Pune Nashik Highway Accident: भीषण अपघात! भरधाव कंटेनर डिव्हायडर तोडून विरुद्ध दिशेच्या ट्रकला धडकला; पुण्याकडे येणारी वाहतूक ठप्प; पुणे-नाशिक महामार्गावरील घटना

मालेगावच्या उपमहापौरांनी एक महिन्यानंतर कार्यालय उघडलं; शान-ए-हिंद यांनी टिपू सुलतान यांचा फोटो हटवला, पण...

संदीप जेजुरकर — Mon, 28 Sep 2026 20:02:29 +0530

नाशिक : जिल्ह्यातील मालेगाव (Malegaon) महानगरपालिका निवडणुकांपासून चर्चेत आहे, त्यातच, निकालानंतर तेथील सत्तासमीकरणामुळेही मालेगाव महापालिक राज्यात लक्षवेधी ठरली. त्यानंतर, उपमहापौर शान-ए-हिंद यांच्या उपमहापौर दालनात टिपू सुलतान यांचा फोटो बसवल्यावरुनही चांगलच वादंग पाहायला मिळालं. विशेष म्हणजे, उपमहापौरांनी दुसऱ्यांदा आपल्या दालनातील भिंतीवर टिपू सुलतान (Tipu Sultan) यांचा फोटो बसवल्यानंतर भाजपच्या (BJP) नगरसेवकांनी विरोध केला होता. अखेर, एक महिन्यानंतर उपमहापौरांनी दालनातील टिपू सुलतान यांचा फोटो हटवला आहे.

मालेगाव महापालिकेतील उपमहापौर शान ए हिंद यांनी एक महिन्यानंतर आपले कार्यालय उघडले. त्यानंतर, त्यांच्या दालनातील टिपू सुलतान यांचा फोटो हटवण्यात आला. सण उत्सवात शांतता भंग नको म्हणून कार्यालय बंद ठेवल्याचा खुलासा शान ए हिंद यांनी आज पत्रकार परिषदेतून केला. टिपू सुलतान यांच्या फोटोऐवजी आता कार्यालयातील टेबलवर संविधानच मांडण्यात आले आहे. 'राणी लक्ष्मीबाई व टिपू सुलतान' यांचा फोटो असलेले संविधान त्यांनी आपल्या टेबलावर ठेवले. प्रशासनाच्या लेखी सूचनेनुसार टिपू सुलतान यांचा फोटो हटवला. मात्र, काचेच्या बॉक्समध्ये फ्रेम करत संविधानाची ओरिजनल प्रत टेबलावर ठेवली. महापुरुषांच्या दहा फोटोसोबतच साथी निहाल अहमद, अबू आझमी व अखिलेश यादव यांचेही फोटो दालनात लावण्यात आले आहेत.

उच्च न्यायालयात याचिका

दरम्यान, टिपू सुलतान यांच्या फोटोला विरोध करत, आता प्रसिद्धीसाठी स्टंट करणाऱ्यांनी संविधानाला विरोध केल्यास आपण पोलिसांत जाणार असल्याचा इशारा देखील उपमहापौर शान ए हिंद यांनी दिला. दरम्यान, टिपू सुलतान यांचा फोटो दालनात लावावा किंवा नाही याबाबत उपमहापौर यांनी उच्च न्यायालयात याचिका दाखल केली आहे,अद्याप त्या याचिकेवर सुनावणी झालेली नाही. या याचिकेवर राज्य सरकार, पोलीस आणि महापालिका प्रशासनाचे न्यायालयाने लेखी उत्तर मागवले आहे, अशी माहितीही उपमहापौर शान ए हिंद यांनी दिली.

विषबाधेतील रुग्णांची संख्या 150 वर

मालेगावच्या नांदगाव विधाबाधित रुग्णांची संख्या 150 पेक्षा जास्त झाली असून दोन रुग्णांची प्रकृती गंभीर असल्याचे समजते. त्यापैकी, चार वर्षीय गौरव कुंवर बालक आणि एक वृद्ध व्यक्ती गंभीर आहे. गंभीर रुग्णांवर अतिदक्षता विभागात उपचार सुरू असून सामान्य रुग्णालयात 100 रुग्णांवर उपचार सुरू आहेत. रुग्णाची संख्या वाढल्याने सामान्य रुग्णालयाची खाटांची संख्या देखील अपुरी पडली. उर्वरित रुग्णांवर महिला रुग्णालय व महापालिकेच्या अन्सार रुग्णालयात हलविण्यात आले. उर्वरित रुग्णांची प्रकृती स्थिर असून रुग्णसंख्येत वाढ होत आहे. रुग्णसंख्या वाढत असल्याने आरोग्य विभागाची चिंता वाढली असून मंत्री दादा भुसे परिस्थितीवर लक्ष ठेवून आहेत, अशी माहिती वैद्यकीय अधिकारी ए. ए. मोमीन यांनी दिली.

हेही वाचा

मोठी बातमी! महाराष्ट्राचा 'दुष्काळ' दिल्लीत चर्चेत; केंद्रीय कृषीमंत्री पथकासह पाहणीस येणार, तारीख ठरली

Chhagan Bhujbal : डोळ्याला गॉगल, तोंडाला मास्क... आजारी भुजबळ सुरक्षारक्षकाच्या खांद्यावर हात ठेऊन शेतकऱ्याच्या बांधावर

एबीपी माझा ब्युरो — Sun, 27 Sep 2026 20:16:33 +0530

Chhagan Bhujbal : डोळ्याला गॉगल, तोंडाला मास्क... आजारी भुजबळ सुरक्षारक्षकाच्या खांद्यावर हात ठेऊन शेतकऱ्याच्या बांधावर

Girish Mahajan: दुष्काळ पाहणीच्या दौऱ्यात पिंपळगावजवळ अपघात; ट्रकमध्ये चढून अपघातग्रस्तांना गिरीश महाजनांची मदत

अभिषेक मुठाळ — Wed, 23 Sep 2026 13:44:12 +0530

Girish Mahajan: दुष्काळ पाहणीच्या दौऱ्यात पिंपळगावजवळ अपघात; ट्रकमध्ये चढून अपघातग्रस्तांना गिरीश महाजनांची मदत

Nashik Crime News: आईकडे दारूसाठी पैसे मागितले; नकार देताच मुलानं डोक्यात कुऱ्हाड घातली, नाशिकमध्ये हादरवणारी घटना

शुभम बोडके — Wed, 16 Sep 2026 11:42:30 +0530

नाशिक : नाशिकच्या हनुमाननगरमध्ये माणुसकीला काळिमा फासणारी घटना घडली आहे. दारूसाठी पैसे न दिल्याच्या रागातून मद्यपी मुलाने जन्मदात्या 80 वर्षीय आईची कुऱ्हाडीने हत्या (Nashik Crime News) केल्याचा आरोप आहे. कमलाबाई वळवी असं मृत वृद्ध महिलेचं नाव असून, त्यांचा मुलगा तानाजी वळवी याला गंगापूर पोलिसांनी ताब्यात घेतलं आहे. सोमवारी रात्री दारूच्या नशेत तानाजीने आईकडे पैशांची मागणी केली. आईने पैसे देण्यास नकार दिल्यानंतर त्याने कुऱ्हाडीने (Nashik Crime News) त्यांच्या डोक्यावर वार केल्याची माहिती आहे. गंभीर जखमी कमलाबाईंना नातेवाईकांनी तातडीने जिल्हा रुग्णालयात दाखल केलं, मात्र उपचारादरम्यान त्यांचा मृत्यू झाला. विशेष म्हणजे, तानाजी मद्याच्या नशेत पत्नीला मारहाण आणि शिवीगाळ करत असल्याची माहिती पोलिसांनी दिली आहे आणि यावेळी आई कमलाबाई मुलाला रोखण्याचा प्रयत्न करत असल्याचंही समोर आलं आहे. अखेर दारूच्या व्यसनातून सुरू असलेल्या घरगुती वादाचा शेवट जन्मदात्या आईच्या हत्येत झाला. या घटनेने हनुमाननगर-ध्रुवनगर परिसरात मोठी खळबळ उडाली आहे.(Nashik Crime News)

गंगापूर पोलीस स्टेशनचे पोलीस निरीक्षक, सुरेश आव्हाड यांनी माहिती देताना सांगितलं की, "हनुमान नगर परिसरात एक कॉल आला होता, आपल्या 'डायल ११२' (Dial 112) ला, की एका महिलेचा मृत्यू झालेला आहे. तर तिथे जाऊन चौकशी केली असता तो मर्डर (खून) असल्याचे दिसून आलं. संशयित म्हणून तिच्या मुलाला ताब्यात घेतलेले आहे आणि अजूनही काही चौकशी करत आहोत. गुन्हा दाखल करण्याची प्रक्रिया चालू आहे. मुलाला दारूचे व्यसन होते. नातेवाईकांना संशय आहे की, तो कायम दारूसाठी, पैशासाठी मारहाण करायचा आणि पत्नीच्या चारित्र्यावर संशय घ्यायचा. त्यामुळे या सर्व शक्यता पडताळून पाहत आहोत", अशी माहिती पोलिसांनी दिली आहे.(Nashik Crime News)

Nashik Crime News: मद्यधुंद अवस्थेत घरी येऊन बायकोला शिवीगाळ अन्...

तर मिळालेल्या माहितीनुसार, सातपूरजवळच्या हनुमाननगर भागात एका मद्यपी मुलाने दारूसाठी पैसे न दिल्याने आपल्या वृद्ध आईला निर्घृणपणे संपवल्याची धक्कादायक घटना मंगळवारी (दि. १५) सकाळी उघडकीस आली. कमलाबाई अनाजी वळवी (८०, रा. हनुमाननगर) असे मृत्यूमुखी पडलेल्या वृद्धेचे नाव आहे. पोलिसांनी याप्रकरणी आरोपी तानाजी अनाजी वळवी (४१) यास बेड्या ठोकल्या आहेत. सातपूर औद्योगिक वसाहतीपासून जवळच असलेल्या हनुमाननगर-ध्रुवनगर भागात गोरगरीब वळवी कुटुंब राहते. तानाजी हा आई, पत्नी, तीन मुलांसोबत येथे राहत होता. तो एका कंपनीत अधून-मधून मोलमजुरीच्या कामाला जात होता. त्याला मद्यप्राशनाचे व्यसन असल्याने दररोज रात्री मद्यधुंद अवस्थेत घरी येऊन बायकोला शिवीगाळ आणि मारहाण करायचा, असे पोलिसांनी सांगितले. यावेळी आई कमलाबाई दोघांच्या भांडणात मध्यस्थी करून मुलाला रोखण्याचा प्रयत्न करत असायच्या. सोमवारी (दि. १४) रात्री अशाचप्रकारे भांडण झाले. यावेळी त्याची पत्नी घराबाहेर पळून गेल्यानंतर त्याने कमलाबाई यांच्याकडे पैशांची मागणी केली. त्यांनी नकार दिल्याने यांनाही मारहाण करत मद्यधुंद अवस्थेत कुऱ्हाडीने वार केला.

त्यानंतर रक्ताच्या थारोळ्यात खाली पडल्या. जखमी अवस्थेत त्यांनी कमलाबाई यांना रात्री ११ वाजेच्या सुमारास जिल्हा शासकीय रुग्णालयात त्यांना उपचारासाठी दाखल करत पोलिसांना घटनेची माहिती कळविली. माहिती मिळताच गंगापूर पोलिसांनी घटनास्थळी व जिल्हा रुग्णालयात धाव घेतली. रात्री संशयित तानाजी यास पोलिसांनी ताब्यात घेतले. पोलिस पुढील तपास करत आहेत.

प्रांताधिकाऱ्याचा त्रास, मनमानी कारभार; नाशिकमध्ये निलंबनाच्या कारवाईविरुद्ध 800 तलाठी, ग्रामसेवक एकटवले

शुभम बोडके — Tue, 15 Sep 2026 14:11:30 +0530

नाशिक : राज्यात गणेशोत्सवाची धूम आणि उत्साह पाहायला मिळत आहे. मात्र, दुसरीकडे मराठा आरक्षण आणि जात पडताळणी प्रमाणपत्राच्या मुद्द्यावरुन मराठा आंदोलक मनोज जरांगे पाटील यांनी मुंबईकडे कूच केली आहे. गणेशोत्सवामुळे पोलिसांनी मुंबईतील त्यांच्या आंदोलनाला परवानगी नाकारली आहे. तर, दुसरीकडे नाशिक (Nashik) जिल्ह्यात प्रांताधिकाऱ्यांच्या मनमानी कारभाराविरुद्ध तब्बल 800 तलाठी (Talathi) आणि ग्रामविकास अधिकाऱ्यांनी ठिय्या आंदोलन केले आहे. त्यामुळे, जिल्ह्याच्या प्रशासकीय वर्तुळात खळबळ उडाली आहे.

प्रशासनातील काही अधिकाऱ्यांच्या कडक शिस्त आणि कठोर कामकाजाचा अनुभव कर्मचाऱ्यांना अनेकदा येत असतो. मात्र, कायम ग्रामस्थ आणि सर्वसामान्य नागरिकांच्या टीकेचे धनी बनणाऱ्या ग्रामविकास अधिकारी आणि तलाठी यांनाच एका खमक्या अधिकाऱ्याचा सामना करावा लागला आहे. त्यामुळे, तलाठी आणि ग्रामविकास अधिकाऱ्यांनी थेट आंदोलनाचा ठिय्या गाठला आहे. नाशिक जिल्ह्यातील प्रांत अधिकारी पवन दत्ता यांच्या मनमानी कारभाराविरोधात तलाठी महासंघ नाशिकमध्ये आक्रमक झाला आहे. इगतपुरी व त्रंबकेश्वर प्रांताधिकार्‍यांचा मनमानी कारभार थांबवा, अन्यायकारक निलंबन व फेरा फेर कारवाईचा निषेध करत जिल्ह्यातील तलाठी एकवटल्याचं दिसून आलं. तसेच, निलंबित ग्राम महसूल अधिकारी व मंडळ अधिकारी यांचे बेकायदेशीर निलंबन व सक्तीच्या कारवाई मागे घ्याव्यात, यांसह इतर मागण्या मान्य कराव्या अशी मागणीही यावेळी तलाठी महोदयांनी केली.

आपल्या प्रशासकीय सेवेतील या विविध मागण्यांसाठी 15 तालुक्यातील ग्राम महसूल अधिकारी व मंडळ अधिकारी यांनी एकत्र येत आंदोलनात सहभाग नोंदवला. विशेष म्हणजे, प्रांताधिकाऱ्यांविरुद्ध जवळपास 800 तलाठी नाशिकच्या जिल्हाधिकारी कार्यालयाबाहेर धरणे आंदोलनाला बसले आहेत.

हेही वाचा

मनोज जरांगे मुंबईकडे रवाना होताच पत्नीसह मुली संतापल्या; म्हणाल्या, 'वडिलांना काही झाल्यास डोळे पुसायला रुमाल...'

दिल्लीनंतर आता कांद्याची 'चेन्नई एक्सप्रेस'; मनमाडमध्ये मोठ्या ट्रकमधून रेल्वेत भरला 800 टन कांदा

संदीप जेजुरकर — Fri, 28 Aug 2026 14:52:17 +0530

नाशिक: देशभरात साखरेनंतर कांद्याचे (Onion) भावही अचानक वाढल्याने सर्वसामान्यांना दिलासा देण्यासाठी केंद्र सरकारने नाफेडच्या माध्यमातून कांदा खरेदीचा निर्णय घेतला आहे. त्याच पार्श्वभूमीवर नाशिक (Nashik) जिल्ह्याच्या लासलगाव येथून पहिली कांदा एक्सप्रेस दिल्लीला पोहोचली आहे. आता, लासलगाव पाठोपाठ मनमाड येथूनही कांदा एक्सप्रेस धावणार असून 800 टन कांदा घेऊन 'कांदा एक्सप्रेस' चेन्नईला जाणार आहे. मनमाड रेल्वे स्थानकात 21 बोगीमध्ये कांदा भरण्याचे काम सुरू असून संध्याकाळपर्यंत कांदा एक्सप्रेस चेन्नईसाठी रवाना होईल. यामध्ये, हलक्या प्रतीचा व खराब कांदा लोड होत असल्याचं पाहायला मिळत आहे.

कांद्याच्या भावात वाढ होताच केंद्र सरकारने कांद्याचे भाव नियंत्रणात आणण्यासाठी नाफेड व एनसीसीएफच्या माध्यमातून खरेदी करण्यात आलेला बफर स्टॉक कांदा नाशिक जिल्ह्यातून देशात पाठविण्याचे नियोजन करण्यात आले. दोन दिवसांपूर्वी नाशिकच्या लासलगाव रेल्वे स्थानकातून एक 450 मेट्रिक टन कांदा घेऊन 'कांदा एक्सप्रेस' दिल्लीच्या दिशेने रवाना झाल्यानंतर आज पुन्हा मनमाड रेल्वे स्थानकातूनही एक कांदा एक्सप्रेस चेन्नईला पाठविण्यात येणार आहे. त्यासाठी मनमाडच्या रेल्वेच्या मालधक्क्यातून कांदा भरण्याचे काम सुरू आहे.

नाशिक जिल्ह्यातील विविध शहरात नाफेड व एनसीसीएफने साठवून ठेवलेल्या गोदामातून हा कांदा ट्रकमधून आणला जात आहे. सुमारे 21 डब्यांच्या रेल्वेमधून 800 मेट्रिक टन कांदा संध्याकाळपर्यंत चेन्नईच्या दिशेने रवाना होणार आहे. त्यामुळे कांद्याच्या दरात घसरण होण्याची शक्यता निर्माण झाल्याने कांदा उत्पादक शेतकऱ्यांमध्ये काहीशी नाराजी पसरली आहे. शेतकऱ्यांच्या आरोपानंतरही आजही पाठवण्यात येणाऱ्या बफर स्टॉकमधील काहीसा खराब व हलक्या प्रतीचा कांदा 'कांदा एक्सप्रेस' मध्ये लोड केला जातोय. दरम्यान, दोन दिवसांपूर्वी दिल्लीला कांदा एक्सप्रेस रवाना होत असताना, प्रहारच्या तालुका अध्यक्षांकडून कांदा एक्सप्रेस अडवण्यात आली होती.

मुख्यमंत्री देवेंद्र फडणवीस नाशिक जिल्ह्यात दाखल झाले असून मराठा विद्या प्रसारक संस्थेच्या कृषी महाविद्यालयाच्या नूतन इमारतीचे उद्घाटन त्यांच्या हस्ते होणार आहे. दिंडोरी तालुक्यातील चाचडगावमध्ये विद्या प्रसारक संस्थेच्या वतीने कृषी महाविद्यालय उभारले आहे. या कृषी महाविद्यालयाच्या नूतन इमारतीचे उद्घाटन होत आहे. या दौऱ्याच्या पार्श्वभूमीवर कोणताही अनुचित प्रकार घडू नये, म्हणून पोलीस प्रशासनाकडून प्रतिबंधात्मक कारवाई करण्यात आली आहे. शेतकऱ्यांच्या कांदा प्रश्नावर आवाज उठवणारे प्रहार संघटनेचे गणेश निंबाळकर यांना त्यांच्या चांदवड येथील राहत्या घरी स्थानबद्ध करण्यात आले. तर शिवसेना (उद्धव बाळासाहेब ठाकरे) पक्षाचे तालुकाप्रमुख शिवा सुराशे यांना सुरक्षेच्या कारणास्तव लासलगाव पोलीस ठाण्यात स्थानबद्ध केल्याची माहिती आहे.

हेही वाचा

आदित्य ठाकरेंच्या वकिलांकडून राणेंचं नाव; दिशा सालियाप्रकरणी हायकोर्टात सुनावणी पूर्ण, निर्णयाकडे सर्वांचे लक्ष

नाशिकमध्ये 'कांदा एक्सप्रेस'समोर शेतकऱ्यांची उडी; प्रहारच्या नेत्याने दिल्लीला जाणारी रेल्वे थांबवली, पोलीस धावले

संदीप जेजुरकर — Wed, 26 Aug 2026 15:19:34 +0530

नाशिकमध्ये 'कांदा एक्सप्रेस'समोर शेतकऱ्यांची उडी; प्रहारच्या नेत्याने दिल्लीला जाणारी रेल्वे थांबवली, पोलीस धावले

Nashik Potholes Special Report:नाशिकच्या खड्ड्यांवरुन राजकारण तापलं, राऊतांची टीका, महाजनांचा पलटवार

abp majha web team — Mon, 17 Aug 2026 22:21:37 +0530

Nashik Potholes Special Report:नाशिकच्या खड्ड्यांवरुन राजकारण तापलं, राऊतांची टीका, महाजनांचा पलटवार

नाशिकच्या रस्त्यांवरचे खड्डे... नागरिकांचा संताप... आणि आगामी कुंभमेळा...या सगळ्यावरून नाशिकमध्ये राजकीय वातावरण तापलंय... खड्ड्यांच्या प्रश्नावरून ठाकरे गटाच्या शिवसेनेकडून नाशिक महापालिकेवर जनआक्रोश मोर्चा काढण्यात आला. खासदार संजय राऊत यांच्या नेतृत्वात निघालेल्या या मोर्चात प्रशासनावर जोरदार निशाणा साधण्यात आला. राऊतांच्या आरोपांना मंत्री गिरीश महाजनांसह महायुतीच्या नेत्यांनीही प्रत्युत्तर दिलं...कुंभमेळ्याला बदनाम करण्यासाठी भ्रष्टाचाराचे आरोप सुरू केले असून यात सरकारची कसलीही फसवणूक झालेली नाही काही बदमाश लोकांनी खोटी टेंडर काढून ठेकेदारांची फसवणूक केली आहे दहा लाखापेक्षा जास्त रकमेचे टेंडर कधीतरी एमडी भरल्याशिवाय आणि ऑनलाइन केल्याशिवाय येऊ शकते का असा सवाल करीत यात सर्व आरोपींना अटक करण्यात आली.

Sanjay Raut Nashik Speech : खड्डे वेळेत न बुजवल्यास पालिकेचे गेट तोडून आत घुसू! प्रशासनाला अल्टिमेटम

abp majha web team — Mon, 17 Aug 2026 14:29:08 +0530

Sanjay Raut Nashik Speech : खड्डे वेळेत न बुजवल्यास पालिकेचे गेट तोडून आत घुसू! प्रशासनाला अल्टिमेटम

Follow AI generated Transcription - (खालील डिस्क्रिप्शन AI जनरेटेड आहेत. त्यामध्ये त्रुटी असू शकतात)

इकडल्या कुंभमेळा मंत्रालयाला जे कोणाला संपत राहिला 302 चे गुन्हे जोपर्यंत दाखल होत नाही तोपर्यंत शिवसेना स्वस्थ बसणार नाही जबाबदारी नाही का कशाकरता खुर्च्या उखडताय 10-12 बळी घेता आणि हसत हसत सांगता 5 लाख रुपये दिले गरिबांच्या जीवांची किंमत काय 5 लाख रुपये लक्षात घ्या हे 5 लाख रुपये तुमच्याकडे ठेवा या मृतांना 1 कोटी रुपये दिले पाहिजेत त्याच्या कुटुंबाला जे जखमी आहेत त्यांना 50 लाख रुपये दिले पाहिजेत कारण की जखमी जे उपचार घेतायेत ते कायमचे अपंग झाले आहेत आयुष्यभरासाठी बेडवर आहेत त्यांचा आताच बिल झालेत 5 5 10 10 लाख रुपये मृतांना 5 लाख देत आणि ठेकेदाराकडून कोट्यावधीच कमिशन खातात डुप्लीकेट वर्क ऑर्डर जामनेर पॅटर्न जामनेर भ्रष्टाचाराचा जामनेर पॅटर्न डुप्लीकेट वर्क ऑर्डर डुप्लीकेट नोटा 35000 कोटी कुंभमेळा कोणाच्या खिशात गेले कोणाच्या खिशात गेले माझ्याकडे मगाशीच कागद आलेत यांच्या जावयाला यांच्या जावयाला दुसऱ्या कंपनीच्या डुप्लीकेट नावाखाली मोठं कॉन्ट्रॅक्ट मिळालंय चौधरी जावयाचं नाव 27 कोटी रुपये का कुसल्याने खाल्ले आणि आमच्या पोरांचे बळी खड्ड्यामध्ये जातायेत काल मी काल मी मखमलाबादला गेलो रस्ते कुठे आहेत रस्त्यावर स्विमिंग पूल फुकट स्विमिंग पूल एक मोठा खड्डा मला दिसला म्हटलं या खड्ड्यामध्ये भारतीय जनता पक्षाचे 52 नगरसेवक एकदम टाकायचे दुसरा एक खड्डा दिसला छोटा त्याच्यामध्ये मिंदे गटाचे सगळे नगरसेवक टाकायचे हे सगळे 50 खोके वाले तुम्हाला 50 50 कोटी आणि जखमींना मृतांना 5 लाख 2 लाख 1 लाख रस्ते देवेंद्र फडणवीस काय म्हणतात डांबर संपलं म्हणे अरे डांबर का संपलं इरानच्या युद्धामुळे डांबर संपलं याच्या फौजा गेल्या होत्या ना इरानमध्ये लढायला यांनी पाठवलं होतं इरानमध्ये लोकं लढायला इजराईलला अमेरिकेला इरानच्या युद्धामुळे नाशिकला डांबर मिळत नाही अख्ख्या जगाला मिळतय डांबर अख्ख्या देशाला मिळतय डांबर आणि नाशिकला डांबर नाही हे नाशिक तुम्ही दत्तक घेतलं होतं या नाशिकचे आपण अनावरस बाप आहात बाप आहात ना दत्तक घेतल्यावर एकदा बघा मगाशी जे बिरलेकर म्हणाले यापुढे हा एक मोर्चा म्हणजे इशारा आहे मी काल सांगितलंय जिथे जिथे खड्डे आहेत त्या त्या भागातल्या भाजपच्या आणि मिंदेच्या नगरसेवकाच्या घरावर मोर्चे काढू हा रेडा तुमच्या घरात घुसवू लक्षात घ्या हा यमदूत तुमच्या घरात घुसवू शिवसेनेच्या नावाला लागू नका आम्ही सत्तेत नसू पण रस्त्यावर आहोत आणि मगाशी म्हणालो रस्त्यावरच्या आम्ही सत्तेपेक्षा डेंजर आहोत

Pune Nashik Highway Accident: भीषण अपघात! भरधाव कंटेनर डिव्हायडर तोडून विरुद्ध दिशेच्या ट्रकला धडकला; पुण्याकडे येणारी वाहतूक ठप्प; पुणे-नाशिक महामार्गावरील घटना

नाजिम मुल्ला, एबीपी माझा — Wed, 5 Aug 2026 07:57:24 +0530

Pune Nashik Highway Accident: भीषण अपघात! भरधाव कंटेनर डिव्हायडर तोडून विरुद्ध दिशेच्या ट्रकला धडकला; पुण्याकडे येणारी वाहतूक ठप्प; पुणे-नाशिक महामार्गावरील घटना