MPSC FDA Drug Inspector Group-B Exam: प्रेमप्रकरणातून MPSC चा पेपर फुटला; पेपरफुटीच्या लव्हस्टोरीने यंत्रणा चक्रावली!

आदिवासी विकासमंत्री म्हणाले, काँग्रेस नेत्यांच्या आश्रमशाळांना भेट द्या; अभिजीत दिपकेंचा जशास तसा पलटवार

भिकेश पाटील, एबीपी माझा — Wed, 23 Sep 2026 20:39:33 +0530

नंदुरबार: कॉकरोच जनता पार्टीचे (CJP) संस्थापक अभिजीत दिपके (Abhijeet dipke) सध्या राज्यातील सरकारी शाळा, आश्रम शाळा आणि पेपरफुटीच्या प्रश्नावरुन आक्रमक झाल्याचं दिसून येत आहे. नुकतेच त्यांनी एका आश्रमशाळेला भेट देऊन शाळेतील दूरवस्था चव्हाट्यावर आणली, तसेच तेथील दारुच्या नशेतील शिक्षकांचा व्हिडिओ जारी करत कारवाईची मागणी देखील केली. अभिजीत दिपकेंच्या या मागणीनंतर आदिवासी विकास मंत्री अशोक उईके यांनी प्रतिक्रिया दिली. दिपकेंनी काँग्रेस नेत्यांच्या आश्रमशाळांवर पाहणी करावी, अशी मागणी देखील त्यांनी केली. आता, अभिजीत दिपकेंनी आदिवासी मंत्र्‍यांवर पलटवार केला आहे.

अभिजीत दिपकेंनी आदिवासी विकास मंत्र्‍यांनी केलेल्या टीकेला प्रत्युत्तर दिलंय. आदिवासी विकास मंत्र्यांना आदिवासी मुलांच्या प्रश्नांबाबत उत्तर द्यायचा कंटाळा येत असेल तर त्यांनी राजीनामा द्यावा. या विद्यार्थ्यांचा काँग्रेसवाल्यांकडे गेल्यानंतर विकास होणार आहे का? याचे उत्तर तुम्ही द्यावं. आदिवासी विद्यार्थ्यांच्या प्रश्नाबाबत तुम्हाला विचारणार नाही तर मग नेहरूंना विचारणार का? असा सवालही अभिजीत दिपकेंनी अशोक उईकेंना विचारला.

वस्तीगृहात पाणी का येत नाही, सेंट्रल किचन मधून कच्च्या पोळ्या का येतात? हे पंडित जवाहरलाल नेहरूंना विचारायचं का असा सवाल दिपकेंनी विचारला. नेहरूंना विचारू का गडचिरोलीतील तीन मुलांना साप कसा चावला. आदिवासी विकास मंत्री करतात तरी काय, त्यांनी आदिवासी समाजासाठी केलं तरी काय? सत्तेत बसल्यावर ते आदिवासी विकास मंत्री त्यांच्या समाजाला विसरले, अशी टीका अभिजीत दीपकेंनी केली. काँग्रेस सत्तेत आहे का, काँग्रेसला जर प्रश्न विचारायचे असेल तर आधी त्यांच्याकडे सत्ता पाहिजे. काँग्रेस सत्तेत येईल तेव्हा त्यांना देखील प्रश्न विचारू. आम्ही दाखवलेल्या चुका सुधार करण्याऐवजी जर तुम्ही असं म्हणत असाल की याच्या हॉस्टेलमध्ये का चालले, त्याच्या हॉस्टेलमध्ये का चालले? जर एवढा अटीट्युड असेल तर पुढचं आंदोलन आदिवासी विकास मंत्र्यांच्या विरोधात होईल, असा इशाराही अभिजीत दिपकेंनी दिला.

जो सत्तेत नाही, त्याची शाळा जर खराब असेल तर या प्रश्नाने राज्य शासनाच्या शाळा सुस्थितीत होतील का? सरकारला काम करण्यासाठी बसवले आहे, फक्त फोटो चिटकवण्यासाठी नाही. राज्यभरात 590 हून अधिक आश्रम शाळेतल्या विद्यार्थ्यांचा मृत्यू झालेला आहे ही परिस्थिती अतिशय गंभीर आहे. मुख्यमंत्र्यांच्या खुर्चीवर एखादा प्रायव्हेट सीईओ बसवला तर समस्या सुटेल का, शिक्षणमंत्र्याच्या खुर्चीवर एखादा एमडी बसवा, आदिवासी विकासमंत्र्यांच्या खुर्चीवर एखादा खासगी कंपनीचा मॅनेजर बसवा, त्याचं देखील खासगीकरण करून टाका, अशा शब्दात दिपकेंनी मंत्र्‍यांच्या वक्तव्यावर संताप व्यक्त केला.

सरकारी शाळा बंद पाडण्याचा प्रयत्न

सरकार मुद्दाहून जिल्हा परिषदेच्या शाळा बंद पाडण्याचा प्रयत्न करत आहे, खासगी शाळांना फायदा करण्यासाठी हे सुरू आहे. खाजगी शाळा सत्तेत बसलेल्यांच्या आहेत. त्यावरील ट्रस्टी हे सत्ताधारी, राजकारणी आहेत. सरकारी शाळा जर चांगल्या झाल्या तर प्रायव्हेट शाळा पैसे कशा छापतील, असा सवाल अभिजीत दिपकेंनी केला.

काय म्हणाले आदिवासी विकास मंत्री

आदिवासी विकास मंत्री अशोक उईकेंचे अभिजित दिपकेंना आव्हान दिले आहे. आदिवासी स्कूल चलो अभियानावरून त्यांनी दिपकेंवर टीका केली. बहुतांश आदिवासी आश्रमशाळा या काँग्रेस पदाधिकाऱ्यांच्या आहेत. काँग्रेस नेत्यांच्या आश्रमशाळांना भेट द्या, नाहीतर दिपके राजकारण करत असल्याचे सिद्ध होईल, असे अशोक उईकेंनी म्हटले होते. तसेच, येत्या ३ महिन्यात आश्रमशाळांचे ऑडिट करणार असून सोयीसुविधा न देणाऱ्या आश्रमशाळांवर कारवाई करणार असल्याचा इशारा देखील त्यांनी दिला.

हेही वाचा

‘तुम्हाला भेटल्यानंतर आत्महत्येचा विचार दूर झाला’; एकनाथ शिंदेंना पाहून शेतकऱ्याला रडू कोसळले, उपमुख्यमंत्र्यांनी धीर दिला

Chandrakant Raghuvanshi Nandurbar News: शिंदेंच्या शिवसेनेचे आमदार 2 मंत्र्यांसमोरच रडले; निधी वाटपावरून महायुतीतील धुसफूस चव्हाट्यावर

भिकेश पाटील — Fri, 11 Sep 2026 09:35:44 +0530

Chandrakant Raghuwanshi Nandurbar News: नंदूरबार जिल्ह्यात शिवसेनेला (Nandurbar Shivsena Politics) निधी वाटपाच्या असमान सूत्रावरून शिंदेंच्या शिवसेनेचे विधान परिषदेतील आमदार चंद्रकांत रघुवंशी (Chandrakant Raghuwanshi) भावूक झाले. अखेर दोन मंत्र्यांसमोरच चंद्रकांत रघुवंशी यांना रडू कोसळलं. कार्यकर्त्यांची कामं करायची कशी?, असा सवाल चंद्रकांत रघुवंशी यांनी उपस्थित केला. यावेळी मंत्री उदय सामंत (Uday Samant) आणि मंत्री गुलाबराव पाटील (Gulabrao Patil) यांच्यासमोर चंद्रकांत रघुवंशींच्या अश्रूंचा बांध फुटला.

नेमकं काय घडलं? (Chandrakant Raghuwanshi Nandurbar News)

नंदूरबार जिल्हा नियोजन समितीच्या निधी वाटपातील वाद आता थेट चव्हाट्यावर आला असून, याच असमान निधी वाटपावरून शिवसेनेचे विधान परिषद आमदार चंद्रकांत रघुवंशी (Chandrakant Raghuvanshi) हे थेट दोन शिवसेना मंत्र्यांसमोरच भावूक झाल्याचे चित्र समोर आले आहे. नंदुरबार जिल्ह्यातील महायुतीमधील धुसफूस आता थेट चव्हाट्यावर आली असून, याच धुसफुसीतून जिल्हा नियोजन समितीच्या निधी वाटपाच्या ठरलेल्या सूत्रावरून विधान परिषद आमदार चंद्रकांत रघुवंशी यांनी नाराजी व्यक्त केली. नाराजी व्यक्त करताना आज शिवसेनेच्या मेळाव्यात दोन मंत्र्यांसमोरच त्यांना रडू कोसळल्याचे चित्र पाहायला मिळाले.

निधी वाटपावरून महायुतीतील धुसफूस चव्हाट्यावर; मंत्र्यांसमोर रघुवंशींच्या अश्रूंचा बांध फुटला- (Chandrakant Raghuwanshi Nandurbar News)

नंदुरबार जिल्ह्यात शिवसेनेचे सध्या विधानसभेचे आमदार आमश्या पाडवी आणि विधान परिषदेचे आमदार चंद्रकांत रघुवंशी असे दोन आमदार आहेत. अशातच नियोजन समितीच्या ठरलेल्या निधी वाटपाच्या सूत्रानुसार या दोन्ही आमदारांच्या वाट्याला अत्यल्प निधी येत असल्याचे रघुवंशी यांनी सांगितले. यातून कार्यकर्त्यांची कामे करायची कशी, असा सवाल करताना आमदार चंद्रकांत रघुवंशी भावनिक झाले. याच मुद्द्यावरून मंत्र्यांसमोरच त्यांना रडू कोसळले. त्यामुळे याबाबत थेट वरिष्ठ पातळीवर पक्षनिहाय निधी देण्याची विनंती त्यांनी मंत्री उदय सामंत आणि मंत्री गुलाबराव पाटील यांच्याकडे केली.

नंदुरबारच्या औद्योगिक विकासाला नवी दिशा- उदय सामंत (Uday Samant In Nandurbar)

नंदुरबार जिल्हा गुंतवणूक परिषदेत उद्योजकांशी मंत्री उदय सामंत यांनी संवाद साधला. जिल्ह्यातील औद्योगिक संधी, गुंतवणूक आणि रोजगारनिर्मितीच्या विविध शक्यतांवर यावेळी सविस्तर चर्चा केली. या परिषदेत 123 सामंजस्य करार (MoU) झाले असून, त्यातून 5004 कोटींची गुंतवणूक प्रस्तावित झाली आहे. या गुंतवणुकीतून 7778 रोजगाराच्या संधी निर्माण होणे अपेक्षित आहे. विशेषतः वस्त्रोद्योग क्षेत्रात 4787 कोटींची गुंतवणूक प्रस्तावित झाली आहे, अशी माहिती उदय सामंत यांनी दिली.

राज्यासह देश-विदेशातील महत्वाच्या घडामोडी, VIDEO:

Uday Samant: रोहित पवार जमलेल्या गर्दीसोबत उभं राहून नेतृत्व करतात; उदय सामंतांची टीका, आदित्य ठाकरेंनाही सल्ला

भिकेश पाटील — Thu, 10 Sep 2026 21:49:22 +0530

नंदुरबार : राज्यात सध्या पेपरफुटी, आंदोलने आणि विविध विषयांवरुन विरोधक आक्रमक झाले आहेत. त्यामध्ये, तरुण नेतेही पुढाकार घेऊन आंदोलन करत आहेत, माध्यमांपुढे येऊन भूमिका मांडत आहेत. आमदार रोहित पवार यांनी एमपीएससीचा (MPSC) मुद्दा लावून धरला असून दुष्काळग्रस्त भागातही ते जाऊन पाहणी करत आहेत. तर, आमदार आदित्य ठाकरेही मुंबईसह विविध प्रश्नावरुन आक्रमक झाल्याचं दिसून येतं. आता, या युवा नेत्यांवर टीका करत मंत्री उदय सामंत (Uday samant) यांनी दोन्ही आमदारांना सल्ला दिला आहे.

शिवसेना ठाकरे पक्षाचे नेते तथा आमदार आदित्य ठाकरेंनी एकनाथ शिंदेंच्या लंडनमधील दौऱ्यावरुन आणि पुरस्कारावरुन टीका केली. तसेच, याआधी दावोसला गेलेल्यांनी काय केलं, असे म्हणत उद्योगमंत्री उदय सामंत यांनाही लक्ष्य केलं होतं. त्यानंतर, आता उदय सामंतांनी आदित्य ठाकरे यांच्यावर पलटवार केला आहे. तसेच, आमदार रोहित पवार यांच्या आदोलनावरुनही टीका केली.

नंदुरबार दौऱ्यावर असलेल्या उदय सामंत यांनी म्हटले की, आज मी गुजरात राज्याच्या सीमेवर आहे, किती उद्योग आणले हे बघा. आदित्य ठाकरे यांच्या बोलण्याकडे अधिक लक्ष देऊ नका. नंदुरबार जिल्ह्यात पाच हजार कोटींची गुंतवणूक होत आहे आणि ते ज्या राज्याचे नाव घेत आहेत, त्याच राज्यातून प्रकल्प इकडे येत आहेत. म्हणजे आदित्य ठाकरे यांच्या पत्रकार परिषदेला आमच्या विभागाची ही चपराक आहे, असे सामंत यांनी म्हटले. तसेच, आदित्य ठाकरे माझ्या मतदारसंघातील लोटे एमआयडीसीमध्ये गेले होते. इकडे खड्डे पडलेत, तिकडे खड्डे पडलेत, असं बोलले. मात्र, ते स्वतःच्या मतदारसंघात गेल्यानंतर महिलांनी त्यांना घेराव घालून सांगितलं, ‘साहेब, आपण महाराष्ट्र फिरतात आणि बाकीच्यांना सल्ले देत फिरतात. मात्र, आमच्या महिलांचे शौचालयाचे प्रश्न, गटारीचे प्रश्न आहेत. आमचा मतदारसंघ आदर्श निर्माण करा आणि महाराष्ट्राला दाखवा’, असा किस्सा सांगत टोलाही लगावला.

माझी आमदारकीची पाचवी टर्म आहे आणि जे आमच्यावर टीका करत आहेत, त्यांची दुसरी टर्म आहे. त्यामुळे, थोडं संयमाने घ्या, आदित्य ठाकरे एकच करतात, आमच्यावर टीका करतात. मात्र, मी शांत असतो, मी जास्त बोलत नाही. मी कामाने उत्तर देतो, असे म्हणत आदित्य यांना सल्लाही दिला.

रोहित पवार जमलेल्या गर्दीसोबत उभं राहून नेतृत्व करतात

रोहित पवार जमलेल्या गर्दीसोबत उभं राहून नेतृत्व करतात, सर्व कार्यकर्ते मोर्चाची तयारी करतात आणि शेवटी माझ्यासारखा नेता जाऊन झेंडा घेऊन उभा राहतो, असे म्हणत उदय सामंत यांनी रोहित पवारांना टोला लगावला. मुलांच्या भावना वर आणून कोणीही राजकारण करू नये, हा माझा काही लोकांना सल्ला आहे, असेही सामंत यांनी म्हटले.

दिल्ली आंदोलनावरुन विरोधकांवर हल्लाबोल

परवा दिल्लीत झालेल्या आंदोलनावरुन काही लोक आनंदी झाले, त्यांना वाटलं, हे सर्व विद्यार्थी आपल्याबरोबरच आहेत. जे हरलेले पक्ष आहेत, जे लोकांनी नाकारलेले पक्ष आहेत, ते पक्ष आपलं मत वाढवण्याचे प्रयत्न करत आहेत. मात्र, देशातील जनता अधिक हुशार आहे, कोण आपला वापर करत आहे, हे जनतेला माहिती आहे, असे म्हणत दिल्लीतील आंदोलनावरुन उदय सामतांनी विरोधकांवरही हल्लाबोल केला.

हेही वाचा

साताऱ्यातील चिमुकल्याची मृत्युशी झुंज; दुर्मिळ आजारावरील उपचारासाठी सव्वा कोटींची गरज; आईची लेकासाठी आर्त हाक

MPSC Paper Leak Case: एमपीएससी पेपरफुटी प्रकरणात नाव आलं, आता नरहरी झिरवाळांच्या OSD ची पहिली प्रतिक्रिया; म्हणाले, 'माझी बदनामी...'

भिकेश पाटील — Sat, 5 Sep 2026 13:29:54 +0530

MPSC Paper Leak Case: महाराष्ट्र लोकसेवा आयोगाच्या (MPSC) औषध निरीक्षक (Drug Inspector) पदाच्या पेपरफुटी प्रकरणात (Paper Leak Case) नाव जोडले गेल्यानंतर, अन्न व औषध प्रशासन मंत्री नरहरी झिरवाळ (Narhari Zirwal) यांचे विशेष कार्य अधिकारी (OSD) गणेश देवरे यांची पहिली प्रतिक्रिया समोर आली आहे. "एमपीएससी पेपरफुटी प्रकरणाशी माझा कोणताही संबंध नाही. मी दोषी आढळल्यास माझ्यावर कठोर कारवाई करावी, परंतु माझी विनाकारण बदनामी करणाऱ्यांना मी सोडणार नसून त्यांना कायदेशीर नोटीस बजावणार आहे," असा इशारा गणेश देवरे यांनी दिला आहे.

एमपीएससी पेपरफुटी प्रकरणाचा तपास करत असताना मुंबई विशेष शाखेच्या पथकाने (Mumbai Special Branch Team) गणेश देवरे यांची चौकशी केल्याची माहिती समोर आली होती. या प्रकरणातील मुख्य आरोपी (Accused) गौरव पाटील याच्या घरात नरहरी झिरवाळ यांचे ओएसडी गणेश देवरे हे भाडेकरू म्हणून राहत असल्याचे तपासात समोर आले. त्यामुळे या पेपरफुटीचे धागेदोरे थेट मंत्रालयापर्यंत पोहोचल्याची चर्चा राजकीय वर्तुळात सुरू आहे. तर शिवसेना ठाकरे गटाचे खासदार संजय राऊत यांनी या प्रकरणी मंत्री नरहरी झिरवाळ यांना समन्स बजावून त्यांची चौकशी करण्याची मागणी केली आहे.

MPSC Paper Leak Case: या प्रकरणाशी माझा कोणताही संबंध नाही

या सर्व घडामोडींवर गणेश देवरे यांनी स्पष्टीकरण देत भाडेकरू असणे हा केवळ एक योगायोग असल्याचे म्हटले आहे. देवरे म्हणाले, एमपीएससी पेपरफुटी प्रकरणाशी माझा कोणताही संबंध नाही. मी गौरव पाटील यांचा भाडेकरू आहे, हे खरं आहे. मात्र या प्रकरणाशी माझा कोणताही संबंध नाही. एमपीएससी पेपरफुटी प्रकरणातील दोषींवर कठोर कारवाई झाली पाहिजे, अशी मागणी त्यांनी केली.

MPSC Paper Leak Case: मी दोषी नसल्याने कुठेही गेलेलो नाही

गौरव पाटील यांच्या घरात भाडेकरू म्हणून राहणे हा केवळ योगायोग आहे. या प्रकरणाशी माझा दूरान्वयेही संबंध नाही, असा खुलासा गणेश देवरे यांनी केला आहे. माझी बदनामी करणाऱ्यांना कायदेशीर नोटीस बजावणार आहे, असा इशारा देखील त्यांनी दिलाय. मी दोषी नसल्याने कुठेही गेलेलो नाही. नंदुरबारमधील माझ्या घरीच असल्याचा दावा देखील गणेश देवरे यांनी केलाय. गौरव पाटील आरोपी आहे आणि मी त्यांच्या घरात भाडेकरू म्हणून राहतो, यात माझा काय दोष? या प्रकरणाची गेल्या अनेक दिवसांपासून चौकशी सुरू आहे. मी यात सहभागी असतो तर नंदुरबारमध्ये थांबलो असतो का? असा सवाल देखील गणेश देवरे यांनी उपस्थित केलाय.

आणखी वाचा

Nashik News: मुंबईहून 40 जणांचा ग्रुप नाशिकमध्ये आला, रामकुंड परिसरात स्नान करताना चार मुलं बुडाली, एकाचा दुर्दैवी अंत

MPSC पेपरफुटीप्रकरण, ऋतुजा पाटील कोर्टात भावूक; अधिकाऱ्याने लॅपटॉप खाडीत टाकला, पोलिसांच्या तपासातून पुढे

रजत वशिष्ट, एबीपी माझा, नागपूर — Wed, 2 Sep 2026 14:56:43 +0530

मुंबई : नीट पेपरफुटीनंतर राज्यभरात गाजलेल्या MPSC परीक्षेच्या (MPSC) पेपरफुटीवरुन आता कारवाईला वेग आला आहे. याप्रकरणी गुन्हे शाखेने अगोदरच तीन अधिकाऱ्यांसह 7 जणांना अटक केली होती. त्यानंतर, एमपीएससी औषध निरीक्षक पेपरफुटी प्रकरणी नंदुरबार येथून ऋतुजा पाटीलला देखील अटक करण्यात आली. पोलिसांनी नंदुरबारमध्ये (Nandurbar) ऋतुजाला ताब्यात घेऊन चौकशी केल्यानंतर तिला अटक करण्यात आली. त्यानंतर, आज न्यायालयात (Court) हजर केले असता ऋतुजाला तीन दिवसांची पोलीस कोठडी सुनावण्यात आली आहे. तर, उर्वरित आरोपींना पाच दिवसांची पोलीस कोठडी देण्यात आली आहे.

एमपीएससी औषध निरीक्षक पेपरफुटी प्रकरणी अटक करण्यात आलेल्या सर्वच सात आरोपींना सत्र न्यायालयात हजर करण्यात आलं. यावेळी, सात दिवसांच्या पोलीस कोठडीची मागणी पोलिसांकडून करण्यात आली होती. तर, पोलिसांनी अटक केल्यानंतर ऋतुजा पाटीलला आज न्यायालयात हजर केले असता ऋतुजा कोर्टात भाऊक झाल्याचं दिसून आलं. याप्रकरणातील आरोपी असलेला एमपीएससीचा अधिकारी विश्वेशर नकाते याने गुन्ह्यात वापरलेला लॅपटॉप खाडीत फेकला होता. पुरावा नष्ट करण्याच्या उद्देशाने आरोपीने लॅपटॉप खाडीत फेकल्याची माहिती तपासातून समोर आली आहे. याच लॅपटॉपवर नकातेने सगळे 294 प्रश्न आणि त्यांच्या पर्यायाची नोंद केली असल्याचा दावा पोलिसांनी केला आहे.

पोलिसानी खाडीत फेकलेला हा लॅपटॉप शोधला आणि त्यातील डाटा रिकव्हर करण्याचा प्रयत्न सुरू असल्याची माहिती आज कोर्टात दिली. नंदुरबारमधील कौटिल्या क्लासेसचा संचालक आणि आरोपी प्रवीण पाटीलच्या घरातून आर्थिक नोंदीचे दस्तावेजही सापडले आहेत. मात्र, अद्यापही काही तपास बाकी असल्याने पोलिसांनी आरोपींच्या 7 दिवस पोलीस कोठडीची मागणी केली होती. तपास प्रगतीथावर असून आरोपी आणि ऋतुजा पाटीलची समोरासमोर चौकशी करणे गरजेचे असल्याचे मत पोलिसांचे आहे. आरोपी तपासात सहकार्य करत नाहीत, उडवाउडवीची उत्तरे देत असल्याचेही पोलिसांनी कोर्टात सांगितले. त्यानंतर, न्यायालयाने आरोपी ऋतुजाला 3 दिवसांची तर उर्वरीत आरोपींना 5 दिवसांची पोलीस कोठडी सुनावली.

कुठला प्रश्न येणार हे माहिती नव्हतं - गौड

या केसमधे तीन आरोपी आहेत, त्यांची मी बाजू मांडत आहे. आरोपींना 7 दिवसाची पोलीस कोठडी वाढवून द्यावी, अशी पोलिसांची मागणी होती. विश्वेश्वर नकाते यांचा लॅपटॉप नष्ट झाला होता. कुठला प्रश्न पेपर परीक्षांमध्ये येणार आहे? हे कोणालाच माहीत नव्हतं. न्यायालयाने आरोपींना आणखी 5 दिवसांची पोलीस कोठडी दिली आहे, अशी माहिती आरोपीचे वकील सत्यराम गौड यांनी म्हटले.

ऋतुजाला प्रश्नसंच MPSC चा असल्याचं माहिती नव्हतं

दरम्यान, गौरवने प्राइमरी इन्फॉर्मेशन दिली होती, कोर्टाला आम्ही सांगितलं ऋतुजा पाटीलने गौरवला प्रश्न पाठवले होते. 20 तारखेला प्रश्नसंच त्याला मिळाला होता आणि तिला ते माहीत नव्हत की तो एमपीएससीचा प्रश्नसंच होता, असा युक्तिवाद आरोपी गौरवच्या वकिलांनी केला.

हेही वाचा

पुण्यातील बापटांनंतर नागपूरातही डीजेमुक्त मोहीम; माजी आमदार संदीप जोशींचा पुढाकार, सिटीझन पिटीशनची तयारी

मोठी बातमी! MPSC पेपरफुटीत गौरवनंतर प्रेयसी ऋतुजा पाटीललाही अटक; पोलिसांची नंदूरबारमधून कारवाई

भिकेश पाटील, एबीपी माझा — Tue, 1 Sep 2026 17:20:51 +0530

नंदुरबार : राज्यातील MPSC पेपरफुटी (MPSC) प्रकरणात प्रेमाचा अँगल असल्याचे सांगण्यात येत होते, त्याच प्रेमप्रकरणातून हा पेपर फुटल्याचा दावाही करण्यात आला. मात्र, केवळ प्रेमाचा अँगल दाखवून प्रकरण दाबण्याचा हा प्रकार असल्याचे पेपरफुटी प्रकरणाची तक्रार करणाऱ्या ऋषिकेश गांगुर्डे यांनी म्हटलंय. तसेच, तक्रार देणाऱ्या गौरव पाटील यांनाच पोलिसांनी अटक केल्याचंही त्याने सांगितलं. आता, पेपरफुटी प्रकरणात पोलिसांनी (Police) तक्रारदार प्रवीण पाटील याला अटक केल्यानंतर आपला मोर्चा नंदूरबारकडे वळवला आहे. एमपीएससीमार्फत घेण्यात आलेल्या औषध निरीक्षक पदाच्या (FDA) पेपरफुटी प्रकरणातील मुख्य आरोपी ऋतुजा पाटील यांना मुंबई पोलिसांच्या पथकाने नंदुरबारमधून ताब्यात घेतले. प्राथमिक चौकशीनंतर त्यास अटक करण्यात आली आहे.

एमपीएससी अन्न व औषध निरीक्षक पेपरफुटीप्रकरणात प्रेमाचा अँगल समोर आलो होता. तक्रारदार गौरव पाटील आणि ऋतुजा पाटील यांच्या प्रेम प्रकरणातून हा पेपर फुटल्याचं सांगण्यात येत होतं. मात्र, प्रेमाचा अँगल केवळ प्रकरण दाबण्याचा प्रयत्न असल्याचा आरोप दुसरा तक्रारद्रार ऋषिकेश गांगुर्डे याने केला आहे. त्यातच, पोलिसांनी याप्रकरणात गौरव पाटीलला अटक केल्यानंतर आता ऋतुजा पाटीललाही ताब्यात घेऊन चौकशीनंतर अटक करण्यात आली.

महाराष्ट्र लोकसेवा आयोगाच्या पेपरफुटी प्रकरणात आता मोठी अपडेट समोर आली आहे. ऋतुजा पाटील यांना त्यांच्या ज्ञानदीप सोसायटीतील राहत्या घरातून ताब्यात घेण्यात आले आहे. मुंबई पोलिसांचे पथक आज सकाळपासून नंदुरबारमध्ये दाखल झाले होते. या पथकाकडून नंदुरबारातील विविध ठिकाणी झाडाझडती आणि चौकशी केल्यानंतर अखेर ऋतुजा पाटील यांना अटक करण्यात आली. ऋतुजा पाटील यांना मुंबईतील विशेष गुन्हे शाखेच्या पथकाकडून नंदुरबारहून मुंबईला नेण्यात आले. ऋतुजा पाटील यांच्या अटकेमुळे औषध निरीक्षक पेपरफुटी प्रकरणाच्या तपासाला आता आणखी वेग येण्याची शक्यता आहे. यापूर्वी, पोलिसांनी प्रवीण पाटील यासही अटक केली आहे.

वरिष्ठ अधिकाऱ्यांनाही अटक

अन्न,औषध प्रशासनातील औषध निरीक्षक, गट-ब पदासाठी महाराष्ट्र लोकसेवा आयोगामार्फत घेण्यात आलेली संपूर्ण भरती प्रक्रिया रद्द करण्यात आली आहे. त्यानंतर मुंबई गुन्हे शाखेने याप्रकरणात मोठी कारवाई केली. मुंबई गुन्हे शाखेने एमपीएससीच्या (MPSC) तीन अधिकाऱ्यांसह सहा जणांना अटक केली आहे. औषध निरीक्षक पेपरफुटीप्रकरणात एमपीएससीचे अप्पर सचिव अभिजीत लेंडवे यांनाही अटक करण्यात आली आहे.

पेपर मास लेव्हला फुटला, प्रेम प्रकरणाचा अँगल चुकीचा

पोलिसांनी चोर सोडून संन्यासाला पकडण्याचा प्रकार केला आहे. जो गौरव पाटील पेपरफुटी प्रकरणात माझ्यासोबत तक्रार द्यायला होता तो कसा काय आरोपी असू शकेल? तो आणि मी तुकाराम मुंढे यांना भेटून तक्रार दिली आणि त्यानंतर एमपीएससी आयोगात येऊन लेंडवे नावाच्या अधिकाऱ्याला भेटलो. तो पेपरफुटीचा मास्टरमाईंड आहे, असा आरोप तक्रारदार ऋषिकेश गांगुर्डे याने केला आहे. पायल किंवा तिच्या घरातल्या व्यक्तीने पेपर फोडलेला नाही, पेपर हा ज्या नकाते नावाच्या अधिकाऱ्याला अटक झाली आहे, त्याने आपल्या पुतण्यासाठी फोडला आहे. त्यानंतर ज्याने पेपर 50 लाख रुपयाना खरेदी केला त्याने पुढे आपले पैसे रिकव्हर करायला 10-10 लाख रुपयाला विकला आणि तिथून पुढे मास लेव्हला ही पेपरफुटी झाली. याप्रकरणाची व्याप्ती सातारा बीड, सोलापूर जिल्ह्यात मोठी आहे, आणि हे सगळे एकमेकांचे नातेवाईक आहेत, असा गंभीर आरोपही ऋषिकेश गांगुर्डेनी केला आहे.

हेही वाचा

मोठी बातमी! MPSC तील वरिष्ठ अधिकाऱ्यानेच पुतण्यासाठी पेपर फोडला, प्रेमाचा अँगल दाखवून प्रकरण दाबण्याचा प्रयत्न; ऋषिकेश गांगुर्डेंचा गंभीर आरोप

MPSC exam paper leak: एमपीएससी पेपरफुटी प्रकरणात कारवाई, कौटिल्य अकॅडमीचे संचालकाची 14 तास कसून चौकशी, पोलिसांच्या हाती महत्त्वाचे धागेदोरे लागले?

भिकेश पाटील, एबीपी माझा — Sat, 29 Aug 2026 12:35:13 +0530

नंदुरबार : एमपीएससी औषध निरीक्षक पेपरफुटी प्रकरणातील कौटिल्य अकॅडमीचे संचालक प्रवीण पाटील यांना तपासासाठी काल (शुक्रवारी. ता २८) मुंबई पोलिसांनी (MPSC exam paper leak) नंदुरबारमध्ये आणले होते. औषध निरीक्षक पेपरफुटी प्रकरणात कौटिल्य अकॅडमीच्या संचालकाची तब्बल १४ तास गुन्हे शाखेकडून चौकशी करण्यात आली असल्याची माहिती समोर आली आहे. प्रवीण पाटील यांच्याकडून नेमकी काय माहिती मिळाली? यासंबंधीची गुन्हे शाखेच्या अधिकाऱ्यांकडून कमालीची गुप्तता (MPSC exam paper leak) बाळगण्यात आली आहे. पेपरफुटी प्रकरणात आरोपींची संख्या वाढण्याची शक्यता असल्याची माहिती विश्वसनीय सूत्रांच्या माध्यमातून समोर आली आहे. गुन्हे शाखेचे पथक पुन्हा नंदुरबारमध्ये (MPSC exam paper leak) दाखल होण्याची शक्यता आहे, काही संशयितांना सोबत आणण्याची शक्यता वर्तवली जात आहे. प्रकरणात नंदुरबारमधील आणखी कुणाची चौकशी होणार? याकडे सर्वांचे लक्ष लागले आहे, कौटिल्य अकॅडमीच्या संचालकाच्या चौकशीनंतर पेपरफुटी प्रकरणात नवे धागेदोरे मिळाल्याची चर्चा आहे. (MPSC exam paper leak)

एमपीएससी पेपरफुटी प्रकरणातील मुख्य आरोपी प्रवीण पाटील यांना कौटिल्य अकॅडमीत चौकशी केल्यानंतर पोलिसांनी बाहेर काढले. प्रवीण पाटील यांची सुमारे तासभर चौकशी केल्यानंतर मुंबई गुन्हे शाखेच्या पथकाने त्यांना कौटिल्य अकॅडमीच्या बाहेर आणले. प्रवीण पाटील यांच्या कौटिल्य अकॅडमीतून काही दस्तऐवज आणि इलेक्ट्रॉनिक वस्तू मिळून आल्याची सूत्रांची माहिती आहे. एमपीएससीमार्फत घेण्यात आलेल्या औषध निरीक्षक पदाच्या परीक्षेचा पेपर फुटल्याप्रकरणी प्रवीण पाटील यांच्यावर मुख्य आरोपी म्हणून कारवाई केली जाणार आहे. मुंबई पोलीस दलाच्या गुन्हे शाखेचे पथक काल सकाळपासून प्रवीण पाटील यांना नंदुरबारात घेऊन आले आहे. गुन्हे शाखेच्या पथकाकडून प्रवीण पाटील यांच्याकडून ई-साक्ष तसेच ओळख परेडची प्रक्रिया करण्यात आल्याची माहिती आहे. प्रवीण पाटील यांना आता त्यांच्या घरी तसेच मूळ गावी घेऊन जाऊन घराची झडती आणि तपासणी केल्याची चर्चा आहे. (MPSC exam paper leak)

MPSC exam paper leak: नेमकं काय आहे प्रकरण?

महाराष्ट्र लोकसेवा आयोगाच्या (MPSC) औषध निरीक्षक (Drugs Inspector) पदाच्या भरती परीक्षेभोवतीचा वाद पुन्हा एकदा ऐरणीवर आला आहे. यापूर्वी या परीक्षेचा पेपर दोन दिवस आधी फुटल्याचा दावा करण्यात आला होता. त्यानंतर राष्ट्रवादी काँग्रेस शरदचंद्र पवार पक्षाचे आमदार रोहित पवार (Rohit Pawar) यांनी पत्रकार परिषद घेऊन या प्रकरणाची चौकशी करण्याची मागणी केली होती. मात्र, नंतर सूत्रांच्या हवाल्याने पेपर फुटल्याची तक्रार बनावट ई-मेलवर आधारित असल्याची माहिती समोर आली होती. दरम्यान, त्यानंतर राष्ट्रवादी युवक काँग्रेस शरदचंद्र पवार पक्षाचे प्रदेशाध्यक्ष मेहबूब शेख (Mahebub Shaikh) यांनी या परीक्षेतील काही उमेदवारांच्या निकालावर प्रश्नचिन्ह उपस्थित करत स्वतंत्र आणि निष्पक्ष चौकशीची मागणी केली आहे.

MPSC FDA Paper Leak Mahebub Shaikh: शेख यांनी दिलेली तीन विद्यार्थ्यांची उदाहरणे

1) पायल लांडे
FDA Chemical Analyst – 72 गुण | Rank 10210
Drugs Inspector – Rank 31

2) ऋतुजा अमृत पाटील
DMER Pharmacist Group C – 94 गुण | Rank 21222
Drugs Inspector – 155 गुण | Rank 7

3) सागर रामलिंग थिटे
DMER Pharmacist Group C – 94 गुण | Rank 21160
Drugs Inspector – 150 गुण | Rank 14

MPSC Paper Leak Case: MPSC साठी एक नियम आणि पुणे महापालिका भरतीसाठी दुसरा नियम का?

राष्ट्रवादी युवक काँग्रेस शरदचंद्र पवार पक्षाचे प्रदेशाध्यक्ष मेहबूब शेख (Mahebub Shaikh) यांनी आज सोशल मिडीयावरती एक पोस्ट केली आहे, पोस्टमध्ये त्यांनी म्हटलंय की, MPSC साठी एक नियम आणि पुणे महापालिका भरतीसाठी दुसरा नियम का? MPSCच्या परीक्षेत एका उमेदवाराकडे प्रश्नपत्रिका/गैरप्रकाराशी संबंधित बाब समोर आल्यानंतर संपूर्ण परीक्षेच्या निष्पक्षतेवर प्रश्न उपस्थित झाले आणि कारवाई करण्यात आली. मग पुणे महापालिकेच्या कनिष्ठ अभियंता भरतीत तीन उमेदवारांकडून हायटेक कॉपीचा प्रकार समोर आला, त्यांच्यावर कारवाई झाली, तरीही उर्वरित भरती प्रक्रिया पुढे नेण्याचा निर्णय कशाच्या आधारावर? एकाला गैरप्रकाराचा फायदा मिळाला म्हणून परीक्षा रद्द होऊ शकते, तर तीन जणांच्या गैरप्रकारानंतर परीक्षा रद्द का होऊ नये? प्रश्न विद्यार्थ्यांचा आहे. प्रामाणिकपणे परीक्षा देणाऱ्या उमेदवारांचे काय? परीक्षेतील गैरप्रकार किती मोठ्या प्रमाणात झाला, आणखी कोणाला त्याचा फायदा झाला का, परीक्षा यंत्रणेची जबाबदारी काय होती आणि निकाल पूर्णपणे निष्पक्ष आहे का—या सर्व प्रश्नांची उत्तरे मिळणे गरजेचे आहे. नियम सर्वांसाठी समान असायला हवेत, MPSC असो किंवा पुणे महापालिका—विद्यार्थ्यांच्या भवितव्याशी तडजोड नको! पुणे महापालिका प्रशासनाने स्पष्ट करावे, तीन उमेदवारांवर गैरप्रकाराचा ठपका असताना संपूर्ण परीक्षा रद्द करून पुन्हा परीक्षा घेण्याचा विचार का केला जात नाही#विद्यार्थीन्याय #PMC #पुणेमहापालिका #MPSC #भरती #परीक्षापारदर्शकता.

MPSC पेपरफुटी प्रकरण! मुंबई क्राईम ब्रँचची नंदूरबारमध्ये धडक, 10 तासांपासून घरांची झाडाझडती सुरु, महत्वाचे धागेदोरे हाती लागणार?

भिकेश पाटील, एबीपी माझा — Fri, 28 Aug 2026 21:59:44 +0530

MPSC Paper leak Case Nandurbar News : एमपीएससी औषध निरीक्षक पेपरफुटी प्रकरणात ( MPSC Paper leak Case) एक महत्वाची अपडेट समोर आली आहे. मुंबई क्राईम ब्रँचने नंदुरबारमध्ये (Nandurbar) चौकशी केली आहे. पेपरफुटीप्रकरणी दाखल झालेल्या गुन्ह्याच्या तपासासाठी मुंबई क्राईम ब्रँचचं पथक गेल्या 10 तासांपासून नंदुरबारमध्ये तपास करत आहे. संशयित आरोपी अमृत पाटील, गौरव पाटील यांच्या घरांची झडती घेतली आहे. कौटिल्य अकॅडमीतही मुंबई क्राईम ब्रँचकडून तपासणी करण्यात आली आहे. या तपासात पथकाच्या हाती नेमकं काय लागलं याबाबतची माहिती अद्याप मिळालेली नाही.

मुंबई क्राईम ब्रँचच्या तपासात काय समोर येणार? याकडे आता सर्वांचं लक्ष

तपासणीदरम्यान पथकाच्या हाती नेमकं काय लागलं, याबाबत गोपनीयता पाळली जात आहे. गेल्या दहा तासांपासून प्रवीण पाटील यांना सोबत घेऊन विविध ठिकाणी पथकाकडून तपास सुरु आहे. मुंबई क्राईम ब्रँचच्या तपासात काय समोर येणार? याकडे आता सर्वांचं लक्ष लागलं आहे. पथकाच्या हाती नेमके कोणते पुरावे लागले, याची माहिती अद्याप समोर आलेली नाही. दरम्यान, प्रवीण पाटील यांच्या राहत्या घराचीही उद्या पथकाकडून तपासणी करण्याची शक्यता वर्तवली जात आहे.

ही भरती प्रक्रिया रद्द करून फेरपरीक्षा घेण्याचा एमपीएससीचा निर्णय

महाराष्ट्र लोकसेवा आयोगाच्या माध्यमातून घेण्यात आलेल्या अन्न व औषध प्रशासन विभागातील औषध निरीक्षक पदाच्या परीक्षेतील कथित पेपरफुटी प्रकरणाला आता मोठं वळण मिळालं आहे. पेपरफुटीचे आरोप आमदार रोहित पवार यांनी केल्यानंतर या प्रकरणाची चौकशी करण्यात आली आणि अखेर एमपीएससीने ही भरती प्रक्रिया रद्द करून फेरपरीक्षा घेण्याचा निर्णय घेतला आहे. या संपूर्ण प्रकरणात नंदुरबारमधील लोकेश उर्फ गौरव पाटील यांनी एमपीएससीकडे प्रश्नपत्रिका फुटल्याची तक्रार केली होती. या तक्रारीसोबत त्यांनी ऋतुजा पाटील यांच्यासोबत झालेल्या व्हॉट्सॲप चॅटचे अनेक स्क्रीनशॉटही जोडले होते. आता याच तक्रारीसोबत जोडण्यात आलेल्या काही व्हॉट्सॲप चॅटचे स्क्रीनशॉट एबीपी माझाच्या हाती लागले आहेत. या स्क्रीनशॉटमध्ये दोघांमधील संभाषणासोबत काही फोटोही दिसत आहेत. या चॅटमध्ये नेमकं काय बोलणं झालं होतं? प्रश्नपत्रिकेशी संबंधित कोणते दावे किंवा संवाद या चॅटमध्ये आहेत? आणि या संभाषणाचा पेपरफुटीच्या संपूर्ण प्रकरणाशी नेमका काय संबंध आहे?हे स्क्रीनशॉट समोर आल्यानंतर आता या प्रकरणाच्या तपासात आणखी काही महत्त्वाचे धागेदोरे मिळणार का, याकडे लक्ष लागलं आहे.

MPSC Drug Inspector Paper Leak Case: मोठी बातमी! MPSC पेपरफुटी प्रकरणाची व्याप्ती वाढण्याची शक्यता; गुन्हे शाखेच्या तपासात धक्कादायक माहिती उघड, आयोगाच्या दाव्यावरही प्रश्नचिन्ह

सचिन गाड — Thu, 27 Aug 2026 08:41:26 +0530

MPSC Drug Inspector Paper Leak Case : महाराष्ट्र लोकसेवा आयोगाच्या (MPSC) औषध निरीक्षक (Food And Drug Inspector) पद भरती परीक्षा पेपरफुटी प्रकरणात धक्कादायक आणि चक्रावून टाकणारे खुलासे होत आहेत. अशातच या पेपरफुटी प्रकरणाची व्याप्ती अधिक वाढण्याची शक्यता आहे. 22 मार्चला झालेल्या परीक्षेच्या 2-3 दिवस आधीच पेपरफुटल्याच गुन्हे शाखेच्या तपासात (Crime Branch Investigation) निष्पन्न झालं आहे. तर 22 जुलैला जाहीर झालेल्या 488 जणांच्या अंतरिम गुणवत्ता यादीत बहुतांश विद्यार्थ्यांना 200 पैकी 120 पर्यंतच मजल मारता आली आहे. तर 120 पेक्षा अधिक गुण मिळवून वरचा क्रमांक मिळवणारे असेही काही विद्यार्थी आहेत ज्यांची अगदी काही महिन्यांपूर्वी झालेल्या इतर स्पर्धा परीक्षांमधील कामगिरी सामान्य होती आणि त्यांचा क्रमांकही हजारांमध्ये होता. त्यामुळे हे सगळे परिक्षार्थी सध्या संशयाच्या घेऱ्यात आहेत. (MPSC Drug Inspector Paper Leak Case)

MPSC Drug Inspector Paper Leak Case : केवळ एकाच परीक्षार्थीला प्रश्नपत्रिकेचा संच मिळाल्याच्या आयोगाच्या दाव्यावर प्रश्नचिन्ह

दरम्यान, याप्रकरणी कौटिल्य अकॅडमीचा संचालक प्रवीण पाटील याला देखील अटक करण्यात आल्याने त्याने त्याच्या संपर्कातील अनेक परीक्षार्थींना प्रश्नांचा संच दिल्याचा संशय आहे. तसेच फुटलेल्या प्रश्नपत्रिका व्हाट्सअपवर व्हायरल झाल्याचा तक्रारदार परीक्षार्थीचा दावा आहे. त्यामुळे केवळ एकाच परीक्षार्थीला प्रश्नपत्रिकेचा संच मिळाल्याच्या आयोगाच्या दाव्यावर प्रश्नचिन्ह निर्माण झाले आहे. प्रवीण पाटील आणि महाराष्ट्र लोकसेवा आयोगाचे अटक करण्यात आलेले अवर सचिव अभिजीत लेंडवे, परीक्षेचे समन्वय अधिकारी विश्वेश्वर नकाते आणि सहाय्यक कक्ष अधिकारी गोपाळ मराठे यांच्या बँक खात्यांच्या आर्थिक व्यवहारांची गुन्हे शाखेकडून तपासणी सुरू असून त्यातूनही मोठे खुलासे होण्याची शक्यता आहे.

Nandurbar News : पेपर फुटल्याचे एमपीएससीने केलं मान्य, नंदुरबारमधील चौघांना पोलिसांनी केली अटक

महाराष्ट्र लोकसेवा आयोगामार्फत घेण्यात आलेल्या औषध निरीक्षकाचा पेपर फुटल्याचे एमपीएससीने मान्य केला असून नवीन परीक्षा घेणार असल्याचे जाहीर केला आहे याप्रकरणी नंदुरबार मधील चौघांना पोलिसांनी अटक केली आहे सर्वात केंद्रबिंदू ठरलेल्या नंदुरबार मधील कौटिल्य अकॅडमीच्या प्रवीण पाटलांना अटक करण्यात आली असून प्रवीण पाटील यांनी अजून अजून कुठल्या विद्यार्थ्यांना हे पेपर दिले आहेत हे पाहणं महत्त्वाच्या राहणार आहे.

Nandurbar News: पेपर लीक प्रकरणात नंदुरबारमधील कौटिल्य अकॅडमीचे नाव चर्चेत

महाराष्ट्र लोकसेवा आयोगामार्फत घेण्यात आलेल्या औषध निरीक्षक पदाच्या पेपर लीक प्रकरणात नंदुरबारमधील कौटिल्य अकॅडमीचे नाव चर्चेत आले आहे. कौटिल्य अकॅडमीची गेल्या सुमारे 15 वर्षांपासून नंदुरबार शहरात कार्यरत असल्याची माहिती आहे. मुंबई, पुणे यांसारख्या मोठ्या शहरांमध्ये जाऊन स्पर्धा परीक्षेची तयारी करणे शक्य नसलेल्या स्थानिक विद्यार्थ्यांसाठी नंदुरबारमध्येच मार्गदर्शनाची सुविधा उपलब्ध करून देण्याच्या उद्देशाने अकॅडमीची सुरुवात करण्यात आली. अकॅडमीचे संचालक प्रवीण पाटील हे नंदुरबार तालुक्यातील खोंडामळी गावचे रहिवासी आहेत.

आतापर्यंत दोन हजारांहून अधिक विद्यार्थ्यांना मार्गदर्शन केल्याचा दावा

उपलब्ध माहितीनुसार, प्रवीण पाटील यांची कोणतीही राजकीय पार्श्वभूमी नसल्याचे सांगितले जाते. नंदुरबारमध्ये अभ्यासिकेच्या माध्यमातून एमपीएससी पूर्वतयारी वर्ग सुरू करणाऱ्या सुरुवातीच्या संस्थांपैकी कौटिल्य अकॅडमी असल्याचा दावा केला जातो. अकॅडमीकडून विविध स्पर्धा परीक्षांच्या माध्यमातून आतापर्यंत दोन हजारांहून अधिक विद्यार्थ्यांना मार्गदर्शन केल्याचा दावा करण्यात आला आहे. मात्र, सध्या औषध निरीक्षक पेपर लीक प्रकरणामुळे अकॅडमीचे नाव चर्चेत आले असून, *या प्रकरणातील नेमकी भूमिका आणि तथ्य चौकशीच्या निष्कर्षांवरच स्पष्ट होणार आहेत.

इतर महत्वाच्या बातम्या

Narhari Zirwal Adivasi Andolan Pune Protest: खाऊन पिऊन आंदोलन करा, मी चोरून खायचो आणि आंदोलन करायचो...; नरहरी झिरवळांचा विद्यार्थ्यांना अजब सल्ला

MPSC FDA Drug Inspector Group-B Exam: प्रेमप्रकरणातून MPSC चा पेपर फुटला; पेपरफुटीच्या लव्हस्टोरीने यंत्रणा चक्रावली!

अभिषेक मुठाळ — Wed, 26 Aug 2026 14:23:03 +0530

MPSC FDA Drug Inspector Group-B Exam: अन्न,औषध प्रशासनातील औषध निरीक्षक, गट-ब पदासाठी महाराष्ट्र लोकसेवा आयोगामार्फत घेण्यात आलेली संपूर्ण भरती प्रक्रिया रद्द (FDA Drug Inspector Group-B Exam) करण्याचा निर्णय आयोगानं घेतला आहे. 22 मार्च 2026 च्या चाळणी परीक्षेत गैरप्रकार झाल्याच्या तक्रारीनंतर मुंबई पोलिसांच्या गुन्हे अन्वेषण शाखेच्या प्राथमिक चौकशीत एका उमेदवाराला प्रश्नसंच मिळाल्याचं आणि त्याचा लाभ झाल्याचं प्रथमदर्शनी निष्पन्न झालं आहे. त्यामुळे आयोगानं ही भरती प्रक्रिया रद्द केली असून आता फेरपरीक्षा घेण्यात येणार आहे. संबंधित उमेदवारांना पुन्हा अर्ज करण्याची गरज नसून फेरपरीक्षेसाठी कोणतंच शुल्क आकारलं जाणार नाही. फेरपरीक्षेची तारीख स्वतंत्र प्रसिद्धिपत्रकाद्वारे जाहीर केली जाणार आहे. दरम्यान, प्रेमप्रकरणातून MPSC चा पेपर फुटल्याची विश्वसनीय सूत्रांची माहिती समोर आली आहे.

पेपरफुटीच्या लव्हस्टोरीने यंत्रणा चक्रावली, नेमकं काय घडलं? (MPSC FDA Drug Inspector Group-B Exam Marathi News)

एमपीएससीच्या औषध निरीक्षक परीक्षेतील पेपरफुटीच्या घटनेतील घटनाक्रम थक्क करणारा आहे. या संपूर्ण प्रकाराला एक लव्ह स्टोरी कारणीभूत असल्याची माहिती पोलीस तपासात उघड झाली आहे. विश्वसनीय सूत्रांनी दिलेल्या माहितीनुसार, एका प्रियकराने एमपीएससीमध्ये अगदी एका खालच्या कर्मचाऱ्याशी संधान साधून हा प्रकार केल्याचे बोलले जाते आहे. त्यामुळे फुटलेला पेपर केवळ एकालाच मिळाला, अशीही माहिती तपासातून पुढे आली आहे. पोलीस याचा अधिक तपास करीत आहेत.

केवळ एकाकडेच पेपर गेला असताना इतर सर्व विद्यार्थ्यांना त्याचा फटका बसला- (MPSC FDA Drug Inspector Group-B Exam Paper Leak)

एमपीएससी परीक्षेची प्रक्रिया अनेक महिने चालू असते. त्यामुळे या परीक्षेची संपूर्ण प्रक्रिया विद्यमान अध्यक्ष रुजू होण्यापूर्वीच पूर्ण झाली होती. केवळ एकच विद्यार्थ्याकडे पेपर मिळाला असल्याचा पोलिसांचा प्राथमिक निष्कर्ष असला तरी आयोगाने परीक्षा रद्द करण्याचा निर्णय घेतला आहे. केवळ एकाकडेच पेपर गेला असतानाही इतर सर्व विद्यार्थ्यांना त्याचा फटका बसला आहे. एका प्रेम कहाणीचा हा फटका इतरही विद्यार्थ्यांना बसताना दिसतो आहे.

कधी झाली होती परीक्षा कशी झाली भरती प्रक्रिया? (MPSC FDA Drug Inspector Group-B Exam Paper Leak)

22 मार्च, 2026 रोजी ही चाळणी परीक्षा ऑफलाईन पद्धतीने राज्यातील 6 विभागीय मुख्यालयाच्या ठिकाणी परीक्षा केंद्रांवर घेण्यात आली. सदर परीक्षेचा दिनांक 12 जून, 2026 रोजी निकाल जाहीर करण्यात आला. चाळणी परीक्षेअंती मुलाखतीकरिता 506 इतके उमेदवार पात्र ठरले. यापैकी 488 उमेदवारांच्या मुलाखती दिनांक 01 जुलै, 2026 ते 22 जुलै 2026 या कालावधीत घेण्यात आल्या. दिनांक 22 जुलै,2026 रोजी सायंकाळी मुलाखती संपल्यानंतर औषध निरीक्षक पदाकरिता पात्र ठरणाऱ्या 485 व अपात्र 03 अशा एकूण 488 उमेदवारांची तात्पुरती सर्वसाधारण गुणवत्ता यादी आयोगाच्या संकेतस्थळावर प्रसिद्ध करण्यात आली. औषध निरीक्षक, गट-ब, अन्न व औषध प्रशासन या संवर्गाच्या उपरोक्त जाहिरातीतील पदांसाठी आयोगाकडून फेरपरीक्षा आयोजित करण्यात येईल.याकरिता संबंधित उमेदवारांना पुन्हा अर्ज करण्याची आवश्यकता असणार नाही.तसेच त्याकरिता कोणतेही परीक्षा शुल्क आकारण्यात येणार नाही. फेरपरीक्षेसंदर्भातील प्रसिध्दीपत्रक स्वतंत्रपणे जाहीर करण्यात येईल.

MPSC FDA Drug Inspector Group-B Exam: प्रेमप्रकरणातून MPSC चा पेपर फुटला; पेपरफुटीच्या लव्हस्टोरीने यंत्रणा चक्रावली!

आदिवासी विकासमंत्री म्हणाले, काँग्रेस नेत्यांच्या आश्रमशाळांना भेट द्या; अभिजीत दिपकेंचा जशास तसा पलटवार

सरकारी शाळा बंद पाडण्याचा प्रयत्न

काय म्हणाले आदिवासी विकास मंत्री

हेही वाचा

Chandrakant Raghuvanshi Nandurbar News: शिंदेंच्या शिवसेनेचे आमदार 2 मंत्र्यांसमोरच रडले; निधी वाटपावरून महायुतीतील धुसफूस चव्हाट्यावर

नेमकं काय घडलं? (Chandrakant Raghuwanshi Nandurbar News)

निधी वाटपावरून महायुतीतील धुसफूस चव्हाट्यावर; मंत्र्यांसमोर रघुवंशींच्या अश्रूंचा बांध फुटला- (Chandrakant Raghuwanshi Nandurbar News)

नंदुरबारच्या औद्योगिक विकासाला नवी दिशा- उदय सामंत (Uday Samant In Nandurbar)

राज्यासह देश-विदेशातील महत्वाच्या घडामोडी, VIDEO:

Uday Samant: रोहित पवार जमलेल्या गर्दीसोबत उभं राहून नेतृत्व करतात; उदय सामंतांची टीका, आदित्य ठाकरेंनाही सल्ला

रोहित पवार जमलेल्या गर्दीसोबत उभं राहून नेतृत्व करतात

दिल्ली आंदोलनावरुन विरोधकांवर हल्लाबोल

हेही वाचा

MPSC Paper Leak Case: या प्रकरणाशी माझा कोणताही संबंध नाही

MPSC Paper Leak Case: मी दोषी नसल्याने कुठेही गेलेलो नाही

MPSC पेपरफुटीप्रकरण, ऋतुजा पाटील कोर्टात भावूक; अधिकाऱ्याने लॅपटॉप खाडीत टाकला, पोलिसांच्या तपासातून पुढे

कुठला प्रश्न येणार हे माहिती नव्हतं - गौड

ऋतुजाला प्रश्नसंच MPSC चा असल्याचं माहिती नव्हतं

हेही वाचा

मोठी बातमी! MPSC पेपरफुटीत गौरवनंतर प्रेयसी ऋतुजा पाटीललाही अटक; पोलिसांची नंदूरबारमधून कारवाई

वरिष्ठ अधिकाऱ्यांनाही अटक

पेपर मास लेव्हला फुटला, प्रेम प्रकरणाचा अँगल चुकीचा

हेही वाचा

MPSC exam paper leak: नेमकं काय आहे प्रकरण?

MPSC FDA Paper Leak Mahebub Shaikh: शेख यांनी दिलेली तीन विद्यार्थ्यांची उदाहरणे

MPSC Paper Leak Case: MPSC साठी एक नियम आणि पुणे महापालिका भरतीसाठी दुसरा नियम का?

मुंबई क्राईम ब्रँचच्या तपासात काय समोर येणार? याकडे आता सर्वांचं लक्ष

ही भरती प्रक्रिया रद्द करून फेरपरीक्षा घेण्याचा एमपीएससीचा निर्णय

MPSC FDA Drug Inspector Group-B Exam: प्रेमप्रकरणातून MPSC चा पेपर फुटला; पेपरफुटीच्या लव्हस्टोरीने यंत्रणा चक्रावली!

पेपरफुटीच्या लव्हस्टोरीने यंत्रणा चक्रावली, नेमकं काय घडलं? (MPSC FDA Drug Inspector Group-B Exam Marathi News)

केवळ एकाकडेच पेपर गेला असताना इतर सर्व विद्यार्थ्यांना त्याचा फटका बसला- (MPSC FDA Drug Inspector Group-B Exam Paper Leak)

कधी झाली होती परीक्षा कशी झाली भरती प्रक्रिया? (MPSC FDA Drug Inspector Group-B Exam Paper Leak)

MPSC औषध निरीक्षक पेपरफुटीत नवा ट्विस्ट; 'लव्ह स्टोरी'मुळे फुटला 40 लाखांचा पेपर?, VIDEO:

संबंधित बातमी: