Chhagan Bhujbal : डोळ्याला गॉगल, तोंडाला मास्क... आजारी भुजबळ सुरक्षारक्षकाच्या खांद्यावर हात ठेऊन शेतकऱ्याच्या बांधावर

युवकाचं लग्न सुरू असतानाचा पहिल्या पत्नीची एन्ट्री, नवरदेवाला चोप; लग्नसोहळ्यात पिच्चरटाईप गोंधळ

मुकुल कुलकर्णी, एबीपी माझा — Mon, 26 Oct 2026 16:53:54 +0530

नाशिक : एखाद्या सिनेमाला साजेशी अशी लग्नसोहळ्याची (marriage) स्टोरी नाशिकमध्ये (Nashik) घडली आहे. लग्न झालेले असतानाच एका मुस्लिम तरुणाने हिंदू मुलीशी दुसरे लग्न केल्याची धक्कादायक घटना नाशिकमध्ये उघडकीस आली आहे. या घटनेची पहिल्या माहिती पत्नीला मिळताच तिने कुटुंबीयासह लग्न समारंभात हजेरी लावत पतीला जाब विचरला. त्यामुळे, लग्नकार्य ठिकाणी चांगलाच गोंधळ उडाला असून थेट पोलीस (Police) ठाण्यापर्यंत हे प्रकरण गेलं आहे. याप्रकरणी इंदीरा नगर पोलीसात गुन्हा दाखल करण्यात आला आहे.

नाशिकमधील एका लग्न सोहळ्यात अचाकन गोंधळ सुरू झाला, कारण ज्या मुलाचं लग्न सुरू होतं त्याची पहिली पत्नीच लग्नसोहळ्यात पोहोचली होती. लग्न सोहळ्यातील नवरदेव तौसिफ मनियारचे मुस्लिम धर्मानुसार पहिले लग्न झाले आहे, त्याला आठ ते दहा वर्षांचा मुलगा आहे. पहिल्या पत्नीला अद्याप घटस्फोट दिला नसून प्रकरण न्यायप्रविष्ट असताना देखील त्याने दुसरे लग्न हिंदू परंपरेप्रमाणे केल्याची धक्कादायक घटना उघडकीस आली आहे. या संदर्भात पहिल्या पत्नीला माहिती मिळताच तिने लग्न सोहळ्यात हजेरी लावून दुसऱ्यांदा लग्न करणाऱ्या तौसिफला चांगलाच चोप दिला. अचानक घडलेल्या प्रसंगाने वऱ्हाडी मंडळी चांगलीच बिथरली अन् लग्न समारंभात गोंधळाचे वातावरण निर्माण झालं. याप्रकरणी इंदिरानगर पोलीस ठाण्यामध्ये तक्रार दाखल करण्यात आली आहे.

पोलिसांकडून चौकशी सुरू

पहिलं लग्न झालेला असताना अद्याप घटस्फोट झाला नाही, तरी देखील दुसरे लग्न केल्याची माहिती तौसिफने त्याच्या दुसऱ्या पत्नीपासून लपवून ठेवल्याचा आरोप पहिल्या पत्नीने केला आहे. मात्र, याबाबत दुसऱ्या पत्नीने अद्याप कुठलीही तक्रार केलेली नाही. पोलिसांनी दोघांनाही चौकशीसाठी बोलविले आहे. मात्र, अद्याप मनस्थिती ठीक नसल्याचे कारण सांगत दुसऱ्या पत्नीने चौकशीसाठी पोलीस स्टेशनला हजेरी लावलेली नाही, असे इंदिरानगरचे पोलीस उपनिरीक्षक जनक सिंग गुणावत यांनी सांगितले. दरम्यान, या तपासामध्ये नेमकं काय पुढे येतं हे बघण महत्त्वाचा ठरणार आहे.

हेही वाचा

आदित्य ठाकरेंच्या ताफ्यात युवक शिरला; हातातील बोर्डने लक्ष वेधले, सह्याद्रीचं जंगल वाचवण्याची आर्त हाक

Nashik kumbh Mela 2026 : सिंहस्थ कुंभमेळ्याच्या ध्वजारोहणात ऐतिहासिक क्षण, नाशिकमध्ये 501 शंखांचा एकत्रित नाद

abp majha web team — Mon, 26 Oct 2026 15:53:56 +0530

या शंखनादाची विशेष धूनही तयार करण्यात आली आहे. यापूर्वी अमेरिकेत ३०३ जणांनी साडेतीन मिनिटे शंखनाद करण्याचा विक्रम केला होता. आता हा विक्रम मोडीत काढण्यासाठी गोदासेवक सज्ज झाले आहेत. या जागतिक विक्रमाची नोंद घेण्यासाठी गिनीज बुक ऑफ वर्ल्ड रेकॉर्ड्सचे १२ सदस्यांचे पथक उपस्थित आहेत. संपूर्ण कार्यक्रमावर सीसीटीव्हीची नजर असणार असून गेल्या दोन महिन्यांपासून सुरू असलेल्या सरावानंतर आता नाशिकमध्ये शंखनादाचा विश्वविक्रम घडवण्याचा प्रयत्न केला जात आहे. सिंहस्थ कुंभमेळ्याच्या ध्वजारोहण सोहळ्याच्या पार्श्वभूमीवर नाशिकमध्ये शंखनाद केला जात आहे.

नाशिक आणि त्र्यंबकेश्वर मध्ये होऊ घातलेल्या "सिंहस्थ कुंभमेळा"च्या शाही स्नानाच्या दिवशी तब्बल सव्वा दोन कोटी भाविक स्नान करतील.. तर कुंभमेळ्याच्या इतर दिवशी रोज किमान दहा लाख भाविक नाशिक आणि त्र्यंबकेश्वर मध्ये असतील, असा अंदाज नागपूर येथील इंडियन इन्स्टिट्यूट ऑफ मॅनेजमेंट ने व्यक्त केला आहे... नागपूर आयआयएम ला सिंहस्थ कुंभमेळा साठी लोकांची गर्दी आणि वाहतुकीच्या व्यवस्थापनासाठी सल्लागार म्हणून निवडण्यात आले आहे... स्थानिक अधिकाऱ्यांकडून कुंभमेळासाठीचा "मोबिलिटी प्लॅन" मिळाल्यानंतर त्याचे प्रमाणिकरण ( validation) नागपूर आयआयएम ला करायचे आहे... त्यासाठी नागपूर आयआयएम "ट्रॅफिक सिम्यूलेशन" सह "आर्टिफिशियल इंटेलिजन्स" आणि "लीडार सर्वे"चा वापर करून गर्दी आणि वाहतुकीच्या व्यवस्थापनाचा अद्ययावत नियोजन करून देणार असल्याची माहिती नागपूर आयआयएम चे डायरेक्टर डॉ. भीमराय मैत्री यांनी एबीपी माझाशी एक्सक्लुझिव्ह बातचीत करताना दिली आहे...

सिंहस्थ कुंभमेळा च्या कालावधीत आणि प्रमुख शाही स्नानाच्या दिवशी होणाऱ्या गर्दीचा अंदाज घेऊन वाहतुकीचे आगाऊ नियोजन केले जाणार असून पादचाऱ्यांसाठी वेगळे तर वाहनांसाठी वेगळे मार्ग असणार आहे... एवढेच नाही तर कोणत्याही ठिकाणी गर्दी अचानक वाढल्यास आपात्कालीन परिस्थितीत कोणत्या मार्गांचा वापर केला जाईल याचे नियोजनही आधीच केले जाणार असल्याची माहिती डॉ. भीमराय मैत्री यांनी दिली आहे.. सध्या ड्रोन ने सर्वे सुरू असून स्थानिक अधिकाऱ्यांकडून प्राथमिक मोबिलिटी प्लान आल्यानंतर ट्रॅफिक सिम्यूलेशन आणि लीडार सर्वेची प्रक्रिया सुरू होईल असेही डॉ. मैत्री म्हणाले...

* कुंभमेळ्याच्या शाही स्नानाच्या वेळेला गर्दीचा उच्चांक असेल...
* शाही स्नानाच्या दिवशी सव्वा दोन कोटी भाविक नाशिक आणि त्र्यंबकेश्वरला असण्याची शक्यता...
* कुंभमेळ्याच्या इतर दिवशीही दररोज किमान दहा लाख भाविक दोन्ही शहरात असतील...
* गर्दीचे अंदाज घेऊनच वाहतूक आणि गर्दीच्या व्यवस्थापनाचा नियोजन सुरू...
* नाशिक आणि त्र्यंबकेश्वर च्या बाहेर अनेक पार्किंग स्थळ निश्चित केले जाणार...
* वेगवेगळ्या दिशेने येणाऱ्या वाहनांसाठी वेगवेगळे पार्किंग स्थळ राहतील...
* आर्टिफिशिअल इंटेलिजन्स सह लीडार सर्वे च्या माध्यमातून अडचणीचे ठिकाण आधीच निश्चित केले जाणार
* अडचणीच्या ठिकाणांसाठी वेगळी आपातकालीन व्यवस्था राहील...
* पुढील एक महिन्यात सर्व काही निश्चित होऊन जाईल...

Nashik Kumb Mela 2026 : कुंभमेळ्याची परंपरा नेमकी कशी सुरू झाली? History of kumb Mela

abp majha web team — Mon, 26 Oct 2026 15:48:34 +0530

कुंभमेळा... केवळ एक धार्मिक पर्व नाही, तर कोट्यवधी भाविकांच्या श्रद्धेचा, संत-महंतांच्या परंपरेचा आणि भार तीय आध्यात्मिक संस्कृतीच्या दिव्य वारशाचा हा सोहळा.

यंदा नाशिक- त्र्यंबकेश्वरच्या पवित्र भूमीत या अलौकिक सोहळ्याला सुरुवात होतेय. या निमित्ताने कुंभमेळ्याच्या अद्भुत कथा, शतकानुशतकांची परंपरा जपणाऱ्या आख्यायिका, कुंभपर्वाचं आध्यात्मिक महत्त्व
आणि त्याचबरोबर कुंभमेळ्याच्या भव्य आयोजनाची तयारी, प्रशासनाची सज्जता, भाविकांसाठीच्या सुविधा आणि प्रत्यक्ष कुंभ भूमीवरची प्रत्येक अपडेट हे सगळं जाणून घेणार आहोत या खास बुलेटिनमधून...

स्टिंग

या बुलेटिनची सुरुवात करणार आहोत कुंभ कथांपासून. लाखो साधुसंत, कोट्यवधी भाविकांना एकत्र आणणाऱ्या कुंभपर्वामागची नेमकी गोष्ट काय आहे? ही परंपरा नेमकी कशी सुरू झाली? कशी सुरू राहिली जाणून घेऊया भागावताचार्य माधवदास राठी महाराज यांच्याकडून

—-

सिंहस्थ कुंभमेळ्याच्या तयारीला आता वेग येतोय आणि या भव्य पर्वाचा मानबिंदू ठरणार आहे रामकुंडावरील धर्मध्वज! ३१ ऑक्टोबरला राष्ट्रपती द्रौपदी मुर्मू यांच्या हस्ते ५१ फुटी ध्वजस्तंभावर धर्मध्वजारोहण होणार आहे. या धर्मध्वजाचं स्वरूप आणि त्याची वैशिष्ट्यं नेमकी काय आहेत? जाणून घेऊया, आमचे प्रतिनिधी मुकुल कुलकर्णी यांच्याकडून.

——-

रामकुंडावर धर्मध्वजारोहणाची तयारी सुरू असतानाच, त्र्यंबकेश्वरच्या कुशावर्त तीर्थावरही सिंहस्थाचा धर्मध्वज दिमाखात फडकण्यासाठी सज्ज होतोय. ३१ फुटी ध्वजस्तंभावर १२ ज्योतिर्लिंगं आणि समुद्रमंथनातून प्रकट झालेल्या १४ रत्नांची प्रतीकं साकारण्यात आली आहेत. या धर्मध्वजामागची संकल्पना आणि सुरू असलेली तयारी जाणून घेऊया, मुकुल कुलकर्णी यांच्याकडून.

——-
धर्मध्वजाच्या माध्यमातून सिंहस्थाच्या आध्यात्मिक वैभवाची झलक पाहिल्यानंतर, आता वळूया या भव्य सोहळ्याच्या प्रत्यक्ष तयारीकडे\! नाशिक आणि त्र्यंबकेश्वरमध्ये गोदाकाठी तब्बल २९ किलोमीटरचे घाट उभारले जात आहेत. संभाव्य चौपट गर्दीचं नियोजन, १२ घाटांची निर्मिती आणि वाहतुकीसाठी पुलांची उभारणी अशी कामं वेगाने सुरू आहेत. पाहूयात तपोवनातील या कामांचा ड्रोनद्वारे घेतलेला आढावा.
----------------------

नाशिकच्या रामकुंडावर ३१ ऑक्टोबरला कुंभपर्वाच्या ध्वजारोहण सोहळ्याला सुरुवात होणार आहे. सोहळ्याच्या तयारीसाठी घाट बांधणी, सुशोभीकरण आणि मंदिरांच्या डागडुजीची कामे सुरू आहेत. यासाठी गोदावरी नदीपात्र कोरडे करण्यात आले असून, गोदामाईचे दुर्मीळ रूप पाहायला मिळत आहे.... याचा आढावा घेतलाय मुकुल कुलकर्णी यांनी

आज या कार्यक्रमात इथेच थांबतोय मात्र कुंभमेळ्याच्या खास अपडेट्स आणि कथांसह दररोज भेटत राहणारच आहोत. तेव्हा पाहत रहा एबीपी माझा

Nashik Kumb mela : नाशिक कुंभमेळ्यात विश्वविक्रम, 501 गोदासेवकांचा एकाचवेळी शंखनाद, अमेरिकेचा विक्रम मोडीत

abp majha web team — Mon, 26 Oct 2026 15:43:59 +0530

नाशिकमध्ये सिंहस्थ कुंभमेळ्याच्या ध्वजारोहण सोहळ्याच्या पार्श्वभूमीवर जागतिक विश्वविक्रम करण्यात आलाय. ५०१ गोदासेवकांनी एकाचवेळी शंखनाद केलाय..
यासाठी चेन्नईहून खास ५०१ सर्टिफाइड शंख मागवण्यात आले होते. नाशिकमध्ये झालेल्या या रेकॉर्डने अमेरिकेच्या ३०३ शंखनादालाही मागे टाकल्याची चर्चा आहे. ५०१ गोदासेवकांनी केलेल्या शंखनादामुळे संपूर्ण परिसर दुमदुमून गेला होता. या जागतिक विक्रमाची नोंद घेण्यासाठी गिनीज बुक ऑफ वर्ल्ड रेकॉर्ड्सचे १२ सदस्यांचे पथकही उपस्थित होते. विशेष म्हणजे या शंखनादाची विशेष धूनही तयार करण्यात आली होती.

महत्वाचे हायलाईट्स

१. नाशिक कुंभमेळ्यात विश्वविक्रम, 501 गोदासेवकांचा एकाचवेळी शंखनाद, अमेरिकेचा विक्रम मोडीत
२. सिंहस्थ कुंभमेळ्याच्या ध्वजारोहणात ऐतिहासिक क्षण, नाशिकमध्ये 501 शंखांचा एकत्रित नाद

कुंभमेळ्याच्या ध्वजारोहण सोहळ्याच्या पार्श्वभूमीवर शंखनाद

५०१ गोदासेवकांनी केला शंखनाद

गिनीज बुक ऑफ वर्ल्ड रेकॉर्ड्समध्ये नोंद

Eknath Shinde Nashik: 'आम्ही कितीही राजकारणी असलो तरी राजसत्तेपेक्षा धर्मसत्ता महत्वाची; राष्ट्राच्या रक्षणासाठी धर्म अन् संस्कृतीचा पाया मजबूत हवा' : एकनाथ शिंदे

संदीप जेजुरकर — Mon, 26 Oct 2026 15:33:24 +0530

Eknath Shinde at Nashik Trimbakeshwar: अध्यात्मिक ऊर्जेचा हा उत्सव आहे. 180 वर्षानंतर त्रिंखंडी योग आलेला आहे. संत आणि समाजाचा हा संवाद आहे. विकासाचा संवाद आहे. राजकारण आणि समाजकारण राष्ट्राच्या रक्षणासाठी धर्म आणि संस्कृतीचा पाया मजबूत असला पाहिजे. तुमच्यात येऊन मला आनंद झाला. संत महांताची पूजन करून मनाला आनंद मिळाला. रुद्राक्षाची माळ घालून आशीर्वाद मला दिला. अनेक संताचे महाराष्ट्रावर संस्कार आहे, त्यांनी आपल्याला माणुसकी शिकवली धार्मिक, आध्यात्मिक अधिष्ठान मोठे असते. त्यामुळे आम्ही कितीही राजकारणी असलो तरी राजसत्ता पेक्षा धर्मसत्ता महत्वाची असल्याचे सांगत राज्याचे उपमुख्यमंत्री एकनाथ शिंदे (Eknath Shinde) यांनी त्र्यंबकेश्वर येथे आयोजित आनंद कुंभ संत संमेलनात उपस्थितांशी संवाद साधला.

दरम्यान, उपमुख्यमंत्री एकनाथ शिंदे यांनी त्र्यंबकेश्वर येथे आनंद कुंभ संत संमेलनाच्या व्यासपीठावर उपस्थिती लावत 13 आखाड्यातील संत महंतांशी संवाद साधला. यावेळी उपमुख्यमंत्री एकनाथ शिंदे त्र्यंबकेश्वर ज्योतिर्लिंगाचे दर्शन घेऊन त्यानंतर कुंभमेळ्याच्या तयारीचा आढावा घेणार आहे.

Eknath Shinde: मला विचारतात दुष्काळ आहे मग कुंभमेळ्याची गरज काय? पण हे महाराष्ट्राचे सौभाग्य

पुढे बोलताना उपमुख्यमंत्री एकनाथ शिंदे म्हणाले की, तुम्हा संतांच्या आशीर्वादाने हे कार्य सुरू आहे. लाडकी बहीण, पालखींना मदत करता आली. आपण आज संतांच्या भूमीत आहोत. महाराष्ट्रात दुष्काळ आहे. आता शेतकऱ्यांचे अश्रू पुसण्याचे काम आम्ही करत आहोत. पंतप्रधान मोदी संतांचा मोठा आदर ठेवतात म्हणून अयोध्येत मंदिर साकार झाले. बाळासाहेब ठाकरे यांचे देखील ते स्वप्न होते. कारसेवेत आनंद दिघे यांनी चांदीची वीट दिलेली होती. संकट आले आहे, काही लोक म्हणतात दुष्काळ आहे मग कुंभमेळ्याची काय आवश्यकता?

पण हे महाराष्ट्राचे सौभाग्य आहे, त्यांना चांगले काम दिसत नाही. आम्हाला यात राजकारण करायचे नाही. हजारो वर्षांची आपली संस्कृती आहे. श्रद्धा, पर्यटन, व्यापार या माध्यमातून रोजगार येईल. मात्र हे वेगळ्या नजरेतून बघतात, त्यांच्यावर टीका करायची नाही. त्यापेक्षा आपण काम करत राहायचे असेही उपमुख्यमंत्री एकनाथ शिंदे म्हणाले.

Eknath Shinde: शेतकऱ्यांच्या मुलांचे लग्न शिवसेना करणार; जिथे कमी पडेल तिथे मी उभा आहे

पर्यावरण संरक्षण, रोजगार निर्मिती सगळे या कुंभमेळ्यात होणार आहे. गोदावरीचे प्रदूषण कमी करणार आहोत. अनेक संतानी सांगितले काम बाकी आहेत ते सगळे काम पूर्ण होतील. कुठेही भेदभाव होणार नाही, कुंभमेळा यशस्वी करून दाखवू. सरकार ताकतीने उभे आहे. दुष्काळात शेतकरी अडचणीत आलेला आहे. शेतकऱ्यांच्या मुलांचे लग्न शिवसेना करणार हे मी सांगितले आहे. कुंभमेळा यशस्वी करण्यासाठी सरकार सक्षम आहे. आम्ही सगळे तुमच्या सोबत आहोत. जे काम अपूर्ण आहे ते पूर्ण करू. 13 आखाडे यांना भोजनाची व्यवस्था शिवसेना करणार आहे. आम्ही त्याची जबाबदारी घेतो, जिथे कमी पडेल तिथे मी उभा आहे. संतांची सेवा करण्याची संधी आम्हाला मिळत आहे. हिंदुत्वाच्या विचार घेऊन आम्ही चाललो आहे. त्र्यंबकेश्वरचे प्रशासकीय भवन यासाठी निधी देऊ. उपजिल्हा रुग्णालय हे देखील लवकर उभारू, जे व्यावसायिकांचे गाळे चालले आहे त्यांना मदत करू. ज्या शेतकऱ्यांच्या जमिनी भूसंपादन जात आहे, त्यांना देखील भरीव मदत करू, असे आश्वासन देखील उपमुख्यमंत्री एकनाथ शिंदे यांनी यावेळी दिलं.

इतर महत्वाच्या बातम्या

दुष्काळात हिवाळी अधिवेशनाच्या खर्चावरून नवा वाद? अधिवेशन मुंबईत घ्या, 300-400 कोटी दुष्काळग्रस्तांकडे वळवण्याची मागणी

Nashik Accident: सप्तश्रृंगी गडाच्या पायथ्याला भीषण अपघात, बंदोबस्तासाठी तैनात असलेल्या पोलिसांना भरधाव कारची धडक; पोलीस उपनिरीक्षकाचा मृत्यू, तर 11 हुन अधिक जण जखमी

संदीप जेजुरकर — Sun, 18 Oct 2026 10:26:32 +0530

Nashik Accident: सप्तश्रृंगी गडाच्या पायथ्याला भीषण अपघात, बंदोबस्तासाठी तैनात असलेल्या पोलिसांना भरधाव कारची धडक; पोलीस उपनिरीक्षकाचा मृत्यू, तर 11 हुन अधिक जण जखमी

Annapurti ATM : अन्नपूर्ति ATM मधून 24 तासात कधीही धान्य मिळणार, रेशनिंग वितरणात नाशिकमधून नवी सुरुवात, छगन भुजबळ यांच्या हस्ते लोकार्पण

मुकुल कुलकर्णी, एबीपी माझा — Sat, 17 Oct 2026 13:36:16 +0530

Annapurti ATM : अन्नपूर्ति ATM मधून 24 तासात कधीही धान्य मिळणार, रेशनिंग वितरणात नाशिकमधून नवी सुरुवात, छगन भुजबळ यांच्या हस्ते लोकार्पण

Malegaon Crime News : डोंगराळे खटल्यात फाशीचा निकाल, पण आरोपीच्या चेहऱ्यावर पश्चातापाचा लवलेशही नाही, उज्ज्वल निकम म्हणाले 'मुलगी त्याला दादा म्हणायची...'

अंकिता खाणे — Fri, 16 Oct 2026 14:25:48 +0530

Malegaon Dongrale Case Verdict : मालेगाव (Malegaon Crime) तालुक्यातील डोंगराळे येथील साडेचार वर्षीय लैंगिक अत्याचार आणि निर्घृण हत्येच्या प्रकरणातील आरोपीला आज फाशीची शिक्षा न्यायालयाने सुनावली आहे. 16 नोव्हेंबर 2025 ला साडेचार वर्षीय चिमुरडीवर 21 वर्षीय विजय खैरनार या नराधमाने लैंगिक (Crime News) अत्याचार करत तिचा गळा आवळून अमानुषपणे संपवलं होतं. आज ( दि.16 ऑक्टोबर ) तब्बल दहा महिन्यानंतर मालेगावच्या अपर जिल्हा व सत्र न्यायालयाने (Additional District and Sessions Court) निकाल देत अखेर विजय खैरनार या नराधमाला फाशीची शिक्षा सुनावली आहे. डोंगराळे येथील अल्पवयीन मुलीवरील अत्याचार व खून प्रकरणी पीडित कुटुंबाला न्याय देत कोर्टानं आज निकाल दिला आहे. (Malegaon Crime News) या निकालानंतर विशेष सरकारी वकील उज्ज्वल निकम यांनी या घटनेबाबत आणि सुनावणीवेळी झालेल्या युक्तीवादाबाबत माहिती दिली, यावेळी ते म्हणाले की, ती मुलगी त्या मुलाला दादा म्हणायची. मुलगी दादाचं बोट धरून घेऊन गेली, त्या नराधम आरोपीने दादा या नात्याचा खून केला आहे. तर त्या आरोपीच्या चेहऱ्यावर कोणताही पश्चाताप नव्हता, असंही निकम म्हणाले.

Malegaon Crime News : आरोपीला प्रत्यक्ष पाहणारा साक्षीदार कोणी नव्हता...

डोंगराळे गावात 16 नोव्हेंबर 2025 ला ज्या अमानुषपणे एका लहान बालकेवरती अत्याचार करून तिचा खून केल्याच्या आरोपाखाली आरोपीला आज न्यायाधीश यांनी दोषी ठरवून त्याला फाशीची शिक्षा ठोठावली आहे. त्याचप्रमाणे या आरोपीने त्या लहान बालकेला पळवून आणि पुरावा नष्ट करण्यासाठी प्रयत्न केला, म्हणून सात वर्षाची शिक्षा देखील ठोठावली आहे. पीडित कुटुंबीयांना 10 लाख रुपयाची मदत देखील न्यायालयाने मंजूर केलेली आहे. या खटल्याचं वैशिष्ट्य असं की या खटल्यात आरोपीला प्रत्यक्ष पाहणारा साक्षीदार कोणी नव्हता. फक्त पीडित मुलगी त्याच्याबरोबर गेली होती. परंतु आरोपीचं म्हणणं होतं की, मी त्या पीडित मुलीला सोडून दिलं होतं, कारण सीसीटीव्ही फुटेज कुठेही नव्हतं. परंतु परिस्थितीजन्य पुराव्याची साखळी आम्ही निर्माण करून या खटल्यामध्ये आरोपीला फाशीची शिक्षा ठोठावली आहे. डोंगराळे येथील या भीषण प्रकरणामुळे मालेगाव नाही तर संपूर्ण नाशिक जिल्ह्यात व महाराष्ट्रात गंभीर पडसाद उमटलेले होते. कायदा व सुव्यवस्थेचा प्रश्न निर्माण झाला होता. अशा प्रसंगी महाराष्ट्र राज्याचे शिक्षण मंत्री दादा भुसे यांनी परिश्रम करून या मी येथे यावं म्हणून मुख्यमंत्री देवेंद्रजी फडणवीस यांना विनंती केली आणि स्वतः मुख्यमंत्री यांनी देखील मला सुचवलं की मी हा खटला तातडीने घ्यावा आणि म्हणून हा खटल्यासाठी माझी विशेष सरकारी वकील म्हणून नियुक्ती केली होती. पोलिस, कर्मचारी, वकिल आणि तपास करणारे इतर लोकांनी सगळ्यांनी मला मदत केली होती, त्याच्यामुळे या खटल्याला चांगलं यश मिळवून देऊ शकलो. आजची तारीख ही फार महत्त्वाची तारीख आहे. आजच्या या 16 ऑक्टोबरला आरोपीला फाशीची शिक्षा न्यायालयाने सुनावली आहे.

Malegaon Crime News : त्याच्या चेहऱ्यावरती कुठेही पश्चातापाची कसलीही भावना दिसत नव्हती

एका सहा वर्षाच्या मुलीवरती देखील असा निर्घृण बलात्कार आणि शारीरिक अत्याचार करण्यात आलेले होते. त्या संदर्भातला मी सर्वोच्च न्यायालयाचा एक न्यायनिवाडा न्यायाधीशांप्रमाणे पुढे हजर केला होता. न्यायाधीशांनी हा न्यायनिवाडा मान्य करून त्यातील उल्लेख असलेल्या घटनेबद्दल आणि आपल्या डोंगरगाळे गावी झालेल्या घटनेबाबत साम्य असल्याचं न्यायाधीशांनी आपल्या निकालपत्रात म्हटलंय. जवळजवळ 200 ते 250 पानाचं हे निकालपत्र आहे. विशेषतः या निकालपत्रामध्ये ज्या पद्धतीने आम्ही युक्तिवाद केला होता की या आरोपीला फाशीची शिक्षा का द्यावी? न्यायालयाने यापूर्वीच त्याला दोषी ठरवलेलं होतं. परंतु शिक्षा त्याला जन्मठेप का फाशी हा शिक्षा प्रामुख्याने न्यायालयापुढे प्रश्न होता. न्यायालयाला आम्ही विनंती केली की, जरी हा आरोपी 24 वर्षाचा आहे, आपण केलेल्या कृत्याच्या परिणामाची जाणीव त्याला होत असते. किंबहुना आज देखील आपण न्यायालयात बघितलं असेल की तो व्हीसी मार्फत न्यायालयात हजर होता. त्याच्या चेहऱ्यावरती कुठेही पश्चातापाची कसलीही भावना दिसत नव्हती. आणि त्याचं वागणं त्याच डोळ्यात निरखून बघणं, आणि विशेषतः तुरुंगाधिकाऱ्यांचे रिपोर्ट, त्याचप्रमाणे प्रोबेशन ऑफिसर्सचे रिपोर्ट्स, सायकॅट्रिक डॉक्टरचे रिपोर्ट्स यावरून हे स्पष्ट होत होतं की, याला कमी शिक्षा दिली तर हा कुठेही सुधारू शकत नाही. उलटपक्षी हा समाजाला घातक होऊ शकतो. आणि म्हणून न्यायालयाने दोन्ही बाजूंनी विचार करून त्याला फाशीची शिक्षा योग्य आहे.30 दिवसाच्या आत त्याला याबद्दल अपील करण्याची मुभा राहील. आणि त्याच्यानंतर देखील उच्च न्यायालयात हे प्रकरण चालवलं जाईल आणि उच्च न्यायालयाच्या शिक्कामोर्तब नंतर याला पुढील लीगल कायदेशीर कारवाई सुरू होईल.

Malegaon Crime News :ती दादाचं बोट धरून घेऊन गेली होती

न्यायालयामध्ये मी हे सांगितलं होतं की सदरची घटना ही दुर्मिळातील दुर्मिळ अशी आहे. ज्याला रेरेस्ट ऑफ रेअर म्हटलं जातं. कारण या आरोपीला ती लहान पीडित मुलगी दादा म्हणत होती. म्हणजे पूर्वी इतिहासकाळी काका या शब्दाचा राघोबा दादानी खून केला. इथे ही जाण्याच्या अगोदर, ही पीडित मुलीला पळून नेण्याच्या अगोदर ती दादाचं बोट धरून घेऊन गेली होती. म्हणजे ती त्याला ओळखत होती. आणि येथे ही खटल्या या आरोपीने दादा या चांगल्या शब्दाचा, दादा या नात्याचा खून केलेला आहे, हे देखील मी मांडलेलं होतं.

Malegaon Crime News : त्या गल्लीमध्ये फक्त ही पाच मुलं खेळत होती

न्यायालयात मी दुसरा महत्त्वाचा मुद्दा मांडला होता, की घटनेच्या दिवशी पीडित मुलगी ही तिच्या पाच मित्रांसोबत खेळत होती. पाच मित्रांपैकी पाच लहान मुले होती. ही एकटी मुलगी होती. प्रथम आरोपीने तिला तुला कॅडबरी चॉकलेट देतो म्हणून घेऊन गेला. परत नेहरू पुतळ्यावर येऊन सोडलं. यामागचं कारण विशद करताना मी न्यायालयाला सांगितलं, की आरोपी हे तपासून बघत होता, की मी जर आता कॅडबरी चॉकलेट दिलं, तर त्यावेळेला कोणी हरकत घेतलंय का? कोणाचं लक्ष आहे का? दुर्दैवाने त्या दुपारच्या वेळेला ते पीडित मुलगी जिथे राहते त्या गल्लीमध्ये फक्त ही पाच मुलं खेळत होती. पहिल्यांदा पीडित मुलीला घेऊन जाताना समोरच्या एका साक्षीदारने पाहिलं होतं. तिने त्याला हटकलं ही होतं. तो म्हणाला मी चॉकलेट घेऊन येतो. तिचा त्याच्यावरती विश्वास बसला आणि ती घरात पुढच्या कामाला गेली. दरम्यान, पुन्हा तिथे चॉकलेट घेऊन दिल्यानंतर, तिला सोडल्यानंतर पुन्हा तिला सांगितलं बूट काढून ये आणि तिला घेऊन गेला होता. मला विशेषतः भुसे साहेबांनी त्या पीडित मुलीबद्दल सांगितलं, की पीडित मुलगी दिसायला तर सुंदर होतीच, परंतु त्या डोंगराळे गावामध्ये बी म्हणजे बॉल, सी म्हणजे कॅट, असं इंग्रजी शिकवत होती. इतकी ती हुशार होती. कारण त्याचा मला त्यांनी व्हिडिओ देखील दाखवला आणि तो व्हिडिओ बघून मी अक्षरशः मनात थरकाप उडाला, की हा आरोपी इतका नरपशू असू शकतो, लहान बालकेवरती इतकं अत्याचार म्हणजे आता मला शब्दात सांगता येणार नाही. परंतु त्याने इतक्या वाईट रीतीने तिच्यावरती बलात्कार केलेला होता, की ती रक्तबंबाळ होऊन गेलेली होती. आणि त्याच्यात ती प्राणांतिक जखमांमुळे मरण पावली होती, असंही पुढे निकम म्हणाले.

Malegaon Crime News : दुर्मिळतील दुर्मिळ घटना असल्याचे निरीक्षण

दरम्यान, जिल्हा व अपर सत्र न्यायालयाचे न्यायाधीश के.जी.पालदेवार यांनी या संदर्भात निकाल देत शिक्षा सुनावली आहे. दुर्मिळतील दुर्मिळ घटना असल्याचे निरीक्षण न्यायालयाने नोंदवलं आहे. तर पीडितेच्या कुटुंबियांना 10 लाख रुपये देण्याचे आदेश देखील कोर्टाने दिले आहे. तर आरोपी विजय खैरनार व त्याचे वकील व्हिडिओ कॉन्फरनसिंग द्वारे न्यायालयात हजर करण्यात आले होते. निकालावेळी पीडितेचे कुटुंबीय, मंत्री दादा भुसे यांच्यासह सामाजिक, राजकीय संघटना पदाधिकारी कार्यकर्ते हे देखील कोर्टाच्या परिसरात उपस्थित होते. तर पीडितेकडून विशेष सरकारी वकील म्हणून उज्वल निकम यांच्यासह ॲड. स्नेहा शर्मा ठाकरे, ॲड. संजय सोनवणे यांनी काम बघितल्याची माहिती आहे. तर आरोपीकडून ॲड.राठी यांनी कामकाज बघितले. आता आरोपीला उच्च न्यायालयात 30 दिवसांच्या आत दाद मागता येऊ शकते, अशी देखील माहिती आहे.

Malegaon Dongrale Case : नेमकं प्रकरण काय?

मालेगाव तालुक्यातील डोंगराळे येथे 16 नोव्हेंबर 2025 ला साडेचार वर्षीय चिमुरडीवर 21 वर्षीय विजय खैरनार या नराधमाने लैंगिक अत्याचार करत तिचा गळा आवळून अमानुषपणे खून केला होता. या प्रकरणाने संपूर्ण राज्यात खळबळ उडाली होती. आज ( दि.16 ऑक्टोबर ) तब्बल दहा महिन्यानंतर या घटनेचा मा.अपर जिल्हा व सत्र न्यायालय, मालेगाव येथे पोक्सो जलदगती न्यायालयात न्याय निर्णय देण्यात आला आहे. अतिशय घृणास्पद व निंदनीय कृत्य करणाऱ्या विजय खैरनार या नराधमाला आज मा.न्यायालय जन्मठेपेची शिक्षा सुनावणार की फाशी ? याकडे संपूर्ण राज्याचे लक्ष लागलेले होते. अखेर न्यायालयने या प्रकरणी फाशीची शिक्षा सुनावली आहे. मालेगाव तालुका पोलिसांनी या प्रकरणाची सखोल चौकशी करुन सुरुवातीस 23 दिवसांत 425 पानांचे आरोपपत्र न्यायालयात दाखल केले होते. या खटल्यात आतापर्यंत पोलीस, ग्रामस्थ, पिडीताचे कुटुंब, वैद्यकीय अधिकारी आदीं 24 साक्षीदार तपासण्यात आलेले असून शासन नियुक्त विशेष सरकारी वकील उज्वल निकम यांनी भक्कम पुराव्याच्या आधारे मा.न्यायालयात मांडणी केली आहे.

दरम्यान, मागील सुनावणीत आरोपी विजय खैरनार याचेवर दोष निश्चिती करण्यात आलेली असून न्यायालयाने त्याचे म्हणणे मांडण्याची देखील संधी त्याला उपलब्ध करून दिली होती. तसेच पोलीस, मानसोपचार तज्ञ व जेलर यांचेकडून त्याचे वर्तणुकीबाबत अहवाल कोर्टात सादर करण्यात आले होते.

मालेगावच्या उपमहापौरांनी एक महिन्यानंतर कार्यालय उघडलं; शान-ए-हिंद यांनी टिपू सुलतान यांचा फोटो हटवला, पण...

संदीप जेजुरकर — Mon, 28 Sep 2026 20:02:29 +0530

नाशिक : जिल्ह्यातील मालेगाव (Malegaon) महानगरपालिका निवडणुकांपासून चर्चेत आहे, त्यातच, निकालानंतर तेथील सत्तासमीकरणामुळेही मालेगाव महापालिक राज्यात लक्षवेधी ठरली. त्यानंतर, उपमहापौर शान-ए-हिंद यांच्या उपमहापौर दालनात टिपू सुलतान यांचा फोटो बसवल्यावरुनही चांगलच वादंग पाहायला मिळालं. विशेष म्हणजे, उपमहापौरांनी दुसऱ्यांदा आपल्या दालनातील भिंतीवर टिपू सुलतान (Tipu Sultan) यांचा फोटो बसवल्यानंतर भाजपच्या (BJP) नगरसेवकांनी विरोध केला होता. अखेर, एक महिन्यानंतर उपमहापौरांनी दालनातील टिपू सुलतान यांचा फोटो हटवला आहे.

मालेगाव महापालिकेतील उपमहापौर शान ए हिंद यांनी एक महिन्यानंतर आपले कार्यालय उघडले. त्यानंतर, त्यांच्या दालनातील टिपू सुलतान यांचा फोटो हटवण्यात आला. सण उत्सवात शांतता भंग नको म्हणून कार्यालय बंद ठेवल्याचा खुलासा शान ए हिंद यांनी आज पत्रकार परिषदेतून केला. टिपू सुलतान यांच्या फोटोऐवजी आता कार्यालयातील टेबलवर संविधानच मांडण्यात आले आहे. 'राणी लक्ष्मीबाई व टिपू सुलतान' यांचा फोटो असलेले संविधान त्यांनी आपल्या टेबलावर ठेवले. प्रशासनाच्या लेखी सूचनेनुसार टिपू सुलतान यांचा फोटो हटवला. मात्र, काचेच्या बॉक्समध्ये फ्रेम करत संविधानाची ओरिजनल प्रत टेबलावर ठेवली. महापुरुषांच्या दहा फोटोसोबतच साथी निहाल अहमद, अबू आझमी व अखिलेश यादव यांचेही फोटो दालनात लावण्यात आले आहेत.

उच्च न्यायालयात याचिका

दरम्यान, टिपू सुलतान यांच्या फोटोला विरोध करत, आता प्रसिद्धीसाठी स्टंट करणाऱ्यांनी संविधानाला विरोध केल्यास आपण पोलिसांत जाणार असल्याचा इशारा देखील उपमहापौर शान ए हिंद यांनी दिला. दरम्यान, टिपू सुलतान यांचा फोटो दालनात लावावा किंवा नाही याबाबत उपमहापौर यांनी उच्च न्यायालयात याचिका दाखल केली आहे,अद्याप त्या याचिकेवर सुनावणी झालेली नाही. या याचिकेवर राज्य सरकार, पोलीस आणि महापालिका प्रशासनाचे न्यायालयाने लेखी उत्तर मागवले आहे, अशी माहितीही उपमहापौर शान ए हिंद यांनी दिली.

विषबाधेतील रुग्णांची संख्या 150 वर

मालेगावच्या नांदगाव विधाबाधित रुग्णांची संख्या 150 पेक्षा जास्त झाली असून दोन रुग्णांची प्रकृती गंभीर असल्याचे समजते. त्यापैकी, चार वर्षीय गौरव कुंवर बालक आणि एक वृद्ध व्यक्ती गंभीर आहे. गंभीर रुग्णांवर अतिदक्षता विभागात उपचार सुरू असून सामान्य रुग्णालयात 100 रुग्णांवर उपचार सुरू आहेत. रुग्णाची संख्या वाढल्याने सामान्य रुग्णालयाची खाटांची संख्या देखील अपुरी पडली. उर्वरित रुग्णांवर महिला रुग्णालय व महापालिकेच्या अन्सार रुग्णालयात हलविण्यात आले. उर्वरित रुग्णांची प्रकृती स्थिर असून रुग्णसंख्येत वाढ होत आहे. रुग्णसंख्या वाढत असल्याने आरोग्य विभागाची चिंता वाढली असून मंत्री दादा भुसे परिस्थितीवर लक्ष ठेवून आहेत, अशी माहिती वैद्यकीय अधिकारी ए. ए. मोमीन यांनी दिली.

हेही वाचा

मोठी बातमी! महाराष्ट्राचा 'दुष्काळ' दिल्लीत चर्चेत; केंद्रीय कृषीमंत्री पथकासह पाहणीस येणार, तारीख ठरली

Chhagan Bhujbal : डोळ्याला गॉगल, तोंडाला मास्क... आजारी भुजबळ सुरक्षारक्षकाच्या खांद्यावर हात ठेऊन शेतकऱ्याच्या बांधावर

एबीपी माझा ब्युरो — Sun, 27 Sep 2026 20:16:33 +0530

Chhagan Bhujbal : डोळ्याला गॉगल, तोंडाला मास्क... आजारी भुजबळ सुरक्षारक्षकाच्या खांद्यावर हात ठेऊन शेतकऱ्याच्या बांधावर