धक्कादायक! नंदुरबारच्या शहादात समाज कल्याण वस्तीगृहात 40 ते 50 विद्यार्थ्यांना विषबाधा, 3 जणांची प्रकृती चिंताजनक

Vijay Chaudhari: भाजपच्या माजी महामंत्र्यांना ऑडिओ क्लिप प्रकरण भोवले; नंदुरबारच्या विजय चौधरींची पक्षातून हकालपट्टी

अभिषेक मुठाळ — Mon, 17 Aug 2026 14:09:37 +0530

Vijay Chaudhari: भारतीय जनता पक्षाचे (BJP) माजी महामंत्री आणि नंदुरबारमधील (Nandurbar) नेते विजय चौधरी (Vijay Chaudhari) यांची पक्षातून हकालपट्टी करण्यात आली आहे. गेल्या काही दिवसांपासून सातत्याने व्हायरल होणाऱ्या विविध कथित ऑडिओ क्लिप्समुळे भाजप पक्षाने ही मोठी कारवाई केली आहे. यासंदर्भात पक्षाकडून अधिकृत पत्रक जारी करण्यात आले असून, विजय चौधरी यांना पक्षाच्या सर्व जबाबदाऱ्यांमधून मुक्त करण्यात येत असल्याचा स्पष्ट उल्लेख करण्यात आला आहे.

गेल्या काही दिवसांपासून विजय चौधरी यांच्या कथित ऑडिओ क्लिप्स सोशल मीडियावर चांगल्याच व्हायरल होत होत्या. कधी शासकीय अधिकारी, कधी पक्षाचे पदाधिकारी, तर कधी थेट मंत्र्यांसोबतच्या संवादाच्या ऑडिओ क्लिप्स समोर आल्याने नंदुरबारमधील राजकीय वातावरण कमालीचे तापले होते. या ऑडिओ क्लिप्समधून चौधरी आणि पक्षाच्या वरिष्ठ मंत्र्यांचे कथित संभाषण समोर आले होते.

विशेषतः एका ऑडिओ क्लिपमध्ये राष्ट्रवादी काँग्रेस शरदचंद्र पवार पक्षाचे ज्येष्ठ नेते एकनाथ खडसे (Eknath Khadse) आणि त्यांच्या सून तथा केंद्रीय राज्यमंत्री रक्षा खडसे (Raksha Khadse) यांच्याबाबत अत्यंत आक्षेपार्ह भाषेचा वापर करण्यात आला होता. दरम्यान, या सर्व ऑडिओ क्लिप्समध्ये 'एआय'च्या मदतीने छेडछाड करण्यात आल्याचा दावा विजय चौधरी यांनी केला होता.

Vijay Chaudhari: भाजपमधील अंतर्गत वाद चव्हाट्यावर

अनेक ऑडिओ व्हायरल झाल्यानंतर चौधरी यांच्या मुलाने पोलिसांत तक्रारही दाखल केली होती. मात्र, विजय चौधरी यांचा मंत्री जयकुमार रावल (Jaykumar Rawal) आणि मंत्री गिरीश महाजन (Girish Mahajan) यांच्यासोबतचा संवादही व्हायरल झाल्याने भाजपमधील अंतर्गत वाद चव्हाट्यावर आला होता. एका ऑडिओ क्लिपमधून भाजप नेते विजयकुमार गावित यांच्या कुटुंबीयांनाही लक्ष्य करण्यात आल्याचे समोर आले होते, ज्यामध्ये माजी खासदार डॉ. हिना गावित यांच्याबाबत आक्षेपार्ह विधान केल्याचा आरोप आहे.

Vijay Chaudhari: विजय चौधरींची भाजपमधून हकालपट्टी

या ऑडिओ क्लिप प्रकरणावरून डॉ. हिना गावित यांचे चुलत भाऊ रोहन गावित यांच्याविरोधात पोलिसांनी जातिवाचक शिवीगाळ आणि इतर संबंधित कायद्यानुसार गुन्हा दाखल केला. या सर्व प्रकारामुळे डॉ. हिना गावित यांच्या समर्थकांमध्ये आणि कार्यकर्त्यांमध्ये तीव्र संताप पाहायला मिळत होता. गावित समर्थकांनी विविध पोलीस ठाणे आणि तहसील कार्यालयात जाऊन दोषींवर कडक कारवाईची मागणी केली होती. तसेच भाजप वरिष्ठांकडे विजय चौधरी यांची पक्षातून तातडीने हकालपट्टी करण्याची जोरदार मागणी केली होती. अखेर या सर्व वादानंतर भाजप पक्षाने कारवाई करत विजय चौधरी यांना पक्षातून बाहेरचा रस्ता दाखवला आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

Nashik And Raigad Guardian Minister Name: रायगड आणि नाशिकच्या पालकमंत्रिपदाचा तिढा सुटला; अखेर 2 जणांची नावं जाहीर

Hasan Mushrif : रस्त्यांची अवस्था पाहून मला आज लाज वाटली; नंदुरबारमधील रस्त्यांच्या परिस्थितीवरुन पालकमंत्री हसन मुश्रीफ नाराज

भिकेश पाटील, एबीपी माझा — Sat, 15 Aug 2026 21:41:58 +0530

नंदुरबार : मंत्री हसन मुश्रीफ यांनी नंदुरबारमधील रस्त्यांची अवस्था पाहून मला आज लाज वाटली असल्याचं म्हणत नाराजी व्यक्त केली. गुजरात सोडल्यानंतर महाराष्ट्रात आल्यानंतर नंदुरबार जिल्ह्यातील रस्ते फारच खराब असल्याचं मुश्रीफ यांनी नमूद केलं. पावसाळ्याच्या तोंडावर रस्ता का उखडता? संबंधित विभागाला जाब विचारणार असल्याचा इशारा मंत्री हसन मुश्रीफ यांनी दिला. यावेळी नंदुरबारमधील रस्ते व्यवस्थित आणि दर्जेदार करण्याच्या सूचना मुश्रीफ यांनी जिल्हाधिकाऱ्यांना दिल्या.

Hasan Mushrif : हसन मुश्रीफ काय म्हणाले?

आज बघितलं ते पाहून मी फार नाराज आहे, मला त्याची लाज वाटलेली आहे. मी तुम्हाला त्याचं स्पष्ट सांगितल ते बघून घेईन. मी सुरतवरुन आलो, हा नागपूरचा रस्ता, ज्या रस्त्यानं आलो, गुजरात सोडल्याबरोबर आपल्या विभागात रस्ता फारच खराब आहे. त्यानंतर आम्ही त्या ह्याला गेलो श्रावणीला तोही रस्ता खराब आहे, असं हसन मुश्रीफ म्हणाले. खराब रस्ते आणि दर्जा चांगला नसेल आणि लोकप्रतिनिधी तिकडे बघणार नसू तर आपल्या जिल्ह्याचा विकास होणार नाही. मी जिल्हाधिकाऱ्यांना सांगितलेलं आहे की आता आपण व्यवस्थित कामं करू, चांगली करू दर्जेदार करु, असं हसन मुश्रीफ म्हणाले.

राज्याचे वैद्यकीय शिक्षण मंत्री तथा नंदुरबारचे पालकमंत्री हसन मुश्रीफ यांनी पुन्हा एकदा नंदुरबारच्या रस्त्यांच्या स्थितीबाबत खंत व्यक्त केली. आपल्या रस्त्यांची प्रगती पाहता, आमच्या कोल्हापूर जिल्ह्यात अशी परिस्थिती असती तर अधिकाऱ्यांना सोडलं नसतं, ठेकेदारांनाही सोडलं नसतं असंही हसन मुश्रीफ म्हणाले.

आता नंदुरबारच्या रस्त्यांची दुरुस्ती करावी लागेल.पालकमंत्री म्हणून काही दिवसांपासून माझ्याकडे नंदुरबारची जबाबदारी आहे.पावसाळा संपल्यानंतर नंदुरबारमध्ये चांगले रस्ते करावे लागतील, असं हसन मुश्रीफ यांनी म्हटलं. नंदुरबार जिल्ह्याचा आणि आदिवासी भागाचा विकास आपल्याला करायचा आहे. आदिवासी भागाच्या विकासासाठी मोठ्या प्रमाणात निधी येतो; त्या निधीचा योग्य वापर झाला पाहिजे. पालकमंत्री म्हणून वेळात वेळ काढून या कामांकडे लक्ष देऊन प्रामाणिकपणे काम करणार असल्याची ग्वाही पालकमंत्री हसन मुश्रीफ यांनी दिली.

Nandurbar: आजारी महिलेला बांबूच्या झोळीत टाकलं, तब्बल आठ किलोमीटर पायपीट करत प्राथमिक आरोग्य केंद्र गाठलं; वेहगी नदीवर पूल नसल्याने वाहत्या पाण्यातून जीवघेणा प्रवास

भिकेश पाटील, एबीपी माझा — Thu, 13 Aug 2026 08:01:43 +0530

Nandurbar: आजारी महिलेला बांबूच्या झोळीत टाकलं, तब्बल आठ किलोमीटर पायपीट करत प्राथमिक आरोग्य केंद्र गाठलं; वेहगी नदीवर पूल नसल्याने वाहत्या पाण्यातून जीवघेणा प्रवास

Nandurbar Crime News: नंदुरबार हादरले! तब्बल 51 बालकांसोबत नको ते कृत्य, 22 वर्षीय तरुणाला बेड्या, चार वर्षांपासून सुरू होता धक्कादायक प्रकार

भिकेश पाटील, एबीपी माझा — Sat, 8 Aug 2026 12:38:48 +0530

Nandurbar Crime News: नंदुरबार शहरातून लैंगिक शोषणाचे एक गंभीर प्रकरण समोर आले आहे. नंदुरबार शहर पोलीस ठाण्यात (Nandurbar City Police Station) पॉक्सो कायद्यांतर्गत तसेच लैंगिक अत्याचारासंदर्भात गुन्हा दाखल करण्यात आला आहे. रायसिंगपुरा येथील 22 वर्षीय चेतन प्रकाश कोळी याला या प्रकरणात पोलिसांनी ताब्यात घेतले आहे.

पोलिसांनी दिलेल्या माहितीनुसार, संबंधित तरुणावर अल्पवयीन बालकांसह काही तरुणांचे लैंगिक शोषण केल्याचा आरोप आहे. या प्रकरणात तब्बल 51 अल्पवयीन पीडित असल्याची माहिती पोलिसांकडून देण्यात आली आहे. त्यामुळे या प्रकरणाचे गांभीर्य वाढले आहे.

Nandurbar Crime News: 2022 पासून प्रकार सुरू असल्याचा आरोप

या प्रकरणी दाखल करण्यात आलेल्या फिर्यादीत संबंधित प्रकार 2022 पासून सुरू असल्याचा उल्लेख आहे. 6 ऑगस्ट 2026 पर्यंत हे प्रकार सुरू असल्याचे फिर्यादीत नमूद करण्यात आले आहे. अल्पवयीन मुलांना आणि काही तरुणांना अश्लील व्हिडीओ तसेच छायाचित्रांच्या आधारे धमकावून त्यांचे शोषण केल्याचा आरोप संबंधित तरुणावर करण्यात आला आहे. या प्रकरणातील पीडितांची संख्या मोठी असल्याने पोलिसांकडून संपूर्ण घटनाक्रमाची सखोल चौकशी केली जात आहे. आरोपीने पीडितांना नेमक्या कोणत्या प्रकारे धमकावले, त्यांच्याकडून कोणत्या स्वरूपाचे शोषण करण्यात आले आणि या प्रकारात आणखी कोणाचा सहभाग आहे का, याचा तपास सुरू आहे.

Nandurbar Crime News: तक्रारदार पुढे न आल्याने पोलिस कर्मचाऱ्याने दिली फिर्याद

या प्रकरणातील आणखी एक गंभीर बाब समोर आली आहे. पीडितांकडून किंवा त्यांच्या कुटुंबीयांकडून तक्रार दाखल करण्यासाठी कोणीही पुढे येत नसल्याने एका पोलीस कर्मचाऱ्याने स्वतः फिर्यादी होत गुन्हा दाखल केला. पीडितांना धमकावले जात असल्याने ते तक्रार करण्यासाठी पुढे येत नसल्याची शक्यता पोलिसांकडून तपासली जात आहे. त्यामुळे पोलिसांनी स्वतःहून पुढाकार घेत या प्रकरणाची कायदेशीर प्रक्रिया सुरू केली.

Nandurbar Crime News: फॉरेन्सिक पथकाकडून घटनास्थळाची पाहणी

गुन्ह्याचे गांभीर्य लक्षात घेऊन फॉरेन्सिक पथकाने (Forensic Team) घटनास्थळाची पाहणी केली आहे. घटनास्थळावरील पुरावे सुरक्षित करण्यासाठी पोलिसांकडून विशेष काळजी घेतली जात आहे. तपासादरम्यान ई-साक्ष आणि व्हिडीओ रेकॉर्डिंग यांचाही वापर केला जात असल्याची माहिती समोर आली आहे. डिजिटल स्वरूपातील पुरावे या तपासात महत्त्वाचे ठरण्याची शक्यता आहे.

Nandurbar Crime News: 51 अल्पवयीन पीडित असल्याचा दावा

या प्रकरणातील सर्वात धक्कादायक बाब म्हणजे 51 अल्पवयीन पीडित असल्याची पोलिसांची माहिती आहे. आरोपीविरोधात पॉक्सो कायद्यासह संबंधित कलमांनुसार कारवाई करण्यात आली आहे. आरोपीकडून चौकशी करून या प्रकरणाची व्याप्ती आणि त्यातील इतर संभाव्य आरोपींची भूमिका तपासली जात आहे. नंदुरबार शहर पोलिसांकडून या प्रकरणाचा पुढील तपास सुरू आहे. या प्रकरणात आणखी काही धक्कादायक बाबी समोर येणार? हे पाहणे महत्त्वाचे ठरणार आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

Mumbai Crime News: शाळा सुटताच मुलीला दुचाकीवर बसवले, निर्जनस्थळी नेऊन हात-पाय बांधून नको नको ते केले; मुंबईच्या माहिममधील हादरवणारी घटना, पीडितेसह आरोपीही अल्पवयीन

Vijay Chaudhari Audio Clip: 'मॅडम भाजपचं बॅक ऑफिस चालवत होत्या'; गिरीश महाजनांनंतर विजय चौधरींची आणखी एक ऑडिओ क्लिप व्हायरल, तत्कालीन पोलीस महासंचालकांचा उल्लेख

भिकेश पाटील — Fri, 31 Jul 2026 09:31:04 +0530

Vijay Chaudhari Audio Clip: नंदुरबार भाजपचे माजी प्रदेश महामंत्री विजय चौधरी आणि मंत्री गिरीश महाजन (Girish Mahajan) यांच्यातील कथित ऑडिओ क्लिपवरून (Audio Clip) राजकीय वाद शमलेला नसतानाच, आता विजय चौधरी यांची आणखी एक नवी ऑडिओ क्लिप सोशल मीडियावर (Social Media) व्हायरल झाल्याने प्रचंड खळबळ उडाली आहे. यापूर्वीच्या क्लिपमध्ये एकनाथ खडसे (Eknath Khadse) आणि केंद्रीय राज्यमंत्री रक्षा खडसे (Raksha Khadse) यांच्याबद्दल आक्षेपार्ह भाषा वापरल्याचे समोर आले होते. आता समोर आलेल्या नव्या क्लिपमध्ये नंदुरबार भाजपचे माजी प्रदेश महामंत्री विजय चौधरी आणि नंदुरबारचे तत्कालीन पोलीस अधीक्षक श्रावण दत्त एस यांच्यातील कथित संभाषण समोर आले आहे.

Vijay Chaudhari Audio Clip: तत्कालीन पोलीस महासंचालकांचा उल्लेख आणि 'बॅक ऑफिस'चा दावा

या कथित ऑडिओ क्लिपमध्ये तत्कालीन पोलीस महासंचालकांचा उल्लेख असल्याचे ऐकायला मिळत आहे. या संभाषणात "मॅडम भाजपचे कार्यालय मागून चालवत असल्याचे सांगत होत्या, मी मॅडमला भेटून आलो," असा खळबळजनक दावा विजय चौधरी तत्कालीन पोलीस अधीक्षकांशी बोलताना करत आहेत. तसेच संबंधित महिला अधिकारी निवृत्तीनंतर भाजपच्या खासदार बनतील, अशी चर्चाही या संभाषणात झाल्याचे ऐकायला मिळत आहे. मात्र, या कथित ऑडिओ क्लिपच्या सत्यतेची पुष्टी एबीपी माझा करत नाही.

Vijay Chaudhari Audio Clip: कथित ऑडिओ क्लिपमधील संभाषण

तत्कालीन पोलीस अधीक्षक :- न्यायालयाने नोटीस काढली आहे.

विजय चौधरी :- हा, हा... न्यायालयाने नोटीस काढली होती. त्याच्यात एक केस सुरू होती, नगरपालिकेच्या अंतर्गत वादाची.

तत्कालीन पोलीस अधीक्षक :- हो, त्याच्यात कोर्टाने एक दिवसासाठी त्यांना ताब्यात घेतलं आहे.

विजय चौधरी :- हो, एक दिवसासाठी आहे. पण ते होऊन जाणार.

तत्कालीन पोलीस अधीक्षक :- हो, मला तेच सांगायचं होतं आपल्याला.

विजय चौधरी :- जी, जी सर.

तत्कालीन पोलीस अधीक्षक :- कारण मला पत्रकार फोन करून विचारत होते त्यांच्याबद्दल, त्यांना अटक केली आहे का?

विजय चौधरी :- जी, जी.

तत्कालीन पोलीस अधीक्षक :- अटक नाही केली. आम्ही त्यांना ताब्यात घेतलं आहे. न्यायालयात हजर झाले होते. तुम्हाला माहिती आहे का नाही, त्यासाठी फोन केला होता...

विजय चौधरी :- हो, मला लगेच फोन आला होता. त्याचाही फोन आला होता आणि वकिलांचेही फोन आले होते. त्यावेळेस मी मीटिंगमध्ये होतो. आमच्या प्रदेश कार्यकारिणीत बावनकुळे आणि मी होतो. त्यांच्यासाठी वकिलांनी न्यायाधीशांचीही विनंती केली. ठीक आहे, उद्यापर्यंत करून देतो.

तत्कालीन पोलीस अधीक्षक :- आता ते रुग्णालयात गेले आहेत.

विजय चौधरी :- हो, बरोबर. हॉस्पिटलला आहेत.

विजय चौधरी :- और सर... ये हुआ के नहीं...

तत्कालीन पोलीस अधीक्षक :- क्लिअर हुआ क्या नहीं...

विजय चौधरी :- हो गया. आपके मॅडम के पास बैठा था आधे घंटे पहले... कुछ नहीं, मैं आपके बीजेपी का बॅक ऑफिस चला रही हूँ, ऐसे बोल रही थी. फिर मैंने बोला, आप रिटायरमेंट के बाद बीजेपी के सांसद बनेंगी. हँस रही थी वो भी... फिर...

तत्कालीन पोलीस अधीक्षक :- अरे, हुआ कि नहीं...

विजय चौधरी :- हो गया. हम डटे रहे. क्या था, उनको भी चाहिए था. (शिंदे) मेरे सांसद हैं, मुझे दो साल और दो, फलाना-फलाना है. हमारे बीजेपी में कुछ लोग होते हैं ना, वो भी निगेटिव थे. इनको दिया तो मराठा और दलित समाज खिलाफ जाएंगे. फिर भी हम 'डी. एफ' साहब की ताकत के साथ हटकर खड़े रहे. मैंने तो नंदुरबार में भी एक बोर्ड लगाया...

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

Girish Mahajan and Vijay Chaudhari: एकनाथ खडसे, रक्षा खडसेंविषयी शिवराळ भाषेचा वापर, गिरीश महाजन अन् भाजपच्या विजय चौधरींची ऑडिओ क्लिप व्हायरल; राजकीय वर्तुळात खळबळ

Girish Mahajan and Vijay Chaudhari: एकनाथ खडसे, रक्षा खडसेंविषयी शिवराळ भाषेचा वापर, गिरीश महाजन अन् भाजपच्या विजय चौधरींची ऑडिओ क्लिप व्हायरल; राजकीय वर्तुळात खळबळ

भिकेश पाटील — Thu, 30 Jul 2026 13:44:12 +0530

Girish Mahajan and Vijay Chaudhari: भारतीय जनता पक्षाचे (BJP) उत्तर महाराष्ट्र संयोजक विजय चौधरी (Vijay Chaudhari) आणि मंत्री गिरीश महाजन (Girish Mahajan) यांच्यातील संभाषणाची एक कथित ऑडिओ क्लिप (Viral Audio Clip) सध्या सोशल मीडियावर प्रचंड व्हायरल होत आहे. या कथित ऑडिओ क्लिपमध्ये राष्ट्रवादी शरदचंद्र पवार पक्षाचे ज्येष्ठ नेते एकनाथ खडसे (Eknath Khadse) आणि त्यांच्या सून तथा केंद्रीय राज्यमंत्री रक्षा खडसे (Raksha Khadse) यांच्याबाबत अत्यंत आक्षेपार्ह व भाषेचा वापर करण्यात आल्याचा दावा केला जात आहे. या धक्कादायक प्रकारामुळे भाजपमधील अंतर्गत मतभेद पुन्हा एकदा चव्हाट्यावर आले असून राज्याच्या राजकारणात प्रचंड खळबळ उडाली आहे.

Girish Mahajan and Vijay Chaudhari: कथित संभाषणातील संवाद जसाच्या तसा

विजय चौधरी (उत्तर महाराष्ट्र संयोजक): हॅलो.

गिरीश महाजन (मंत्री): बोला.

विजय चौधरी: या माXXXX खडसे नेहमीच तो असेल त्याची मुलगी असेल, तो असेल बोलत राहतो, आणि रक्षा खडसेला आपण मंत्री करून ठेवला आहे. मंत्री पदावरून काढला पाहिजे, उठल्या सुठल्या काही तरी घाणेरडे काहीही आरोप करतो, दरवेळेस त्याची.

गिरीश महाजन: हम्म हम्म...

विजय चौधरी: हे कसं सहन करायचा पण हा...

गिरीश महाजन: खरं आहे.

विजय चौधरी: तुम्ही सांगा, काय आदेश करणार, सांगा.

गिरीश महाजन: मी करतो बरोबर तुम्ही गंमत बघा...

विजय चौधरी: नाही भाऊ अति झाला ना. प्रत्येक वेळेस तुमच्यावर येतो, माXXXXX घेणं देणं नाही, काही तथ्य नसतं, काहीही खोट बोलतो माXXXXX

गिरीश महाजन: आणि फोटो दाखवतो, भXX 10 लोकांचे फोटो आहेत. सर्व नेत्यांचे फोटो आहेत ना.

विजय चौधरी: मग

गिरीश महाजन: हम्म हम्म....

विजय चौधरी: माXXXX इथे शिरपूरला एका डॉक्टरच्या बायकोसोबत लफडं आहे. दुनियाभरचे पाप त्याच्या मुलीची आहेत.

गिरीश महाजन: हम्म हम्म हो...

विजय चौधरी: माXXXXX हे भाऊ काही तरी आक्रमक भूमिका घेतली पाहिजे आणि पार्टीला सांगितलं पाहिजे चालणार नाही. दुहेरी भूमिका चालणार नाही, एकतर रक्षाचा राजीनामा घ्या, आम्हाला हे पुन्हा चालणार नाही.

गिरीश महाजन: बरोबर...

गिरीश महाजन: करतो करतो काही तरी इलाज करतो..

विजय चौधरी: जी भाऊ तुम्ही सांगा मी त्या भXXX विरोधात पत्र काढतो.

गिरीश महाजन: हम्म करतो मी, त्याचा कर्तव्य मी उठवतो, चला मला विमान पकडायचे आहे.

विजय चौधरी: जी भाऊ....

असे संभाषण दोन्ही नेत्यांमध्ये झाल्याची ऑडिओ क्लिप सध्या सोशल मिडीयावर व्हायरल होत आहे. या ऑडिओ क्लिपची पुष्टी एबीपी माझा करत नाही.

Girish Mahajan and Vijay Chaudhari: राजकीय वर्तुळात उलट-सुलट चर्चांना उधाण

विशेष म्हणजे रक्षा खडसे या सध्या केंद्र सरकारमध्ये मंत्री म्हणून कार्यरत आहेत, तर दुसरीकडे एकनाथ खडसे सातत्याने भाजपच्या स्थानिक व राज्यस्तरीय नेत्यांवर टीका करत असतात. अशा परिस्थितीत उत्तर महाराष्ट्रातील भाजपच्या दोन मोठ्या नेत्यांमधील हे कथित संभाषण बाहेर आल्यामुळे राजकीय वर्तुळाचे या प्रकरणाकडे लक्ष लागले आहे. या ऑडिओ क्लिपवर आता संबंधित नेत्यांकडून काय स्पष्टीकरण येते, हे पाहणे महत्त्वाचे ठरणार आहे.

आणखी वाचा

Girish Mahajan: 'वयाचा विचार करता आम्ही आता किती दिवस काम करणार...'; गिरीश महाजनांचे निवृत्तीचे संकेत? 'त्या' विधानाची जोरदार चर्चा

नंदूरबारमध्ये भाजपातील अंतर्गत वाद पुन्हा चव्हाट्यावर, भाजपाचे माजी प्रदेश सरचिटणीस विजय चौधरींविरोधात गुन्हा दाखल

भिकेश पाटील — Mon, 27 Jul 2026 16:30:38 +0530

Nandurbar News : नंदूरबारमध्ये भाजपातील अंतर्गत वाद पुन्हा चव्हाट्यावर आला आहे. भाजपाचे माजी प्रदेश सरचिटणीस विजय चौधरी यांच्याविरोधात माजी खासदार डॉ. हिना गावित यांच्या भावाने विनयभंग आणि ॲट्रॉसिटी अंतर्गत गुन्हा दाखल करण्यात आला आहे. माजी खासदार डॉ. हिना गावित यांच्याबाबत आक्षेपार्ह शब्दप्रयोग झाल्याचा आरोप असलेली ऑडिओ क्लिप व्हायरल झाल्यानंतर विजय चौधरी यांच्याविरोधात गुन्हा दाखल झाला आहे.

विजय चौधरी आणि संदीप चौधरी यांच्यातील कथित संभाषणाची ऑडिओ क्लिप सोशल मीडियावर व्हायरल झाली आहे. या प्रकरणी नंदूरबार शहर पोलीस ठाण्यात गुन्हा नों झाला आहे. व्हायरल ऑडिओ क्लिपमध्ये आमदार डॉ. विजयकुमार गावित आणि माजी खासदार डॉ. हिना गावित यांच्याबाबत आक्षेपार्ह व अवमानकारक शब्दांचा वापर झाल्याचा आरोप करण्यात आला आहे. माजी खासदार डॉ. हिना गावित यांच्या भावानेच भाजपाचे माजी प्रदेश सरचिटणीस विजय चौधरी यांच्याविरोधात गुन्हा दाखल केल्याने नंदुरबारमधील भाजपातील अंतर्गत वाद पुन्हा एकदा समोर आला आहे. एबीपी माझा या क्लिपची पुष्टी आम्ही करत नाही.

गुजरातमध्ये मुसळधार पाऊस, रेल्वेला मोठा फटका, नंदुरबार मार्गे जाणाऱ्या रेल्वे गाड्या रद्द

भिकेश पाटील — Thu, 23 Jul 2026 21:17:21 +0530

Nandurbar : गुजरातमध्ये सुरु असलेल्या मुसळधार पावसाचा रेल्वेला मोठा फटका बसला आहे. गुजरातच्या वापी ते वलसाड रेल्वे स्थानक दरम्यान रेल्वे रोडवर पाणी आल्यामुळं नंदुरबार मार्गे जाणाऱ्या रेल्वे गाड्या रद्द करण्यात आल्या आहेत. जळगाव नंदुरबार मार्गे मुंबईकडे जाणाऱ्या सर्व रेल्वे गाड्या रद्द झाल्या आहेत. गोरखपूर साप्ताहिक एक्सप्रेस नवापूरपर्यंत धावली, त्यानंतर ही गाडी रद्द करून पुन्हा नंदुरबारकडे आणण्यात आली आहे.
-
भुसावळ दादर खान्देश एक्सप्रेस नंदुरबारपर्यंत धावणार आहे. नंदुरबार नंतर ही गाडी पुढे रद्द होणार आहे. पटना बांद्रा सुपरफास्ट एक्सप्रेस ही अंमळनेर स्थानक पर्यंत जाऊन या ठिकाणाहून रद्द करण्यात आली आहे. रद्द झालेल्या रेल्वे गाड्यांमुळे लाखो प्रवाशांचे झाले हाल झाले आहेत.

रद्द झालेल्या रेल्वे गाड्या खालील प्रमाणे...

22972- पटना टू बांद्रा - बांद्रा टर्मिनस सुपरफास्ट एक्सप्रेस.. पटना वरून सुटून अमळनेर येथे रद्द झाली आहे.
19004- खान्देश एक्सप्रेस ही ट्रेन भुसावळ वरून नंदुरबार पर्यंत धावणार आहे.
15067- बांद्रा टर्मिनल साप्ताहिक एक्सप्रेस.. गोरखपूर वरून ही गाडी नवापूर येथे कॅन्सल करण्यात आली आहे.

मुंबई, पुणेसह राज्यातील बहुतांश सर्व जिल्ह्यांमध्ये पुढील 48 तास पावसाचा जोर राहणार

मुंबई, पुणेसह राज्यातील बहुतांश सर्व जिल्ह्यांमध्ये पुढील 48 तास पावसाचा (Maharashtra Rain Update) जोर कायम राहणार आहे. पालघर, रायगड, नाशिक घाटमाथा, पुणे घाटमाथा यांना रेड अलर्ट देण्यात आला आहे. तर मुंबई, ठाणे, रायगड, रत्नागिरी, सातारा, कोल्हापुरला ऑरेंज अलर्ट देण्यात आला आहे. पश्चिमेकडून वाहणारे वाऱ्यांचा जोर आणि तीव्रता अधिक झाल्यामुळे राज्यातील संपूर्ण भागांमध्ये सध्या पावसाची दमदार हजेरी पाहायला मिळते आहे. पूर्व विदर्भासह मराठवाड्यातील सगळ्या जिल्ह्यांमध्ये पाऊस चांगला झाल्यामुळे शेतकऱ्यांसाठी दिलासादायक वातावरण निर्माण झालं आहे. संपूर्ण मुंबईसह उपनगरात पावसाचा (Mumbai Rain News) चांगलाच जोर आहे. दक्षिण मुंबई, अंधेरी, बोरिवली, विरार, ठाणे, कल्याण डोंबिवली, अंबरनाथ, बदलापूर, नवी मुंबई, पनवेल, भिवंडी, पालघर सगळीकडे रात्रभर पाऊस सुरू आहे. तर पुढील 48 तासानंतर राज्यात पावसाचा जोर कमी होईल, अशी माहिती भारतीय हवामान विभागाने दिली आहे.

भंडारा जिल्ह्यात मुसळधार पाऊस, इंदुरखा ते रोहना गावाला जोडणारा रस्ता गेला वाहून

मागील पाच दिवसांपासून भंडारा जिल्ह्यात मुसळधार पावसानं हजेरी लावलेली आहे. परिणामी, नदी - नाले आता प्रवाहित झाले आहेत. भंडाऱ्याच्या मोहाडी तालुक्यातील इंदुरखा ते रोहना गावाला जोडणारा रस्ता या मुसळधार पावसानंतर वाहून गेलाय. मुख्यमंत्री ग्रामसडक योजनेअंतर्गत तयार करण्यात आलेल्या या रस्तावर सध्या कोट्यवधी रुपये खर्चून मोठ्या पुलाची निर्मिती करण्यात येत आहे. त्यामुळं नागरिकांच्या वर्दळीसाठी बाजूला तयार करण्यात आलेला रस्ता मुसळधार पावसानंतर पूर्णपणे वाहून गेला आहे.

धक्कादायक! नंदुरबारच्या नवापूरमध्ये नदीत बुडून दोन अल्पवयीन मुलांचा अंत, तर एकावर उपचार सुरु

भिकेश पाटील, एबीपी माझा — Sat, 11 Jul 2026 23:40:09 +0530

Nandurbar : नंदुरबार जिल्ह्यात धक्कादायक घटना घडली आहे. नवापूरमध्ये नदीत बुडून दोन अल्पवयीन मुलांचा दुर्दैवी मृत्यू झाल्याची घटना घडली आहे. आठवडा बाजार परिसरातील रंगवाली नदीच्या शेंड्या डुब येथे ही घटना घडली आहे. आंघोळीसाठी गेलेल्या तिघांपैकी दोघांचा मृत्यू झाला आहे, तर एकावर उपचार सुरु आहेत.

या घटनेमुळं सर्वत्र हळहळ व्यक्त केली जात आहे

मिळालेल्या माहितीनुसार, मृतांमध्ये आवेश अजिज मक्राणी (10) आणि अमान जावीद सैय्यद (13) यांचा समावेश आहे. फरान अजिज मक्राणी (13) याची प्रकृती स्थिर; पुढील उपचारासाठी जिल्हा रुग्णालयात हलवण्यात आलं आहे. डॉ. युवराज पराडके व वैद्यकीय पथकाचे जीव वाचविण्यासाठी शर्थीचे प्रयत्न केले.
यामध्ये सख्ख्या दोन भावांपैकी लहान भावाचा मृत्यू झाला आहे. या घटनेमुळं सर्वत्र हळहळ व्यक्त केली जात आहे. मक्राणी कुटुंबावर दुःखाचा डोंगर कोसळला आहे.

नवापूर पोलिसांकडून पंचनामा व पुढील कायदेशीर कारवाई सुरु

उपजिल्हा रुग्णालयात नातेवाईकांचा आक्रोश पाहायला मिळत आहे. या ठिकाणी नागरिकांनी मोठी गर्दी केली आहे. नवापूर पोलिसांकडून पंचनामा व पुढील कायदेशीर कारवाई सुरु करण्यात आली आहे. नदी, तलाव व धोकादायक जलसाठ्यांमध्ये मुलांनी आंघोळ करु नये, पालकांनी विशेष काळजी घ्यावी, असे आवाहन करण्यात आलं आहे.

ठाण्यातील वागळे इस्टेटमध्ये कारवर आणि तिथून जाणाऱ्या एका 25 वर्षीय तरुणीवर अचानक झाड कोसळळे

ठाण्यातील वागळे इस्टेट येथील यशोधन नगर भागात 7 जुलैला मंगळवारी सायंकाळी साडेसहाच्या सुमारास रस्त्याच्या कडेला उभ्या असलेल्या कारवर आणि तिथून जाणाऱ्या एका 25 वर्षीय तरुणीवर अचानक मोठे झाड कोसळल्याची दुर्घटना घडली होती. या अपघातात दृष्टी कदम ही तरुणी गंभीर जखमी झाली असून तिच्या पाठीला मोठी दुखापत झाली आहे. तिला तातडीने ज्युपिटर हॉस्पिटलमध्ये दाखल करण्यात आले असून तिच्यावर शस्त्रक्रिया करण्यात आली आहे. या घटनेची माहिती मिळताच उपमुख्यमंत्री एकनाथ शिंदे यांनी ज्युपिटर रुग्णालयाला जखमी तरुणीवर आवश्यक ते सर्व उपचार करण्याचे निर्देश दिले आहेत. आपत्तीच्या काळात एकाही नागरिकाचा मृत्यू होता कामा नये," अशा कडक सूचना त्यांनी प्रशासनाला दिल्या आहेत. उपमुख्यमंत्र्यांच्या देखरेखीखालीच तरुणीचे पुढील उपचार सुरू असून सध्या तिची प्रकृती स्थिर आहे. दरम्यान, ठाणे महानगरपालिकेच्या माजी महापौर मीनाक्षी शिंदे यांनी ज्युपिटर रुग्णालयात जाऊन जखमी दृष्टी कदम आणि तिच्या कुटुंबीयांची भेट घेत धीर दिला. ठाणे महानगरपालिका प्रशासनानेही या घटनेची गंभीर दखल घेतली आहे.

धक्कादायक! नंदुरबारच्या शहादात समाज कल्याण वस्तीगृहात 40 ते 50 विद्यार्थ्यांना विषबाधा, 3 जणांची प्रकृती चिंताजनक

भिकेश पाटील — Sat, 11 Jul 2026 22:07:34 +0530

Nandurbar : नंदुरबार जिल्ह्यातील शहादा शहरात धक्कादायक घटना घडली आहे. शहादा शहरातील समाज कल्याण वस्तीगृहात विद्यार्थ्यांना अन्नातून विषबाधा झाल्याची घटना समोर आली आहे. डाळ भात, शेवगा, चपाती खाल्ल्यानंतर 15 मिनिटांनी विद्यार्थ्यांना उलट्यांचा त्रास जाणवू लागल्याने तातडीने रुग्णालयात दाखल करण्यात आलं आहे. वस्तीगृहातील 40 ते 50 विद्यार्थ्यांना अन्न विषबाधा झाल्याची प्राथमिक माहिती मिळाली आहे. यातील 3 विद्यार्थ्यांची प्रकृती चिंताजनक असल्याने त्यांना खासगी रुग्णालयात उपचारासाठी दाखल करण्यात आलं आहे.

अन्न विषबाधा झालेल्या सर्व विद्यार्थ्यांना शहादा ग्रामीण रुग्णालयात उपचार सुरु

अन्न विषबाधा झालेल्या सर्व विद्यार्थ्यांना शहादा ग्रामीण रुग्णालयात उपचार सुरु आहेत. तहसीलदार संभाजी पाटील, प्रांत अधिकारी दीपक गिरासे, शहादा पोलीस ग्रामीण रुग्णालयात दाखल झाले आहेत. निष्कृष्ट अन्न देत असल्यामुळं आम्ही या अगोदरही तक्रार केल्याची प्रतिक्रिया विद्यार्थ्यांनी दिली आहे. वसतीगृहातील वॉर्डन आणि शिक्षक रुग्णालयात न आल्याने विद्यार्थ्यांचा आक्रोश आहे.

ठाण्यातही 55 ते 60 विद्यार्थ्यांना शैक्षणिक सहलीदरम्यान अन्नातून विषबाधा

ठाणे महापालिका कार्यक्षेत्रातील वर्तकनगर येथील एका खाजगी शाळेतील सुमारे 160 मुलं सहलीला गेले असताना 55 ते 60 विद्यार्थ्यांना शैक्षणिक सहलीदरम्यान अन्नातून विषबाधा झाल्याची धक्कादायक घटना समोर आली आहे. या गंभीर प्रकरणाची सखोल आणि निष्पक्ष चौकशी करून जबाबदार व्यक्ती आणि शाळा प्रशासनावर कठोर कायदेशीर कारवाई करावी, अशी मागणी ठाणे महापालिकेचे उपमहापौर कृष्णा दादू पाटील यांनी जिल्हाधिकारी आणि शाळा प्रशासन तसेच महापालिका आयुक्तांकडे पत्राद्वारे केली आहे.

खासगी शाळेतील इयत्ता तिसरी आणि चौथीच्या विद्यार्थ्यांना 1 व 2 जुलै रोजी मुंबईतील लोअर परळ येथे एका विज्ञान विषयक कार्यक्रमासाठी 160 मुलांना त्या खासगी शाळेतर्फे नेण्यात आले होते. या प्रवासादरम्यान शाळा प्रशासनाने ठरवून दिलेल्या ट्रॅव्हल्स कंपनीमार्फत विद्यार्थ्यांच्या अल्पोपहार आणि भोजनाची व्यवस्था करण्यात आली होती. मात्र, हा आहार घेतल्यानंतर तब्बल 55 ते 60 विद्यार्थ्यांना उलट्या आणि जुलाबाचा तीव्र त्रास सुरू झाला. परिस्थिती बिघडल्याने अनेक विद्यार्थ्यांना ठाण्यातील इतर खाजगी रुग्णालयांमध्ये तातडीने उपचारासाठी दाखल करावे लागले. यामुळे पालक वर्गात प्रचंड चिंतेचे आणि भीतीचे वातावरण आहे.

या घटनेनंतर शाळा प्रशासनाने आपली चूक सुधारण्याऐवजी अत्यंत बेजबाबदार भूमिका घेतली असून"तुमच्या मुलांची रोगप्रतिकारक शक्ती (इम्युनिटी पॉवर) कमी आहे," असे सांगून शाळा प्रशासन पालकांना गप्प करण्याचा आणि प्रकरण दाबण्याचा प्रयत्न करत असल्याची चर्चा दबक्या आवाजात सुरू आहे. एकाच वेळी 55 हून अधिक मुलांना त्रास होणे हा केवळ वैयक्तिक इम्युनिटीचा भाग असूच शकत नाही, हे स्पष्ट असतानाही शाळा आपली जबाबदारी झटकत आहे.उपमहापौर कृष्णा पाटील यांनी यावर तीव्र आक्षेप घेतला असून, शाळा प्रशासनाने तातडीने उपाययोजना करण्याऐवजी पालकांकडे दुर्लक्ष केल्याचे पत्रात म्हटले आहे.