भुजबळांना जीवे मारण्याच्या धमकीवर चंद्रकांत पाटलांचे मोठे वक्तव्य; म्हणाले, 'राज्यात जे काही सुरू आहे ते अनाकलनीय...'

Nashik News : छगन भुजबळ यांना नाशिक येथील कार्यालयात पत्राद्वारे जीवे मारण्याची धमकी आली आहे. यावर उच्च व तंत्रशिक्षण मंत्री चंद्रकांत पाटील यांनी प्रतिक्रिया दिली आहे. 

Chandrakant Patil नाशिक : छगन भुजबळ (Chhagan Bhujbal) यांना पुन्हा एकदा जीवे मारण्याची धमकी आली आहे. त्यांच्या नाशिक (Nashik) येथील कार्यालयात पत्राद्वारे धमकी देण्यात आली आहे. यावर उच्च व तंत्रशिक्षण मंत्री चंद्रकांत पाटील (Chandrakant Patil) यांनी आपली प्रतिक्रिया दिली आहे. 

चंद्रकांत पाटील म्हणाले की, राज्यात जे काही सुरू आहे ते अनाकलनीय आहे. शांतपणे सर्व पक्षांनी एकत्र बसून त्याचा विचार करणे आवश्यक आहे. भुजबळांना आलेल्या धमकीबाबत दखल घेण्यासाठी सरकार सक्षम असल्याचे त्यांनी म्हटले आहे. नाशिक येथे पत्रकारांशी संवाद साधताना ते बोलत होते. 

मुख्यमंत्री, उपमुख्यमंत्र्यांनी हा निर्णय घेतला

मुलींना मोफत शिक्षण देण्याच्या निर्णयावर चंद्रकांत पाटील म्हणाले की, परभणीला एका मुलीने आत्महत्या केली होती आणि चिठ्ठीत लिहिले होते की पैसे नाही शिक्षणासाठी. त्यामुळे संवेदनशील मुख्यमंत्री आणि उपमुख्यमंत्री यांनी हा निर्णय घेतला आहे. सर्व जात, पंथ, धर्मच्या मुली आता शिक्षण घेऊ शकतात. 

राज्यात घडणाऱ्या गुन्हेगारी घटना चिंताजनकच

चाळीसगाव येथील माजी नगरसेवक बाळू मोरे यांच्या मृत्यूबाबत चंद्रकांत पाटील म्हणाले की, चाळीसगाव माजी नगरसेवकाच्या मृत्यूबाबत मला अधिक माहिती नाही. हल्ला झाला हे माहीत होते पण अपुऱ्या माहितीवर बोलणार नाही. विरोधक राज्यात गुन्हेगारी वाढल्याचा आरोप करतायेत यावर ते म्हणाले की, राज्यात घडणाऱ्या गुन्हेगारी घटना या चिंताजनकच आहे. सरकार त्याबाबत सतर्क आहे. 

वागळेंनी नीट बोलावं

निखिल वागळे यांच्याबाबत चंद्रकांत पाटील म्हणाले की, पंतप्रधानांबाबत इतक्या खालच्या पातळीवर जाऊन बोलले तर त्यांच्यावर श्रद्धा असलेल्या माणसांकडून प्रतिक्रिया उमटणे हे स्वाभाविक आहे. हा संताप लक्षात घेऊन वागळेंनी नीट बोलावं, बोलण्याचा पण काही स्तर आहे, पद्धत आहे. 

त्यांनी उपोषणाला बसण्याची आवश्यकता वाटत नाही

मनोज जरांगे पाटील यांच्या उपोषणावर चंद्रकांत पाटील म्हणाले की, जरांगेंचा कुणबी नोंदीचा मुद्दा मार्गी लागला आहे, मागासवर्ग आयोग काम करतय तर त्यांनी आता उपोषणाला बसण्याची आवश्यकता वाटत नाही. रश्मी शुक्ला म्हणाल्या पोलीसांवरचा विश्वास उडाला यावर ते म्हणाले की, त्या नक्की काय म्हणाल्या हे ऐकावं लागेल, एखादा अधिकारी किंवा नेत्याला वेगळं बोलायचं असतं आणि तुम्ही कधी वेगळा अर्थ घेतात, असे त्यांनी यावेळी सांगितले. 

आणखी वाचा