Nashik: मंत्रीपदाचा राजीनामा, संतोष देशमुख प्रकरणात होणारे गंभीर आरोप, करुणा शर्मांचे आरोप अशा कोणत्या ना कोणत्या कारणाने वादाच्या भोवऱ्यात अडकलेले अजित पवार गटाचे आमदार धनंजय मुंडे आता मन:शांतीकडे वळाले आहेत. धनंजय मुंडे आता इगतपुरीच्या विपश्यना केंद्रात दाखल झाले आहेत .  धनंजय मुंडे यांच्या राजीनाम्यानंतर त्यांचे खाते राष्ट्रवादीच्या छगन भुजबळ यांना देण्यात आले .त्यानंतर धनंजय मुंडे थेट विपश्यना करण्यासाठी इगतपुरीच्या विपश्यना केंद्रात गेल्या आठ दिवसांपासून असल्याची माहिती समोर आली आहे . (Dhananjay Munde)

बीडच्या मस्साजोगचे सरपंच संतोष देशमुख यांच्या निर्घृण हत्येचे क्रूर छायाचित्र आणि व्हिडिओ समोर आल्यानंतर धनंजय मुंडेंना अन्न व नागरी पुरवठा खात्याचा राजीनामा द्यावा लागला होता .संतोष देशमुख हत्या प्रकरणात धनंजय मुंडे यांच्यावर अनेक गंभीर आरोप करण्यात आले होते .राजीनाम्यानंतरही करुणा मुंडे यांच्या गंभीर व खळबळ जनक आरोपांमुळे धनंजय मुंडे सातत्याने वादाच्या भोवऱ्यात अडकले होते .  दरम्यान, राजीनाम्यानंतर अन्न व नागरी पुरवठा खात्याची जबाबदारी राष्ट्रवादीचे नेते छगन भुजबळ यांना दिल्यानंतर मंत्रिमंडळात पुन्हा येण्याची मुंडेंची आशा मावळल्याची चर्चा आहे .

धनंजय मुंडे इगतपुरीच्या विपश्यना केंद्रात

मागील आठ दिवसांपासून अजित पवार गटाचे आमदार धनंजय मुंडे नाशिक मधील इगतपुरीच्या विपश्यनाकेंद्रामध्ये दाखल झाले आहेत .बीड मधील संतोष देशमुख हत्या प्रकरणांमध्ये त्यांच्यावर गंभीर आरोप झाले होते . नंतर धनंजय मुंडेंना मंत्रिपदाचा राजीनामा द्यावा लागला होता .गेल्या अनेक दिवसांपासून सातत्याने चर्चेत असलेले धनंजय मुंडे यांच्या राजीनाम्यानंतर त्यांच्या खात्याची जबाबदारी अजित पवार गटाच्या छगन भुजबळ यांना दिल्यानंतर धनंजय मुंडे आता थेट विपश्यना करण्यासाठी इगतपुरीच्या विपश्यना केंद्रामध्ये गेले आहेत .  इगतपुरीच्या विपश्यनाकेंद्रात दहा दिवसांच्या विपश्यनेसाठी ते दाखल झाल्याचा सांगण्यात येतंय . 

सातत्याने वादाच्या भोवऱ्यात

  • मस्साजोगचे सरपंच संतोष देशमुख यांच्या हत्याकांडात कॅबिनेट मंत्री धनंजय मुंडे यांचे जवळचे सहकारी वाल्मीक कराड याला आरोपी करण्यात आल्यानंतर मंत्री धनंजय मुंडे यांनी 4 मार्च 2025 रोजी मंत्रीपदाचा राजीनामा दिला . हत्या प्रकरणावर होऊन धनंजय मुंडेंच्या राजीनामाची मागणी सातत्याने होत होती .यानंतर धनंजय मुंडे यांनी स्वतः ट्विट करत राजीनामाची घोषणा केली होती .त्यांनी केलेल्या ट्वीटमध्ये प्रकृती अस्वास्थ्यामुळे राजीनामा दिल्याचं त्यांनी म्हटलं होतं .
  • दरम्यान घरगुती हिंसाचार प्रकरणात वांद्रे न्यायालयानेही  राष्ट्रवादी अजित पवार गटाचे आमदार धनंजय मुंडे यांना दोषी ठरवत करुणा मुंडे यांना दरमहा दोन लाख रुपयांची पोटगी द्यावी असे आदेश दिले होते .घरगुती हिंसाचार प्रकरणातही धनंजय मुंडे यांचा पाय खोलात गेल्याचे दिसले .  
  • दरम्यान, पदाचा राजीनामा दिल्यानंतर त्यांच्या खात्याची जबाबदारी अजित पवार गटाच्या छगन भुजबळांना दिल्यानंतर मंत्रिमंडळात येण्याची मुंडेंची आशा मावळल्याची चर्चा आहे .आता धनंजय मुंडे थेट विपश्यना केंद्रात दाखल झाल्याने अनेकांच्या भुवया उंचावल्यात .

हेही वाचा

थेट सीबीआय... पासपोर्ट कार्यालयात धाड; लाच घेताना अधिकाऱ्यासह दलालास अटक, 5 दिवसांची पीसी