Nashik Crime News: गुटखा तस्करीचा 'हायटेक' फंडा, रिमोट दाबताच वाहनाच्या नंबर प्लेटवर यायचा काळा पडदा; 'असा' झाला भांडाफोड

मला नाशिककरांचा सार्थ अभिमान, ते कोणत्याही आमिषाला बळी पडणार नाहीत, नगरसेवकांच्या बैठकीत नेमकं काय म्हणाले उद्धव ठाकरे?

वेदांत नेब — Wed, 15 Jul 2026 17:34:28 +0530

Uddhav Thackeray : मुंबईतील मातोश्री निवासस्थानी आज ठाकरे गटाचे प्रमुख उद्धव ठाकरे यांनी नाशिकमधील 14 नगरसेवकांची बैठक घेतली. नगरसेविका मंगला आढाव या प्रकृती अस्वास्थ्यामुळे रुग्णालयात उपचार घेत असल्याने त्या बैठकीस उपस्थित राहू शकल्या नाहीत. त्यांच्या ऐवजी त्यांचे पुत्र रोहन आढाव यांनी बैठकीला उपस्थित होते. मला नाशिककरांचा सार्थ अभिमान आहे. तुम्ही कोणत्याही दबावाला किंवा आमिषाला बळी पडणार नाहीत, याचा मला कायम विश्वास आहे, असल्याचे मत उद्धव ठाकरे यांनी बैठकीत बोलताना व्यक्त केले.

काही खासदार पक्ष सोडून गेले, मात्र नाशिकचे खासदार एकनिष्ठ राहिले

काही खासदार पक्ष सोडून गेले, मात्र नाशिकचे खासदार एकनिष्ठ राहिल्याचे उद्धव ठाकरे म्हणाले. नाशिकचे नगरसेवक पक्षाशी एकनिष्ठ आहेत. मला तुमच्यावर पूर्ण विश्वास आहे, असे उद्धव ठाकरे यांनी स्पष्ट केले. तसेच मी नाशिकला कुंभमेळ्याच्या तयारीची पाहणी करण्यासाठी येणार आहे, अशी माहिती देखील त्यांनी नगरसेवकांना दिली. वाईट काळ निघून जाईल आणि चांगला काळ नक्कीच येईल, असा विश्वास देखील उद्धव ठाकरेंनी नगरसेवकांच्या बैठकीत व्यक्त केला.

Nashik News : भावली धरणावर तरुणीची छेड, कारवर लटकत कुटुंबावर हल्ला; टवाळखोरांना 18 जुलैपर्यंत पोलीस कोठडी

मुकुल कुलकर्णी, एबीपी माझा — Wed, 15 Jul 2026 16:37:14 +0530

नाशिक : नाशिक जिल्ह्यातील इगतपुरी येथील प्रसिद्ध भावली धरण (Bhavali Dam) परिसरात पर्यटकांच्या कुटुंबावर झालेल्या अमानुष आणि थरारक हल्ला प्रकरणातील अटक करण्यात आलेल्या टवाळखोर आरोपींना न्यायालयाने 18 जुलैपर्यंत पोलीस कोठडी सुनावली आहे. या प्रकरणातील एका आरोपीचा धावत्या गाडीला लटकून हल्ला करण्याचा आणि महामार्गावर पडल्याचा थरारक व्हिडीओ समोर आल्यानंतर राज्यभरातून तीव्र संताप व्यक्त होत आहे. या पार्श्वभूमीवर आरोपींना न्यायालयात हजर केले असता, सरकारी वकील आणि आरोपींच्या वकिलांमध्ये जोरदार युक्तिवाद झाला.

Public Prosecutor Argument : सरकारी वकिलांचा युक्तिवाद

न्यायालयात सरकारी पक्षाने आणि तपास अधिकाऱ्यांनी आरोपींच्या पोलीस कोठडीची मागणी करताना काही महत्त्वाचे मुद्दे मांडले. पोलिसांनी सुरुवातीला केवळ चौकशीसाठी आरोपींना ताब्यात घेतले होते, ती अधिकृत अटक नव्हती. घटना घडलेल्या दुर्गम भागात मोबाईलला रेंज नसल्यामुळे पोलिसांशी तातडीने संपर्क साधणे शक्य होत नव्हते, असा युक्तिवाद करण्यात आला.

पीडित कुटुंबातील तरुणीची छेड काढून टवाळखोरांनी शिट्ट्या मारल्या. त्याला विरोध केला असता संपूर्ण कुटुंबाला मारहाण करण्यात आली. पीडित कुटुंब गाडीतून पळून जात असताना आरोपींनी रस्त्यात तब्बल 6 ठिकाणी गाडी अडवून तोडफोड केली आणि प्रचंड दहशत माजवली. पर्यटकांची चोरीला गेलेली सोन्याची चैन आणि गुन्ह्यात वापरण्यात आलेले हत्यारे जप्त करणे बाकी आहे.

टक केलेल्या आरोपींपैकी तीन आरोपी हे सराईत गुन्हेगार आहेत, त्यांच्या गुन्हेगारी पार्श्वभूमीची माहिती मिळवणे गरजेचे आहे. तसेच पर्यटकांना शिट्ट्या मारणारे मुख्य टवाळखोर अद्याप फरार असून त्यांचा शोध घेणे सुरू आहे, असा युक्तिवाद सरकारी वकिलांकडून करण्यात आला.

Accused Lawyer Argument : आरोपींच्या वकिलांचा युक्तिवाद

दुसरीकडे, आरोपींच्या वकिलांनी पोलिसांच्या कारवाईवर आक्षेप घेत न्यायालयात युक्तिवाद केला. फिर्यादीने तक्रारीत 30 किलोमीटर पाठलाग करून मारहाण झाल्याचे म्हटले आहे, तर दुसरीकडे टोल नाक्यापर्यंतच घटना घडल्याचे सांगितले आहे. यात मोठी विसंगती आहे.

फिर्यादी कुटुंबानेही तिथल्या स्थानिक खाद्यपदार्थ विक्रेत्यांना आणि लोकांना मारहाण केली आहे. पोलिसांना मूळ आरोपी कोण आहेत हे ठाऊक नसून त्यांनी कोणालाही संशयावरून उचलून आणले आहे. पोलिसांनी लावलेले जीवघेण्या हल्ल्याचे कलम चुकीचे असून तिथे तशी कोणतीही गंभीर घटना घडलेली नाही. दोन आरोपींना परवा रात्री अडीच वाजता अटक केली होती, तर 24 तासांच्या आत त्यांना न्यायालयात हजर करणे बंधनकारक होते. यासाठी पोलीस ठाण्याचे सीसीटीव्ही फुटेज तपासण्यात यावे, असा युक्तिवाद आरोपींच्या वकिलांकडून करण्यात आला.

मात्र, दोन्ही बाजू ऐकल्यानंतर न्यायालयाने गुन्ह्याचे गांभीर्य आणि तपास पूर्ण करण्यासाठी आरोपींची 18 जुलैपर्यंत पोलीस कोठडीत रवानगी केली आहे.

What Bhavali Dam Case : नेमके प्रकरण काय?

नाशिकच्या इगतपुरीतील भावली धबधबा परिसरात पर्यटनासाठी आलेल्या एका कुटुंबातील तरूणीची टवाळखोरांनी छेड काढली होती. त्यावर कुटुंबीयांनी जाब विचारल्यामुळे संतप्त झालेल्या स्थानिक टोळक्याने पर्यटकांच्या गाडीचा पाठलाग करत लाठ्या-काठ्यांनी हल्ला केला.

या थरारक हल्ल्याचा एक व्हिडीओ सध्या सोशल मीडियावर व्हायरल होत आहे. पीडित कुटुंब नाशिक-मुंबई-आग्रा महामार्गाने जिवाच्या आकांताने पळत असताना, एका हल्लेखोराने त्यांच्या चालत्या कारच्या दरवाजाला लटकून गाडीवर हल्ला करण्याचा प्रयत्न केला. मात्र, काही अंतरावर गाडीचा वेग वाढल्याने तो थेट हायवेवर धाडकन कोसळला. हा थरार रस्त्यावरील काही नागरिकांनी मोबाईलमध्ये कैद केला होता.

पीडित कुटुंबाने अंबड पोलीस ठाण्यात तक्रार दिल्यानंतर पोलिसांनी तातडीने तपास चक्र फिरवून आतापर्यंत 9 जणांना अटक केली आहे, तर 3 आरोपी अद्याप फरार आहेत. फरार आरोपींपैकी एक सराईत गुन्हेगार असून त्याच्यावर आधीच हत्येचा गुन्हा दाखल आहे.

ही बातमी वाचा:

Nashik Crime News: भावली धरणावर छेडछाड अन् राडा, चारवेळा जीवघेणा हल्ला, इगतपुरीत पर्यटकांच्या गाडीला लटकून हल्ला करणारा गुंड शेवटी हायवेवरच धाडकन पडला

Nashik Crime News: भावली धरणावर छेडछाड अन् राडा, चारवेळा जीवघेणा हल्ला, इगतपुरीत पर्यटकांच्या गाडीला लटकून हल्ला करणारा गुंड शेवटी हायवेवरच धाडकन पडला

मुकुल कुलकर्णी, एबीपी माझा — Wed, 15 Jul 2026 09:59:18 +0530

नाशिक : भावली धरण परिसरात पर्यटनासाठी गेलेल्या कुटुंबावरती ४ ते पाच वेळा जीवघेणा हल्ला करून महिलेचा विनयभंग त्रास देणाऱ्या नऊ जणांच्या टोळीला नाशिक पोलिसांनी अटक केले आहे. या प्रकरणातील आणखी तीन आरोपींची नावे समोर आलेली असून, त्यांचा शोध घेतला जात आहे. काही आरोपी वाडा, भिवंडी परिसरात तर काहीजण लॉजमध्ये (Nashik Crime News) बनावट नावाने वास्तव्यास असल्याचे निष्पन्न झाले. तेथून त्यांना जेरबंद करण्यात आले. त्यांना बुधवारी (दि.१५) न्यायालयात हजर केले जाईल. अटकेतील सर्व संशयित इगतपुरी परिसरातील आहे. तर नाशिकच्या भावली (Nashik Crime News) धरण परिसरातील पर्यटकांना मारहाण प्रकरणातील आणखी एक धक्कादायक व्हिडिओ समोर आला आहे. या पर्यटकांना इगतपुरीच्या भावली परिसरातातील टवळखोरांनी पाठलाग करत मारहाण केल्याचा हा व्हिडिओ समोर आला आहे. या व्हिडिओमध्ये या हल्लेखोरांपैकी एकाने या पर्यटकांच्या चालत्या गाडीला लटकून हल्ला केला असल्याचं समोर आलं आहे.(Nashik Crime News)

हा सगळा थरार नाशिक मुंबई आग्रा महामार्गावर सुरू असल्याचा हा व्हिडिओ (Nashik Crime News) समोर आला आहे. ज्या व्हिडिओमध्ये स्पष्टपणे हल्लेखोर गाडीला लटकलेला दिसतोय आणि त्यानंतर काही अंतरावर जाऊन तो लटकलेल्या गाडीवरून हायवेवर पडताना दिसतोय. या प्रकरणात आत्तापर्यंत पोलिसांनी नऊ जणांना अटक केली आहे तर आणखी काही आरोपींचा शोध पोलिसांकडून घेतला जातोय. या प्रकरणातील फिर्यादींनी देखील त्यांच्या फिर्यादीत या घटनेचा उल्लेख केला होता. आता त्याच घटनेचा व्हिडिओ समोर आला आहे, हा व्हिडिओ रस्त्यावरील नागरिकांनी त्यांच्या मोबाईलमध्ये कैद केल्याचे दिसते आहे.(Nashik Crime News)

Nashik Crime News: नेमकं प्रकरण काय?

रविवारी दुपारच्या सुमारास नाशिकरोड येथील कुटुंब भावली परिसरात धरण पर्यटनासाठी गेले होते. धबधबा पाहत असताना दोन युवकांनी महिलेचा विनयभंग केला. त्यानंतर वाद घालत मारहाण करण्यात आली. जीव वाचवण्यासाठी कुटुंब कारने नाशिकच्या दिशेने निघाले असताना आरोपींनी त्यांच्या वाहनाचा सुमारे २० किलोमीटर पाठलाग करून लोखंडी व लाकडी दांडक्यांनी कारच्या काचा फोडल्या, दगडफेक केली आणि जीवे मारण्याचा प्रयत्न केला. आरोपींना चौकशीत विश्वासात घेतल्यानंतर कैलास भागडे, आकाश भोईर आणि तुषार कडू या साथीदारांची नावेही समोर आली असून, त्यांचा शोध सुरू आहे.

पोलिस अधीक्षक डॉ. डी. एस. स्वामी यांनी जिल्ह्यातील पर्यटनस्थळांवर काही सुरक्षेचे उपाय राबविण्याचे निर्देश दिले असून, प्रत्येक ठिकाणी पोलिसांचा फिक्स पॉइंट निश्चित केला जाईल. मोबाइल व्हॅनही तैनात असेल. याशिवाय ११२ डायल प्रणालीचे सक्षमीकरण करण्यात येणार आहे. प्रत्येक पर्यटनस्थळी पोलिसांचे हेल्पलाइन दर्शविणारे फलक लावले जातील. पर्यटनस्थळी दिवसा पोलिस ठाणेनिहाय पेट्रोलिंग वाढविण्यावर भर दिला जाईल.

Nashik Crime News: अटकेतील आरोपींची नावे

विशाल मच्छिंद्र भटाटे (२७, रा. गिरणारे), अनिकेत गणेश मानवेढे (२४, रा. गिरणारे), अनिरुद्ध विठोबा भागडे (२५, रा. नांदगाव सदा), सागर उर्फ लोकेश गोकुळ गिते (२२, रा. माणिकखांब), विनोद लक्ष्मण बोराडे (२६, रा. इगतपुरी गावठा), सचिन दत्तू आडोळे (२९, रा. माणिकखांब), अर्जुन चिंधू आडोळे (२५, रा. माणिकखांब), देवीदास कचरू भगत (२५, रा. बलायदुरी), अजय भूषण दालभगत (२०, रा. देवळे, घोटी) यांना अटक करण्यात आली असून, कैलास भागडे, आकाश भोईर, तुषार कडू फरार आहेत. आकाशवर खुनाचा गुन्हा दाखल आहे. त्यात जामीन मिळाला आहे.

Nashik Crime News: पर्यटकांवर हल्ला करणाऱ्या आरोपीना न्यायालयात हजर केले जाणार

पर्यटकांवर हल्ला करणाऱ्या आरोपीना आज न्यायालयात हजर जाणार केले. इगतपुरी तालुक्यातील भावली धरण परिसरात पर्यटनसाठी गेलेल्या पर्यटकांवर गावगुंडानी पाठलाग करून हल्ला केला. याप्रकरणी 9 संशयित आरोपीना ग्रामीण पोलिसांनी अटक केली आहे. या सर्व आरोपीना आज इगतपुरी न्यायालयात हजर केले जाणार आहे.

Govindgiri Maharaj : उद्धव ठाकरेंना रामरक्षा शब्द आठवला, हि ईश्वराची कृपा; त्यांनी रामरक्षा नीट बोलून दाखवावी मग आम्ही ही...; गोविंदगिरी महाराजांच थेट आव्हान

मुकुल कुलकर्णी, एबीपी माझा — Tue, 14 Jul 2026 13:32:00 +0530

Govindgiri Maharaj : उद्धव ठाकरेंना रामरक्षा शब्द आठवला, हि ईश्वराची कृपा आहे. याबद्दल मी धन्यता मानतो. पण आंदोलन करताना त्यांनी रामरक्षा नीट पाठ करून बोलून दाखवावी, मग आम्हीही त्यांच्या आंदोलनात सहभागी होऊ, अशी प्रतिक्रिया गोविंदगिरी महाराज (Govind Giri Maharaj) यांनी दिली आहे. संघाच्या बालेकिल्ल्यात म्हणजेच नागपूरमध्ये (Nagpur) ठाकरेंच्या शिवसेनेकडून (Shivsena UBT) रामरक्षा आंदोलन करण्यात येणार आहे. उद्धव ठाकरे (Uddhav Thackeray) यांच्या उपस्थितीत नागपूरमध्ये राम रक्षा आंदोलन केले जाणार आहे. त्यानंतर संपूर्ण विदर्भातील राज्यातील विविध जिल्ह्यांमध्ये हे आंदोलन होणार आहे. काँग्रेस, आप, सपा हे पक्ष सुद्धा राम मंदिर दानपेटी चोरी प्रकरणी (Ayodhya Ram Mandir Donation Theft) आवाज उठवत आहेत. आपण देखील राज्यभरात आंदोलन केलं पाहिजे, अशा सूचना उद्धव ठाकरेंनी पक्षाच्या आमदारांना आणि पदाधिकाऱ्यांना केल्या आहेत. अशातच याच मुद्द्यांवर बोट ठेवत गोविंदगिरी महाराज यांनी उद्धव ठाकरेंवर टीका केली आहे. (Govind Giri Maharaj on Uddhav Thackeray)

दरम्यान, राम मंदिरातील पैसा फक्त हिंदूंचा नाही. यामध्ये मुस्लिम बांधवांनीही पैसे दिले आहेत. केंद्र सरकारने डॉक्टर अनिल मिश्रा आणि चंपक राय यांची नियुक्ती केली होती. मात्र त्यांचा विश्वास राखण्यात ते दोघेही अपयशी ठरलेत. असेही गोविंदगिरी महाराज म्हणाले.

Govindgiri Maharaj : काँग्रेसने राम मंदिरासाठी काय केलं? त्यांना राम मंदिरावर बोलण्याचा नैतिक अधिकार नाही

दुसरीकडे ज्योती शंकराचार्य यांच्या विधानावर गोविंदगिरी महाराज संतापले. त्यांनी राम मंदिराचा विरोध केला, त्यांचा पंतप्रधान नरेंद्र मोदी यांना विरोध आहे. म्हणून त्यांचं वक्तव्य गांभीर्याने घेऊ नये. असेही ते म्हणाले. तर काँग्रेसला दुसरं काही काम उरलं नाही, त्यांना कोणी विचारत नाही, काँग्रेसने राम मंदिरासाठी काय केलं? सुप्रीम कोर्टात त्यांनी राम मंदिरांचा अस्तित्व नाही असं सांगितलं. राम सेतुला विरोध केला, जय श्रीराम म्हणणाऱ्यांना शिव्या दिल्या. लाठी काठी मारल्या आहेत. त्यामुळे त्यांना राम मंदिरावर बोलण्याचा नैतिक अधिकार नाही, असेही गोविंदगिरी महाराज म्हणाले.

Govindgiri Maharaj : भाजपमध्ये इतर पक्षातील काही लोक आल्याने भाजप अशुद्ध

दरम्यान, भाजपमध्ये इतर पक्षातील काही लोक आले आहेत, त्यामुळे काही प्रमाणात भाजप अशुद्ध झाला आहे. चोरी झाली तर दान येत असताना सोने-चांदी यायचे कमी झालेय. आता नाही येत आहे. चोरी करणाऱ्यांना एकवेळ त्यांना सरकारी शिक्षा होऊ द्या, मग मी त्यांना काय प्रायचित्य करायचे ते सांगतो. असेही गोविंदगिरी महाराज म्हणाले.

इतर महत्वाच्या बातम्या

Amol Mitkari: राज्याला एक खंबीर महिला नेतृत्व मिळतंय हे पक्षातील अतृप्त आत्म्याना कसे सहन होईल? झारखंड कनेक्शन जर महाराष्ट्रात निघाले तर...; अमोल मिटकरी संतापले, रोख कुणाकडे?

Nashik Crime : आमच्यावर चार वेळा हल्ला केला, रॉड फेकून मारले, गाडीला लटकून खाली खेचण्याचा प्रयत्न, दगडही फेकले, पीडित महिलेने भावली परिसरातील हल्ल्याचा भयानक प्रसंग सांगितला

अंकिता खाणे — Tue, 14 Jul 2026 12:13:45 +0530

नाशिक : नाशिकच्या इगतपुरीमध्ये पर्यटकांवरती हल्ला झालेला होता. याच पर्यटकांनी त्यांच्यासोबत नेमकं काय घडलं याबाबतची सर्व घटना पत्रकार परिषद घेत याची माहिती दिली आहे. याबाबत महिलेने माहिती देताना सांगितलं की, आम्ही भावली धबधब्यावर परवा फिरायला गेलो होतो, 12 तारखेला आम्ही तिथं दोन अडीच वाजता पोहोचलो, आम्ही बिर्याणी वगैरे नेली होती, आम्ही जेवण वगैरे केलं. पाण्यात एन्जॉय केलं. मुलं पाण्यात खेळत होती, ते सगळं झालं त्याच्यानंतर मी चेंज करायला (Nashik Crime bhavli waterfall tourist attack) गेली, मला थंडी भरून आली होती आणि मागे दीर आणि नवरा पाठीमागून येत होते, तिथे जो छोटा ब्रिज आहे, भावली धरणाच्या इथला तिथे दोन जण टू-व्हीलरवर उभे होते, तिथून मी जात असताना त्यांनी शिट्टी वाजवली, त्यांनी कमेंट पास केली, मी ऐकल्यानंतर मी तिकडे जाऊन त्यांना एक दोन शिवी (Nashik Crime bhavli waterfall tourist attack) दिली की काय म्हटलं तुम्ही असं लेडीजला काहीही बोलता, तुम्हाला शोभत काय, एवढाच विषय तिथं झाला त्याच्यानंतर तो मला परत काहीतरी बोलला तर मी थोड इग्नोर केलं, माझा नवरा आणि दीर मागून आले. ते म्हणाले अरे तुम्हाला काही कळतं का नाही, काय करतो तू लेडीज आहे, असं बोलू नये, माझ्या नवऱ्याने त्याच्या डोक्यात असं मारलं तर तो घाबरून तिथून पळून गेला, अशी माहिती हल्ला झालेल्या पर्यटक महिलेनी दिली आहे.(Nashik Crime bhavli waterfall tourist attack)

Nashik Crime : आठ दहा मुलं उभे होते, तर त्यांनी पाहिलं आणि त्यांचा इगो हर्ट झाला

त्या पुढे म्हणाल्या की, त्याच्यानंतर त्याच्या बाजूला जी दुसरी गाडी होती, तिथं काही सामान विकत होते, तिथे आठ दहा मुलं उभे होते, तर त्यांनी पाहिलं आणि त्यांचा इगो हर्ट झाला की, आमच्या गावातल्या मुलाला तुम्ही काय दादागिरी करताय, आम्ही दादागिरी केलीच नाही, ना त्याला मारलं, काहीच नाही फक्त बोलणं झालं, त्याच्यानंतर पण हे लोक आमच्यावर धावून आले, अंगावर शिव्या गाळ करायला लागले, मग त्यांना शिवीगाळ केली तिथं थोडी आमची हातापायी झाली, तिथल्या पब्लिक लोकांनी आम्हाला वाचवलं, चला चला, सोडा सोडा, जा वगैरे, आम्ही तेवढं केलं तिथून आम्ही आमच्या गाडीत निघालो फक्त त्याच्यातला एक मुलगा आहे, त्याचं नाव नाही माहिती, पण त्यांनी असा इशारा करून गेला आम्हाला की, बघतो तुम्हाला पुढे असं, पण आम्हाला ते डोक्यात नाही आलं की, तो पुढे जाऊन आमच्यावर काय करेल, असंही त्यांनी म्हटलं.

Nashik Crime : मी त्यांना म्हणाले आवरा पटकन, गाडी काढा, त्यांना ते सुचना

तर तिथून निघाल्यावरचा थरारक प्रसंग सांगताना त्या म्हणाल्या की, आम्ही आमचं निघालो, मग आम्ही थोड भावलीच्या पुढे गेलो, पुढे गेल्यानंतर एक बलेनो आली फास्टमध्ये आणि त्यांनी आडवी लावली. रस्त्यात नाही लावली, आम्हाला तर जाता पण नसतं आलं, तो गाडीतून उतरला त्याने हाताने काचा फोडल्या, दोन्ही पुढच्या ड्रायव्हसीटच्या बाजूची आणि त्यांच्या मागची, पहिला वार तिथं केला, मी त्यांना म्हणाले आवरा पटकन, गाडी काढा, त्यांना ते सुचना, आता पहिल्यांदा ती गाडी चालवत होते, कशीतरी त्यांनी काढली. तिथं स्पीड ब्रेकर होता, त्यामुळं गाडी उडाली, आम्ही निघालो तिथून आणि नंतर मागे मुलं म्हणाली की, मम्मी अजून एक टू व्हीलर मागे येती आहे आपल्या तू ते बघ, व्हिडिओ काढ म्हटलं त्याला पटकन कोण आहे, कळेल तरी, त्यांच्याकडे रॉड होती, त्या व्हिडिओ पाहिलेच असेल, त्यांनी पहिले एक रॉड फेकली, दुसरी रॉड फेकली पण लागली नाही, त्याच्यानंतर ते परत मागे आले, पुढे जाऊन तशी आम्हालावट्रॅफिक लागलं, आमचा तिसरा स्पॉट टोल नाका होता, त्यांनी म्हणजे सुरुवातीपासून पहिला त्यांनी बाहुली डॅमपाशी अटॅक केला आमच्यावर, दुसरा नाशिक मुंबई हायवे फ्लायओव्हर तिथ दुसरा अटॅक झाला, तिसरा अटॅक गोटीचा टोल नाका आहे, त्यांनी आम्ही लेनमध्ये आलो, आमच्या पुढे दोन गाड्या होत्या, तर दोन गाड्या असल्यामुळे मला पास करता येणार नव्हता लगेच टोलनाका, ते माझ्या शेजारच्या लेनमध्ये आले आणि आमच्या अंगावर अटॅक करायला पळत होते, दगड घेऊन, आम्ही तिथून गाडी रिव्हर्स घेतली, त्यांनी परत दगड मारले, आम्ही चौथ्या लेनमधून बॅरिकेड तोडून पळालो होतो, आम्ही तोडून बॅरिकेट पाळालो, आम्ही फक्त जीव वाचवण्याचा प्रयत्न करत होतो, त्याच्या पुढं दोन चार किलोमीटर एक रस्ता शॉर्ट होतो, तिथे ट्रॅफिक असते नेहमी, तर तिथे येऊन त्यांनी परत आमच्यावर अटॅक केला, आमच्या गाडीच्या पुढे आले, आम्हाला ब्लॉक केलं, आम्ही पुढे नाही जाऊ शकणार अशा परिस्थिती, तिथं कशीतरी थोडी रिव्हर्स गाडी करून इगतपुरीच्या साईडला घेतली, म्हटलं आपण इगतपुरीला पळू, मुंबई साईडला, तर त्यांच्यातला एक मुलगा आमच्या गाडीला लटकला, तो 200 ते 500 मीटर आमच्या गाडीला लटकून होता, माझ्या चुलत भावाला खाली ओढण्याचा प्रयत्न करत होता, तर आम्ही गाडी पळवू पण नव्हतो शकत, जर हा गाडी खाली आला, तर आमच्याकडून एखाद्याचा बळी होईल आणि आम्ही थांबू शकत नव्हतो, की जर आम्ही थांबलो, तर आमचा बळी जाईल.

Nashik Crime : नाशिक साईडला पळालो, मग त्याच्यापुढे तो चौथा स्पॉट होता,

आमचा जीव धोक्यात असताना आम्ही त्याचे हात झटकत होतो की, हा गाडीतून पडावा म्हणजे लवकर निघा आणि आम्ही पळता यावं 100 ते 200 मीटरवर गेल्यावरती तो सुटला, तो खाली पडला, आम्ही इगतपुरी साईडला पळायला लागलो, पण मला आरश्यामध्ये दिसत होतं की, मागून बलेनो परत पाठलाग करत होती, म्हटलं आपण परत यांच्याच गावाकडे चुकीच्या ठिकाणी चाललोय, परत मी रिव्हर्स मारली म्हणजे टर्न मारून घेतला आणि नाशिक साईडला पळालो, मग त्याच्यापुढे तो चौथा स्पॉट होता, त्याच्यापुढे गोंदे दुमाला आहे तिथं जो फ्लायओवर छोटासा ब्रिज आहे, तो काम चालू आहे, तिथं माझ्या पुढे दोन- चार ट्रक होत्या, तर मला काही पास करायला जागा नाही, पण ते शेजारून परत मागे आले आणि पुढे तर तिथं स्थानिक लोक भरपूर होते, मी सर्वांना रिक्वेस्ट केली, यांनी रडत होते की आम्हाला वाचवा, ते आम्हाला हे मारून टाकणार आहे, त्यानंतर आम्ही तिथून अंबड पोलीस स्टेशन गाठले आणि तक्रार दाखल केली," अशी माहिती हल्ला झालेल्या पर्यटकांनी दिली आहे.

Nashik Crime : भावली पर्यटक मारहाण प्रकरणी नऊ अटकेत

भावली पर्यटक मारहाण प्रकरणी नऊ जणांनी अटक केली आहे. एक कुख्यात गुन्हेगार अद्याप फरार आहे, पालघर भागात पळाल्याने पोलीस मागावर आहेत. पर्यटक कुटुंबावर हल्ला केला होता, गाडीची तोडफोड केली होती. रात्रभर मागेवा घेत ग्रामीण पोलिसांनी अटक केली. पर्यटननगरी असलेल्या नाशिक जिल्ह्यात या हल्ल्यामुळे खळबळ माजली होती. व्हायरल व्हिडिओमुळे तातडीने पोलीस सक्रिय झाले.

Nashik Crime Bhavli Waterfall: नाशिकच्या भावली धरणावर भागवत कुटुंबावर गुंडांचा हल्ला, महिलेची छेड काढली, जाब विचारताच गाडी फोडली

मुकुल कुलकर्णी, एबीपी माझा — Tue, 14 Jul 2026 09:09:10 +0530

Nashik Crime Bhavli Waterfall: नाशिकमधील सुप्रसिद्ध भावली धारण आणि धबधबा परिसरात फिरायला गेलेल्या पर्यटकांवर गुंडांच्या एका टोळक्याने हल्ला केल्याची धक्कादायक घटना समोर आली आहे. नाशिकमधील (Nashik news) भागवत कुटुंबीय रविवारी पर्यटनासाठी भावली धबधबा (Bhavli Waterfall) येथे गेले होते. त्यावेळी त्याठिकाणी असलेल्या एका टोळक्याने भागवत कुटुंबातील महिलेची छेड काढली. याचा जाब विचारल्यानंतर या टोळक्याने भागवत कुटुंबावर हल्ला केला. (Nashik Crime news)

टोळक्याने हल्ला केल्यानंतर भागवत कुटुंबाने आपल्या गाडीत बसून येथून काढता पाय घेतला. मात्र, गुंडांच्या टोळक्याने या कुटुंबाचा पाठलाग करत त्यांच्यावर हल्ला केला . या टोळक्याने लाकडी दांडे आणि लोखंडी रोडने मारहाण करण्याचा प्रयत्न केला. या हल्ल्यात हल्लेखोरांनी गाडीची तोडफोड केली. हल्ला होताच भागवत यांनी गाडी पळवल्याने जीव वाचल्याचा दावा केला. हल्लेखोरांनी दहा ते पंधरा किलोमीटरपर्यंत पाठलाग करून ठिकठिकाणी हल्ले केले. सदर घटनेप्रकरणी नाशिकच्या अंबड पोलिसांमध्ये पहिला गुन्हा दाखल करण्यात आला. अंबड पोलीस आणि ग्रामीण पोलीस यांच्याकडून संयुक्तपणे आरोपींचा शोध घेतला जात आहे.

Bhavli Waterfall news: नेमकं काय घडलं?

भावली धबधब्याच्या परिसरात घडलेल्या या घटनेविषयी पुनम भागवत यांनी प्रसारमाध्यमांशी बोलताना माहिती दिली. त्यांनी म्हटले की, "आम्ही घरातील आठ जण भावली धरणावर फिरण्यास आलो होतो. आम्ही येथून निघत असताना दोन जणांनी माझी छेडछाड केली. मी त्यांना याबाबत जाब विचारला. माझ्या नवऱ्याने देखील त्यांना विचारले, 'दादा तुला काही कळते का? पब्लिक प्लेस आहे.' त्यानंतर त्या दोघांनी शिवीगाळ केली आणि माझ्या अंगावर धावून आले. त्यानंतर आम्ही प्रतिकार केला असता ते घटनास्थळावरून पळून गेले.

त्यानंतर जवळच एक टेम्पो उभी होती, तिथे आठ ते दहा जण उभे होते. ते आमच्या अंगावर आले आणि आम्हाला म्हणू लागले की, 'आमच्या माणसांना का मारत आहात?' आम्ही म्हटलं, 'तुमचा यात संबंध काय?' त्यानंतर त्या लोकांनी देखील शिवीगाळ केली. यानंतर आम्ही ते प्रकरण मिटवलं आणि आम्ही तिथून निघाल्यानंतर ते लोक पांढऱ्या रंगाच्या बलेनो कारमध्ये आले आणि आमच्या गाडीच्या काचा फोडण्यास सुरुवात केली. 20 किलोमीटरपर्यंत त्यांनी आमचा पाठलाग केला. रॉड घेऊन आमच्या गाडीवर हल्ला करण्यात आला. त्यानंतर आम्ही अंबड पोलीस स्टेशन गाठले आणि तक्रार दाखल केली," अशी माहिती त्यांनी दिलीय.

Nashik Crime: 9 आरोपी अटकेत, 3 जण अद्याप फरार

इगतपुरी तालुक्यातील भावली धरण परिसरात पर्यटकांना मारहाण केल्याप्रकरणी पोलिसांनी मोठी कारवाई करत ९ आरोपींना अटक केली आहे. या प्रकरणातील कैलास भागडे, आकाश भोईर आणि तुषार कडू हे तीन आरोपी अद्याप फरार असून त्यांचा शोध सुरू आहे.

पोलिसांनी दिलेल्या माहितीनुसार, फरार आरोपी आकाश भोईर हा रेकॉर्डवरील गुन्हेगार असून त्याच्यावर यापूर्वी माजी सैनिकाच्या खुनाचा गुन्हा दाखल आहे. हल्ल्याचा व्हिडिओ व्हायरल झाल्यानंतर बाईकवरून पर्यटकांवर हल्ला करणाऱ्यांपैकी तो एक असल्याचे समोर आले आहे.

अटक करण्यात आलेल्या इतर आरोपींवर यापूर्वी कोणतेही गुन्हे दाखल नसल्याची माहिती पोलिसांनी दिली आहे. तसेच, काही संशयित भावली धरण परिसरात खाद्यपदार्थ विक्रीचा व्यवसाय करत असल्याचेही प्राथमिक तपासात निष्पन्न झाले आहे. पुढील तपास सुरू आहे.

१) विशाल मच्छींद्र भटाटे, वय २७ वर्ष, रा. गिरणारे ता. ईगतपुरी जि. नाशिक

२) अनिकेत गणेश मानवेढे, वय- २४ वर्ष, रा. गिरणारे ता. ईगतपुरी जि. नाशिक

३) अनिरुध्द विठोबा भागडे, वय-२५ वर्ष, रा नांदगाव सदो ता. ईगतपुरी जि. नाशिक

४) सागर उर्फ लोकेश गोकुळ गिते, वय २२वर्ष, रा माणीकखांब ता. ईगतपुरी जि. नाशिक

५) विनोद लक्ष्मण बोराडे, वय-२६ वर्ष, रा. ईगतपुरी गावठा ता. ईगतपुरी जि. नाशिक

६) सचिन दत्तु आडोळे, वय २९ वर्ष रा माणिकखांब ता. ईगतपुरी जि. नाशिक

७) अर्जुन चिंधु आडोळे, वय २५ वर्ष रा. माणिकखांब ता. ईगतपुरी जि. नाशिक

८) देविदास कचरू भगत, वय २५ वर्ष बलायदुरी ता. ईगतपुरी जि. नाशिक -

९) अजय भुषण दालभगत, वय २० वर्ष रा. देवळे घोटी, ता. ईगतपुरी जि. नाशिक यांना अटक करण्यात आली आहे.

साथीदार नामे कैलास भागडे, आकाश भोईर, तुषार कडू यांचा शोध सुरु आहे.

आणखी वाचा

Nashik Accident News: नाशिकमध्ये पहाटे भीषण अपघात; सोमठाणे घाटात प्रवाशांनी भरलेली लक्झरी बस उलटली, एकाचा जागीच मृत्यू

Nashik Accident News: नाशिकमध्ये पहाटे भीषण अपघात; सोमठाणे घाटात प्रवाशांनी भरलेली लक्झरी बस उलटली, एकाचा जागीच मृत्यू

संदीप जेजुरकर — Tue, 14 Jul 2026 08:32:53 +0530

Nashik Accident News: येवला-नांदगाव राज्य महामार्गावरील (State Highway) सोमठाणे जोश घाटात आज पहाटेच्या सुमारास एक भीषण दुर्घटना (Accident) घडली आहे. प्रवाशांनी भरलेली एक खाजगी लक्झरी बस उलटल्याने (Luxury Bus Accident) एका प्रवाशाचा जागीच मृत्यू (Death) झाला आहे, तर 5 ते 6 प्रवासी किरकोळ जखमी झाले आहेत. अपघाताची माहिती मिळताच स्थानिक नागरिक आणि पोलिसांनी घटनास्थळी धाव घेत तातडीने मदतकार्य सुरू केले.

मिळालेल्या प्राथमिक माहितीनुसार, ही खाजगी लक्झरी बस मध्य प्रदेशातील (Madhya Pradesh) होती. आज पहाटे सोमठाणे जोश घाटातून जात असताना, अचानक चालकाचे बसवरील नियंत्रण सुटले आणि बस घाटातच उलटली. अपघाताच्या वेळी बसमध्ये सुमारे 20 ते 25 प्रवासी प्रवास करत होते. बस पलटल्याने प्रवाशांमध्ये एकच गोंधळ आणि किंकाळ्या ऐकायला मिळाल्या.

Nashik Accident News: 5 ते 6 प्रवासी जखमी

या भीषण अपघातात एका प्रवाशाचा जागीच दुर्दैवी मृत्यू झाला आहे. तर 5 ते 6 प्रवासी जखमी झाले असून, त्यांना तातडीने उपचारासाठी नांदगाव येथील ग्रामीण रुग्णालयात (Rural Hospital) दाखल करण्यात आले आहे. तेथे त्यांच्यावर उपचार सुरू आहेत.

Nashik Accident News: वाहतूक पूर्णपणे ठप्प

अपघात एवढा भीषण होता की, लक्झरी बस थेट रस्त्याच्या मधोमध आडवी झाली. यामुळे येवला-नांदगाव रस्त्यावरील वाहतूक पूर्णपणे बंद झाली असून रस्त्याच्या दोन्ही बाजूंना वाहतूक कोंडी झाल्याचे पाहायला मिळाले. पोलीस प्रशासनाकडून बस बाजूला करण्याचे आणि वाहतूक पूर्ववत करण्याचे प्रयत्न युद्धपातळीवर सुरू आहेत. अपघाताचे नेमके कारण अद्याप समजू शकलेले नाही, पोलीस या प्रकरणी अधिक तपास करत आहेत.

राज्य आणि देश-विदेशातील महत्त्वाच्या बातम्या; पाहा व्हिडीओ

इतर महत्त्वाच्या बातम्या

Pune Moshi Building Collapse: मोठी बातमी! अखेर मोशी दुर्घटना प्रकरणात कंपनीच्या दोन अधिकाऱ्यांवर गुन्हा दाखल, 'एबीपी माझा'ने पर्दाफाश केल्यानंतर आयुक्तांना जाग

Ahilyanagar Crime News: माझं नाव माईकवर का घेतलं नाही? अहिल्यानगरमध्ये लग्नात तलाठ्याची गुंडगिरी; सूत्रसंचालकाच्या थेट डोक्यात मारला माईक

Nashik Crime News: चिकन व्यावसायिकाला अडवलं, 'गुटखा तस्करी'ची भीती दाखवून पैसेही उकळले; नंतर पुन्हा पैशांची मागणी करणारा लाचखोर पोलीस एसीबीच्या जाळ्यात अडकला, नाशिकमध्ये नेमकं काय घडलं?

अनिरुद्ध जोशी — Sun, 12 Jul 2026 15:56:40 +0530

Nashik Crime News: गुटखा तस्करीचा खोटा गुन्हा दाखल करण्याची भीती दाखवून आणि खाकी वर्दीचा गैरवापर करून एका चिकन व्यावसायिकाकडून तब्बल 90 हजार रुपयांची लाच (Bribe) स्वीकारताना पेठ पोलीस ठाण्याचा (Peth Police Station) पोलीस अंमलदार संशयित मनोज दगू गायकवाड (वय 37) याला लाचलुचपत प्रतिबंधक विभागाने (ACB) रंगेहाथ अटक केली आहे. गाडीत कोंबड्यांची वाहतूक होत असतानाही खोट्या गुन्ह्याची धमकी देऊन लाखो रुपये उकळणाऱ्या या लाचखोर पोलिसावर नाशिकमध्ये सापळा रचून ही धडक कारवाई करण्यात आली. या कारवाईमुळे नाशिक ग्रामीण पोलीस दलात मोठी खळबळ उडाली आहे.

Nashik Crime News: गुटखा तस्करीच्या खोट्या गुन्ह्याची धमकी

या प्रकरणातील तक्रारदार हे गुजरातमधील (Gujarat) सुतारपाडा या गावाचे रहिवासी असून ते चिकनविक्रीचा व्यवसाय करतात. ते आपल्या व्यवसायासाठी महाराष्ट्रातून कोंबड्यांची खरेदी करून कारने गुजरातला ने-आण करतात. जून महिन्यामध्ये अशाच प्रकारे ते कोंबड्या घेऊन जात असताना, पेठ पोलीस ठाण्याचा अंमलदार संशयित मनोज गायकवाड याने त्यांना वांगणी परिसराजवळ अडवले. गाडीत कोंबड्या असल्याचे दिसत असतानाही गायकवाडने, "तू गुटख्याची अवैध तस्करी करतोस, तुझ्यावर गुन्हा दाखल करतो," अशी थेट धमकी तक्रारदाराला दिली.

Nashik Crime News: आधी 60 हजार उकळले, नंतर पुन्हा 1 लाखाची मागणी

तक्रारदाराने आपल्या चिकन व्यवसायाची सर्व सत्यता आणि कागदपत्रे दाखवून पोलिसाला पटवून देण्याचा प्रयत्न केला. मात्र, संशयित अंमलदार गायकवाडने त्यांचे काहीही ऐकून न घेता गुन्हा दाखल न करण्यासाठी 60 हजार रुपये आधीच उकळले होते. एवढ्यावरच हा लाचखोर पोलीस थांबला नाही, तर 5 जुलै 2026 रोजी गायकवाडने पुन्हा तक्रारदाराला फोन केला. यापुढे कोंबड्यांच्या गाड्या सुरळीत पुढे जाऊ देण्यासाठी आणि कुठलीही पोलीस कारवाई न करण्यासाठी त्याने तक्रारदाराला बोलावून थेट 1 लाख रुपयांची लाच मागितली. अखेर मोठ्या तडजोडीनंतर 90 हजार रुपये देण्याचे ठरले.

Nashik Crime News: नाशिक 'एसीबी'चा गुप्त सापळा अन् लाचखोराच्या आवळल्या मुसक्या

सतत होणाऱ्या या त्रासाला कंटाळलेल्या चिकन व्यावसायिकाने थेट नाशिकच्या लाचलुचपत प्रतिबंधक विभागाकडे या प्रकरणी तक्रार नोंदवली. तक्रार प्राप्त होताच 'एसीबी'च्या पथकाने गुप्तपणे नाशिकमध्येच सापळा रचला. ठरल्याप्रमाणे तक्रारदाराकडून 90 हजार रुपयांची लाचेची रक्कम स्वीकारत असताना संशयित अंमलदार मनोज गायकवाड याला पथकाने रंगेहाथ ताब्यात घेतले. याप्रकरणी संशयित पोलिसावर गुन्हा दाखल करण्यात आला असून पुढील तपास सुरू आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

Beed Crime News: दुचाकीवरून जाताना अडवलं, काही समजायच्या आतच हल्लेखोरांनी 23 वर्षीय तरुणाला भररस्त्यात संपवलं; घटनेनं बीडमध्ये खळबळ

Operation Tiger: ठाकरेंचे नगरसेवक शिंदेंच्या गळाला लागणार? नाशिकमध्ये सस्पेन्स वाढलेला असतानाच दोन्ही शिवसेनेचे नेते एकत्र, 'त्या' व्हायरल फोटोने भुवया उंचावल्या!

शुभम बोडके — Sun, 12 Jul 2026 13:42:13 +0530

Operation Tiger: महाराष्ट्राच्या राजकीय वर्तुळात सध्या सर्वाधिक चर्चेत असलेल्या 'ऑपरेशन टायगर' (Operation Tiger) चे जोरदार हादरे आता नाशिकमध्ये बसू लागले आहेत. नाशिक महानगरपालिकेतील (Nashik Municipal Corporation) उद्धव ठाकरे यांच्या शिवसेनेचे (Shiv Sena UBT) 10 ते 12 नगरसेवक एकनाथ शिंदे यांच्या शिवसेनेच्या (Shiv Sena Shinde Group) संपर्कात असल्याच्या जोरदार चर्चा शहरात सुरू आहेत. या राजकीय भूकंपाच्या चर्चांनंतर नाशिकमध्ये एक अत्यंत धक्कादायक आणि सस्पेन्स निर्माण करणारी घटना घडली आहे. दोन्ही शिवसेनेचे नेते एकाच लग्न सोहळ्यात एकत्र आल्याचे पाहायला मिळाले आणि त्यांचा फोटो सोशल मीडियावर तुफान व्हायरल झाला आहे.

Operation Tiger: लग्न सोहळ्यातील 'त्या' फोटोने वाढवला सस्पेन्स

नगरसेवक शिंदे गटात जाणार असल्याच्या चर्चेला उधाण आलेले असतानाच, नाशिकमधील एका लग्न सोहळ्यात दोन्ही बाजूचे नेते एकत्र आल्याने राजकीय विश्लेषकांच्या भुवया उंचावल्या आहेत. शिंदेंच्या शिवसेनेचे नेते आणि मंत्री दादा भुसे (Dada Bhuse), महानगरप्रमुख, जिल्हाप्रमुख यांच्यासह ठाकरे यांच्या शिवसेनेचे संपर्कनेते रवींद्र मिर्लेकर आणि माजी आमदार वसंत गीते हे एकाच फ्रेममध्ये एकत्र पाहायला मिळाले. एका बाजूला पक्षफुटीच्या चर्चा गरम असताना दुसऱ्या बाजूला या नेत्यांची एकत्र उपस्थिती निव्वळ योगायोग आहे की यामागे काही राजकीय सस्पेन्स दडला आहे, याबाबत आता तर्क-वितर्क लढवले जात आहेत.

Operation Tiger: ठाकरे गटाकडून तातडीने 'डॅमेज कंट्रोल' सुरू

दरम्यान, महापालिकेतील शिवसेना ‘उबाठा’ गटातील नगरसेवक फुटू नयेत आणि कोणताही दगाफटका होऊ नये, यासाठी उपनेते रवींद्र मिर्लेकर यांनी नाशिकमध्ये धाव घेत आधीच ‘डॅमेज कंट्रोल’ सुरू केले आहे. रामरक्षा आंदोलनाच्या निमित्ताने नाशिकमध्ये दाखल होत त्यांनी शनिवारी नगरसेवकांसह पदाधिकाऱ्यांची एक महत्त्वाची आढावा बैठक घेतली. या वेळी पक्षासोबत ठामपणे उभे राहिल्याबद्दल पक्षप्रमुख उद्धव ठाकरे यांच्या वतीने त्यांनी नगरसेवकांचे अभिनंदन केले. नगरसेवकांनी देखील कितीही आमिषे दाखवली, तरी आपण पक्षासोबत एकनिष्ठ राहणार असल्याचा शब्द मिर्लेकरांना दिला.

Operation Tiger: 5 कोटींचे आमिष आणि वकिलाचा 'गेम प्लॅन'?

या संपूर्ण प्रकरणाला तेव्हा गंभीर वळण मिळाले, जेव्हा ठाकरेंच्या शिवसेनेचे गटनेते केशव पोरजे यांनी पत्रकार परिषदेत एक खळबळजनक आरोप केला. पोरजे यांच्या दाव्यानुसार, "काही मध्यस्थांमार्फत नगरसेवकांना पक्षांतरासाठी मोठी आमिषे दाखविली जात आहेत. 10 नगरसेवक आणल्यास उपमहापौरपद आणि विकासकामांसाठी 5 कोटी रुपयांचा प्रभाग निधी देण्याचे आश्वासन दिले जात आहे." यामध्ये एका वकिलाचा (Lawyer) समावेश असून, ज्याला स्वतःला स्वीकृत नगरसेवक व्हायचे आहे, तोच 5 ते 6 नगरसेवकांच्या संपर्कात असल्याचा दावा पोरजे यांनी केला.

Operation Tiger: 'ऑपरेशन तुडवा'चा थेट इशारा आणि शक्तिप्रदर्शन

नगरसेवकफुटीच्या बातम्या केवळ अफवाच असल्याचे स्पष्ट करत गटनेते केशव पोरजे यांनी 15 पैकी 13 नगरसेवकांची माध्यमांसमोर परेड घडवून आणत जोरदार शक्तिप्रदर्शन केले. "आमचा एकही नगरसेवक फुटणार नाही, आम्ही सर्वजण निष्ठावंत आहोत," असा दावा त्यांनी केला. तसेच, "ज्याप्रमाणे खासदार फुटले तेव्हा 'ऑपरेशन तुडवा' राबवण्यात आले, तसेच आता नगरसेवकांच्या बाबतीत 'ऑपरेशन तुडवा' राबविणार," असा थेट इशारा गटनेत्यांनी विरोधकांना दिला आहे.

या शक्तिप्रदर्शनादरम्यान 15 पैकी 13 नगरसेवक प्रत्यक्ष हजर होते, तर नगरसेविका मंगला आढाव आणि मुरलीधर भामरे हे दोघे कौटुंबिक दुःखद कारणांमुळे उपस्थित राहू शकले नाहीत. मात्र, भामरे यांच्या मुलाने या बैठकीला हजेरी लावून पक्षप्रमुखांसोबत असलेली आपली निष्ठा जाहीर केली. आता आगामी काळात नाशिकच्या राजकारणात नेमकं काय घडणार? याकडे सर्वांचे लक्ष लागले आहे.

आणखी वाचा

Operation Tiger: आम्हाला कोणत्याही एजंटची गरज नाही, गोकुळ गीतेंना उबाठाने मतदान केलं, ते आता शिंदे साहेबांसोबत, त्यामुळे...; 'ऑपरेशन टायगर'वर शिंदेसेनेतील नेत्याचं मोठं विधान

Nashik Crime News: गुटखा तस्करीचा 'हायटेक' फंडा, रिमोट दाबताच वाहनाच्या नंबर प्लेटवर यायचा काळा पडदा; 'असा' झाला भांडाफोड

संदीप जेजुरकर — Sat, 11 Jul 2026 16:06:11 +0530

Nashik Crime News: अवैध गुटखा तस्करीसाठी गुन्हेगार नवनवीन आणि थक्क करणाऱ्या क्लृप्त्या शोधत असल्याचे पुन्हा एकदा समोर आले आहे. नाशिकच्या देवळा तालुक्यातील विठेवाडी येथे ग्रामस्थांच्या सतर्कतेमुळे एका अशा हायटेक तस्करीचा पर्दाफाश झाला आहे, जिथे पोलिसांना चकवा देण्यासाठी थेट रिमोट कंट्रोल तंत्रज्ञानाचा वापर केला जात होता. या धडक कारवाईत देवळा पोलिसांनी सुमारे 14 लाख 92 हजार रुपयांचा मुद्देमाल जप्त केला असून एका संशयिताला अटक केली आहे, तर मुख्य सराईत तस्कर पळून जाण्यात यशस्वी ठरला आहे.

Nashik Crime News: रिमोट दाबले की नंबर प्लेट गायब

या कारवाईत पोलिसांनी जेव्हा संशयित मारुती सुझुकी इर्टिगा कारची तपासणी केली, तेव्हा पोलीसही चक्रावून गेले. तस्करांनी पोलिसांची आणि सीसीटीव्ही (CCTV) कॅमेऱ्यांची दिशाभूल करण्यासाठी वाहनाच्या पुढच्या आणि मागच्या नंबर प्लेटवर रिमोटद्वारे नियंत्रित होणारा एक काळा पडदा बसवला होता. रस्त्यावर पोलीस दिसताच गाडीतील रिमोटचे बटण दाबायचे आणि काही क्षणांत नंबर प्लेट पूर्णपणे झाकली जायची. या अत्याधुनिक युक्तीमुळे आजवर ही कार पोलिसांच्या हातावर तुरी देऊन पसार होत होती.

Nashik Crime News: ग्रामस्थांनी गाडी अडवली अन् तस्करीचा भांडाफोड झाला

बुधवारी रात्री विठेवाडीच्या आहेर वस्तीजवळ या इर्टिगा कारच्या संशयास्पद हालचाली ग्रामस्थांच्या नजरेस पडल्या. त्यांनी तातडीने एकजूट दाखवून वाहन अडवले आणि देवळा पोलिसांच्या स्वाधीन केले. नाशिक विभागाचे अन्न सुरक्षा अधिकारी चेतन परदेशी यांनी दिलेल्या फिर्यादीनुसार, या वाहनातून मोठ्या प्रमाणावर विमल पानमसाला आणि व्ही-1 तंबाखूचा साठा जप्त करण्यात आला. जप्त केलेल्या गुटख्याची किंमत 4 लाख 92 हजार 200 रुपये असून, 10 लाख रुपयांची कार मिळून एकूण 14 लाख 92 हजार 200 रुपयांचा मुद्देमाल जप्त करण्यात आला आहे.

Nashik Crime News: एकाला अटक, सराईत गुन्हेगारावर 'मोक्का' लावण्याची तयारी

या प्रकरणी पोलिसांनी हेमंत प्रभाकर पवार या संशयिताला अटक केली आहे. मात्र, मुख्य सराईत गुटखा तस्कर कुणाल संजय मेने हा घटनास्थळावरून फरार झाला असून पोलीस त्याचा शोध घेत आहेत. फरार आरोपी कुणाल मेने याच्याविरुद्ध यापूर्वीच देवळा, वणी आणि दिंडोरी पोलीस ठाण्यांमध्ये गुटखा तस्करीचे 5 गंभीर गुन्हे दाखल आहेत. तो संघटितपणे हा गुन्हा करत असल्याने त्याच्याविरुद्ध 'मोक्का' अंतर्गत कडक कारवाई करण्याची मागणी अन्न व औषध प्रशासनाने केली आहे. देवळा पोलीस या प्रकरणाचा पुढील तपास करत आहेत.

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

Nashik TCS Case Nida Khan: निदा खानला जामीन देताना भगवान श्रीकृष्णाचा दाखला, कोर्टाची महत्त्वपूर्ण टिप्पणी; नेमकं काय घडलं?