नवी मुंबईत शिवरायांच्या पुतळ्याचे अनावरण, एकनाथ शिंदेंना निमंत्रणच नाही; महायुतीत मानापमानाचे उड्डाण

Mumbai Rain Local Train Updates: मुंबईकरांनो घराबाहेर पडण्यापूर्वी सावधान; मध्य रेल्वे, पश्चिम रेल्वे आणि ट्रान्स हार्बर रेल्वेची परिस्थिती काय?

रोहित धामणस्कर — Wed, 24 Jun 2026 08:32:43 +0530

Mumbai Local Train Updates: गेल्या काही तासांपासून मुंबई, उपनगर, ठाणे आणि नवी मुंबईत सुरु असलेल्या मुसळधार पावसामुळे रेल्वेच्या उपनगरीय सेवेवर परिणाम झाला आहे. मु्ंबईतील मध्य, पश्चिम आणि हार्बर या तिन्ही रेल्वे मार्गावरील लोकल ट्रेनच्या वाहतुकीवर परिणाम झाला आहे. मुंबईतील दादर, माटुंगा आणि सायन या सखल भागांमध्ये पाणी साचले आहे. दादर परिसरात रेल्वे ट्रॅकवरही पाणी साचले आहे. त्यामुळे मध्य आणि पश्चिम रेल्वेची (Western Railway) वाहतूक उशिराने सुरु आहे. मध्य रेल्वेमार्गावरील लोकल ट्रेन 20 ते 25 मिनिटे उशिराने धावत आहेत. तर पश्चिम रेल्वेमार्गावर विरारकडून चर्चगेटकडे जाणाऱ्या गाड्या 15 ते 20 मिनिटं उशिराने धावत आहेत. तर हार्बर रेल्वे मार्गावरील वाहतूकही 15 ते 20 मिनिटांच्या उशिराने सुरु आहे. (Mumbai Rain news)

Trans Harbour Railway : वाशी - ठाणे ट्रान्सहार्बर रेल्वेमार्गावरील रुळांखालची खडी वाहून गेली, वाहतुक सुरु पण ट्रेन उशिराने

मुसळधार पावसामुळे वाशी - ठाणे ट्रान्सहार्बर रेल्वे बंद झाली होती. कोपरखैरणे ते घणसोली दरम्यान रेल्वे ट्रॅकखालील माती वाहून गेल्याने रेल्वेसेवा ठप्प झाली होती.. ट्रान्स हार्बरच्या दोन्ही मार्गिका 45 मिनिट बंद झाल्या होत्या. रेल्वे प्रशासनाकडून वाहतूक पूर्वपदावर आणण्यासाठी युद्धपातळीवर प्रयत्न सुरु होते. ट्रांस हार्बर मार्गावर तुर्भे आणि कोपरखैराणे दरम्यान अप मार्गिकेवर सकाळी 5 वाजून 6 मिनिटांपासून आणि डाऊन मार्गिकेवर सकाळी 5 वाजून 50 मिनिटांपासून वाहतूक बंद करण्यात आली होती. सध्या पावसाचा जोर ओसरल्याने रेल्वे ट्रॅकवरील पाणी कमी झाले आहे. अप लाईन 7 वाजून 27 मिनिटांनी आणि डाऊन लाईन 7 वाजून 35 मिनिटांनी सुरू झाली असून दोन्ही मार्गिकेवर स्पीड लिमिट देण्यात आले आहे. (Mumbai Local Train Updates)

Thane Rain updates : ठाण्यात मुसळधार पाऊस

ठाणे शहरात रात्रीपासून अधूनमधून मुसळधार पाऊस पडताना पाहायला मिळतोय. सध्या पावसाचा जोर ठाणे शहरात कमी झालेला आहे. काही सखल भागात पाणी साचलं होते. मात्र, सध्या ठाणे मार्केट असेल किंवा तलावपाळी या भागांपैकी कुठेही पाणी साचलेलं नाही त्यामुळे वाहतूक सध्या तरी सुरळीत सुरू आहे. ठाण्याला सुद्धा हवामान विभागाने ऑरेंज अलर्ट दिला आहे. त्यामुळे अधूनमधून मुसळधार पावसाची शक्यता वर्तवण्यात आली आहे

आणखी वाचा

Mumbai Rain Red Alert: मोठी बातमी: मुंबई आणि पालघरला पावसाचा रेड अलर्ट, पुढील तीन तास मुसळधार पावसाचा अंदाज, लोकल ट्रेनची वाहतूक विस्कळीत

Mumbai Rains : पहिल्याच पावसात मुंबईची तुंबई! सायन सबवेमध्ये गुडघाभर पाणी, वाहतूक ठप्प; मुंबई महानगरपालिकेच्या दाव्यांचा बट्ट्याबोळ, आजचा हवामानाचा अंदाज काय?

एबीपी माझा वेब टीम — Wed, 24 Jun 2026 06:58:21 +0530

Mumbai Rains : राज्यासह मुंबईत जोरदार पावसाने बॅटिंग केली आहे. त्यामुळे उकाड्या पासून हैराण नागरिकांना काहीसा दिलासा मिळाला आहे. तर दुसरीकडे मुंबईतील मान्सूनच्या पहिल्याच जोरदार पावसाने मुंबईची अक्षरशः तुंबई झाल्याचे बघायला मिळाले आहे. सायन हायवे लगतच्या एव्हरार्ड नगर येथील सबवेमध्ये (Sion subway) मोठ्या प्रमाणात पाणी साचल्याने (Water Accumulated near Sion Highway) नागरिकांना मनस्ताप सहन करावा लागत आहे. सबवे पूर्णपणे जलमय झाल्याने वाहतुकीवर परिणाम झाला असून स्थानिक नागरिकांनी नाराजी व्यक्त केली आहे. पंपाच्या साहाय्याने पाणी उपसण्याचे काम सुरू करण्यात आले आहे. दरवर्षी पावसाळ्यात या भागात पाणी तुंबण्याची समस्या समोर येते. मात्र, यंदाही पहिल्याच पावसात अशी परिस्थिती निर्माण झाल्याने प्रशासनाच्या मान्सूनपूर्व कामांवर प्रश्नचिन्ह उपस्थित होत आहे. परिणामी तुंबलेल्या पाण्यातून वाट काढत नागरिकांना जावं लागत आहे.

Andheri Subway : जोरदार पावसामुळे अंधेरी सबवे देखील पाण्याखाली; पहिल्याच पावसात नाले सफाईची पोलखोल

दुसरीकडे, पूर्व उपनगरात मध्य रात्रीपासून पावसाचा जोर कमी झाला आहे, परंतु काही ठिकाणी पाणी भरल्याचे समजते आहे. मुंबईत मध्यरात्री पासून सुरू असलेला जोरदार पावसामुळे अंधेरी सबवे देखील पाण्याखाली गेला आहे. अंधेरी सबवेमध्ये तीन ते चार फूट पाणी भरल्यामुळे अंधेरी सबवे वाहतुकीसाठी बंद करण्यात आला आहे. सध्या पोलिसांकडून अंधेरी गोखले पुलाचा वापर करा, असे आवाहन वाहन चालकांना केला जात आहे. ईशान्य मुंबईसह उपनगरमध्ये पावसाची जोरदार बॅटिंग केली आहे. भांडुप आणि इतर भागात सखल भागात पाणी साचायला सुरुवात झाली आहे. परिणामी पहिल्याच पावसात नाल्यांची सफाईबाबतची पोलखोल झाली आहे. नाल्यातून सर्व पाणी रस्त्यावर आलं असून दुर्गंधी पसरली आहे. भांडुप कोकण नगर विभागात सकल भागात पाणी साचल्याचे देखील चित्र आहे.

Mumbai Rains : ऐवराव्ड नगर भूयारी मार्गात गळतीला सुरूवात

मुंबई महापौर रितू तावडे यांस प्रभाग क्र 170 चे माजी नगरसेवक कप्तान मलिक यांनी दिनांक 20 मे 2026 रोजी भूयारी मार्ग डागडुजी करण्याबाबत लेखी निवेदन देण्यात आले होते, परंतू त्या निवेदनकडे दुर्लक्ष केल्याने भूयारी मार्गात पाणी गळतीमुळे पाणी साचलेले दिसून आले. कप्तान मलिक यांनी महापौर रितू तावडे यांस आवाहन केले होते कि, आपण संबंधित अधिकाऱ्याला घेऊन भूयारी मार्गाची पाहणी करून भूयारी मार्ग लवकरात लवकर डागडुजी करण्यात यावेत, जेणेकरून के जे सोमय्या रुग्णालयातील कर्मचारीवर्ग,रुग्ण व त्यांचे नातेवाईक, जेष्ठ नागरिक,शाळेकरी व महाविद्यालय मधील विद्यार्थ्यांना, स्थानिक नागरिक पावसाळ्यात भूयारी मार्गांमधून पाण्यातून कसंरत करून ये जा करावे लागते. मात्र या निवेदनाकडे दुर्लक्ष केल्याने परिणामी भूयारी मार्गात पाणी गळतीमुळे पाणी साचल्याचे चित्र आहे.

Bhiwandi Rain Update : भिवंडी शहर व ग्रामीण भागात रात्रीपासून पावसाची रिपरिप; वीज खंडित झाल्याने नागरिक त्रस्त

भिवंडी शहरासह ग्रामीण भागात काल (23 जून) रात्रीपासून पावसाची रिपरिप सुरू असून वातावरणात गारवा निर्माण झाला आहे. उकाड्याने हैराण झालेल्या नागरिकांना पावसामुळे काहीसा दिलासा मिळाला असला, तरी दुसरीकडे ग्रामीण भागातील अनेक गावांमध्ये वीज पुरवठा खंडित झाल्याने नागरिकांना मोठ्या अडचणींचा सामना करावा लागत आहे. काल सायंकाळपासून सुरू झालेल्या पावसामुळे भिवंडी ग्रामीण भागातील कवाड, दुमडापाडा आणि परिसरातील अनेक गावांमध्ये वीज पुरवठा खंडित झाला आहे.

दरम्यान, गेल्या तब्बल 16 तासांपासून वीज नसल्याने नागरिकांमध्ये संतापाचे वातावरण आहे. मोबाईल चार्जिंग, पिण्याच्या पाण्याचा पुरवठा आणि दैनंदिन कामांवर त्याचा परिणाम होत आहे. दरम्यान, टोरंट पॉवर कंपनीकडून वीज पुरवठा सुरळीत करण्याचे प्रयत्न सुरू असल्याची माहिती मिळत आहे. एकीकडे पावसामुळे वातावरण आल्हाददायक झाले असले तरी दीर्घकाळ वीज खंडित राहिल्याने ग्रामीण भागातील नागरिक हैराण झाले आहेत.

Mumbai Monsoon Rain: मुंबईत ढगांचा गडगडाट, काळ्या ढगांची गर्दी, आनंदसरी बरसण्यास सुरुवात; मान्सून मुंबईत आला का?

रोहित धामणस्कर — Mon, 22 Jun 2026 07:31:55 +0530

Mumbai Monsoon Rain: गेल्या अनेक दिवसांपासून ज्या पावसाची मुंबईकर अत्यंत मनापासून वाट पाहत होते, त्या पावसाचे अखेर मुंबईत आगमन झाले आहे. सोमवारी सकाळपासून मुंबईत रिमझिम पावसाच्या (Mumbai Rain news) सरी बरसू लागल्या आहेत. पावसाने अद्याप पुरेसा जोर धरला नसला तरी दक्षिण मुंबई, मुंबई उपनगर, ठाणे, नवी मुंबई परिसरात पावसाच्या सरी बरसत आहेत. तसेच ढगांचा गडगडाट सुरु झाल्याने पुढील काही तासांमध्ये पावसाचा (Monsoon) जोर वाढण्याची शक्यता आहे. एरवी मुंबईत 7 ते 8 जूनच्या आसपास पावसाचे आगमन होते. मात्र, यंदा 20 जून उलटून गेला तरी मुंबईत पावसाचा पत्ता नव्हता. त्यामुळे मुंबईकर उकाड्याने प्रचंड हैराण झाले होते. तसेच शहरावर पाणीकपातीची वेळ ओढावली होती. त्यामुळे पाऊस कधी येणार, याची मुंबईकर प्रतीक्षा करत आहेत. रविवारी सकाळी मुंबई आणि ठाण्यात पावसाच्या तुरळक सरी बरसून गेल्या होत्या. मात्र, नंतर संपूर्ण दिवस कोरडा गेला होता. मात्र, सोमवारी सकाळपासून सुरु झालेल्या पावसाचा जोर जास्त आहे. दादरसह, पूर्व आणि पश्चिम उपनगरातदेखील पावसाच्या जोरदार सरी बरसत आहेत. हा मान्सूनपूर्व पाऊस असण्याची शक्यता आहे. कारण, हवामान खात्याने अद्याप मुंबई आणि ठाण्यात मान्सून दाखल झाल्याची अधिकृत घोषणा केलेली नाही. (Maharashtra Rain News)

Thane Rain news: ठाण्यात पावसाला सुरुवात

ठाण्यातही सोमवारी सकाळपासून पावसाला सुरुवात झाली आहे. हलक्या स्वरूपाच्या रिमझिम पावसाच्या सरी ठाण्यात सकाळपासून पडताना दिसत आहेत. ठाण्यातील वातावरण ढगाळ आहे. त्यामुळे पुढील काही तासांमध्ये पावसाचा जोर वाढण्याची शक्यता आहे. याशिवाय, वसई-विरार परिसरात सकाळच्या सुमारास पावसाच्या हलक्या सरी कोसळण्यास सुरुवात झाली. गेल्या काही दिवसांपासून वाढलेल्या उकाड्याने त्रस्त झालेल्या नागरिकांना या पावसामुळे मोठा दिलासा मिळाला. पावसामुळे वातावरणात गारवा निर्माण झाला असून परिसर प्रसन्न झाला आहे. पुढील काही दिवसांतही हलक्या ते मध्यम स्वरूपाच्या पावसाची शक्यता व्यक्त करण्यात येत आहे.

Monsoon Rain: राज्यात 24 जूनपासून पावसाचा जोर वाढणार

एल निनोचा प्रभाव, कोरडी हवा आणि कमी दाबाच्या क्षेत्रांचा अभाव या सर्व घटकांच्या एकत्र येण्यामुळे मान्सूनची वाटचाल संथ झाली होती. हवामान विभागाच्या अंदाजानुसार, राज्यात 24 ते 28 जून या कालावधीत हवामान प्रणाली हळूहळू उत्तर किनारपट्टी आणि राज्यांच्या अंतर्गत भागांकडे सरकणार आहे. त्यामुळे पावसाचा जोर वाढण्याची शक्यता आहे. सोमवारपासून दक्षिण कोकण आणि महाराष्ट्राच्या काही भागात मान्सून सक्रिय होण्यासाठी अनुकूल परिस्थिती असल्याची माहिती हवामान तज्ज्ञ कृष्णानंद होसाळीकर यांनी दिली. गेल्या 15 दिवसांपासून रेंगाळलेला मान्सून सिंधुदुर्ग, रत्नागिरी, कोल्हापूर, सातारा, सांगली आणि पुण्यापर्यंत थोडाफार सक्रिय झाला आहे.

Mumbai Water: मुंबईला पाणीपुरवठा करणाऱ्या धरणांमध्ये 8.68 % पाणीसाठा

मुंबईला पाणीपुरवठा करणाऱ्या धरणांमध्ये 8.68 % पाणीसाठा, मुंबईची तहान भागवण्यासाठी राखीव पाणीसाठ्याचा वापर करावा लागणार. मुंबई महापालिकेने राज्य सरकारच्या मालकीच्या अप्पर वैतरणा धरणातून ९० हजार दशलक्ष लिटर, तर भातसा धरणातून १ लाख ४० हजार दशलक्ष लिटर राखीव साठ्याच्या पाण्याची मागणी राज्य सरकारकडे केली आहे. राज्य सरकारने राखीव साठ्याच्या वापरासाठी परवानगीही दिली आहे. आतापर्यंत हा साठा वापरावा लागला नव्हता. मात्र, आता अप्पर वैतरणा धरणातील पाणी साठा शून्यावर आल्यामुळे आता या साठ्याला हात घालावा लागणार आहे.

अप्पर वैतरणा वैतरणा - ० टक्के

मोडकसागर - २३.८० टक्के

तानसा- ३.०४ टक्के

मध्य वैतरणा- १०.३४ टक्के

भातसा- ७.९९ टक्के

विहार -४१.२५ टक्के

तुलसी- २२.०२ टक्के

एकूण -८.६८ टक्के

पाणीसाठ्याच्या नियोजनाकरिता पालिका प्रशासनाने विविध उपाययोजना हाती घेतल्या आहेत. मुंबईत आधीच १५ मे पासून १० टक्के पाणीकपात लागू करण्यात आली आहे. तसेच, पिण्याच्या पाण्याची बचत करण्यासाठी पिण्याव्यतिरिक्त इतर वापरावरही १७ जून २०२६ पासून मर्यादा घालण्यात आल्या आहेत. बांधकामे व जलतरण तलावांना दिलेल्या जलजोडण्या खंडित करण्यात येणार आहेत. तसेच औद्योगिक व व्यापारी तसेच स्पोर्ट्स क्लब आस्थापनांना होणाऱ्या पाणीपुरवठ्यात २० टक्के पाणीकपात करण्यात आली आहे

आणखी वाचा

आला रे आला... पुण्यातही मुसळधार, कोकणात पावसाची संततधार; साताऱ्यातही बरसला, बळीराजाला दिलासा

Manda Mhatre On NCP : मी राष्ट्रवादी सोडली ती यांच्यामुळेच, मंदा म्हात्रेंचा हल्लाबोल

abp majha web team — Tue, 16 Jun 2026 20:40:16 +0530

Manda Mhatre On NCP : मी राष्ट्रवादी सोडली ती यांच्यामुळेच, मंदा म्हात्रेंचा हल्लाबोल

रक्तरंजित थरार... नागपुरात तर्री पोह्यावरुन वाद, एकाला संपवलं; नवी मुंबईत जावयाने सासू अन् पतीला भोसकलं, तिघांचाही मृत्यू

तुषार कोहळे — Tue, 16 Jun 2026 16:46:13 +0530

Nagpur Crime News : नागपूरमध्ये धक्कादायक घटना घडली आहे. पोह्याची तरी अंगावर उडाली या क्षुल्लक कारणावरुन एका तरुणाची हत्या झाली आहे. कळमना भागात भर दिवसा ही घटना घडली आहे. या घटनेमुळं परिसरात खळबळ उडाली आहे. दरम्यान, या घटनेचा सीसीटीव्ही पुढे आला आहे. तर दसुरीकडे नवी मुंबईतील शिरवणे गावात दुहेरी हत्येची धक्कादायक घटना समोर आली आहे. पत्नीच्या चारित्र्यावर संशयातून पतीने पत्नी आणि सासूची रविवारी रात्री चाकूने भोसकून हत्या केल्याचा आरोप आहे.

पोह्याची तरी अंगावर उडाली या क्षुल्लक कारणावरुन नागपूरमध्ये एका तरुणाची हत्या झाली आहे. शुल्लक वाद इतका विकोपाला गेला की सात आरोपींनी तरुणावर रस्त्याने पाठलाग करत चाकूने सपासप वार करत हत्या केली. योगेश शाहू असं या तरुणाचं नाव आहे. या घटनेतील आरोपींना कळमना पोलिसांनी गुन्हा दाखल करुन सात आरोपींना अटक केली आहे. यामध्ये तीन महिला व अल्पवयीन आरोपींचा देखील समावेश आहे.

चारित्र्याच्या संशयावरून नवी मुंबईत पत्नी आणि सासूला संपवलं

नवी मुंबईतील शिरवणे गावात दुहेरी हत्येची धक्कादायक घटना समोर आली आहे. पत्नीच्या चारित्र्यावर संशयातून पतीने पत्नी आणि सासूची रविवारी रात्री चाकूने भोसकून हत्या केल्याचा आरोप आहे. नेरूळ पोलीस ठाण्याच्या हद्दीत घडलेल्या या घटनेमुळे परिसरात खळबळ उडाली आहे. आयुष बाळू निकाळजे असे आरोपीचे नाव असून, त्याने पत्नी अपर्णा निकाळजे आणि सासू मालन गोसावी यांच्यावर मध्यरात्रीच्या सुमारास चाकूने हल्ला केल्याची माहिती आहे. या हल्ल्यात दोघींचा मृत्यू झाला. गेल्या वर्षभरापासून कौटुंबिक वाद सुरू असल्याची प्राथमिक माहिती समोर आली असून, नेरूळ पोलिसांनी आरोपीला ताब्यात घेतले आहे. नेमके काय घडले आणि या दुहेरी हत्येमागचे कारण काय, याचा तपास पोलीस करत आहेत.

नागपूरमध्ये धक्कादायक घटना, विवाहितेला गुंगीचं औषध देऊन अत्याचार, आरोपीला अटक

नागपूरमध्ये धक्कादायक घटना गडली आहे. 24 वर्षीय विवाहितेला गुंगीचं औषध देऊन तिच्यावर लैंगिक अत्याचार करण्यात आला आहे, या प्रकरणी आरोपीला अटक करण्यात आलं आहे. जमीन व्यवहाराच्या बैठकीचे आमिष दाखवून 24 वर्षीय विवाहित महिलेला हॉटेलमध्ये नेऊन तिला गुंगीचे औषध पाजण्यात आले. त्यानंतर तिच्यावर वारंवार लैंगिक अत्याचार करून त्याचे चित्रीकरण करण्यात आले तसेच धर्मांतरासाठी दबाव टाकल्याचा गंभीर आरोप समोर आला आहे. या प्रकरणात पोलिसांनी दोन आरोपींना अटक केली असून तिसरा आरोपी फरार असल्याची माहिती आहे. नागपूरच्या सोनेगाव पोलीस ठाण्याच्या हद्दीतील वर्धा रोडवरील एका हॉटेलमध्ये हा प्रकार घडला. पीडित महिला विवाहित असून मागासवर्गीय समाजातील असल्याने या प्रकरणाची गांभीर्याने दखल घेण्यात आली आहे. मुख्य आरोपी अय्याज ताज मदारे याने 8 जून रोजी जमीन खरेदी-विक्री व्यवहाराच्या बैठकीचे आमिष दाखवून महिलेला हॉटेलमध्ये बोलावले. तेथे तिला गुंगीचे औषध पाजल्याचा आरोप आहे. महिला बेशुद्ध झाल्यानंतर अय्याज आणि त्याचा सहकारी अमीन शेख यांनी तिच्यावर अत्याचार केल्याचे तक्रारीत नमूद करण्यात आले आहे.

आरोपींनी अत्याचाराचे चित्रीकरण करून ते समाजमाध्यमांवर प्रसारित करण्याची धमकी दिली. या धमकीच्या जोरावर महिलेवर वारंवार अत्याचार करण्यात आल्याचा आरोप आहे. तसेच रोख रक्कम आणि ऑनलाइन व्यवहारांद्वारे तिच्याकडून सुमारे ३ लाख ९ हजार रुपये उकळण्यात आल्याचेही तक्रारीत म्हटले आहे. प्रकरण उघडकीस आल्यानंतर पोलिसांनी गुन्हा दाखल करून दोन आरोपींना अटक केली आहे. धर्मगुरू असल्याचे सांगणारा तिसरा आरोपी मध्य प्रदेशात फरार झाल्याची माहिती आहे. त्याचा शोध सुरू आहे. पुढील तपास सुरु असल्याची माहिती पोलिसांनी दिली आहे.

Ganesh Naik Navi Mumbai : शिवसेनेकडून नवी मुंबईत गणेश नाईकांची गाडी अडविण्याचा प्रयत्न

abp majha web team — Mon, 15 Jun 2026 14:13:37 +0530

Ganesh Naik Navi Mumbai : शिवसेनेकडून नवी मुंबईत गणेश नाईकांची गाडी अडविण्याचा प्रयत्न

Mumbai Local Train: ओव्हरहेड वायर तुटल्याने हार्बर रेल्वेची वाहतूक विस्कळीत, लोकल ठप्प, प्रवासी ट्रॅकवर उतरले

भाग्यश्री कांबळे — Fri, 12 Jun 2026 11:25:00 +0530

Mumbai Local Train: ओव्हरहेड वायर तुटल्याने हार्बर रेल्वेची वाहतूक विस्कळीत, लोकल ठप्प, प्रवासी ट्रॅकवर उतरले

Jammu Kashmir News: 15 जूनला घरी यायचं होतं पण नियतीने सर्वच हिरावलं, लेकाच्या पहिल्या वाढदिवसाआधीच वडिलांवर काळाचा घाला; महाराष्ट्राच्या दोन जवानांना वीरमरण

जयदीप मेढे — Thu, 11 Jun 2026 12:01:59 +0530

Jammu Kashmir News: जम्मू-काश्मीरच्या बारामुल्ला (Baramulla) जिल्ह्यातील उरी सेक्टरमधून (Uri Sector) महाराष्ट्राला हादरवून टाकणारी आणि दुःखद बातमी समोर आली आहे. उरीमधील एका लष्करी तळावर (Military Base) झालेल्या दुर्दैवी हँड ग्रेनेड स्फोटात (Hand Grenade Blast) महाराष्ट्राच्या दोन धाडसी जवानांना वीरमरण (Martyrdom) आले आहे. अर्जुन जाधव आणि विक्रम बाळकृष्ण चव्हाण अशी या शहीद वीरांची नावे असून, ते दोघेही '8 राष्ट्रीय रायफल्स'मध्ये कार्यरत होते. या घटनेमुळे संपूर्ण महाराष्ट्रात शोककळा पसरली आहे.

Jammu Kashmir News: नियमित शस्त्रास्त्र हाताळणी दरम्यान भीषण अपघात

शहीद अर्जुन जाधव हे साताऱ्याचे, तर विक्रम चव्हाण हे नवी मुंबईतील ऐरोलीचे रहिवासी होते. ही हृदयद्रावक घटना उरीतील कमलकोट येथील एका लष्करी छावणीत सायंकाळी साडेचारच्या सुमारास घडली. लष्कराच्या छावणीत शस्त्रास्त्रे हस्तांतरित करण्याची आणि ती तपासण्याची नियमित प्रक्रिया सुरू होती. याच दरम्यान अचानक एका हँड ग्रेनेडचा चुकून भीषण स्फोट झाला. या स्फोटाच्या तीव्रतेमुळे जवान अर्जुन जाधव आणि विक्रम चव्हाण हे दोघेही गंभीर जखमी झाले.

घटनेनंतर लष्कराने तातडीने सूत्रे हलवून दोन्ही जखमी जवानांना हवाई दलाच्या विमानाने श्रीनगरच्या बदामीबाग कॅन्टोन्मेंटमधील लष्करी रुग्णालयात दाखल केले. मात्र, दुर्दैवाने उपचारांपूर्वीच त्यांची प्राणज्योत मालवली. हा स्फोट नेमका तांत्रिक बिघाडामुळे झाला की इतर काही कारणांमुळे, याचा शोध घेण्यासाठी लष्कराकडून कोर्ट ऑफ इन्क्वायरी म्हणजेच कायदेशीर चौकशी सुरू करण्यात आली आहे.

Jammu Kashmir News: लेकाचा पहिला वाढदिवस साजरा करायचा राहून गेला

या संपूर्ण घटनेत साताऱ्याच्या कराड तालुक्यातील शहापूर गावचे सुपुत्र अर्जुन जाधव यांची कहाणी ऐकून कोणाच्याही डोळ्यात पाणी आल्याशिवाय राहणार नाही. अर्जुन हे लष्कराच्या 'बॉम्बे इंजिनीअरिंग ग्रुप'चे जवान होते. त्यांच्या डोक्यात सध्या एकच विचार घोळत होता, तो म्हणजे आपल्या पोटच्या लाडक्या लेकाचा पहिला वाढदिवस. येत्या 25 जून रोजी त्यांच्या मुलाचा पहिला वाढदिवस होता. एकुलत्या एका मुलाचा पहिला वाढदिवस मोठ्या थाटामाटात साजरा करण्यासाठी त्यांनी मनात अनेक स्वप्ने आखली होती आणि त्याची तयारीही सुरू केली होती.

या आनंदाच्या सोहळ्यासाठी ते येत्या 15 जूनपासून सुट्टी घेऊन गावाकडे येणार होते. कधी 15 जून उजाडतो आणि आपण घरी जातो, असं त्यांना झालं होतं. घरातही आनंदाचे वातावरण होते; आई-वडील आणि पत्नी लाडक्या लेकाच्या वाढदिवसाची आणि अर्जुन यांच्या येण्याची आतुरतेने वाट पाहत होते. मात्र, घरी येण्यापूर्वी अवघे 10 दिवस आधीच नियतीने घात केला. ज्या लेकासाठी बाप घरी जाण्याची खटपट करत होता, तो देशाचे रक्षण करताना रक्ताच्या थारोळ्यात पडला आणि त्याची ही इच्छा अपुरीच राहिली.

Jammu Kashmir News: नवी मुंबईच्या 'डॅशिंग' जवानाचे वीरमरण

याच भीषण अपघातात नवी मुंबईतील ऐरोलीचे रहिवासी असलेले जवान विक्रम बाळकृष्ण चव्हाण यांनीही देशासाठी आपले सर्वोच्च बलिदान दिले. विक्रम हे अत्यंत हुशार आणि डॅशिंग जवान म्हणून ओळखले जात होते. एका कर्तव्यदक्ष तरुण जवानाला गमावल्यामुळे ऐरोली परिसरात आणि त्यांच्या मित्रपरिवारात प्रचंड शोककळा पसरली आहे. आपल्या लाडक्या पुत्राच्या जाण्याने कुटुंबीयांना मोठा धक्का बसला असून, या दुःखातून सावरणं त्यांना कठीण झालं आहे. लष्करी इतमामात या दोन्ही शहीद जवानांच्या पार्थिवावर त्यांच्या मूळ गावी अंत्यसंस्कार करण्यात येणार असल्याचे लष्करी अधिकाऱ्यांकडून सांगण्यात आले आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

NCP Sharad Pawar on Pune Rave Party: शिवराज्याभिषेक दिनी पुण्यात पार्टीची परवानगी देणारा दीडशहाणा कोण? शरद पवार गटाच्या नेत्यांनी उत्पादन शुल्क सचिवांना विचारला जाब

Atal Setu Navi Mumbai Crime News: जेवायला जातोय सांगून घरातून निघाला, अटल सेतूवर पोहोचताच समुद्रात उडी मारली, पुण्यातील प्रतिकने जीवन संपवलं!

विनायक पाटील, एबीपी माझा — Tue, 9 Jun 2026 06:39:01 +0530

Atal Setu Navi Mumbai Crime News नवी मुंबई: अटल सेतू पुलावरून (Atal Setu) समुद्रात 28 वर्षीय तरुणाने उडी मारली होती. या तरूणाची शोधमोहिम हाती घेवूनही पोलिसांना त्याची बॅाडी मिळालेली नाही. 28 वर्षीय प्रतिक सुभाष रासकर रविवारी (7 जून) मध्यरात्री अटल सेतूवरून समुद्रात उडी मारून आत्महत्या केली होती. हा मूळचा पुणे जिल्ह्यातील शिरूर तालुक्यातील रहिवासी आहे. तो शेअर मार्केट क्लासेसशी संबंधित काम करत होता. घटनेपूर्वी तो आपल्या कुटुंबीयांना बाहेर जेवणासाठी जात असल्याचे सांगून घराबाहेर पडला होता. त्यानंतर त्याने आपली कार अटल सेतूवर उभी करून समुद्रात उडी मारल्याची माहिती समोर आली. पोलिसांनी दिवसभर समुद्रात शोधमोहिम हाती घेतली होती. मात्र अद्याप बॅाडी हाती लागलेली नाही. प्रतिकने आत्महत्या का केली? याचे ठोस कारण समोर आलेले नाही. (Atal Setu Navi Mumbai Crime News)

नेमकं काय घडलं? (Atal Setu Navi Mumbai Crime News)

प्रतिक सुभाष रासकर शेअर बाजार शिकवणी वर्गाशी संबंधित सर्व कामे करायचा. 7 जून रोजी प्रतिक जेव्हा घराबाहेर पडला. तेव्हा त्याने सांगितले की, मी जेवण करायला बाहेर जात आहे. त्यानंतर प्रतिक कार घेऊन अटल सेतूवर आला. अटल सेतूवरील यंत्रणांची नजर चुकवून प्रतिकने थेट समुद्रात उडी घेतली. 7 जून रोजी मध्यरात्री 1 वाजून 29 मिनिटाला सदर घटना घडली.

पोलिसांकडून शोधमोहीम सुरू, प्रतिकची सगळी माहिती दिली- (Navi Mumbai Crime News)

सदर घटनेची माहिती मिळताच उलवे पोलिसांनी तातडीने शोधमोहीम सुरू केली. या घटनेमुळे कुटुंबीयांमध्ये चिंतेचे वातावरण असून, प्रतिक रासकर याबाबत कोणालाही माहिती मिळाल्यास तात्काळ उलवे पोलीस ठाण्याशी संपर्क साधण्याचे आवाहन पोलिसांनी केले आहे. या तरुणाचे वर्णन पोलिसांनी जाहीर केलेले आहे. त्यानुसार त्याचा रंग गोरा, शरीरयष्टी मजबूत, उंची अंदाजे 5 फूट 10 इंच, काळे वाढलेले केस, काळे डोळे तसेच थोडी वाढलेली दाढी-मिशी आहे. घटनेच्या वेळी त्याने पांढऱ्या रंगाचा शर्ट आणि ग्रे रंगाची पॅन्ट परिधान केली होती. तो मराठी आणि हिंदी भाषा बोलतो, अशी माहिती पोलिसांनी दिली.

राज्यासह देश-विदेशातील महत्वाच्या घडामोडी, VIDEO:

नवी मुंबईत शिवरायांच्या पुतळ्याचे अनावरण, एकनाथ शिंदेंना निमंत्रणच नाही; महायुतीत मानापमानाचे उड्डाण

सूरज सावंत — Sat, 6 Jun 2026 21:07:13 +0530

मुंबई : राज्याच्या राजकारणात राजकीय पक्षांमध्ये कायमच धुसफूस किंवा शीतयुद्ध पाहायला मिळते. त्यातूनच, अनेकदा उपमुख्यमंत्री एकनाथ शिंदे (Eknath Shinde) त्यांच्या साताऱ्यातील दरे गावी गेल्यानंतर ते नाराज असल्याची चर्चा होते. मात्र, आज नवी मुंबईत (Navi mumbai) झालेल्या छत्रपती शिवाजी महाराजांच्या पुतळ्याच्या अनावरण प्रसंगी उपमुख्यमंत्री एकनाथ शिंदे यांना निमंत्रणच देण्यात आले नाही. या कार्यक्रमासाठी उपमुख्यमंत्री, नगरविकास मंत्री तसेच सिडकोचे अध्यक्ष म्हणून एकनाथ शिंदे यांना निमंत्रण द्यायला हवे होते. कार्यक्रमाला मुख्यमंत्री देवेंद्र फडणवीस (Devendra Fadnavis), मंत्री आदिती तटकरे यांना निमंत्रण देण्यात आले. पण, एकनाथ शिंदे यांना कार्यक्रमाची कल्पना देखील नाही. त्यामुळे, शिंदेंना जाणूनबुजून निमंत्रण दिले नाही की, अनावधानाने निमंत्रण द्यायचे राहून गेले याबाबत प्रश्नचिन्ह उपस्थित झाले आहे. मात्र, यामुळे महायुतीमध्ये पुन्हा वादाची ठिणगी पडणार असल्याची शक्यता वर्तवली जात आहे.

नवी मुंबई आंतरराष्ट्रीय विमानतळावर छत्रपती शिवाजी महाराज यांच्या भव्य शिल्पाचे अनावरण मुख्यमंत्री देवेंद्र फडणवीस यांच्याहस्ते संपन्न झाले. आज शिवराज्यभिषेक दिनाचे औचित्य साधत या कार्यक्रमाचे आयोजन करण्यात आले होते. यावेळी, हा पुतळा साकारणारे शिल्पकार नितीन गोर्डे यांचाही मुख्यमंत्री फडणवीस यांच्या हस्ते सत्कार करण्यात आला. दरम्यान, नवी मुंबई विमानतळास दि.बा. पाटील यांचे नाव देण्यासंदर्भात आम्ही आग्रही आहोत, असेही फडणवीसांनी म्हटले. मात्र, या सोहळ्यास दोन्ही उपमुख्यमंत्र्‍यांची अनुपस्थिती राजकीय वर्तुळात चर्चेचा विषय ठरली.

नवी मुंबई एयरपोर्ट प्रशासनाने आजचा हा कार्यक्रम आयोजित केला होता, विशेष म्हणजे उपमुख्यमंत्री सुनेत्रा पवार यांना देखील आजच्या कार्यक्रमाचे निमंत्रण देण्यात आले नव्हते. त्यामुळे, विमानतळा कार्यक्रमावरुन महायुतीमध्ये मानापमानाचे उड्डाण रंगल्याची चर्चा होत आहे. नवी मुंबई आंतरराष्ट्रीय विमानतळावरील छत्रपती शिवाजी महाराजांच्या पुतळा अनावरण सोहळ्याला चक्क उपमुख्यमंत्री आणि नगरविकास मंत्री एकनाथ शिंदे यांनाच निमंत्रणच नसल्यामुळे महायुतीमध्ये पुन्हा एकदा राजकीय तणाव निर्माण होण्याची शक्यता आहे. .

नवी मुंबई आंतरराष्ट्रीय विमानतळ सिडकोने उभारलं आहे, नगरविकास मंत्री म्हणून एकनाथ शिंदे या विभागाचे मंत्री असतानाही त्यांना विमानतळावरील छत्रपती शिवाजी महाराजांच्या पुतळा अनावरण सोहळ्याचे निमंत्रणच देण्यात आलेले नाही. यासंदर्भात नवी मुंबई आंतरराष्ट्रीय विमानतळ संचालन कंपनी अदानी यांच्याकडून दुजाभाव झाल्याची माहिती समोर येत आहे. त्यात राजकीय हस्तक्षेप होऊन जाणूनबुजून नगरविकास मंत्री एकनाथ शिंदे यांना डावलण्यात आले का? असा प्रश्नं राजकीय वर्तुळातून विचारला जात आहे. दरम्यान, या प्रकरणात राजकीय हस्तक्षेप झाल्याची माहिती वरिष्ठ सूत्रांनी दिली आहे.

हेही वाचा

मोठी बातमी! एसीबीच्या एकाच दिवशी दोन धाडी, जालन्यात चक्क तहसीलदार रंगेहात जाळ्यात, 6 लाखांची घेतली लाच

नवी मुंबईत शिवरायांच्या पुतळ्याचे अनावरण, एकनाथ शिंदेंना निमंत्रणच नाही; महायुतीत मानापमानाचे उड्डाण

Mumbai Monsoon Rain: मुंबईत ढगांचा गडगडाट, काळ्या ढगांची गर्दी, आनंदसरी बरसण्यास सुरुवात; मान्सून मुंबईत आला का?

Thane Rain news: ठाण्यात पावसाला सुरुवात

Monsoon Rain: राज्यात 24 जूनपासून पावसाचा जोर वाढणार

Manda Mhatre On NCP : मी राष्ट्रवादी सोडली ती यांच्यामुळेच, मंदा म्हात्रेंचा हल्लाबोल

चारित्र्याच्या संशयावरून नवी मुंबईत पत्नी आणि सासूला संपवलं

नागपूरमध्ये धक्कादायक घटना, विवाहितेला गुंगीचं औषध देऊन अत्याचार, आरोपीला अटक

Ganesh Naik Navi Mumbai : शिवसेनेकडून नवी मुंबईत गणेश नाईकांची गाडी अडविण्याचा प्रयत्न

Mumbai Local Train: ओव्हरहेड वायर तुटल्याने हार्बर रेल्वेची वाहतूक विस्कळीत, लोकल ठप्प, प्रवासी ट्रॅकवर उतरले

Jammu Kashmir News: नियमित शस्त्रास्त्र हाताळणी दरम्यान भीषण अपघात

Jammu Kashmir News: लेकाचा पहिला वाढदिवस साजरा करायचा राहून गेला

Jammu Kashmir News: नवी मुंबईच्या 'डॅशिंग' जवानाचे वीरमरण

राज्य आणि देश-विदेशातील महत्त्वाच्या बातम्या; पाहा व्हिडीओ

नेमकं काय घडलं? (Atal Setu Navi Mumbai Crime News)

पोलिसांकडून शोधमोहीम सुरू, प्रतिकची सगळी माहिती दिली- (Navi Mumbai Crime News)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

नवी मुंबईत शिवरायांच्या पुतळ्याचे अनावरण, एकनाथ शिंदेंना निमंत्रणच नाही; महायुतीत मानापमानाचे उड्डाण

हेही वाचा