मातंग समाज कधीही अस्पृश्य नव्हता, एकनाथ शिंदे यांच्यासारखे पाच जण जरी आले तरी उपवर्गीकरण होऊ देणार नाही; सदावर्तेंचा निर्धार

Sadavarte On Eknath Shinde Matang Samaj : मातंग समाज कधीही अस्पृश्य नव्हता, असे वक्तव्य अ‍ॅड. गुणरत्न सदावर्ते यांनी केलं असून 48 तासांत उपवर्गीकरण रद्द करून दाखवण्याचे आव्हान दिले आहे.

Sadavarte On Eknath Shinde Matang Samaj

Source : abp majha

नाशिक : अनुसूचित जातींच्या उपवर्गीकरणाच्या मुद्द्यावरून राज्यातील वातावरण आता तापलं आहे. या मुद्द्यावरून आता अ‍ॅड. गुणरत्न सदावर्ते मैदानात उतरले आहेत. मातंग समाज हा कधीही अस्पृश्य नव्हता, हलगी वाजवणारे अस्पृश्य कसे? असा सवाल सदावर्तेंनी विचारला आहे. तसेच अनुसूचित जातींचे उपवर्गीकरण करून दाखवा, ते 48 तासात रद्द करून दाखवतो, असं आव्हानही सदावर्तेंनी दिलं आहे. सदावर्ते यांनी यावेळी उपमुख्यमंत्री एकनाथ शिंदे यांच्यावर टीका केली.

अनुसूचित जातींमध्ये उपवर्गीकरण करण्यात यावं, लोकसंख्येप्रमाणे आरक्षणात लाभ मिळावा, अशी मागणी काही जातींमधून करण्यात येत आहे. त्याला विरोधही होताना दिसतोय. अ‍ॅड. गुणरत्न सदावर्ते यांनीही या मुद्द्यावरून विरोधाचा सूर लावला आहे.

Gunaratna Sadavarte Speech Nashik : 'एकनाथ शिंदेंनी दळभद्री राजकारण करू नये'

मातंग समजाला आवाहन आहे तुम्ही कोणाचाही नादी लागू नका, असं म्हणत सदावर्ते यांनी एकनाथ शिंदे यांच्यावर निशाणा साधला. ते म्हणाले की, "खतगावकर नावाच्या गृहस्थाला एकनाथ शिंदे यांनी विधानसभेची उमेदवारी दिली होती. तो त्या आधी अधिकारी होती. एकनाथ शिंदे यांनी त्यांचं राजकारण सोपं व्हावं म्हणून मराठा समाजासोबत मातंग समाजाला घेतलं आहे. एकनाथ शिंदे यांच्यासारखे पाच जण जरी आले तरी वर्गीकरण होऊ देणार नाही. एकनाथ शिंदे यांना विनंती आहे, त्यांनी दळभद्री राजकारण करू नये. दुसरे शरद पवार होण्याचे प्रयत्न करू नये.

Triple Test SC Sub Classification : 'मातंग समाज अस्पृश्य नव्हता'

अ‍ॅड. गुणरत्न सदावर्ते म्हणाले की, "मातंग समाजाच्या प्रत्येक गोष्टीत आम्ही सोबत होतो. मातंग समाज अनुसूचित जातीतच राहू शकत नाही. मातंग समाज कधीही अस्पृश्य नव्हते. त्या काळात हलगी वाजवून काम कोण करत होते? संविधान म्हणते ट्रिपल टेस्ट करा. ही टेस्ट झाली तर मातंग समाज अनुसूचित जातीच्या समूहातून बाहेर होतील. या यादीमध्ये 59 जाती आहेत. त्यापैकी 58 जाती एका बाजूला आणि एक जात एका बाजूला आहे."

Sadavarte Challenge To Government : 'उद्या 3 वाजेपर्यंत उपवर्गीकरण स्थगित करून दाखवणार'

अ‍ॅड. गुणरत्न सदावर्ते पुढे म्हणाले की, "अनुसूचित जातींच्या उपवर्गीकरणाचे राजकारण सुरू आहे. डंके की चोट पे सांगतो, हे उपवर्गीकरण होऊ देणार नाही. आमचा नाद करायचा नाही. गवई साहेबांच्या नावाने हलगी वाजावतात, पण गवई यांनी रिपोर्टमध्ये काय लिहिले आहे? हा काळ आंबेडकरवादी विचारांचा आहे. इथे कॉम्प्रमाईज केले जाणार नाही. उद्या 3 वाजेपर्यत उपवर्गीकरण स्थगित करून दाखवणार. सदावर्ते हा संविधानाचा पहिलवान आहे."

उपवर्गीकरणावरून राज्यभरात विविध संघटनांमध्ये वाद निर्माण झाला असताना, सदावर्ते यांच्या या आक्रमक भूमिकेमुळे हा वाद अधिक चिघळण्याची शक्यता वर्तवली जात आहे.

ही बातमी वाचा: