Kalicharan Maharaj on BJP Nagarsevak Tushar Apte: बदलापूरमधील एका शाळेत दोन चिमुरड्या मुलींवर झालेल्या लैंगिक अत्याचार (Badlapur School Sexual abuse) प्रकरणाने संपूर्ण राज्य हादरले होते. या बहुचर्चित प्रकरणातील सहआरोपी तुषार आपटे (Tushar Apte) यालाच भाजपने (BJP) कुळगाव–बदलापूर नगरपरिषदेत स्वीकृत नगरसेवक म्हणून नियुक्त केले आहे. यावरून विरोधकांनी भाजपवर जोरदार हल्लाबोल केलाय. आता या प्रकरणावर कालीचरण महाराजांनी देखील संतप्त प्रतिक्रिया दिली आहे.
आज शनिवारी (दि. 10) नाशिकमध्ये शिवसेना उमेदवारांच्या प्रचारासाठी कालीचरण महाराज नाशिकमध्ये दाखल झाले. यावेळी माध्यमांशी बोलताना त्यांनी विविध मुद्द्यांवर भाष्य केले आहे. बदलापूर लैंगिक अत्याचार प्रकरणातील आरोपीला भाजपने स्वीकृत नगरसेवक केलं, याबाबत विचारले असता कालीचरण महाराज म्हणाले की, त्याला भर चौकात उभं करून मुंडके छाटले पाहिजे. कालीचरण महाराजांना अर्पण केलं पाहिजे. आरोप सिद्ध होत असतील तर कारवाई झालीच पाहिजे, अशी संतप्त प्रतिक्रिया त्यांनी दिली आहे.
Kalicharan Maharaj: जे धर्म रक्षण करतात त्यांना मतदान करा
नाशिकमधील उमेदवारांच्या प्रचाराबाबत विचारले असता कालीचरण महाराज म्हणाले की, आमचा उद्देश धर्म राज्याचा आहे. जो हिंदू हिताचे आचरण करेल त्याला मतदान करा. दोन असतील तर जो जास्त हिंदू आचरण करेल त्याला मतदान करा. लोकांनी आपापल्या अनुभवावर उमेदवारांना निवडावे. हिंदूंचे विभाजन होत आहे. जे धर्म रक्षण करतात त्यांना मतदान करा, असे आवाहन त्यांनी मतदारांना केले.
Kalicharan Maharaj: हिंदू वोटर करणे हा आमचाच अजेंडा
बांगलादेशमध्ये हिंदूंवर सातत्याने अत्याचार होत आहेत. याबाबत विचारले असता कालीचरण महाराज म्हणाले की, कोणत्याही देशात हिंदू सुरक्षित नाही. ही स्थिती भारतात देखील होऊ शकते. हिंदूंच्या रक्षणासाठी राजकारणाचे हिंदुकरण करणे महत्वाचे आहे. हिंदू वोटर करणे हा आमचाच अजेंडा आहे, असे त्यांनी यावेळी सांगितले.
Kalicharan Maharaj: भाजप आणि शिवसेनेला मतदान करा
जो भारत मातेचा महोत्सव करेल, त्याला मतदान करा. पाकिस्तानचा महोत्सव करेल त्याला नका करू. भाजप आणि शिवसेनेला मतदान करा. गोमाता, मठ, मंदिर, संतांची सुरक्षा करतील त्यांना मतदान करा. जातीवाद करणाऱ्यांना वोट करू नका. हिंदू स्वराज्याचा विडा उचलून काम करायला हवे. जातीवाद, भाषावाद, प्रांतवाद सोडून धर्मध्वज जपण्यासाठी एकत्र यायला हवे. तरच हिंदू सुरक्षित राहतील, असे देखील कालीचरण महाराजांनी म्हटले आहे.
राज्य आणि देश-विदेशातील महत्त्वाच्या बातम्या; पाहा व्हिडीओ
आणखी वाचा