जागतिक पातळीवर पंतप्रधान मोदी हिंदी बोलतात तेव्हा छाती फुगते; CM फडणवीसांनी सांगितला भाषेचा अभिमान

Mumbai Local Train Central Railway: मुंबई लोकल खोळंब्याचं भयंकर कारण समोर, 5 तासांपासून ट्रेन जागच्या जागी उभ्या, वाहतूक सुरळीत होण्यास रात्र होणार!

प्रशांत बढे, एबीपी माझा — Mon, 26 Oct 2026 14:12:41 +0530

Mumbai Local Train Central Railway: कुर्मगती कारभार, रोज उशीराने येणाऱ्या ट्रेन आणि तांत्रिक बिघाड पाचवीला पूजलेल्या मध्य रेल्वेच्या (Central Railway) गलथानपणाचा सोमवारी कळस गाठला गेला. आठवड्याच्या पहिल्याच दिवशी सोमवारी सकाळी 10 वाजता मध्य रेल्वेमार्गावरील सिग्नल यंत्रणेत (Signal System) प्रचंड मोठा बिघाड झाला. त्यानंतर आता दुपारचे दोन वाजले तरी मध्य रेल्वे प्रशासनाला हा बिघाड दुरुस्त करता आलेला नाही. त्यामुळे गेल्या पाच तासांपासून मध्य रेल्वेची अप आणि डाऊन दिशेची धीम्या आणि जलद मार्गावरील वाहतूक पूर्णपणे विस्कळीत झाली आहे. यामुळे मध्य रेल्वेच्या प्रवाशांचे प्रचंड हाल होताना दिसत आहेत. (Mumbai Railway news)

मध्य रेल्वेमार्गावर सध्या रेल्वे ट्रॅकवर ट्रेन एकापाठोपाठ एक उभ्या आहेत. यामध्ये लांब पल्ल्याच्या एक्स्प्रेस ट्रेनचाही समावेश आहे. सकाळपासून हा खोळंबा झाला आहे. कांजूरमार्ग येथील सिग्नल यंत्रणेच्या केबिनमध्ये आग लागल्याने ठाणे ते विक्रोळी दरम्यान संपूर्ण सिग्नल यंत्रणा ठप्प झाली आहे. सकाळी 10 वाजता मुलुंड ठाणे दरम्यान ओव्हरहेड वायरमध्ये बिघाड झाल्याने वाहतूक ठप्प झाली होती. त्यानंतर कांजूरमार्ग येथील सिग्नल केबिनमध्ये आग लागली आणि ठाणे ते विक्रोळी पर्यंत सिग्नल यंत्रणा बंद झाली. अजून सुमारे तीन ते चार तास इथल्या केबल बदलण्यास लागणार आहे. तर मध्य रेल्वेची वाहतूक सुरळीत होण्यास रात्र होण्याची शक्यता आहे.

सकाळी दहा वाजता सिग्नल केबिनमध्ये आग लागल्यानंतर कांजूरमार्ग रेल्वे स्थानकाच्या पुढील सर्व सिग्नल एका फटक्यात बंद पडले. त्यामुळे मोटरमन्सला लोकल ट्रेन जागेवर थांबवाव्या लागल्या. एक-दोन तास उलटूनही ट्रेन एकाच जागी उभ्या असल्याने अनेक प्रवाशांनी रेल्वे ट्रॅकवर उतरुन पुढचे स्थानक गाठले. येत्या काही तासांमध्ये सिग्नल यंत्रणा सुरळीत होऊन सुरु झाली तरी आतापर्यंतच्या लोकल ट्रेनचे वेळापत्रक पूर्णपणे कोलमडले आहे. त्यामुळे संध्याकाळी गर्दीच्यावेळी मध्य रेल्वेच्या स्थानकांवर प्रचंड गर्दी होण्याची शक्यता आहे. कालच मध्य रेल्वेमार्गावर मेगाब्लॉक ठेवण्यात आला होता. मात्र, त्याच्या दुसऱ्याच दिवशी इतका मोठा तांत्रिक बिघाड झाल्याने मध्य रेल्वेने मेगाब्लॉकच्या काळात नक्की काय केले, असा सवाल विचारला जात आहे. प्रवाशांकडून मध्य रेल्वेच्या कारभाराविषयी प्रचंड संतापही व्यक्त केला जात आहे.

आणखी वाचा

Mumbai Local Train Central Railway: मुंबईत लोकल ट्रेनच्या वाहतुकीचा खेळखंडोबा! साडेतीन तास ट्रेन एकाच जागी, बिघाड दुरुस्त करायला आणखी पाच तास लागणार?

Raj Thackeray Speech | दुचाकी, चारचाकी, सिग्नल ते सरकार... नवी मुंबईतील मेळाव्यातलं राज यांचं भाषण!

abp majha web team — Mon, 26 Oct 2026 14:00:03 +0530

राज ठाकरेंनी सांगितलं सांगितले की, या देशातील ट्रॅफिक बघितल्यानंतर या देशातल भविष्य दिसतं, या देशाचा वर्तमान पण दिसतो. कारण आम्हाला माहितीच नाही, गाड्या चालवायच्या कशा, गाड्या पार्क कुठे करायच्या हे आम्हाला आणि सरकारलाही माहित नाही. आपल्याकडे फक्त पूल बांधले जातात, रस्ते अशासाठी बांधले जातात की परत दोन वर्षात काम निघावीत. राज ठाकरे यांनी सांगितलं की, नो पार्किंगचा फुटपाथ हा तुम्ही काळ्या आणि लाल पट्ट्यांमध्ये करा म्हणजे लोकांना समजेल की इथे पार्किंग करायचं नाही आणि जिकडे पार्किंग करायचं तिथे पिवळ्या आणि काळ्या पट्ट्यांमध्ये तो फुटपाथ रंगवला तर लोकांना सोपं जात बघायला. राज ठाकरे यांनी सांगितले की, माझं पोलीस संरक्षण असून देखील मी माझ्या सर्व चालकांना माझी सख्त ताकीद असते सिग्नल मोडायचा नाही कितीही अर्जंट असेल काम तरी सिग्नल मोडायचा नाही. शहर म्हणून आम्ही कुठची शिस्त पाळत नाही आहोत सरकार म्हणून कुठची शिस्त पाळली जात नाहीये आणि सगळ्या गोष्टींचा बोजा टाकायचा पोलिसांवर.

Mumbai Local Train Central Railway: मुंबईत लोकल ट्रेनच्या वाहतुकीचा खेळखंडोबा! साडेतीन तास ट्रेन एकाच जागी, बिघाड दुरुस्त करायला आणखी पाच तास लागणार?

प्रशांत बढे, एबीपी माझा — Mon, 26 Oct 2026 13:30:27 +0530

Mumbai Local Train Central Railway: मुंबईची लाईफलाईन मानली जाणाऱ्या उपनगरीय रेल्वे मार्गावरील लोकल ट्रेनची सेवा सोमवारी प्रचंड मोठ्या तांत्रिक बिघाडामुळे पूर्णपणे कोलमडून पडली. सकाळी 10 वाजता मध्य रेल्वे मार्गावर मुलुंड ते ठाणे (Thane news) आणि कांजूरमार्ग ते भांडूप अशा दोन ठिकाणी सिग्नल यंत्रणेत बिघाड निर्माण झाला. तांत्रिक बिघाड पाचवीला पुजलेल्या मध्य रेल्वेच्या प्रवाशांना हा नेहमीप्रमाणे लहानसहान बिघाड असेल, असे वाटले होते. मात्र, आता साडेतीन तास उलटून गेल्यानंतरही मध्य रेल्वेची (Central Railway) वाहतूक पूर्णपणे ठप्प आहे. सिग्नल यंत्रणेतील या बिघाडामुळे अप आणि डाऊन अशा दोन्ही दिशेची जलद आणि धीम्या मार्गावरील दोन्हीकडची वाहतूक बंद आहे. यामुळे सकाळी कार्यालयात जाण्यासाठी निघालेले कर्मचारी ट्रेनमध्येच अडकून पडले आहेत. सध्या मुंबईत प्रचंड ऑक्टोबर हिट जाणवत आहे. अशात लोकल ट्रेन एकाच जागी अडकून पडल्याने प्रवाशांचे प्रचंड हाल झाले. अखेर काही प्रवाशांनी कंटाळून लोकल ट्रेनमधून उतरुन रेल्वे ट्रॅकवरुन पायी चालत जाणे पसंत केले. (Mumbai Local Train)

सकाळी 10 वाजल्यापासून मध्य रेल्वेच्या वाहतुकीचा पूर्णपणे बोजवारा उडाला आहे. रेल्वे सेवा ठप्प होऊन साडेतीन तास उलटले आहेत तरी अद्याप रेल्वे प्रशासनाला सिग्नल यंत्रणेतील बिघाड दुरुस्त करता आलेला नाही. हा बिघाड दुरुस्त होण्यासाठी आणखी चार ते पाच तास लागू शकतात, अशी सूत्रांची माहिती आहे. त्यामुळे आज संध्याकाळी घरी परततानाही मुंबईकरांचे प्रचंड हाल होण्याची शक्यता आहे. मध्य रेल्वेची वाहतूक ठप्प असल्याने आता इस्टर्न एक्स्प्रेस हायवे आणि एलबीएस रोडवरील वाहतूक कोंडीत भर पडण्याची शक्यता आहे.

कालच मध्य रेल्वेमार्गावर मेगाब्लॉक होता. मात्र, त्यानंतरही आठवड्याच्या पहिल्याच दिवशी सिग्नल यंत्रणेत बिघाड निर्माण झाल्याने प्रवाशांकडून संताप व्यक्त केला जात आहे. देशाची आर्थिक राजधानी असलेल्या मुंबईत इतक्या महत्त्वाच्या वाहतूक व्यवस्थेतील बिघाड दुरुस्त करायला यंत्रणांना चार तास उलटूनही यश मिळत नाही, यावरुन रेल्वे प्रशासनाला लक्ष्य केले जात आहे. मध्य रेल्वे मार्गावरील उशीरा येणाऱ्या गाड्या आणि तांत्रिक बिघाड हे प्रवाशांना नवीन नाहीत. मात्र, सोमवारी या सगळ्याचा कळस गाठला गेला. याबाबत आता रेल्वे प्रशासन काय स्पष्टीकरण देणार, हे बघावे लागेल.

आणखी वाचा

मोठी बातमी : तीन तासांपासून लोकल जागच्या जागी उभ्या, सिग्नल यंत्रणेत बिघाड, मध्य रेल्वेचा आतापर्यंतचा सर्वात मोठा बोजवारा!

फुटपाथवर चालता येत नाही ,बागा, चांगली मैदान नाहीत आणि सांगायचं आमचा जीडीपी 7.8 टक्के झालाय; महाराष्ट्राची सत्ता माझ्या हातात कधी देतोय याची वाट पाहतोय, शिस्त लावणं राॅकेट सायन्स नाही : राज ठाकरे

अजय माने — Mon, 26 Oct 2026 13:29:08 +0530

Raj Thackeray: हा महाराष्ट्र माझ्या हातात, सत्ता कधी देताय याची मी खरंच वाट पाहतोय, शिस्त आणणं हे काही रॉकेट सायन्स नाहीये याला फक्त इच्छा लागते, असे मनसे अध्यक्ष राज ठाकरे यांनी म्हटलं आहे. नवी मुंबईतील मनसे वाहतूक सेनेच्या मेळाव्यात राज ठाकरे यांनी वाहतुकीच्या मुद्यांवरुन भाष्य करताना चांगलंच फटकारलं. फुटपाथवर चालता येत नाही, आमच्याकडे बागा नाहीत, आमच्याकडे चांगली मैदान नाहीत, आणि सांगायचं 7.8 टक्के जीडीपी झालाय, अशी टीका त्यांनी केली.

सरकार एफएसआय बदाबदा देत आहे

एखाद्या क्षेत्रफळाच्या एखाद शहर असत त्याच्या क्षेत्रफळाच्या 15 टक्के शहरात रस्ते असले पाहिजेत, हा सर्वसाधारणपणे कायदा आहे, पुण्यात 7 टक्के रस्ते आहेत.सरकार एफएसआय बदाबदा देत आहे, इमारती उभ्या राहता आहेत. आपल्याकडे डेव्हलपमेंट प्लॅन येतो, पण आपल्याकडे टाऊन प्लॅनिंग होत नाही, अशी खंत त्यांनी व्यक्त केली. बिल्डरांच्या दोस्तीतून फक्त डेव्हलपमेंट प्लान फक्त आखतात, पण टाऊन प्लॅनिंग नावाची गोष्ट उरलेली नाही, असे ते म्हणाले.

परत दोन वर्षात काम निघावीत

राज ठाकरे म्हणाले की, ई चालानला विरोध नाही कोणाचा परंतु ज्या प्रकारे लावले जातात त्या जरा गोष्टी तपासल्या पाहिजेत. ई चलान हे मला वाटतं कॅमेरावरती यायला पाहिजे. त्यांनी सांगितले की, या देशातील ट्रॅफिक बघितल्यानंतर या देशातल भविष्य दिसतं, या देशाचा वर्तमान पण दिसतो. कारण आम्हाला माहितीच नाही, गाड्या चालवायच्या कशा, गाड्या पार्क कुठे करायच्या हे आम्हाला आणि सरकारलाही माहित नाही. आपल्याकडे फक्त पूल बांधले जातात, रस्ते अशासाठी बांधले जातात की परत दोन वर्षात काम निघावीत.

दुचाकी चालवणाऱ्याना वाटतं, सिग्नल आपल्यासाठी नाहीच

त्यांनी सांगितले की, अनेकदा लॉऱ्या टेम्पो असतात ते सगळ्या उजव्या बाजूने चाललेले असतात. रस्त्याच्या खरतर पूर्णपणे डाव्या बाजूने चाललं पाहिजे हा कायदा आहे. रस्त्याच्या कॉर्नरला गाड्या पार्क करू नयेत हा कायदा आहे, पपण कोण पाळत नाही. माणसाचं काम कमी व्हावं म्हणून ट्रॅफिक सिग्नल आले, आमच्याकडे ट्रॅफिक सिग्नल पण असतो आणि पुढे हवालदार पण उभा असतो. दुचाकी चालवणाऱ्याना तर असं वाटतं, सिग्नल आपल्यासाठी नाहीच, त्या चार चाकी गाड्यांसाठी आहे.

सगळ्या गोष्टींचा बोजा टाकायचा पोलिसांवर

राज ठाकरे यांनी सांगितलं की, नो पार्किंगचा फुटपाथ हा तुम्ही काळ्या आणि लाल पट्ट्यांमध्ये करा म्हणजे लोकांना समजेल की इथे पार्किंग करायचं नाही आणि जिकडे पार्किंग करायचं तिथे पिवळ्या आणि काळ्या पट्ट्यांमध्ये तो फुटपाथ रंगवला तर लोकांना सोपं जात बघायला. राज ठाकरे यांनी सांगितले की, माझं पोलीस संरक्षण असून देखील मी माझ्या सर्व चालकांना माझी सख्त ताकीद असते सिग्नल मोडायचा नाही कितीही अर्जंट असेल काम तरी सिग्नल मोडायचा नाही. शहर म्हणून आम्ही कुठची शिस्त पाळत नाही आहोत सरकार म्हणून कुठची शिस्त पाळली जात नाहीये आणि सगळ्या गोष्टींचा बोजा टाकायचा पोलिसांवर.

इतर महत्वाच्या बातम्या

Abhay Oka: निवडणूक आयुक्तांच्या नियुक्तीमध्ये राजकीय वर्चस्व नको; सर्वोच्च न्यायालयाचे माजी न्यायमूर्ती अभय ओक यांचे स्पष्ट मत, लालकृष्ण अडवाणींच्या 'त्या' वक्तव्यांची करुन दिली आठवण

मन हेलावणारी दुर्घटना, पोहता येत नसतानाही पाण्यात उतरले, तलावात बुडून दोन चिमुकल्यांचा मृत्यू

विनायक पाटील, एबीपी माझा — Wed, 21 Oct 2026 21:16:55 +0530

नवी मुंबई : पोहण्याचा मोह दोन चिमुरड्यांच्या जीवावर बेतल्याची अत्यंत मन हेलावून टाकणारी दुर्घटना बुधवारी सकाळी नवी मुंबईतील (Navi mumbai) कोपरी परिसरात घडली. तलावात उतरलेल्या दोन अल्पवयीन मुलांना खोलीचा अंदाज न आल्याने पाण्यात बुडून (Drowned) प्राण गमवावे लागले. गणेश गुप्ता (वय 9) आणि गोलू मन्सुरी (वय 10, दोघेही रा. कोपरी गाव) अशी या दुर्दैवी बालकांची नावे आहेत. या घटनेमुळे कोपरी परिसरात मोठी शोककळा पसरली आहे.

बुधवारी सकाळी गणेश आणि गोलू हे दोघे कोपरी येथील तलावाच्या परिसरात गेले होते. दरम्यान, दोघांनाही पोहता येत नसतानाही ते तलावाच्या पाण्यात उतरले. पाण्याचा अंदाज न आल्याने ते पाण्यात बुडू लागले. मुले बुडत असल्याचे लक्षात आल्यानंतर एका स्थानिक नागरिकाने त्यांना वाचवण्यासाठी तातडीने पाण्यात धाव घेतली आणि शर्थीचे प्रयत्न केले. मात्र, तोपर्यंत पाण्याचा प्रवाह आणि खोलीमुळे दोन्ही मुले पाण्यात पूर्णपणे बुडाली होती. अग्निशमन दलाने दोन्ही मुलांचे मृतदेह बाहेर काढले आहेत. याप्रकरणी, पोलीस अधिक तपास करत आहेत.

माजलगावमध्ये दिवसाढवळ्या घरफोडी

बीडच्या माजलगाव तालुक्यातील नित्रुड येथील भगवान वस्तीवर दिवसाढवळ्या घरफोडीची घटना घडली. बाबासाहेब लक्ष्मण तिडके यांच्या घराचे कुलूप तोडून तीन चोरट्यांनी घरात प्रवेश केला. कपाटातील दोन लाख रुपये रोख, सोन्याचे दागिने आणि अन्य कपाटातील 40 हजार रुपये असा ऐवज चोरट्यांनी लंपास केल्याची माहिती आहे. दरम्यान, यावेळी चोरट्यांना विरोध करणाऱ्या विकास तिडके या युगावर एका चोरट्याने घातक शास्त्राने हल्ला केला यामध्ये विकासाच्या गळ्यावर मोठी जखम झाली आहे.हा प्रकार ग्रामस्थांना लक्षात आल्यानंतर त्यांनी तीन चोरट्यांपैकी एका संशयिताला रंगेहात पकडून पोलिसांच्या ताब्यात दिले. उर्वरित दोन संशयितांचा शोध आणि चोरीला गेलेल्या ऐवजाचा तपास करण्याचे आव्हान पोलिसांसमोर आहे. या घटनेमुळे नित्रुड परिसरात खळबळ उडाली आहे.

हेही वाचा

Eknath Shinde and Ganesh Naik: गणेश नाईकांना डावलून एकनाथ शिंदेंचा मोठा निर्णय, नवी मुंबईतील क्लस्टर योजनेला नगरविकास खात्याचा हिरवा कंदील

विनायक पाटील, एबीपी माझा, नवी मुंबई — Wed, 21 Oct 2026 13:40:32 +0530

Navi Mumbai Cluster Development: नवी मुंबईतील मोडकळीस आलेल्या धोकादायक इमारतींचा पुनर्विकास करण्यासाठी राज्य सरकारकडून क्लस्टर योजना लागू करण्यात आली आहे. एकापेक्षा जास्त हाउसिंग सोसायट्या (Housing Society) एकत्र येऊन पुनर्विकास करणार असतील तर त्यांना क्लस्टर (Cluster) योजनेत विशेष सवलत देण्यात आली आहे. यामुळे धोकादायक इमारतीमध्ये राहणाऱ्या लोकांना याचा फायदा होणार आहे. या निर्णयाच्या माध्यमातून राज्याचे उपमुख्यमंत्री एकनाथ शिंदे (Eknath Shinde) यांनी भाजपचे मातब्बर नेते गणेश नाईक यांना धक्का दिल्याची चर्चा राजकीय वर्तुळात रंगली आहे. गणेस नाईक (Ganesh Naik) आणि एकनाथ शिंदे यांच्यातील राजकीय वैर सर्वश्रूत आहे. दोन्ही नेत्यांकडून अनेकदा एकमेकांविरोधात अलीकडच्या काळात सातत्याने कुरघोडीचे राजकारण होताना पाहायला मिळाले आहे. गणेश नाईक हे नवी मुंबईतील क्लस्टर योजनेच्या विरोधात होते. मात्र, एकनाथ शिंदे यांनी क्लस्टर योजनेला मंजुरी देऊन गणेश नाईक यांच्यावर आणखी एक कुरघोडी केल्याचे बोलले जात आहे. (Navi Mumbai news)

राज्य सरकारच्या या निर्णयाला नवी मुंबईतील नेते गणेश नाईक यांनी कडाडून विरोध केला होता. त्यांची सत्ता असलेल्या नवी मुंबई महानगरपालिकेत शहरातील क्लस्टर योजनेला (Cluster Development Project) ब्रेक लावणारा ठराव पास करण्यात आला होता. शहरात सरसकट क्लस्टर योजनेला परवानगी दिल्यास लोकसंख्या वाढल्याने मुलभूत गरजांवर ताण येईल, असे स्पष्टीकरण देत क्लस्टर योजनेला विरोध करण्यात आला होता. महानगरपालिकेत (Navi Mumbai Mahanagarpalika) पास केलेला हा ठराव एकनाथ शिंदे यांच्या (Eknath Shinde) अखत्यारित असलेल्या नगरविकास खात्याने (Urban Planning) धुडकावला आहे. क्लस्टर योजनेतून सर्वसामान्य गरिबांना चांगली घरे मिळत असल्याने राज्य सरकारची आहे तशी योजना लागू करण्याबाबत नगरविकास खात्याने ग्रीन सिग्नल दिला आहे. एकनाथ शिंदे यांनी क्लस्टर योजनेला पाठिंबा दिल्याने परत एकदा एकनाथ शिंदे विरूध्द गणेश नाईक असा सामना येणाऱ्या काळात पाहायला मिळणार आहे. यावर आता गणेश नाईक काय प्रतिक्रिया देणार, हे पाहावे लागेल.

आणखी वाचा

मोठी बातमी : सकाळी संजय राऊत म्हणाले, तुम्ही ठाण्याचे नेतृत्व करा, आम्ही पाठिंबा देऊ, संध्याकाळी गणेश नाईक पूर्णेकर कुटुंबाच्या भेटीला

Ganesh Naik: डेटा सेंटरला वीज, पाणी लागतं, नॉइज पोल्युशन होतं, डेटा सेंटर हवं, पंतप्रधानांनी सांगितलं पण या सेंटरला माझा वैयक्तिक विरोध, गणेश नाईक नेमकं काय म्हणाले?

Panvel Karjat Local Train Project: पनवेल-कर्जत नवीन उपनगरीय रेल्वे कॉरिडॉर 99 टक्के पूर्ण; लवकरच लोकल धावणार, कसा आहे प्रकल्प?, A टू Z माहिती

अक्षय भाटकर, एबीपी माझा — Sun, 18 Oct 2026 09:38:51 +0530

Panvel Karjat Local Train Project मुंबई: मुंबई नागरी परिवहन प्रकल्प टप्पा-III (MUTP-III) अंतर्गत मुंबई रेल्वे विकास महामंडळा (MRVC) द्वारे राबविण्यात येत असलेला पनवेल-कर्जत नवीन उपनगरीय रेल्वे कॉरिडॉर (Panvel Karjat Local Train Project) पूर्णत्वाच्या जवळ असून, सप्टेंबर 2026 अखेर त्याने 99% भौतिक प्रगती गाठली आहे. 29.6 किमी लांबीचा दुहेरी मार्ग असलेला हा उपनगरीय कॉरिडॉर 2,782 कोटी रुपयांच्या मंजूर खर्चात विकसित केला जात असून, पनवेल आणि कर्जत दरम्यान एक महत्त्वाचा पर्यायी उपनगरीय रेल्वे मार्ग उपलब्ध करून देईल, ज्यामुळे नवी मुंबई आणि कर्जत-रायगड प्रदेशामधील संपर्क लक्षणीयरीत्या मजबूत होईल.

प्रमुख पायाभूत कामे पूर्ण- (Panvel Karjat Local Train Project)

प्रमुख नागरी अभियांत्रिकी कामे मोठ्या प्रमाणात पूर्ण झाली आहेत. सर्व 9 मोठे पूल, 35 छोटे पूल, 5 रेल्वे उड्डाणपूल (ROBs), 16 रेल्वे अंडर ब्रिज (RUBs), आणि पनवेल व करजत येथील दोन्ही रेल्वे फ्लायओव्हर पूर्ण झाले आहेत. खोदकाम, अंतिम बोगदा अस्तरीकरण आणि बॅलेस्टलेस ट्रॅकच्या कामांसह तिन्ही बोगदे पूर्ण झाले आहेत. बोगद्यांमधील इलेक्ट्रिकल आणि मेकॅनिकलची कामे प्रगतीपथावर आहेत.

ट्रॅक जोडणी पूर्णत्वाच्या जवळ- (Panvel Karjat Local Train Project)

ट्रॅकच्या कामात लक्षणीय प्रगती झाली असून, 69.70 किमी पैकी 68.70 किमी ट्रॅक जोडणी पूर्ण झाली आहे. 68.70 किमीवर बॅलेस्ट बेड तयार करणे आणि ट्रॅक नूतनीकरणाची कामे देखील पूर्ण झाली आहेत. पुणे एक्स्प्रेस वे रोड अंडर ब्रिजमधून ट्रॅक जोडणी पूर्ण झाली आहे. पनवेल, चौक आणि मोहपे येथे महत्त्वाचे ट्रॅक बदल आणि पॉइंट इन्सर्शनची कामे देखील यशस्वीरित्या पार पाडण्यात आली आहेत.

स्थानक विकास आणि प्रवासी सुविधा- (Panvel Karjat Local Train Project)

नवीन पनवेल स्थानक इमारत आधीच कार्यान्वित झाली आहे, तर चिखले आणि मोहपे येथील स्थानक इमारती पूर्ण झाल्या आहेत. चौक येथे स्थानक इमारत आणि भुयारी मार्गाची कामे पूर्ण झाली असून, प्लॅटफॉर्म शेड आणि परिसरातील कामे प्रगतीपथावर आहेत. करजत येथे प्लॅटफॉर्म विकास, स्थानक इमारती, प्लॅटफॉर्म संरचना, लिफ्ट, जिने, सरकते जिने आणि इतर प्रवासी सुविधा प्रगत टप्प्यात आहेत.

सिग्नलिंग आणि इतर प्रणाली- (Panvel Karjat Local Train Project)

सिग्नलिंगच्या कामाने सुमारे 95% भौतिक प्रगती गाठली आहे. मोहपे आणि चौक स्थानकांवरील इलेक्ट्रॉनिक इंटरलॉकिंगसाठी फॅक्टरी अॅक्सेप्टन्स टेस्ट (FAT) आणि साईट अॅक्सेप्टन्स टेस्ट (SAT) यशस्वीरित्या पूर्ण झाल्या आहेत. दूरसंचार आणि इतर संबंधित प्रणालींची कामे देखील प्रगतीपथावर आहेत.

भूसंपादन आणि मंजुरी- (Panvel Karjat Local Train Project)

आवश्यक असलेली सर्व खाजगी आणि शासकीय जमीन संपादित करण्यात आली आहे. आवश्यक असलेल्या वनजमिनीचा ताबाही मिळाला असून, वनजमिनीवर फॉर्मेशनची कामे पूर्ण झाली आहेत. आवश्यक वन मंजुरी मिळवण्यात आल्या आहेत.

सुधारित संपर्क आणि प्रादेशिक विकास- (Panvel Karjat Local Train Project)

पनवेल-कर्जत नवीन उपनगरीय रेल्वे कॉरिडॉर कर्जतच्या दिशेने पर्यायी उपनगरीय रेल्वे मार्ग उपलब्ध करून देईल, ज्यामुळे मुंबई उपनगरीय रेल्वे नेटवर्कमधील संपर्क आणि परिचालन लवचिकता सुधारेल. हा कॉरिडॉर अधिक सोयीस्कर आणि वेळेची बचत करणारा प्रवास पर्याय देईल, तसेच नवी मुंबई, रायगड आणि लगतच्या भागात आर्थिक वाढ, निवासी विकास आणि रोजगाराच्या संधींना पाठबळ देईल. हा प्रकल्प सध्या डिसेंबर 2026 पर्यंत पूर्ण करण्याचे लक्ष्य आहे.

राज्यासह देश-विदेशातील महत्वाच्या घडामोडी, VIDEO:

Maharashtra Breaking LIVE: देश-विदेशातील महत्त्वाच्या बातम्यांचा आढावा संक्षिप्त स्वरुपात फक्त एका क्लिकवर...

एबीपी माझा वेब टीम — Wed, 16 Sep 2026 07:25:39 +0530

Maharashtra Breaking LIVE: देश-विदेशातील महत्त्वाच्या बातम्यांचा आढावा फक्त एका क्लिकवर...

Manoj Jarange Patil: उपोषणात दौरा चांगला नाही, त्रास होत असल्याने दौरा रद्द करू शकतो, मनोज जरांगे यांचं सूतोवाच, बीडच्या पाटोदा येथे रात्री दोन वाजता सभा

Manoj Jarange Patil Mumbai Morcha सलाईन घेतले की सरकार बिन्धास्त होतं. सलाईन सोडली की मात्र टेन्शनमध्ये येतं. ज्याला कोणी वस्ताद नाही, ज्याला कोणी बाप नाही, त्याचा बाप आहे मी. चांगल्या चांगल्याची जिरवली आहे. पण उपोषणात दौरा चांगला नाही, त्रास होत असल्याने दौरा रद्द करू शकतो. आरक्षण महत्त्वाचे आहे, दौरा महत्त्वाचा नाही. खोपोलीपर्यंत जायचे म्हणजे माणूस जेवण खाऊन असला पाहिजे. मला पुढचा दौरा आता शक्य होत नाही. मी पाटोद्यातून पोलिसांना सांगून मुंबईला जाईल. असे विधान मराठा आंदोलक मनोज जरांगे पाटील (Manoj Jarange Patil) यांनी केलं आहे. बीडच्या पाटोदा (Patoda) येथे मनोज जरांगे पाटील यांची रात्री दोन वाजता सभा झाली. त्यावेळी ते बोलत होते.

Salman Khan Cryptic Post On Happiness: 'आज माझ्याकडे सगळंय, तरी मी दुःखी का?'; सलमान खानच्या 'त्या' पोस्टनं हादरले चाहते, पोटतिडकीनं विचारू लागले, 'भाईजान काय झालं?'

Salman Khan Cryptic Post On Happiness: अंबानींच्या (Ambani Family) घरच्या बाप्पाचं डोक्याला स्कार्फ बांधून दर्शन घेणाऱ्या सलमान खान (Salman Khan) यानं सर्वांचं लक्ष वेधून घेतलेलं. पण, त्यानंतर अचानक सलमान खाननं (Salman Khan Cryptic Post) केलेल्या एका क्रिप्टिक पोस्टमुळे सर्वांचं लक्ष वेधलं गेलेलं. बॉलिवूडचा सुपरस्टार सलमान खाननं (Bollywood Actor Salman Khan) काल रात्री उशिरा आपल्या इन्स्टाग्राम स्टोरीवर (Salman Khan Instagram Story) एक क्रिप्टिक पोस्ट शेअर केली. ज्यामुळे सोशल मीडियावर चर्चांना उधाण आलं. या पोस्टद्वारे त्यानं सुख आणि इच्छांबाबत एक प्रश्न उपस्थित केलेला. ही पोस्ट पाहिल्यानंतर, 'भाईजान'नं असं का लिहिलं असावं, याचा विचार चाहते करत आहेत. अनेकांना तर त्यांच्या लाडक्या भाईजानची काळजी वाटायला लागली.

Ankita Walawalkar Buy New House In Mumbai: 'ही मोठी भावना आहे...', कोकण हार्टेड गर्लनं दिली गूड न्यूज; कुणालबाबत बोलताना अंकिता म्हणाली...

एबीपी माझा एंटरटेनमेंट डेस्क — Tue, 15 Sep 2026 14:42:47 +0530

Ankita Walawalkar Buy New House In Mumbai: आपल्या हक्काचं स्वप्नातलं घर असावं, ही प्रत्येकाचीच इच्छा असते. अनेकजण पै पै साठवून आपसं स्वप्न पूर्ण करतात. सर्वसामान्यांप्रमाणेच अनेक सेलिब्रिटी आहेत, ज्यांचं मुंबईत (Mumbai News) हक्काचं घर (New Home) घेण्याचं स्वप्न असतं. अनेकांनी ते स्वप्न पूर्णही केलंय. अशातच आता प्रसिद्ध सोशल मीडिया इन्फ्लुएन्सर आणि 'बिग बॉस मराठी' (Bigg Boss Marathi) फेम अंकिता वालावलकर (Ankita Walawalkar) हिनं स्वतःचं हक्काचं घर घेतलंय. तेसुद्धा स्वप्नांचं शहर असलेल्या मुंबईत (Mumbai News).

प्रसिद्ध सोशल मीडिया इन्फ्लुएन्सर कोकण हार्टेड गर्ल (Social Media Influencer Konkan Hearted Girl) म्हणजे, अंकिता वालावलकरनं चाहत्यांसोबत गूड न्यूज शेअर केलीय. तिनं मुंबईत स्वतःच्या हक्काचं घर घेतलंय. खरं तर, अंकितानं काही दिवसांपूर्वी इन्स्टाग्रामवर पोस्ट शेअर करुन गुडन्यूज दिलेली. अंकिता वालावलकर (Ankita Walawalkar) आणि तिचा पती संगीतकार कुणाल भगत (Kunal Bhagat) यांनी आपल्या हक्काचं घर घेतलं आहे. नुकतीच अंकितानं 'राजश्री मराठी'ला मुलाखत दिली. यावेळी बोलताना अंकितानं आपण घर घेतल्याची आनंदाची बातमी पुन्हा एकदा चाहत्यांसोबत शेअर केलीय.

मी नेहमी म्हणायचे की मला घर घ्यायचं आहे. ते घर घेण्यासाठी मी खूप धडपडले आहे, खूप मेहनत केली आहे, असं म्हणत अंकितानं आपण घर घेतल्याचं सांगितलं. तसेच, ज्या दिवशी घराचं टोकन दिलं, त्या दिवशी मी रडले, असंही अंकितानं सांगितलं. यासोबतच अंकितानं एका छोट्याशा गावातून मुंबई येणं आणि इथे येऊन आपली वेगळी ओळख निर्माण करणं, हे तिच्यासाठी कितपत कठीण होतं, हेसुद्धा सांगितलंय.

View this post on Instagram

सोशल मीडिया इन्फ्लुएन्सर अंकिता वालावलकर नेमकं काय म्हणाली? (Ankita Walawalkar On New Home)

सोशल मीडिया इन्फ्लुएन्सर अंकिता वालावलकर म्हणाली की, "स्वत:चं घर असणं, ही मोठी भावना आहे. जेव्हा माझ्या प्रवासाची सुरुवात मुंबईत झाली, तेव्हा याच खोलीत मी माझ्या सिनेमाचं प्रमोशन करण्यासाठी आले होते. ते माझं पहिलं काम होतं, ज्यासाठी मला पैसे मिळाले होते. त्यानंतरचा माझा जो मुंबईत प्रवास आहे, त्या प्रवासात मी नेहमी म्हणायचे की मला घर घ्यायचं आहे. ते घर घेण्यासाठी मी खूप धडपडले आहे, खूप मेहनत केली आहे. आता काहीजण म्हणतील की, तू मुंबईत नाही, पनवेलला घर घेतलं आहेस. तो वेगळा वाद आहे. पण, आम्ही जेव्हा देवबागसारख्या गावातून शहरात येतो, तेव्हा आम्हाला ती सगळी मुंबईच वाटते. मोठ्यमोठ्या इमारती वगैरे, हे आमच्यासाठी शहर आहे..."

अंकितानं पुढे बोलताना सांगितलं की, "कुणालला रिस्क घेण्याची थोडी भीती असते. मी कायम त्याला हेच म्हणते की, तुम्ही लहान भावंडं असता, त्यांना रिस्क घ्यायला भीती वाटते कारण, मोठी भावंडं सगळी रिस्क घेत असतात. लग्नानंतर आम्ही बऱ्याच इंटरनॅशनल ट्रीप केल्या. मी कुणालला म्हणाले की, आपण हे करत राहणार आहोत. पण, मला या पृथ्वीवरती एकतरी कोपरा आपल्या दोघांचा बनलेला हवा आहे. तो मला म्हणाला की, तू हट्टी आहेस, तू ऐकणार नाहीस... मी त्याला म्हणाले की, मी काहीही करून घेणार. त्याला गावी घर हवं आहे. शहरात फ्लॅटमध्ये राहायचं आहे, असं त्याचं नाही. तो म्हणतो की, काही काळानंतर मी निवृत्ती घेणार आणि गावी मला छोटंसं घर, शेती असं काहीतरी हवं आहे. मी विचार केला की गाव आणि शहर या दोघांचा मला समतोल साधावा लागणार. शहरही माझ्यासाठी तितकंच महत्त्वाचं आहे, कारण माझे ब्रँड आहेत. मग मी त्याला म्हणाले की, छोटं का होईना पण, काहीतरी घेऊया..."

"ज्या दिवशी घराचं टोकन दिलं, त्या दिवशी मी रडले. जेव्हा घराच्या पेपरवर सह्या करायच्या होत्या, तेव्हा कुणाल दोन रात्री झोपलाच नाही. मोठी रिस्क आहे, असं त्याला वाटत होतं. पण, आता त्याला वाटतं की बरं झालं आपण तेव्हा घर घेतलं. तर, हा प्रवास अजूनही चालूच आहे. आता घराचं इंटिरिअर चालू आहे, त्यामुळे हा प्रवास न संपणारा आहे...", असं अंकिता वालावलकर म्हणाली.

महत्त्वाच्या इतर बातम्या :

Sonali Kulkarni On Aamir Khan: 'आमिर खानशी लग्न करण्यासाठी कित्येक मुली उत्सुक... त्यानं 3-4 मुलींच्या...'; साठीच्या मिस्टर परफेक्शनिस्टबाबत सोनाली कुलकर्णीचं भुवया उंचावणारं वक्तव्य

जागतिक पातळीवर पंतप्रधान मोदी हिंदी बोलतात तेव्हा छाती फुगते; CM फडणवीसांनी सांगितला भाषेचा अभिमान

विनायक पाटील, एबीपी माझा, नवी मुंबई — Mon, 14 Sep 2026 15:09:26 +0530

नवी मुंबई - जागतिक पातळीवर पंतप्रधान मोदी जातात, हिंदी (hindi) बोलतात तेव्हा छाती फुगते, असे म्हणत मुख्यमंत्री देवेंद्र फडणवीस (Devendra Fadnavis) यांनी हिंदी भाषेप्रती पंतप्रधान नरेंद्र मोदींना असलेला अभिमान सांगितला. गृहमंत्री अमित शाह यांच्या उपस्थितीत आज हिंदी दिवस आणि 6 व्या अखिल भारतीय भाषा परिषदेचं आयोजन महाराष्ट्रात, नवी मुंबईत करण्यात आलय. याप्रसंगी बोलताना मुख्यमंत्री देवेंद्र फडणवीस यांनी भाषेच्या स्वाभिमानावर भाष्य केले. देशभरात आज हिंदी दिवस साजरा होत आहे. त्या पार्श्वभूमीवर नवी मुंबईत कार्यक्रम होत आहे.

कार्यक्रमात उशिरा आल्याने सर्वांची क्षमा मागतो, असे म्हणत मुख्यमंत्र्यांनी आपल्या भाषणाला सुरुवात केली. या संमेलनासाठी महाराष्ट्र निवडला गेला, हे संमेलन कधीकाळी औपचारिकता म्हणून केलं जायचं पण अमित शहांनी निर्णय घेतला आणि हे संमेलन कालांतराने राज्यात व्हावं हे निश्चित झाले. इंग्रजकाळात कामकाज हिंदीत व्हायचं, अनेकांनी हिंदीचा स्वीकार केला. १९६३ मध्ये हिंदी आणि इंग्रजीला पुन्हा एकदा राजभाषा म्हटलं गेलं. पंतप्रधान नरेंद्र मोदी जेव्हापासून पंतप्रधान झालेत तेव्हापासून देशात मातृभाषा आणि राजभाषेचा सन्मान झाला, असे मुख्यमंत्री फडणवीस यांनी म्हटले.

मातृभाषा शिकलीच पाहिजे, त्याच अनुषंगाने याचा समावेश नव्या शिक्षण धोरणातही केला गेला आहे. मातृभाषेसोबतच इतर एक भाषा शिकण्याचा समावेश त्यात आहे. तर, जागतिक पातळीवर पंतप्रधान मोदी जातात, हिंदी बोलतात तेव्हा छाती फुगते. संयुक्त राष्ट्रसंघात हिंदी बोलणारे तत्कालीन विरोधी पक्षनेते अटलबिहारी वाजपेयी होते, असे म्हणत जागतिक पातळीवर देखील आपण, भारताने हिंदीचा सन्मान केल्याचं फडणवीसांनी म्हटले. आपण भाषेचा सन्मान केला नाही तर विकसित राष्ट्र त्यांच्या भाषेत बोलतात. कचेरीत वापरल्या जाणाऱ्या हिंदीला सर्वमान्य भाषा करण्याचं काम मुन्शी प्रेमचंद यांनी केलं, असा इतिहास देखील मुख्यमंत्र्यांनी सांगितला.

देशातील सर्वाधिक बहुभाषिक राज्य महाराष्ट्र - अमित शाह

अमित शाह यांनी सांगितले की, मराठी भाषेचा आदर केला जातो, आणि तो केलाच पाहिजे, आणि आपल्या देशाचे पंतप्रधान नरेंद्र मोदी यांनीच मराठीला अभिजात भाषेचा दर्जा दिला. भारतात महाराष्ट्रापेक्षा अधिक बहुभाषिक एकही राज्य नाही. महाराष्ट्र हे सर्वाधिक बहुभाषिक राज्य आहे. त्यांनी पुढे सांगितले की, विनोबा भावे म्हणाले, 'जर मी हिंदीचा वापर केला नसता, तर मी भूदान आणि ग्रामदानचा क्रांतिकारक संदेश घेऊन काश्मीर, आसाम आणि केरळमधील प्रत्येक गावातील माझ्या लोकांपर्यंत पोहोचू शकलो नसतो. ती अधिकृत भाषाच होती जिने मला प्रत्येक गावाशी संवाद साधायला शिकवले. नवीन शिक्षण धोरणात, मोदींनी प्राथमिक शिक्षणात मातृभाषा शिकणे अनिवार्य केले आहे. मूल आपली मातृभाषा शिकल्याशिवाय मोठे होऊ शकत नाही, असे त्यांनी सांगितले.

हेही वाचा

पुण्यातील 'दगडूशेठ' बाप्पाचे मयूर रथातून आगमन; हजारोंच्या मिरवणुकीने विराजमान