाला नवा राजकीय ट्विस्ट

या संपूर्ण वादात आणखी एक ट्विस्ट समोर आला आहे. भाजपसोबत या उद्घाटनाला विरोध करणाऱ्या भूमिकेत शिवसेना शिंदे गटाचाही सहभाग होता. शिवसेना शिंदे गटाचे नेते आणि आमदार रविंद्र पाठक यांनी स्पोर्ट्स कॉम्प्लेक्सला भेट दिली. सकाळी दहा वाजल्यापासून सुरू असलेल्या या राजकीय रणकंदनानंतर दुपारी भाजपकडून झालेले उद्घाटन आणि त्यानंतर झालेली रविंद्र पाठक यांच्या एंट्रीमुळं संपूर्ण प्रकरणाला नवा राजकीय ट्विस्ट मिळाला आहे. आता सायंकाळी पाच वाजता बहुजन विकास आघाडीच्या कार्यक्रमात नेमकं काय घडतं, याकडे सर्वांचे लक्ष लागले आहे. एकाच दिवशी, एकाच स्पोर्ट्स कॉम्प्लेक्सचे दोन वेगवेगळ्या राजकीय पक्षांकडून उद्घाटन आणि दोन्ही ठिकाणी एकाच व्यक्तीच्या हस्ते फीत कापण्याची घटना चर्चेचा विषय ठरली आहे.

कार्यक्रमाच्या पत्रिकेत भाजपचे खासदार डॉ. हेमंत सवरा यांचे नाव नसल्याने भाजपकडून तीव्र नाराजी

दरम्यान, मिळालेल्या माहितीनुसार, या कार्यक्रमाच्या पत्रिकेत भाजपचे खासदार डॉ. हेमंत सवरा यांचे नाव नसल्याने भाजपने तीव्र नाराजी व्यक्त केली. हा थेट राजशिष्टाचाराचा भंग असल्याचा आरोप करत भाजपने स्वतंत्रपणे उद्घाटनाचा कार्यक्रम जाहीर केला. शनिवारी सकाळी सुमारे 11 वाजता खासदार डॉ. हेमंत सवरा, आमदार राजन नाईक आणि आमदार स्नेहा दुबे-पंडित यांच्यासह भाजपचे नगरसेवक क्रीडासंकुलात दाखल झाले. कडक पोलीस बंदोबस्त असतानाही त्यांनी संकुलात प्रवेश करून उद्घाटन उरकले. त्यानंतर सायंकाळी प्रस्तावित असलेल्या बहुजन विकास आघाडीच्या कार्यक्रमाला विरोध दर्शवत भाजपचे पदाधिकारी व नगरसेवक संकुलाच्या आवारातच ठिय्या आंदोलनाला बसले. त्यानंतर सायंकाळी सुमारे साडेसहा वाजता बहुजन विकास आघाडीतर्फे क्रीडासंकुल आणि नाट्यगृहाचे अधिकृत उद्घाटन करण्यात आले. या वेळी बोलताना माजी आमदार हितेंद्र ठाकूर यांनी भाजपवर टीका केली. श्रेय घेण्यासाठी मेहनत करावी लागते, केवळ रील्स बनवून चालत नाही,असा टोला ठाकूर यांनी या वेळी लगावला.

‘मीरा-भाईंदर जैनांची नगरी’ वक्तव्यावरुन चौफेर टीका; आमदार नरेंद्र मेहतांचा माफीनामा, स्पष्टीकरण देताना सांगितली भावना

प्रभाकर कुडाळकर, एबीपी माझा — Thu, 1 Oct 2026 14:12:40 +0530

पालघर: काही दिवसांपूर्वी शाळेतील विद्यार्थ्यांना कांदा, लसूणसारख्या पदार्थांना बंदी घातल्यावरुन चर्चेत आलेल्या भाजप आमदार नरेंद्र मेहता (Narendra Mehta) यांचं आणखी एक वक्तव्य वादाच्या भोवऱ्यात सापडलं आहे. मीरा-भाईंदर शहराला ‘जैनांची नगरी’ (Jain) असे संबोधल्याने वादाच्या भोवऱ्यात सापडलेले भाजप आमदार नरेंद्र मेहता यांनी अखेर आपल्या वक्तव्याबाबत माफी मागितली. त्यांच्या या वक्तव्यावर शिवसेना, मनसे तसेच मराठी एकीकरण समितीसह विविध स्तरातून आक्षेप नोंदविण्यात आल्यानंतर मेहता यांनी स्पष्टीकरण देत माफीनामा केला. तसेच, आपल्या बोलण्याचा उद्देश कुणाच्याही भावना दुखावण्याचा नव्हता, असेही त्यांनी स्पष्ट केले.

आपल्या स्पष्टीकरणात नरेंद्र मेहता म्हणाले की, “हे शहर आगरी-कोळी समाजाचे आहे आणि ते तसेच असणार आहे. मी जे वक्तव्य केले ते एका धार्मिक कार्याच्या वेळी केले होते, मला तिथे समाजाकडून सन्मानित करण्यात आले. त्यामुळे, कुठल्याची इतर समाजाच्या विरोधात किंवा कोणाच्या विरोधात माझं वक्तव्य नव्हतं, त्याचा कोणीही चुकीचा अर्थ काढू नये.” असे नरेंद्र मेहता यांनी म्हटले. तसेच, “महाराष्ट्राने मला खूप काही दिले आहे. मराठी माणसाने मला मतदान करून लोकप्रतिनिधी म्हणून निवडून दिले आहे, याची मला पूर्ण जाणीव आहे. माझ्या वक्तव्यामुळे कोणत्याही समाजाच्या किंवा धर्माच्या भावना दुखावल्या असतील, तर मी त्याबद्दल माफी मागतो.”

दरम्यान, ‘मीरा-भाईंदर जैनांची नगरी’ या वक्तव्यामुळे शहरातील राजकीय वातावरण तापले होते. विविध संघटनांनी मेहतांच्या वक्तव्यावर नाराजी व्यक्त करत त्यांच्याकडून स्पष्टीकरणाची मागणी केली होती. त्यानंतर, आमदार मेहता यांनी आपल्या वक्तव्याचा संदर्भ स्पष्ट करत कोणत्याही समाजाच्या भावना दुखावण्याचा हेतू नसल्याचे सांगितले आहे. आता त्यांच्या या माफीनाम्यानंतर या वादावर पडदा पडतो का, याकडे मीरा-भाईंदरच्या राजकीय व सामाजिक वर्तुळाचे लक्ष लागले आहे.

हेही वाचा

जेलमधून वाल्मीक कराडचा सुग्रीव कराडला फोन; मृतदेह पोलीस ठाण्यात ठेवा, टाकीवर चढा, पण...!"; बजरंग सोनवणेंनी ऐकवली ऑडिओ क्लिप, सगळंच काढलं

Palghar Crime: चायनीजमध्ये मादक पदार्थ टाकले अन् अल्पवयीन मुलीला समुद्रकिनाऱ्यावर नेऊन नको ते कृत्य केलं; दोन अल्पवयीन आरोपींनी अटक, पालघर हादरलं!

संतोष पाटील, एबीपी माझा, पालघर — Tue, 29 Sep 2026 13:55:02 +0530

Palghar Crime News: पालघरमधून एक अतिशय खळबळजनक आणि संतापजनक घटना समोर आली आहे. चायनीज खाद्य पदार्थामध्ये मादक पदार्थ टाकून अल्पवयीन महाविद्यालयीन मुलीचा विनयभंग (Palghar Crime News) करण्यात आला आहे. पालघरच्या चिंचणी येथील घटना असून या घाटानेनं परिसरात मोठी खळबळ उडाली आहे. चायनीजमध्ये मादक पदार्थ टाकून दोन अल्पवयीन आरोपींनी पीडित मुलीला समुद्रकिनाऱ्यावर नेऊन विनयभंग (Crime News)केल्याचा धक्कादायक प्रकार समोर आला आहे. तर पीडित मुलगी आणि आरोपी एकाच महाविद्यालयातील असल्याची माहिती आहे.

Palghar Crime News: पीडित मुलीचे वडील वेळेत घटनास्थळी पोचल्याने अत्याचार होण्यापासून बचावली

दरम्यान, या प्रकरणी वाणगाव पोलीस ठाण्यात भारतीय न्याय संहिता कलम 137 (2) , 123 , 74 , 75 , 3(2) तसंच बालकांचे लैंगिक अपराधांपासून संरक्षण अधिनियम 8 नुसार गुन्हा दाखल करण्यात आला आहे. तर पीडित मुलीचे वडील वेळेत घटनास्थळी पोचल्याने पीडित मुलगीवर अत्याचार होण्यापासून बचावली आहे. सध्या या प्रकरणाचा पोलीस तपास करत आहे. या घटनेमुळे परिसरातून रोष व्यक्त होत आहे.

Palghar Crime News: अल्पवयीन आरोपींना मद्य विक्री केल्याचं सीसीटीव्ही कॅमेरात कैद

दुसरीकडे, पीडित तरुणीला पाजण्यासाठी मादक मद्य खरेदी करताना आरोपी सीसीटीव्ही कॅमेरात कैद झाल्याची माहिती आहे. चिंचणी मधील वाणगाव नाक्यावरील मोरया बार अँड रेस्टॉरंटमधून आरोपीने मद्य खरेदी करतानाचा व्हिडिओ समोर आला आहे. अल्पवयीन आरोपींना मद्य विक्री केल्या प्रकरणात बार चालकावर देखील कारवाईरची मागणी आता जोर धरू लागली आहे. पालघर पोलीस आणि उत्पादन शुल्क विभागाकडून या प्रकरणी आता काय कारवाई केली जाते याकडे आता साऱ्याचे लक्ष लागले आहे.

Palghar Crime News: बोईसरमध्ये 40 वर्षीय इसमाची हत्या; ओसवाल एम्पायरमधील रक्तरंजित घटना

पालघरच्या बोईसर येथील ओसवाल एम्पायर परिसरातील शिवम अपार्टमेंटमधील एका दुकानासमोर 40 वर्षीय विजय बेंद्रे यांची हत्या झाल्याची धक्कादायक घटना समोर आली आहे. साईलीला हॉस्पिटलसमोर ही घटना घडली. मृत विजय बेंद्रे हे वेठबिगार म्हणून काम करत असल्याची प्राथमिक माहिती आहे. हत्येमागील नेमके कारण अद्याप अस्पष्ट असून, घटनेची माहिती मिळताच बोईसर पोलीस घटनास्थळी दाखल झाले आहेत. पोलिसांकडून पुढील तपास सुरू आहे.

इतर महत्वाच्या बातम्या

Sanjay Gaikwad Buldhana : बुलढाण्यात विसर्जन मिरवणुकीत हवेत गोळीबार; संजय गायकवाडांनी केली कारवाईची मागणी, म्हणाले, 'एवढी हिंमत जर लोकांची वाढत असेल तर....'

Vasai News: गणेश चतुर्थीच्या दिवशी फुटबॉल आणण्यासाठी समुद्रात गेला; विसर्जनाच्या दिवशी अंकितचा मृतदेह सापडला, बीचवर मित्रांंसोबत फुटबॉल खेळायला गेला तो परतलाच नाही, वसईतील हृदयद्रावक घटना

प्रभाकर कुडाळकर, एबीपी माझा — Fri, 25 Sep 2026 14:12:31 +0530

वसई : गणपती बाप्पाच्या आगमनाच्या दिवशी वसईतील (Vasai News) सुरुची बीचवर फुटबॉल खेळताना समुद्रात बेपत्ता झालेल्या १५ वर्षीय अंकित गुप्ताचा मृतदेह तब्बल १२ दिवसांनंतर काल सायंकाळी सापडला. पालघर जिल्ह्यातील घोलवड पोलीस ठाण्याच्या हद्दीतील गुजरात सीमेजवळील मोर्डी येथे समुद्रकिनारी अंकितचा मृतदेह आढळून आला. नायगाव येथील रश्मी परिसरात राहणारा अंकित गणपती बाप्पाच्या आगमनाच्या दिवशी मित्रांसोबत सुरुची बीचवर (Vasai News) फुटबॉल खेळण्यासाठी गेला होता. खेळादरम्यान फुटबॉल समुद्राच्या पाण्यात गेल्यानंतर तो आणण्यासाठी अंकित पाण्यात उतरला. मात्र, समुद्राच्या जोरदार प्रवाहात तो वाहून गेला आणि बेपत्ता झाला. घटनेनंतर वसई पोलीस, अग्निशमन दल आणि भारतीय तटरक्षक दलाकडून सलग १२ दिवस समुद्र आणि किनारपट्टी परिसरात शोधमोहीम राबवण्यात आली. हेलिकॉप्टरच्या मदतीनेही अंकितचा शोध घेण्यात आला. मात्र, त्याचा ठावठिकाणा लागत नव्हता.(Vasai News)

अखेर गणपती विसर्जनाच्या दिवशीच, गुजरात सीमेजवळ मोर्डी येथे अंकितचा मृतदेह सापडला. ज्या दिवशी बाप्पाचे आगमन झाले, त्याच दिवशी अंकित बेपत्ता झाला आणि बाप्पाच्या विसर्जनाच्या दिवशी त्याचा मृतदेह सापडल्याने कुटुंबीयांचा १२ दिवसांचा शोध आणि प्रतीक्षा अखेर दुःखदरीत्या संपली.(Vasai News)

Vasai News: समुद्राच्या पाण्यात गेलेला बॉल आणायला गेला तो परतलाच नाही

गणेश चतुर्थीच्या दिवशी सुरुची बीचवर फुटबॉल आणण्यासाठी समुद्रात गेलेला १५ वर्षीय अंकित गुप्ता बेपत्ता झाला, आज बाराव्या दिवशी त्याचा मृतदेह आढळू आला आहे. नायगावच्या रश्मी परिसरातील रहिवासी असलेला अंकित १४ सप्टेंबर रोजी मित्रांसोबत फुटबॉल खेळण्यासाठी सुरुची बीचवर गेला होता. खेळताना फुटबॉल समुद्राच्या पाण्यात गेल्यानंतर तो तो आणण्यासाठी पाण्यात (Vasai News) उतरला. मात्र, भरतीच्या वेगवान प्रवाहात तो वाहून गेल्याची प्राथमिक माहिती समोर आली होती.(Vasai News) घटनेची माहिती मिळताच वसई पोलीस, अग्निशमन दल आणि भारतीय तटरक्षक दलाच्या पथकांनी संयुक्त शोधमोहीम सुरू केली. समुद्रकिनाऱ्यासह समुद्रातील संभाव्य भागात बोटींच्या माध्यमातून शोध घेतला जात होता. तसेच हेलिकॉप्टरच्या सहाय्याने हवाई शोधमोहीमही राबवण्यात येत होत्या.

Vasai News: १४ तारखेला सकाळी ५:५० वाजता अंकित घरातून निघाला...

अंकितचे काका धर्मेंद्र गुप्ता यांनी घटना घडल्यानंतर माध्यमांना माहिती देताना सांगितलं की, अंकित हा नायगाव ईस्ट येथील 'रश्मी इंटरनॅशनल स्कूल'मध्ये ९वी इयत्तेत शिकत होता. तो नक्षत्र ग्रीन, बिल्डिंग नंबर ७, नायगाव येथे राहायचा. १४ तारखेला सकाळी ५:५० वाजता अंकित घरातून डॉन बॉस्को येथे फुटबॉल खेळायला जात असल्याचे सांगून निघाला होता. मित्रांच्या सांगण्यानुसार त्यांनी ओला (Ola) कॅब बुक केली आणि ते सुरची बीच (Surchi Beach) येथे गेले. मित्रांच्या दाव्यानुसार, खेळताना फुटबॉल आत गेला आणि तो काढण्यासाठी अंकित व त्याचे दोन साथीदार गेले. अंकित मोठा असल्याने पुढे गेला व त्याचा पाय घसरून तो पडला. १४ तारखेच्या सकाळी ९:०० वाजण्याच्या सुमारास तो बेपत्ता झाला.

कंपनीतील भींत कोसळून 3 कामगारांचा मृत्यू; पोलीस घटनास्थळी दाखल, कामगार सुरक्षेचा मुद्दा ऐरणीवर

संतोष पाटील, एबीपी माझा, पालघर — Thu, 24 Sep 2026 13:49:28 +0530

पालघर : एमआयडीसी असो किंवा इंडस्ट्रीज इस्टेट, येथील कंपन्यांमध्ये काम करत असताना कामगारांची (Labour) सुरक्षा अतिशय महत्त्वाची असते. कामगारांच्या सुरक्षेचे नियम पाळणे कंपनीला बंधनकारक असते. मात्र, तरीही कधी कधी अपघाताच्या घटना घडतात. पालघर जिल्ह्याच्या वाडा तालुक्यातील पाली पोशेरी येथील कंपनीत दुर्घटना . कंपनीतील भिंत कोसळून तीन कामगारांचा जागीच मृत्यू झाल्याची दुर्घटना घडली. या घटनेनं कंपनी परिसरात हळहळ व्यक्त होत आहे. दरम्यान, बार्शी (Barshi) तालुक्यातील वैराग येथे देखील दोन दिवसांपूर्वी घराची भींत कोसळून 2 महिलांचा मृत्यू झाला होता.

पालघर जिल्ह्याच्या वाडा येथील पोशेरीत टीना रबर कारखान्यात अपघाताची दुर्घटना घडली असून मृतांमध्ये दोन महिला तर एका पुरुषाचा समावेश आहे. केशव गुणगुणा, रंजना कोंब आणि मीरा गवळी अशी मृत व्यक्तींची नावे आहेत. या घटनेनंतर वाडा पोलीस घटनास्थळी दाखल झाल असून संबंधित घटनेचा तपास करत आहेत. मात्र, या दुर्घटनेमुळे, पालघर जिल्ह्यातील औद्योगिक क्षेत्रांमधील कारखान्यांमध्ये काम करणाऱ्या कामगारांच्या सुरक्षिततेचा प्रश्न पुन्हा एकदा ऐरणीवर आला आहे.

बार्शीत भींत कोसळून दोन महिला ठार

बार्शी तालुक्यातील वैरागमध्येही दोन दिवसांपूर्वीच अशीच एक दुर्दैवी घटना घडली होती. कमकुवत झालेल्या घराची भिंत अचानक कोसळून मावशी-भाचीचा मृत्यू झाला आहे. वैरागमधील खेंदाड गल्लीमध्ये पहाटे साडेपाचच्या सुमारास ही घटना घडली. मीनल गुलाब ठोंबरे आणि त्यांच्या मावशी सुमन महादेव पारदे या दोघी एका खोलीत झोपल्या असताना अचानक भिंत त्यांच्या अंगावर कोसळली. दोघींनाही ढिगाऱ्यातून बाहेर काढून उपचारासाठी रुग्णालयात दाखल करण्यात आलं. मात्र, प्रकृती गंभीर असल्याने बार्शीतील रुग्णालयात हलवत असताना वाटेतच दोघींचा मृत्यू झाला. या घटनेनंतर वैराग शहरात हळहळ व्यक्त केली जात असून, पोलिसांकडून पुढील तपास सुरू आहे.

हेही वाचा

राष्ट्रपती द्रौपदी मुर्मू यांचं आवाहन; आता तुकाराम मुंढेंनीही दिला सेलिब्रेटींना इशारा, नेमकं काय म्हणाले?

Marathi vs Jain Mira Bhayandar: पर्युषण काळात शाळेत मेथीची भाजी नेल्याने विद्यार्थ्याला दंड, मीरा-भाईंदरमधील शाळेला शिक्षण विभागाची नोटीस

प्रभाकर कुडाळकर, एबीपी माझा — Tue, 22 Sep 2026 08:13:54 +0530

Marathi vs Jain Mira Bhayandar: जेवणाच्या डब्यात मेथीची भाजी आणल्याप्रकरणी विद्यार्थ्याकडून 50 रुपये दंड आकारल्याची तक्रार समोर आल्यानंतर भाईंदरमधील तपोवन विद्यालयाला मीरा-भाईंदर (Mira Bhayandar news) महानगरपालिकेच्या शिक्षण विभागाने कारणे दाखवा नोटीस बजावली आहे. या प्रकारामुळे शाळेतील (Tapovan School) विद्यार्थ्यांच्या आहारावर निर्बंध घालण्याच्या मुद्द्यावरून वाद निर्माण झाला आहे. (Paryushan Parv 2026)

महाराष्ट्र नवनिर्माण सेनेचे पदाधिकारी रॉबर्ट डिसोझा यांनी याबाबत पालिकेकडे तक्रार केली होती. त्यांच्या म्हणण्यानुसार, शाळेतील बहुतांश विद्यार्थी जैन समाजातील असून प्रवेशाच्या वेळी विद्यार्थ्यांच्या डब्यात मांसाहारी पदार्थ तसेच कंदमुळे असलेले पदार्थ आणू नयेत, अशा सूचना पालकांना दिल्या जात असल्याचा आरोप करण्यात आला आहे. याच पार्श्वभूमीवर मेथीची भाजी डब्यात आणल्याबद्दल विद्यार्थ्याला 50 रुपयांचा दंड केल्याची तक्रार करण्यात आली.

या तक्रारीची दखल घेत मीरा-भाईंदर महापालिकेच्या शिक्षण विभागाने शाळेला कारणे दाखवा नोटीस बजावली आहे. शाळांना विद्यार्थ्यांच्या आहारावर अशा प्रकारचे निर्बंध लादता येत नाहीत आणि विशिष्ट खाद्यपदार्थ आणल्याबद्दल दंड आकारणे गंभीर बाब असल्याचे नोटिशीत नमूद करण्यात आले आहे. अशा प्रकारच्या कृतीमुळे विद्यार्थ्यांच्या मूलभूत अधिकारांबरोबरच शिक्षणाच्या अधिकाराशी संबंधित नियमांचे उल्लंघन होऊ शकते, असेही पालिकेने स्पष्ट केले आहे. दरम्यान, यापूर्वीही मीरा रोड येथील एका शाळेने पर्युषण पर्वाच्या काळात कांदा, लसूण आणि काही खाद्यपदार्थ डब्यात आणू नयेत, अशा सूचना दिल्याने वाद निर्माण झाला होता. त्या प्रकरणातही शिक्षण विभागाने नोटीस बजावल्यानंतर संबंधित परिपत्रक मागे घेण्यात आले होते. शाळा व्यवस्थापनाची या प्रकरणातील अधिकृत प्रतिक्रिया अद्याप समोर आलेली नाही.

याप्रकरणी तक्रार प्राप्त झाल्यानंतर मीरा-भाईंदर महापालिकेच्याशाळेत मेथीची भाजी आणण्यास मनाई असल्याने संबंधित विद्यार्थ्याला कॅन्टीनमधून दुसरी भाजी घेण्यासाठी 50 रुपये आकारण्यात आल्याचे तपोवन विद्यालयाने विद्यार्थ्याच्या पालकांना दिलेल्या पत्रात नमूद केले आहे. याबाबत महाराष्ट्र नवनिर्माण सेनेचे पदाधिकारी रॉबर्ट डिसोझा यांनी पालिकेच्या शिक्षण विभागाकडे तक्रार केली होती. त्यानंतर शिक्षणाधिकारी सुलभा वटारे यांनी 18 सप्टेंबरला शाळेला कारणे दाखवा नोटीस बजावली. आरटीई कायद्यानुसार विद्यार्थ्यांवर अशा प्रकारचे नियम लावता येत नसल्याचे नोटीसमध्ये नमूद करण्यात आले आहे. समाधानकारक खुलासा न केल्यास कारवाई करण्याचा इशाराही शिक्षण विभागाने शाळेला दिला आहे. त्यामुळे आता या शाळेवर काय कारवाई होणार, याकडे सर्वांच्या नजरा लागल्या आहेत.

तपोवन विद्यालयाची अल्पसंख्याक शाळा म्हणून नोंदणी आहे. शाळेला आवश्यकतेनुसार काही नियम करण्याचा अधिकार असला, तरी विद्यार्थ्यांकडून अशा प्रकारे दंड अथवा शुल्क आकारण्याची तरतूद नसल्याचा दावा रॉबर्ट डिसोझा यांनी शिक्षण विभागाकडे केलेल्या तक्रारीत केला आहे, असे मनसेचे शहर अध्यक्ष रॉबर्ट डिसुझा यांनी म्हटले.

आणखी वाचा

Mumbai News: विद्यार्थ्यांच्या डब्यात कांदा-लसूण नको, पर्यूषण पर्वाचा वाद थेट विद्यार्थ्यांच्या डब्यापर्यंत पोहचला; मिरा-भाईंदर अन् वसईतील पालकांना शाळेचा मेसेज, नेमकं प्रकरण काय?

Vasai News: पहाटे बीचवर फुटबॉल खेळायला गेला; समुद्राच्या पाण्यात गेलेला बॉल आणायला गेला तो परतलाच नाही, वसईच्या सुरुची बीचवर 15 वर्षीय अंकित बेपत्ता; 72 तासांनंतरही शोध सुरू

प्रभाकर कुडाळकर, एबीपी माझा — Wed, 16 Sep 2026 15:52:15 +0530

वसई : गणेश चतुर्थीच्या दिवशी सुरुची बीचवर फुटबॉल आणण्यासाठी समुद्रात गेलेला १५ वर्षीय अंकित गुप्ता बेपत्ता झाला, घटनेला ७२ तासांहून अधिक काळ उलटूनही (Vasai News) त्याचा शोध अद्यापही लागलेला नाही. नायगावच्या रश्मी परिसरातील रहिवासी असलेला अंकित १४ सप्टेंबर रोजी मित्रांसोबत फुटबॉल खेळण्यासाठी सुरुची बीचवर गेला होता. खेळताना फुटबॉल समुद्राच्या पाण्यात गेल्यानंतर तो तो आणण्यासाठी पाण्यात (Vasai News) उतरला. मात्र, भरतीच्या वेगवान प्रवाहात तो वाहून गेल्याची प्राथमिक माहिती आहे.(Vasai News)

घटनेची माहिती मिळताच वसई पोलीस, अग्निशमन दल आणि भारतीय तटरक्षक दलाच्या पथकांनी संयुक्त शोधमोहीम सुरू केली. समुद्रकिनाऱ्यासह समुद्रातील संभाव्य भागात बोटींच्या माध्यमातून शोध घेतला जात आहे. तसेच हेलिकॉप्टरच्या सहाय्याने हवाई शोधमोहीमही राबवण्यात येत आहे. समुद्रातील बदलते प्रवाह, लाटांचा वेग आणि विस्तीर्ण शोधक्षेत्रामुळे बचाव पथकांसमोर आव्हान निर्माण झाले आहे. दरम्यान, अंकितचा शोध लागावा यासाठी कुटुंबीयांकडून प्रशासनाकडे अपेक्षा व्यक्त करण्यात येत आहे.(Vasai News)

अंकित अचानक दिसेनासा झाल्याने त्याच्या मित्रांनी तातडीने आरडाओरड केली. घटनेची माहिती मिळताच वसई पोलीस, स्थानिक अग्निशमन दल आणि भारतीय तटरक्षक दलाने त्वरित घटनास्थळी धाव घेऊन संयुक्त बचावकार्य सुरू केले. समुद्रात बोटींच्या साह्याने तसेच तटरक्षक दलाच्या हेलिकॉप्टरद्वारे हवाई शोधमोहीम राबवली जात आहे. मात्र, सलग ७२ तास उलटूनही अंकितचा कोणताही सुगावा लागलेला नसल्याने त्याच्या कुटुंबीयांचा जीव टांगणीला लागला आहे. स्थानिक प्रशासन आणि बचाव पथकांकडून अजूनही ही शोधमोहीम तीव्रतेने सुरू आहे. या घटनेमुळे सुरुची बीचवरील पर्यटकांच्या सुरक्षेचा आणि जीवरक्षकांच्या अपुऱ्या व्यवस्थेचा प्रश्न पुन्हा एकदा गंभीरपणे ऐरणीवर आला आहे.

Vasai News: १४ तारखेला सकाळी ५:५० वाजता अंकित घरातून निघाला...

अंकितचे काका धर्मेंद्र गुप्ता यांनी माध्यमांना माहिती देताना सांगितलं की, अंकित हा नायगाव ईस्ट येथील 'रश्मी इंटरनॅशनल स्कूल'मध्ये ९वी इयत्तेत शिकतो. तो नक्षत्र ग्रीन, बिल्डिंग नंबर ७, नायगाव येथे राहतो. १४ तारखेला सकाळी ५:५० वाजता अंकित घरातून डॉन बॉस्को येथे फुटबॉल खेळायला जात असल्याचे सांगून निघाला होता. मित्रांच्या सांगण्यानुसार त्यांनी ओला (Ola) कॅब बुक केली आणि ते सुरची बीच (Surchi Beach) येथे गेले. मित्रांच्या दाव्यानुसार, खेळताना फुटबॉल आत गेला आणि तो काढण्यासाठी अंकित व त्याचे दोन साथीदार गेले. अंकित मोठा असल्याने पुढे गेला व त्याचा पाय घसरून तो पडला. १४ तारखेच्या सकाळी ९:०० वाजण्याच्या सुमारास तो बेपत्ता झाला. घटनेला ७२ तासांहून अधिक काळ लोटला असून अद्याप त्याचा शोध लागलेला नाही. कोस्टगार्डचे (Coast Guard) हेलिकॉप्टर सकाळी ८:०० वाजता आले होते आणि त्यांनी परिसर फिरून पाहिला, पण काहीही माहिती मिळालेली नाही, अशी माहिती देखील सांगितली.

Vasai News: आरडाओरड किंवा मदत मागितली नाही...

स्थानिकांनी आणि मच्छिमारांनी दिलेल्या माहितीनुसार, मुले वर्तुळ करून खेळत होती. अंकित खाली पडल्यानंतर त्याच्या सोबतच्या एकाही मित्राने त्याला वाचवण्यासाठी आरडाओरड किंवा मदत मागितली नाही. स्थानिक मच्छिमारांच्या मते, जर त्यांना तातडीने कळवले असते तर त्यांनी लगेच त्याला वाचवले असते. पोलिसांनी सर्व मुलांची फक्त एकत्र (ग्रुपमध्ये) चौकशी केली आहे. प्रत्येक मुलाची वैयक्तिक आणि वेगळी चौकशी करावी, अशी धर्मेंद्र गुप्ता यांची मागणी आहे, कारण मुलांच्या दाव्यावर त्यांचा विश्वास बसत नाहीये. पोलिसांनी १४ तारखेला सकाळी १०:१५ वाजता माहिती दिल्यानंतर, धर्मेंद्र गुप्ता सतत घटनास्थळी उपस्थित राहून शोधावर लक्ष ठेवून आहेत.

Narendra Mehta and Asgar ali vora: भाजपच्या नरेंद्र मेहतांनी अखेर पंतप्रधान मोदींच्या वर्गमित्राची जमीन परत केली, पोलीस तक्रारही मागे घेतली, मीरा भाईंदरमध्ये नेमकं काय घडलं?

प्रभाकर कुडाळकर, एबीपी माझा — Wed, 16 Sep 2026 08:20:20 +0530

Narendra Mehta and Asgar ali vora: मीरा रोड येथील 81 वर्षीय रहिवासी असगर अली वोरा (Asgar ali vora) यांनी त्यांचे शालेय मित्र आणि पंतप्रधान नरेंद्र मोदी (PM Narendra Modi) यांची भेट घेऊन भाजपचे आमदार नरेंद्र मेहता यांच्या मालकीच्या बांधकाम कंपनीने भाईंदरमधील (mira bhayandar news) आपल्या जमिनीवर अतिक्रमण केल्याचा आरोप केला होता. या घटनेनंतर काही दिवसांनी, मंगळवारी मेहता (Narendra Mehta) यांनी जाहीर केले की ते या वादग्रस्त जमिनीचा ताबा सोडत आहेत आणि त्या भूखंडासाठी (Land Scam) मिळालेली बांधकामाची परवानगीही परत करत आहेत. तसेच, त्या वृद्ध व्यक्तीविरुद्ध (असगर अली वोरा) आपण यापूर्वी दाखल केलेली तक्रार मागे घेत असल्याचेही नरेंद्र मेहता यांनी सांगितले. (Maharashtra Politics news)

वोरा यांनी गुजरातच्या वडनगरमधील बी. एन. स्कूलमध्ये मोदींसोबत शिक्षण घेतले होते. त्यांनी 8 सप्टेंबर रोजी पंतप्रधानांची भेट घेऊन या वादात हस्तक्षेप करण्याची विनंती केली. त्यांनी सांगितले की, 1989 मध्ये त्यांनी भाईंदर (पूर्व) येथील नवघर भागात सुमारे 2,810 चौरस मीटर जमीन खरेदी केली होती; मात्र 2011 मध्ये 'स्वयं बिल्डर्स' आणि मेहता यांच्या 'सेव्हन इलेव्हन कन्स्ट्रक्शन्स'ने या भूखंडाचा ताबा घेतला. गेल्या 15 वर्षांपासून आपण विविध सरकारी यंत्रणांकडे या प्रकरणाचा पाठपुरावा करत असल्याचे वोरा यांनी सांगितले. भेटीदरम्यान पंतप्रधानांकडून सकारात्मक प्रतिसाद मिळाल्याचेही त्यांनी नमूद केले.

या बैठकीनंतर सरकारी अधिकाऱ्यांनी हे प्रकरण हाती घेतले. मंगळवारी मंत्रालयात मुख्यमंत्र्यांचे प्रधान सचिव श्रीकर परदेशी यांनी एका बैठकीचे आयोजन केले होते. या बैठकीला वोरा, मेहता, मीरा-भाईंदर महानगरपालिका आयुक्त राधा बिनोद शर्मा आणि नगररचनाकार पुरुषोत्तम शिंदे उपस्थित होते.

बैठकीदरम्यान, मेहता यांनी नगररचना विभागाला एक पत्र सादर केले; त्यात त्यांनी नमूद केले की, ते वादग्रस्त जमिनीचा ताबा सोडत आहेत आणि त्यांना मिळालेली बांधकाम परवानगीही परत करत आहेत. या जमिनीची खरेदी २०१९ मध्ये मर्विन फर्नांडिस यांच्याकडून करण्यात आली होती, असेही मेहता यांनी पत्रात म्हटले आहे. पोलीस आयुक्तांना लिहिलेल्या एका स्वतंत्र पत्रात आमदारांनी सांगितले की, दोन्ही बाजूंमध्ये समझोता झाल्यामुळे ते वोरा यांच्या विरोधातील आपली यापूर्वीची तक्रार मागे घेत आहेत.

आणखी वाचा

Narendra Modi : पंतप्रधानांच्या बालमित्राची जमीन कोण हडपली? मिरा भाईंदरच्या असगरअलींची भाजप नेत्याच्या विरोधात CBI चौकशीची मागणी

Maharashtra Rain :राज्यभरात लाडक्या बाप्पासोबत पावसाचंही आगमन; मुंबईसह महाराष्ट्राच्या 'या' भागांत मुसळधार पावसाचा इशारा; आज कुठे कसं असेल हवामान? वाचा सविस्तर

एबीपी माझा वेब टीम — Mon, 14 Sep 2026 08:29:09 +0530

Maharashtra Rain Alert: राज्यभरात आज गणेशोत्सवाचा मोठा उत्साह बघायला मिळत असताना पावसानं पुन्हा एकदा जोरदार कमबॅक केलाय. मुंबई ठाणे, कोकणापासून ते विदर्भापर्यंत अनेक भागांमध्ये पावसाच्या सरी (Maharashtra Rain) कोसळत आहे. कुठे रस्ते जलमय झालेत, कुठे गणेश मंडपामध्ये पाणी शिरलं, तर विदर्भ मराठवाड्यामध्ये याच पावसामुळे करपण्याच्या मार्गावर असलेल्या पिकांना जीवदान मिळाल्याने पावसाचं सावट असलं तरी बळीराजासाठी हा पाऊस दिलासा देणारा ठरला आहे. काही दिवसांच्या विश्रांतीनंतर राज्यांमध्ये पावसाने हजेरी लावल्याने उकड्यापासून हैराण नागरिकांनाही दिलासा मिळाला आहे. तर बंगालच्या उपसागरात निर्माण झालेल्या कमी दाबाच्या क्षेत्रामुळे विदर्भ, मराठवाडा, उत्तर महाराष्ट्र आणि कोकणामध्ये पावसासाठी पोषक वातावरण निर्माण झाले आहे. परिणामी आज देखील राज्यात पावसाचा जोर कायम 14 आणि 15 सप्टेंबर रोजी अनेक भागांत मुसळधार ते अतिमुसळधार पावसाची शक्यता हवामान खात्याने वर्तवली आहे. विशेषतः उत्तर कोकण आणि उत्तर मध्य महाराष्ट्रातील काही भागांत अतिमुसळधार ते मुसळधार पाऊस पडण्याचा अंदाज आहे. काही ठिकाणी विजांच्या कडकडाटासह ताशी 40 ते 50 किलोमीटर वेगाने वारे वाहण्याचीही शक्यता आहे.

Maharashtra Rain Alert : भारतीय हवामान विभागाचा अंदाज काय?

भारतीय हवामान विभागाने (IMD) काही ठिकाणी मुसळधार ते अति मुसळधार पावसाचा अंदाज वर्तवल्यामुळे रविवारी (१३ सप्टेंबर २०२६) मुंबईत 'ऑरेंज अलर्ट' कायम होता. त्याच वेळी महाराष्ट्रातील इतर अनेक जिल्ह्यांमध्ये आज (सोमवार 14 सप्टेंबर 2026) रोजी सकाळी 8.30 वाजेपर्यंत मुसळधार पाऊस, मेघगर्जना आणि विजांच्या कडकडाटाचा इशारा देण्यात आला होता.

तर पालघरसाठी अधिक तीव्र हवामानाचा अंदाज वर्तवण्यात आला होता, ज्यामध्ये मेघगर्जना आणि विजांच्या कडकडाटासह एक-दोन ठिकाणी मुसळधार ते अत्यंत मुसळधार पावसाची शक्यता आहे. महाराष्ट्रातील इतर भागांचा विचार करता, नंदुरबार जिल्ह्याला IMD च्या बुलेटिनमधील सर्वोच्च इशारा श्रेणीत (हायएस्ट वॉर्निंग कॅटेगरी) ठेवण्यात आले होते, तिथेही मेघगर्जना, विजांचा कडकडाट आणि एक-दोन ठिकाणी मुसळधार ते अत्यंत मुसळधार पावसाचा अंदाज होता. नाशिकच्या घाटमाथ्यावर मेघगर्जना आणि विजांच्या कडकडाटासह मुसळधार ते अत्यंत मुसळधार पाऊस पडू शकतो, तर धुळे जिल्ह्यात मेघगर्जना आणि ताशी 40-50 किमी वेगाच्या सोसाट्याच्या वाऱ्यांसह मुसळधार ते अति मुसळधार पावसाची शक्यता आहे.

Rain News: जळगाव, नाशिक, पुणे घाटमाथा भागांतही मेघगर्जना, विजांचा कडकडाटासह पावसाच्या सरी

जळगाव, नाशिक, पुणे घाटमाथा, छत्रपती संभाजीनगर आणि जालना येथील काही भागांतही मेघगर्जना, विजांचा कडकडाट आणि ताशी ४०-५० किमी वेगाच्या सोसाट्याच्या वाऱ्यांसह मुसळधार पावसाचा अंदाज वर्तवण्यात आला होता. विदर्भातील अकोला, अमरावती, बुलढाणा आणि वाशीम यांसारख्या भागांतही अशाच प्रकारचा मुसळधार पाऊस आणि मेघगर्जनेचा इशारा देण्यात आला होता.

Dharashiv Rain : धाराशिव जिल्ह्यात दोन दिवसांपासून ढगाळ वातावरण, पावसाचा पत्ता नाही. शेतातील उभं पिक करपून गेलं

भारतीय हवामान विभागाने धाराशिव जिल्ह्यात 12 आणि 13 सप्टेंबर दरम्यान विजांच्या कडकटासह वादळ वाऱ्यासह मुसळधार पावसाचा येलो अलर्ट जारी केला होता. मात्र, हवामान विभागाने अंदाज वर्तवल्यानंतरही प्रत्यक्षात पाऊस झाला नाही. त्यामुळे बळीराजा हवालदिल झाला आहे. दोन दिवस फक्त ढगाळ वातावरण पाहायला मिळालं. पावसाने दडी मारल्याने जिल्ह्यातील लहान मोठे जल प्रकल्प कोरडे पडले असून शेतातील उभे पिक करपून गेल्याने शेतकऱ्यांची चिंता अधिक वाढली आहे.

Sindhudurg Rain: तळकोकणात पावसाच्या सरी

तळकोकणात पावसाच्या सरी कोसळत आहेत. कुडाळ, सावंतवाडी, दोडामार्ग, कणकवली तालुक्यातील बहुतांश भागात पावसाच्या हलक्या सरी कोसळत आहेत. गेले काही दिवस दडी मारलेल्या पावसाच्या हलक्या सरी कोसळत असल्याने बळीराजा सुखावला आहे.

Bhandara Rain News: भंडाऱ्यात पावसामुळं 20 घरांचं मोठं नुकसान

भंडारा जिल्ह्यात शनिवारी आणि रविवारी पावसानं जोरदार हजेरी लावली. त्यामुळं साकोली, मोहाडी आणि तुमसर तालुक्यात घर आणि गोठ्यांची पडझड झाल्याची नोंद जिल्हा प्रशासनानं केली आहे. 17 घरांची तर, 3 गोठ्यांची पडझड होऊन नुकसान झालं आहे. सुदैवानं यात कुठलीही जीवितहानी झाली नसून शीत पिकांचं नुकसान झालं नसल्याचा प्राथमिक अंदाज भंडारा जिल्हा प्रशासनानं व्यक्त केला आहे.

इतर महत्वाच्या बातम्या

दुष्काळ जाहीर करा, हेक्टरी 1 लाख मदत द्या, अन्यथा सत्ताधाऱ्यांना सळो की पळो करुन सोडणार, रविकांत तुपकरांचा इशारा