राधाकृष्ण विखे पाटलांचे बॅनर फाडले; मराठा आंदोलक आक्रमक, जरांगे पाटलांचाही सरकारला इशारा

Maharashtra Rain Weather updates: वाऱ्यांचा वेग वाढला, वातावरण बदलायला सुरुवात, 13 राज्यांत पाऊस पडणार, महाराष्ट्रात काय स्थिती?

रोहित धामणस्कर — Mon, 26 Oct 2026 07:43:38 +0530

Maharashtra Rain Weather updates: बंगालच्या उपसागरात गेल्या काही तासांमध्ये सुरु असलेल्या हालचालींमुळे येत्या काही तासांमध्ये देशातील 10 राज्य आणि 3 केंद्रशासित प्रदेशांमध्ये पावसाची (Rain news) शक्यता वर्तवण्यात आली आहे. यामध्ये तामिळनाडू, केरळ, तेलंगणा, आंध्र प्रदेश, कर्नाटक, ओडिशा, नागालँड, मणिपूर, मिझोराम आणि त्रिपुरा या राज्यांचा समावेश आहे. तर येत्या तीन दिवसांमध्ये महाराष्ट्रातील काही भागातही पावसाची शक्यता वर्तविण्यात आली आहे. गेल्या काही दिवसांपासून पूर्व-मध्य बंगालच्या उपसागरात तयार झालेले कमी दाबाचे क्षेत्र निर्माण होण्यास सुरुवात झाली आहे. हे कमी दाबाचे क्षेत्र पश्चिम-वायव्य दिशेने सरकत असून त्याचे चक्रीवादळात (Cyclone) रुपांतर होण्याची शक्यता आहे. या संभाव्य चक्रीवादळाचे नाव 'अर्णव' असे ठेवण्यात आले होते. (Weather updates in Maharashtra)

या सगळ्या वातावरणीय बदलांमुळे पुढील काही तासांत देशाच्या विविध भागात पाऊस पडू शकतो. तामिळनाडू आणि पद्दुचेरीत 50 ते 60 किमी प्रतितास वेगाने वारे वाहण्याची शक्यता आहे. तर बंगालच्या खाडीतील वाऱ्याचा वेग ताशी 90 ते 100 किमीपर्यंत असण्याची शक्यता आहे. या सगळ्याचा परिणाम महाराष्ट्रावर होण्याची शक्यता आहे. दोन दिवसांपूर्वी हवामान खात्याने याविषयी भाकीत वर्तविताना सांगितले होते की, 27 ते 29 ऑक्टोबरदरम्यान महाराष्ट्रातील काही भागांत पाऊस (Maharashtra Rain Updates) पडण्याची शक्यता आहे. विशेषतः विदर्भ आणि मराठवाड्यात ढगाळ वातावरण निर्माण होऊन पावसाच्या सरी कोसळू शकतात, असा अंदाज हवामान खात्याने वर्तवला होता. हवामान खात्याच्या नव्या अंदाजानुसार, महाराष्ट्रात पुढचे दोन दिवस तर कोरडे हवामान राहू शकते. 27 ऑक्टोबरला गडचिरोली जिल्ह्यासाठी पावसाचा यलो अलर्ट जारी करण्यात आला आहे. यावेळी वाऱ्याचा वेग हा 30 ते 40 किमी प्रतितास राहण्याची शक्यता आहे.

28 ऑक्टोबरला महाराष्ट्रात 9 जिल्ह्यांमध्ये पावसाची शक्यता आहे. यापैकी गडचिरोली जिल्ह्याला पावसाचा ऑरेंज अलर्ट जारी करण्यात आला आहे. त्यामुळे गडचिरोलीत या दिवशी मुसळधार ते अतिमुसळधार पावसाची शक्यता आहे. तसेच कोल्हापूर घाट परिसर, हिंगोली, नांदेड, चंद्रपूर, गोंदिया, नागपूर, वर्धा, यवतमाळ या जिल्ह्यांना पावसाचा यलो अलर्ट जारी करण्यात आला आहे. तसेच कोकणातही पावसाच्या सरी बरसण्याची शक्यता आहे. 29 ऑक्टोबरला रत्नागिरी, नाशिक घाट परिसर, पुणे घाट परिसर, सातारा घाट परिसर, जालना, भंडारा, गडचिरोली, गोंदिया या जिल्ह्यांमध्ये पावसाची शक्यता आहे. हवामान विभागाकडून या जिल्ह्यांना पावसाचा यलो अलर्ट जारी करण्यात आला आहे.

आणखी वाचा

Maharashtra Rain Update : बंगालच्या उपसागरातील चक्रीवादळ महाराष्ट्राला फलदायी ठरणार? पुढील आठवड्यात मराठवाडा, विदर्भात जोरदार पाऊस कोसळणार?

Nanded : अवघे 10 हजारांचे कर्ज, शेतकऱ्याचा फायनान्स कंपनीत संशयास्पद मृत्यू; मारहाण करून बनाव रचल्याचा कुटुंबाचा गंभीर आरोप

अभिषेक एकबोटे, एबीपी माझा — Sat, 24 Oct 2026 15:54:21 +0530

नांदेड : दुष्काळाच्या अडचणीत सापडलेल्या शेतकऱ्यांच्या दारात कर्जाच्या वसुलीसाठी फायनान्स कंपन्यांनी जाऊ नये, असा राज्य सरकारने सक्त आदेश दिला आहे. मात्र, या आदेशाचे सर्रास उल्लंघन होत असल्याचे चित्र पाहायला मिळत आहे. यातूनच शेतकऱ्यांच्या छळवणुकीच्या गंभीर घटना समोर येत असून, आता नांदेडमध्ये एक अत्यंत धक्कादायक आणि संतापजनक प्रकार उघडकीस आला आहे. अवघ्या 10 हजार रुपयांच्या कर्जासाठी एका खासगी फायनान्स कंपनीच्या कार्यालयात 40 वर्षीय शेतकऱ्याचा संशयास्पद मृत्यू झाला आहे.

माळकौठा येथील रहिवासी असलेले चंद्रकांत शिंदे (वय 40) यांचा हा मृतदेह शहरातील के एफ एंटरप्रायझेस या खासगी फायनान्स कंपनीच्या कार्यालयात आढळून आला आहे. या घटनेनंतर चंद्रकांत शिंदे यांच्या कुटुंबावर दुःखाचा डोंगर कोसळला असून, फायनान्स कंपनीच्या कर्मचाऱ्यांनी घातपात करून त्यांना मारून त्यांच्या गळ्याला फास लावल्याचा गंभीर आरोप नातेवाईकांनी केला आहे. या घटनेमुळे संपूर्ण नांदेड जिल्ह्यात एकच खळबळ उडाली आहे.

Nanded Farmer News : नक्की काय घडलं?

मिळालेल्या माहितीनुसार, चंद्रकांत शिंदे यांच्याकडे दोन एकर शेती होती. त्यांनी आपल्या गरजेपोटी 'KF एंटरप्रायजेस' या खासगी फायनान्स कंपनीकडून फक्त 10 हजार रुपयांचे कर्ज घेतले होते. या कर्जाच्या वसुलीसाठी फायनान्स कंपनीचे कर्मचारी बुधवारी त्यांना गावातून थेट कंपनीच्या कार्यालयात घेऊन आले होते. मात्र, त्यानंतर गुरुवारी त्यांचा मृतदेह याच फायनान्स कंपनीच्या ऑफिसमध्ये लटकलेल्या अवस्थेत आढळून आला.

Crime News Marathi : मारून गळ्याला फास लावल्याचा कुटुंबाचा गंभीर आरोप

मृत चंद्रकांत शिंदे यांच्या पश्चात कुटुंबात एक मुलगा, एक मुलगी आणि पत्नी असा परिवार आहे. केवळ 10 हजारांच्या वसुलीसाठी फायनान्स कंपनीच्या लोकांनी त्यांना कार्यालयात डांबून मारहाण केली आणि त्यानंतर बनाव रचण्यासाठी मृतदेह लटकल्याच्या अवस्थेत टांगला, असा खळबळजनक आरोप शिंदे परिवाराने केला आहे.

Nanded Police Investigation : पोलिसांचा तपास सुरू

या घटनेची माहिती मिळताच पोलिसांनी तातडीने घटनास्थळी धाव घेऊन पंचनामा केला आहे. याप्रकरणी पोलिसांनी संशयास्पद मृत्यूची नोंद केली असून अधिक तपास सुरू केला आहे. शवविच्छेदन (Post Mortem) अहवाल आल्यानंतरच मृत्यूचे नेमके कारण स्पष्ट होईल, असे पोलिसांकडून सांगण्यात आले आहे. मात्र, सरकारच्या वसुली बंदीच्या आदेशानंतरही फायनान्स कंपन्यांची ही दडपशाही आणि छळवणूक कधी थांबणार? असा संतप्त सवाल आता उपस्थित होत आहे.

ही बातमी वाचा:

बस थांबवली नाही तर हातात कोयता घेऊन रस्त्यावर उभे राहणार; मुंबईच्या कोळी महिलांचा संताप, बेस्टला इशारा

Farmers Death Maharashtra: कर्जमाफीच्या यादीत नाव आलं नाही, नांदेडच्या शेतकऱ्याने रडतरडत प्राण सोडले, काळीज हेलावून टाकणारा व्हिडीओ

रोहित धामणस्कर — Tue, 20 Oct 2026 07:27:46 +0530

Farmers Death Maharashtra: राज्यावर भीषण दुष्काळ आणि पाणी टंचाईचे संकट ओढावल्याने अनेक शेतकरी मनातून खचले आहेत. याचेच प्रत्यंतर नांदेड (Nanded news) जिल्ह्यात आले आहे. नांदेडमधील शंकर क्षीरसागर या शेतकऱ्याने राज्य सरकारच्या कर्जमाफीच्या यादीत नाव न आल्याने आत्महत्या (Farmers Suicide) केली आहे. आत्महत्या करण्यापूर्वी या शेतकऱ्याने एक व्हिडीओ सोशल मीडियावर शेअर केला होता. यामध्ये शंकर क्षीरसागर पाणावल्या डोळ्यांनी आपली व्यथा मांडत आहेत. हा व्हिडीओ सोशल मिडीयावर तुफान व्हायरल झाला आहे. (Maharashtra Drought)

या व्हिडीओत शंकर क्षीरसागर यांनी म्हटले आहे की, मी कलेक्टर साहेबांना विनंती करत आहे की, तीन कर्जमाफी झाल्या, तरीही एका कर्जमाफीच्या यादीत माझं नाव आलं नाही, त्यामुळे मी आत्महत्या करत आहे. सरकारने माझ्या मृत्यूची गांभीर्याने चौकशी करावी. शासन बोलतं विद्यार्थ्यांना फी माफ आहे, माझी मुलगी मेडिकलला आहे, शिवानी शंकर क्षीरसागर, आम्हाला अर्ज करुनही फी माफी मिळालेली नाही. कलेक्टर साहेबांना विनंती करतो, गांभीर्याने या सगळ्याची चौकशी करावी, असे शंकर क्षीरसागर यांनी व्हिडीओत म्हटले आहे. हा व्हिडीओ शुट केल्यानंतर त्यांनी स्वत:चे आयुष्य संपवले होते.

राज्यातील दुष्काळी परिस्थितीच्या पार्श्वभूमीवर सरकारने शेतकऱ्यांना नुकतीच 5000 रुपयांची मदत देऊ केली होती. मात्र, ही मदत अत्यंत तुटपुंजी असल्याची टीका होत आहे. पाच हजार रुपयांत शेतकरी दिवाळी कशी साजरी करणार, असा प्रश्न शेतकऱ्यांकडून सरकारला विचारला जात आहे.

Rohit Pawar: शेतकऱ्याला वाचवायचं असेल तर सरकारने अहंकार बाजूला ठेवावा: रोहित पवार

नांदेडमधील शेतकऱ्याच्या आत्महत्येपूर्वीचा व्हिडीओ शेअर करत आमदार रोहित पवार यांनी राज्य सरकारला लक्ष्य केले आहे. नांदेड जिल्ह्यातील शंकर क्षीरसागर या शेतकऱ्याने आत्महत्येपूर्वी केलेला हा व्हिडिओ मन सुन्न करणारा आहे.. मुख्यमंत्री महोदय या शेतकऱ्याची आर्त हाक कदाचित तुमच्या कानापर्यंत पोचेल पण मनापर्यंत पोचेल की नाही हा अजूनही प्रश्नच आहे. परवा पत्रकार परिषदेत दुष्काळाचं प्रेझेंटेशन करताना ‘शिवार हेल्पलाईन’चे विनायक हेगाना यांनी वर्तवलेली भीती आणि आज पुढं आलेलं वास्तव, हे चिंता वाढवणारं आहे.

नांदेड जिल्ह्यातील शंकर क्षीरसागर या शेतकऱ्याने आत्महत्येपूर्वी केलेला हा व्हिडिओ मन सुन्न करणारा आहे.. मुख्यमंत्री महोदय या शेतकऱ्याची आर्त हाक कदाचित तुमच्या कानापर्यंत पोचेल पण मनापर्यंत पोचेल की नाही हा अजूनही प्रश्नच आहे. परवा पत्रकार परिषदेत दुष्काळाचं प्रेझेंटेशन करताना ‘शिवार हेल्पलाईन’चे विनायक हेगाना यांनी वर्तवलेली भीती आणि आज पुढं आलेलं वास्तव, हे चिंता वाढवणारं आहे. मायबाप सरकार शेतकऱ्याला वाचवायचं असेल तर अहंकार बाजूला ठेवून आमच्यासारख्या विरोधकांनी मांडलेल्या मुद्द्यांवरही सकारात्मक विचार करा. अन्यथा बळीराजा मरत राहील आणि त्याच्या सरणावर सरकारच्या इज्जतीची रोज राख होत जाईल..! सरकारने अजूनही सुधरावं आणि शंकर क्षीरसागर या शेतकऱ्याच्या डोळ्यातील पाणी आणि त्यांची आर्त हाक ते गेल्यानंतर तरी ऐकावी. आम्हीही तुम्हाला कित्येकदा हेच ओरडून सांगतोय. शंकर क्षीरसागर यांना भावपूर्ण श्रद्धांजली! @Dev_Fadnavis @mieknathshinde @SunetraA_Pawar @bharanemamaNCP
— Rohit Pawar (@RRPSpeaks) October 19, 2026

मायबाप सरकार शेतकऱ्याला वाचवायचं असेल तर अहंकार बाजूला ठेवून आमच्यासारख्या विरोधकांनी मांडलेल्या मुद्द्यांवरही सकारात्मक विचार करा. अन्यथा बळीराजा मरत राहील आणि त्याच्या सरणावर सरकारच्या इज्जतीची रोज राख होत जाईल..! सरकारने अजूनही सुधरावं आणि शंकर क्षीरसागर या शेतकऱ्याच्या डोळ्यातील पाणी आणि त्यांची आर्त हाक ते गेल्यानंतर तरी ऐकावी. आम्हीही तुम्हाला कित्येकदा हेच ओरडून सांगतोय. शंकर क्षीरसागर यांना भावपूर्ण श्रद्धांजली, असे रोहित पवार यांनी व्हिडीओत म्हटले आहे.

आणखी वाचा

Washim News: सततची नापिकी, वाढता कर्जाचा डोंगर अन् त्यात दुष्काळाचं भीषण चक्र; बळीराज्याच्या संयमाचा बांध फुटला, विष प्राशन करून जीवन संपवलं, वाशिमच बोर्डी हादरलं!

Nanded Accident News: पहाटे चार वाजता टेम्पो दरीत कोसळला, तिघांचा मृत्यू, 3 गंभीर जखमी; रेणुका मातेचे दर्शन घेऊन येताना काळाचा घाला

अभिषेक एकबोटे, एबीपी माझा — Fri, 16 Oct 2026 09:37:36 +0530

Nanded Accident News: पहाटे चार वाजता टेम्पो दरीत कोसळला, तिघांचा मृत्यू, 3 गंभीर जखमी; रेणुका मातेचे दर्शन घेऊन येताना काळाचा घाला

Mahajyoti-Vanarti Exams : पुण्यासह नांदेडच्या परीक्षा केंद्रावर पुन्हा परीक्षा होणार, महाज्योती अन् वनार्टी संस्थेमार्फत स्पष्टीकरण; अहवालानंतर दोषींवर कारवाईचाही शब्द

तुषार कोहळे — Wed, 7 Oct 2026 14:55:20 +0530

Mahajyoti-Vanarti Re-examination : महाज्योती (Mahajyoti) आणि वनार्टी (Vanarti Exams) संस्थेमार्फत घेण्यात येणाऱ्या प्रशिक्षण पूर्व परीक्षेसाठी तीन दिवस 64 केंद्रावर परीक्षा घेतली जात आहे. यासाठी 90 हजार 600 विद्यार्थ्यांनी परीक्षेसाठी आज अर्ज केले. मात्र आज पहिल्या दिवशी 30 हजार विद्यार्थी परीक्षा सुरु असतांना सनराईत आंबेगाव पुणे (Pune) आणि नांदेडच्या (Nanded) मराठवाडा ऑनलाईन या परीक्षा केंद्रावर तांत्रिक अडचण आल्यामुळे परीक्षा रद्द करण्यात आली. यूपीएससी, एमपीएससी, पोलीस भरती यासाठी जे आमचं प्रशिक्षण घेतलं जातं, त्या प्रशिक्षणासाठी हि निवड परीक्षा होती. परिणामी आता नवीन तारीख आणि नवीन वेळ लवकरच विद्यार्थ्यांना कळविण्यात येईल, असे स्पष्टीकरण महाज्योती आणि वनार्टी संस्थेमार्फत देण्यात आले आहे. महाज्योतीचे व्यवस्थापकीय संचालक मिलिंद नारिंगे आणि वनार्टीचे व्यवस्थापकीय संचालक प्रशांत वावगे यांनी एकत्रित पत्रकार परिषद घेत या संदर्भात माहिती दिली आहे.

दरम्यान, परीक्षेवेळी तांत्रिक अडचण होती आणि त्या संदर्भात अहवाल मागितलेला आहे. अहवालात नेमकी काय तांत्रिक अडचण आली, हे कळेल. शिवाय कोणी दोषी आढळल्यास कारवाई केली जाईल, असेही यावेळी सांगण्यात आले.

Mahajyoti-Vanarti Re-examination : केवळ त्याच विद्यार्थ्यांसाठी नव्याने परीक्षा, कुठलेही परीक्षा शुल्क आकारले जाणार नाही

दरम्यान, नव्याने परीक्षा केवळ त्याच विद्यार्थ्यांसाठी होईल, नवीन सेंटर आम्ही आयडेंटिफाय करतोय आणि लवकरच विद्यार्थ्यांना त्याबाबत कळवण्यात येईल. या सेंटरवर तीनशे विद्यार्थी होते, त्या विद्यार्थ्यांची पुन्हा परीक्षा घेतली जाईल. तर पुणे केंद्रावर लॉगिंग होत नव्हते, तर तिकडे नांदेडमधील सेंटरवर वीज गेल्याने ट्रिप झाली होती. त्यामुळे दोन्ही केंद्रावर पुन्हा परीक्षा घेणार असल्याचे महाज्योती आणि वनार्टी संस्थेमार्फत सांगण्यात आलं आहे. तर नव्याने घेण्यात येणाऱ्या या परीक्षेसाठी कुठलेही परीक्षा शुल्क आकारले जाणार नाही, अशी देखील माहीती देण्यात आली आहे.

Mahajyoti-Vanarti Re-examination : सेंटरवरच्या सर्व विद्यार्थ्यांची सुविधेनुसार पुढची डेट आणि सेंटर

परीक्षेसाठी 90 हजार 600 विद्यार्थ्यांनी अर्ज केलेला आहे, त्यासाठी ही परीक्षा घेण्यात आली होती. 32 शहरांमध्ये 64 सेंटरवर ही परीक्षा आयोजित करण्यात आली होती. बाकी इतर सर्व सेंटर सुरळीत पार पडली आहे. या सेंटरवरच्या सर्व विद्यार्थ्यांची सुविधेनुसार पुढची डेट आणि सेंटर आजच सांगणार आहोत. विद्यार्थ्यांना कुठल्याही प्रवासाची अडचण येणार नाही. तसेच यानंतरचे सगळे सेंटर हे सुद्धा सेंटर तपासून घेतले होते. पण तांत्रिक अडचण आली. मात्र यापुढे आम्ही याची खबरदारी घेऊ असे देखील महाज्योती आणि वनार्टी संस्थेमार्फत सांगण्यात आलं आहे.

इतर महत्वाच्या बातम्या

Mumbai High Court On Pune MPSC Protest: पुण्यातील आंदोलक विद्यार्थी अँटी सोशल नाहीत, सध्या संपूर्ण वातावरण दूषित झालंय, राज्य सरकारने तीन आठवड्यात म्हणणं मांडावं, हायकोर्टाने खडसावलं

धक्कादायक! तू माझ्याशी बोल म्हणत माथेफिरूचा तरुणीवर चाकूहल्ला, कॉलेज युवती गंभीर जखमी; आरोपी ताब्यात

अभिषेक एकबोटे, एबीपी माझा — Tue, 6 Oct 2026 16:38:42 +0530

नांदेड : राज्यातील महिलांवरील अत्याचाराच्या घटना कमी होताना दिसून येत नाहीत, कालच सांगली जिल्ह्यातील ईश्वरपूरमध्ये एका इंजिनिअरींगच्या तरुणीवर सामूहिक अत्याचार केल्याची घटना घडली होती. त्यातच, नांदेडमध्येही (Nanded) एकतर्फी प्रेमातून एका माथेफिरुन तरुणीवर प्राणघातक हल्ला केल्याने परिसरात खळबळ उडाली. कॉलेजवरून मैत्रिणीसोबत घरी जाणाऱ्या 12 वीच्या विद्यार्थिनीवर एका सिरफिऱ्या तरुणाने प्राणघातक हल्ला केला. याप्रकरणी पोलिसांनी (Police) गुन्हा दाखल केला असून आरोपीला अटक केली आहे.

तरुणीने बोलण्यास नकार दिल्याने संतापलेल्या रोहित पोहरे नावाच्या तरुणाने या विद्यार्थिनीवर धारदार शस्त्राने वार करत तिला गंभीर जखमी केले. सुदैवाने तिथे जमलेल्या नागरिकांनी धाव घेत तरुणीची सुटका केली आणि हल्लेखोराला पकडून पोलिसांच्या स्वाधीन केले. नांदेडमध्ये घडलेल्या या घटनेने एकच खळबळ उडाली आहे. आरोपी रोहित पोहरे हा गेल्या दोन वर्षांपासून पीडित तरुणीचा पाठलाग करत होता. काल ती कॉलेजवरून घरी जात असताना रोहितने तिला अडवून बोलण्याचा आग्रह धरला. मात्र, मुलीने बोलण्यास स्पष्ट नकार दिल्याने आरोपीने तिच्यावर धारदार शस्त्राने हल्ला केला. पोलिसांनी दिलेल्या माहितीनुसार तरुणीच्या छातीवर पोटावर आणि पाठीवर गंभीर जखमा झाल्या आहेत. मध्यरात्री पोलिसांनी आरोपी रोहितवर पॉक्सो आणि जीवे मारण्याचा प्रयत्न केल्याप्रकरणी गुन्हा दाखल केला आहे.

आरोपी दोन वर्षांपासून माझ्या मुलीच्या मागे होता. आम्ही त्याच्या घरी जाऊन त्याच्या घरच्यांना सांगितले होते की, तुमच्या मुलाला समजावून सांगा, माझ्या मुलीला खूप शिकवायचे आहे. तो जीव देतो अशी धमकी सुद्धा द्यायचा. पण, तो एवढं मोठं पाऊल उचलेल याची आम्हाला कधी कल्पनाच नव्हती. या आरोपीला कठोरात कठोर शिक्षा झाली पाहिजे, अशी मागणी पीडित मुलीच्या आईने केली आहे.

मानसोपचारतज्ज्ञांचं मत

नांदेडमधील या घटनेने पुन्हा एकदा महिला आणि मुलींच्या सुरक्षेचा प्रश्न उपस्थित केला आहे. पीडित तरुणीची प्रकृती आता धोक्याबाहेर असली तरी आरोपी रोहित पोहरेला कठोर शिक्षा मिळावी अशी मागणी जोर धरू लागली आहे. तरुणांमध्ये हिंसेचा विचार वाढतोय आणि सहिष्णुता कमी होत चालली आहे. जिच्यावर प्रेम करतो ती आपला हक्क आहे' ही विकृत भावना धोकादायक आहे. समाजातील प्रत्येक घटकाने याचा गांभीर्याने विचार करण्याची गरज असून अशा विकृत मनोवृत्तीवर कठोर कारवाई झाला पाहिजे, असे मानसोपचारतज्ज्ञ डॉ. दी.बा. जोशी यांनी म्हटलं.

हेही वाचा

बॅरिकेड्सवर चढत तिरंगा फडकावला, ज्ञानेश कुमारांच्या विरोधात राहुल गांधी आक्रमक, दिल्ली दणाणली

Sunetra Pawar: 'मी मराठवाड्याची लेक, तुम्हाला वाऱ्यावर सोडणार नाही'; सुनेत्रा पवारांचा बळीराजाला शब्द, बांधावर जाऊन जाणून घेतल्या अडचणी

निलेश बुधावले, एबीपी माझा — Sat, 26 Sep 2026 10:51:55 +0530

Sunetra Pawar: मी मराठवाड्याची (Marathwada) लेक आहे. या मातीतल्या शेतकऱ्यांच्या (Farmers) अडचणी आणि वेदना मला चांगल्या प्रकारे समजतात. कोणत्याही शेतकऱ्याला सरकार वाऱ्यावर सोडणार नाही," असा शब्द राज्याच्या उपमुख्यमंत्री (Deputy Chief Minister) सुनेत्रा पवार (Sunetra Pawar) यांनी दिला. लोहा तालुक्यातील बारूळ फाटा (Barul Phata) आणि सोनखेड येथे पावसाच्या अनिश्चिततेमुळे निर्माण झालेल्या परिस्थितीचा आढावा घेण्यासाठी त्यांनी थेट शेतकऱ्यांच्या बांधावर जाऊन संवाद साधला.

Sunetra Pawar: सोयाबीन पिकाची प्रत्यक्ष पाहणी

उपमुख्यमंत्री सुनेत्रा पवार यांनी बारूळ फाटा येथील शेतकरी संदीप रामराव जायभाय यांच्या शेताला भेट दिली. 9 जुलै रोजी लागवड केलेल्या सोयाबीन पिकाची सद्यस्थिती, पिकाची झालेली वाढ, संभाव्य उत्पादन आणि पावसाच्या खंडीतपणामुळे झालेल्या परिणामांची त्यांनी प्रत्यक्ष पाहणी केली. यावेळी त्यांनी शेतकऱ्यांशी थेट चर्चा करत शेतीतील समस्या जाणून घेतल्या.

Sunetra Pawar: बळीराजाच्या अडचणींवर चर्चा

बांधावर बोलताना उपमुख्यमंत्र्यांनी केवळ पिकांच्या नुकसानीचीच (Crop Loss) माहिती घेतली नाही, तर शेतकऱ्यांच्या दैनंदिन अडचणी, जनावरांच्या चाऱ्याचा प्रश्न आणि कुटुंबाच्या गरजांबाबतही चौकशी केली. त्या म्हणाल्या, "शेतकऱ्यांच्या लेकरा-बाळांचे शिक्षण, जनावरांचा चारा आणि संपूर्ण कुटुंबाच्या उदरनिर्वाहाचा प्रश्न हा राज्य शासनासाठी अत्यंत महत्त्वाचा आहे. पावसाची अनिश्चितता आणि आर्थिक अडचणींच्या या काळात शासन बळीराजाच्या पाठीशी खंबीरपणे उभे आहे."

Sunetra Pawar: प्रशासनाला तात्काळ कार्यवाहीचे आदेश

शेतशिवारातील भीषण परिस्थितीची नोंद घेतल्यानंतर सुनेत्रा पवार यांनी उपस्थित अधिकाऱ्यांना निर्देश दिले की, स्थानिक प्रशासनाने संपूर्ण परिस्थितीचा तातडीने आढावा (Review) घ्यावा आणि आवश्यक ती कार्यवाही करावी. शेतकर्‍यांना लवकरात लवकर भरघोस मदत आणि उपाययोजना मिळवून देण्यासाठी शासनस्तरावर पाठपुरावा केला जाईल, असे आश्वासनही सुनेत्रा पवार यांनी यावेळी दिले.

Parbhani News: तत्काळ दुष्काळ जाहीर करा, परभणीच्या शेतकऱ्यांची मागणी

दरम्यान, परभणी जिल्ह्यात यंदा पावसाअभावी शेती पिकांचे प्रचंड नुकसान झाले आहे. उभी पिके करपली आहेत. मुख्यमंत्री, उपमुख्यमंत्री दुष्काळ दौरे करत आहेत. दुष्काळ जाहीर करू एवढंच सांगत आहेत. परंतु नुसते म्हणून काय उपयोग? सरकारने तत्काळ दुष्काळ जाहीर करून शेतकऱ्यांना 50 हजार हेक्टरी मदत द्यावी, अशी मागणी गंगाखेडमधील नुकसानग्रस्त शेतकऱ्यांनी केली आहे.

राज्य आणि देश-विदेशातील महत्त्वाच्या बातम्या; पाहा व्हिडीओ

आणखी वाचा

Noida Bus Fire : 'आईला सोडून जाणार नाही', जळत्या बसमधून बाहेर पडण्यास मुलाचा नकार; मायलेकाचा अंत, अंगठीवरून पटली ओळख; वडिलांचा आक्रोश, म्हणाले, 'मृत्यू डोळ्यासमोर दिसताना...'

Dattatray Bharne Farmers: कृषीमंत्र्यांचा ताफा अडवला, बशीत सुकामेवा भरून दिला, शेतकरी संतापून दत्तात्रय भरणेंना म्हणाले, 'बैठकीत बसून काजू बदाम खाऊ नका ठोस उत्तर द्या...'

माधव दिपके — Sat, 19 Sep 2026 15:57:41 +0530

नांदेड : मराठवाड्यासह राज्यभरात पावसाने ओढ दिल्याने निर्माण झालेली दुष्काळी परिस्थिती आणि करपणाऱ्या पिकांमुळे शेतकरी हवालदिल झाला आहे. अशा गंभीर परिस्थितीत शेतकऱ्यांचे प्रश्न आणि व्यथा समजून घेण्यासाठी शनिवारी नांदेडच्या (Nanded News) जिल्हा नियोजन सभागृहात एक विशेष आढावा बैठक आयोजित करण्यात आली होती. मात्र, दुष्काळाच्या भीषण वास्तव आणि शेतकरी संकटावर गांभीर्याने चर्चा करण्याऐवजी बैठकीला उपस्थित असलेले नेते आणि वरिष्ठ अधिकारी काजू-बदामाचा आस्वाद घेण्यात मग्न असल्याचे उघडकीस आले आहे. या संपूर्ण प्रकारचा व्हिडिओ सोशल मीडियावर तुफान व्हायरल झाला असून राजकीय वर्तुळात मोठी खळबळ उडाली आहे. त्याघटनेनंतर आता दुष्काळाची पाहणी करायला गेलेल्या कृषीमंत्री दत्तात्रय भरणेंना शेतकऱ्यांनी बशीतून काजू बदाम दिले, त्यानंतर आपली निवेदने दिली, यावेळी हिंगोलीमध्ये राज्याचे कृषिमंत्री दत्तात्रय भरणे (Dattatray Bharne) हे शेतकऱ्यांच्या बांधावरती पाहणी करण्यासाठी गेले असता त्यांना शेतकऱ्यांनी घेराव घातला आणि बैठकीत बसून काजू बदाम खाऊ नका ठोस उत्तर द्या असं म्हणत शेतकऱ्यांनी कृषिमंत्री दत्तात्रय भरणे (Dattatray Bharne) यांना प्रश्न केले.

या अडचणीच्या काळामध्ये संकटाच्या काळामध्ये जेवढी म्हणून शेतकऱ्याला जास्त मदत...

त्यावर उत्तर देताना दत्तात्रय भरणे म्हणाले, पाहणी करण्यासाठी आढावा बैठक आपले विभागाची घेतली होती, आज या बैठकीमध्ये अनेक आमदार, खासदारांनी आपली अनेक मतं मांडली, सर्वांनी शेतकरी कसा अडचणीत आहे, शेतकऱ्यांच्या पिकाची अवस्था काय आहे, याविषयी त्यांनी माहिती दिली, त्याबाबतचा सर्व आढावा घेतला आहे आणि निश्चितप्रकारे मी तुम्हाला आश्वासित करू इच्छितो, या विभागातील सर्व शेतकऱ्यांचे शेवटी पीक गेलेलं आहे, पीक जळलेले आहे, पीक हातातून गेले आहे, या पिकावर माझ्या या शेतकऱ्यांनी बांधवांनी अनेक स्वप्न रंगवली होती, ती स्वप्न आता भंग झालेली आहेत, या अडचणीच्या काळामध्ये संकटाच्या काळामध्ये जेवढी म्हणून शेतकऱ्याला जास्त मदत करता येईल, त्या बाबतीमध्ये राज्याचे मुख्यमंत्री यांनी निर्णय घेतलेला आहे, आम्ही पण सगळे शेतकऱ्यांबरोबर आहोत, त्यामुळे शेवटी हे संकट मानवनिर्मित संकट नाही, निसर्गाच्या पुढे काही चालत नाही, या संकटाचा सामना आपल्या सर्वांना करावा लागेल, याला सामोरे जावं लागेल, राज्य सरकार म्हणून जी काही मदत करता येईल आणि ज्या ज्या योजना मधून शेतकऱ्यांना मदत करता येईल, ती मदत त्यांनी निश्चित प्रकारे करू, आम्ही या शेतकऱ्यांना वाऱ्यावर सोडणार नाही मी शेतकऱ्यांना आश्वासित करतो, असंही भरणेंनी म्हटलं आहे.

शेतकऱ्यांच्या सर्व भावना मुख्यमंत्र्यांपर्यंत पोहोचवल्या जातील

त्याचबरोबर या काळामध्ये पिण्याचे पाणी असू द्या, चारा टंचाई असू द्या, या बाबतीमध्ये भविष्यामध्ये कोणतीही कमतरता होणार नाही, पशुधनाला चारा कमी पडणार नाही आणि पिण्याचे पाणी कमी पडणार नाही याबाबतीमध्ये कलेक्टर यांना नियोजन करायला सांगितला आहे, शेतकऱ्यांच्या सर्व भावना मुख्यमंत्र्यांपर्यंत पोहोचवल्या जातील, असेही पुढे दत्तात्रय भरणे यांनी म्हटले आहे. तर हिंगोली येथे कृषीमंत्री दत्तात्रय भरणे यांना काजू बदाम भेट दिले. शिवसेनेचे जिल्हा प्रमुख संदेश देशमुख यांच्यासह अनेक शेतकऱ्यांनी कृषी मंत्र्यांचा निषेध केला. हिंगोली जिल्ह्यातील टाकळगाव येथे नुकसानीची पाहणी करताना कृषी मंत्र्यांचा निषेध व्यक्त केला, नांदेड येथील आढावा बैठकीत खासदार आणि मंत्र्यांनी काजू बदाम खाल्याने शेतकरी संतप्त झाले आहेत.

Accident News: महाराष्ट्र हादरला, 3 अपघात आणि 21 जणांचा मृत्यू; नातेवाईकांची भेट अधुरी, नांदेड, भंडारा, अहिल्यानगरमध्ये शोककळा

प्रशांत देसाई — Fri, 11 Sep 2026 11:45:42 +0530

अहिल्यानगर : अहिल्यानगर-कल्याण महामार्गावर भाळवणी गावच्या शिवारात हॉटेल संदीपसमोर गुरुवारी पहाटे दोनच्या सुमारास आयशर टेम्पो आणि वॅगनर कारची भीषण समोरासमोर धडक झाली. या अपघातात (Accident News) वॅगनरमधील एकाच कुटुंबातील चार जणांचा मृत्यू (Accident News) झाला आहे. मृतांमध्ये शकील शेख, सलमा शेख, ईकबाल शेख आणि सुमैय्या शेख यांचा समावेश आहे. मृत व्यक्ती हे मुंबईच्या मालवणी येथील असल्याची माहिती आहे. याबाबत अल्ताफ शेख यांनी पारनेर पोलिस ठाण्यात फिर्याद दिली आहे. त्यानुसार शकील शेख हे कुटुंबासह अहिल्यानगर येथे नातेवाईकांना भेटण्यासाठी वॅगनर कारमधून येत होते. पहाटे दोनच्या सुमारास भाळवणी (Accident News) शिवारातील हॉटेल संदीपसमोर त्यांच्या कारला आयशर टेम्पोने समोरून जोराची धडक दिली. धडकेनंतर वॅगनरचे मोठ्या प्रमाणात नुकसान झाले. कारमधील प्रवासी गंभीर जखमी होऊन बेशुद्ध अवस्थेत पडले होते. घटनास्थळी जमलेल्या नागरिकांनी तत्काळ रुग्णवाहिकेला (Accident News) माहिती दिली. त्यानंतर जखमींना पारनेर ग्रामीण रुग्णालयात उपचारासाठी दाखल करण्यात आले. मात्र, डॉक्टरांनी तपासणी केल्यानंतर चौघांनाही मृत घोषित केले. अपघातानंतर आयशर चालक घटनास्थळी थांबला नाही, अशी फिर्यादीत नमूद करण्यात आले आहे. अज्ञात चालकाविरुद्ध पारनेर पोलिस ठाण्यात गुन्हा दाखल करण्याची प्रक्रिया सुरू असून पोलिसांकडून अपघाताचा पुढील तपास करण्यात येत आहे.(Accident News)

Ahilyanagar Accident News : नातेवाईकांची भेट राहिली अधुरी

अहिल्यानगर-कल्याण महामार्गावर भाळवणी शिवारात हॉटेल संदीपसमोर आयशर टेम्पो व कारची समोरासमोर धडक झाली. त्यात कारमधील एकाच कुटुंबातील चौघांचा मृत्यू झाला. याबाबत अल्ताफ शब्बीर शेख (वय ५२, रा. मुकुंदनगर, अहिल्यानगर) यांनी पारनेर पोलिस ठाण्यात फिर्याद दिली. त्यानुसार गुरुवारी रात्री शकील शेख हे येथे कुटुंबासह अहिल्यानगर नातेवाईकांना भेटण्यासाठी कारमधून (एमएच ४७ सीके १३०८) येत होते. पहाटे दोन वाजेच्या सुमारास भाळवणी शिवारातील हॉटेल संदीपसमोर त्यांच्या कारला आयशर टेम्पोची (एमएच १६ सीडी २७४७) समोरून धडक बसली. त्यात कारमधील शकील शेख, सलमा शेख, इकबाल शेख व सुमैय्या शेख हे गंभीर जखमी झाले. स्थानिक नागरिकांनी त्यांना तातडीने रुग्णवाहिकेतून पारनेर ग्रामीण रुग्णालयात हलविले. मात्र, चौघांचाही मृत्यू झाल्याचे डॉक्टरांनी सकाळी जाहीर केले.

Bhandara Accident News : भंडाऱ्यातील भीषण अपघातात 9 जणांचा मृत्यू; मृतांमध्ये ६ महिला आणि ३ बालकांचा समावेश

भंडारा जिल्ह्याच्या लाखनी साकोली तालुक्याच्या पिंपळगाव येथे आयशर आणि ट्रॅक्स गाडीचा अपघात झाला. मृतक हे सर्व छत्तीसगडचे मजूर आहेत, नागपूरच्या दिशेने जात असताना हा भीषण अपघात झाला. छत्तीसगडमधून नागपूरच्या दिशेने जाणाऱ्या ट्रॅक्सचा भीषण अपघात झाला. या वाहनांमध्ये एकमेव पुरुष चालक आणि सर्व महिला आणि त्यांचे छोटे बालक नागपूरकडे प्रवास करीत होते. या भीषण अपघातात घटनास्थळावर ८ जणांचा मृत्यू झाला होता. या मृतांच्या संख्येत आणखी एक वाढ झाली असून नागपूरला उपचारासाठी नेण्यात येणाऱ्या एका महिलेचा वाटेत मृत्यू झाला. त्यामुळे मृतकांचा आकडा आता ९ वर पोहोचला आहे.

मृतांमध्ये ६ महिला आणि ३ बालकांचा समावेश आहे. ५५ वर्षीय एका महिलेसह मृत पावलेल्या उर्वरित सर्व महिला या ३५ वयोगटातील आहेत. तर, ३ बालक हे सर्व ५ वर्षाखालील आहे. या सर्व अपघातग्रस्त महिला छत्तीसगडमधून नागपूर येथील त्यांच्या माहेरी तिज उत्सवासाठी जात असताना हा भीषण अपघात राष्ट्रीय महामार्गावरील पिंपळगाव जवळ पहाटेच्या सुमारास घडला. सोमनाथ वर्मा या व्यक्तीच्या कुटुंबातील आई, बहीण, भाची आणि बहिणीची जाऊबाई अशा चौघांचा दुर्दैवी मृत्यू झाला आहे. अपघातग्रस्त वाहनांमध्ये १६ ते १७ जण प्रवास करीत असल्याची प्राथमिक माहिती समोर येत आहे. सध्या भंडारा मेडिकल कॉलेजमध्ये ३ बालकांवर तर उर्वरितांना नागपूर मेडिकल कॉलेजला हलविण्यात आलं आहे. वाहन चालक हा या अपघातात वाचला असून त्याच्यावर भंडारा मेडिकल कॉलेजमध्ये उपचार करण्यात येत आहे. मन हेलावरून आणि पिळवटून टाकणारा अपघात घडला असून छोटे बालक यात आपल्या आईला पोरके झाल्याचं विदारक दृश्य भंडाऱ्यात बघायला मिळत आहे. घटनेचा पुढील तपास लाखनी पोलीस करीत आहे.

Nanded Accident News : नांदेड-भोकर मार्गावर भीषण अपघातात ८ ठार, ७ जखमी

नांदेड-भोकर मार्गावर गुरुवारी १० सप्टेंबर रोजी सायंकाळी ६ वाजण्याच्या दरम्यान ट्रक आणि पिकअप वाहनात समोरासमोर धडक होऊन झालेल्या भीषण अपघातात आठ जणांचा जागीच मृत्यू झाला असून सात जण गंभीर जखमी आहेत. मृतांमध्ये पती-पत्नी आणि दोन सख्ख्या भावांचा समावेश आहे. सर्वत्र पोळा साजरा केला जात असताना भोकर तालुक्याला मात्र एका भीषण अपघाताच्या घटनेला सामोरे जावे लागले. आठ जणांच्या मृत्यूने भोकरमध्ये शोककळा पसरली आहे.

पांडुरंग लिंगू वाघमारे, त्यांची पत्नी लक्ष्मीबाई वाघमारे (रा. सईदनगर भोकर), मोबाइल दुरुस्तीचे काम करणारा सय्यद अल्तमेश सय्यद अलीमोद्दीन (रा. बिलालनगर, भोकर), टाटा मॅजिकचा चालक शेख फिरोज (रा. सईदनगर, भोकर), बलवान पवार (रा. पोटा तांडा, ता. हिमायतनगर), शाहीद सौदागर (रा. भोकर), कृष्णा पवार (रा. पोटा तांडा, ता. हिमायतनगर) अशी मृतांची नावे आहेत. मात्र एका मृताची ओळख पटणे बाकी आहे. जखमींमध्ये सोमनाथ मारोती येळणे, शेख रेहान (१६, रा. भोकर), शेख जलील (६०, रा. हिमायतनगर), पिंटु धुर्वे (रा. शेखमुखवाडी नांदेड), रेखा बडगे (४०, रा. नरवट), शेख खलील शेख वहीद, शेख बाबुमिया यांचा समावेश आहे. सर्व जखमींना नांदेडच्या शासकीय वैद्यकीय रुग्णालयात दाखल करण्यात आले.

राधाकृष्ण विखे पाटलांचे बॅनर फाडले; मराठा आंदोलक आक्रमक, जरांगे पाटलांचाही सरकारला इशारा

अभिषेक एकबोटे, एबीपी माझा — Wed, 9 Sep 2026 16:35:31 +0530

नांदेड : मराठा आंदोलक मनोज जरांगे पाटील (Manoj Jarange patil) यांचे अंतरवाली सराटी आमरण उपोषण सुरू असून त्यांच्या उपोषणाचा आज 12 दिवस आहे. मात्र, सरकारसोबतची त्यांची बोलणी फिस्कटल्याचं दिसून आलं. आपण जरांगे पाटलांच्या 12 मागण्या मान्य केल्याचं सरकारने म्हटलं. मात्र, एकही मागणी मान्य न केल्याचे सांगत जरांगे पाटील यांनी मंत्र्‍यांचा एकेरी उल्लेख केल्यावरुन मंत्री उदय सामंत यांनी नाराजीही व्यक्त केली आहे. दुसरीकडे मराठा आरक्षण उपसमितीचे प्रमुख राधाकृष्ण विखे पाटील (Radhakrishna vikhe patil) यांनी, आता सरकारचे शिष्टमंडळ जरांगे पाटलांच्या भेटीसाठी जाणार नसल्याचे म्हटले. त्यानंतर, मराठा समाज आक्रमक झाल्याचं पाहायला मिळत आहे.

मनोज जरांगेंच्या नेतत्वात राज्यभरात मराठा समाज आक्रमक होत असून ठिकठिकाणी आंदोलन, रास्ता रोको करण्यात येतय. जरांगे पाटील यांच्या मागण्या मान्य करण्याची मागणी देखील केली जात आहे. दरम्यान, नांदेडच्या हदगांव तालुक्यातील मराठा समाज आज आक्रमक झालाय, सकाळी रास्ता रोको केल्यानंतर आंदोलकांनी मंत्री राधाकृष्ण विखे पाटील यांचे बॅनर फाडले आहेत. सकल मराठा समाजाच्या आंदोलकांनी संतप्त होत हे बॅनर फाडून टाकले आहेत. आधी मराठ्यांच्या आरक्षणाचा प्रश्न सोडवा त्यानंतरच बॅनर बाजी करा असी मागणी कार्यकर्त्यानी केलीय.

चांदवडमध्ये आंदोलन, मराठ्यांचा रास्ता रोको

नाशिक जिल्ह्यातील चांदवडमध्ये सकल मराठा समाजाच्या वतीने मनमाड-गनूर चौफुलीवर रास्ता रोको आंदोलन करण्यात आले. यावेळी सरकारचा निषेध करत ‘एक मराठा, लाख मराठा’च्या घोषणांनी परिसर दणाणून गेला. येत्या दोन दिवसांत संपूर्ण मागण्या मान्य न झाल्यास चांदवड तालुक्यातील मराठा बांधव मुंबईच्या दिशेने कूच करतील, असा इशाराही सकल मराठा समाजाच्यावतीने देण्यात आला. माजी आमदार शिरीष कोतवाल, डॉ. आत्माराम कुंभार्डे, शिवसेना जिल्हा उपप्रमुख विलास भवर यांच्यासह मोठ्या संख्येने मराठा बांधव आंदोलनात सहभागी झाले होते. आंदोलनाच्या पार्श्वभूमीवर पोलिसांचा मोठा बंदोबस्त तैनात करण्यात आला होता.

सण-उत्सव आहेत, आंदोलन स्थगित करावे - सामंत

संवाद गरजेचा आहे, आणि आमच्या नेतृत्वाला वाईट बोलू नये हे आम्ही संयमाने सांगतो. मनोज जरांगे पाटील यांना गैररसमज नाही, त्यांना कुणीतरी सांगतं आणि नंतर होतो असे आम्हाला वाटते. उद्या पोळा सण आहे, मराठवाड्यात दुष्काळ आहे, राज्यात गणेशोत्सव आहे. त्यामुळे, आंदोलनाला स्थगिती द्यावी ही विनंती आहे, असेही सामंत यांनी म्हटले. जरांगे पाटील आक्रमक आहेत तर आम्ही सरकार आहोत, मायबाप आहोत, संयम आमच्या पाचवीला पुजला आहे. आम्हला संयमीच बोलावे लागेल. आम्ही त्यांना अभ्यासक पाठवा आवाहन केले, आता ते आले नाही तर काय करावे, असा सवालही सामंत यांनी विचारला.

हेही वाचा

पुण्यात MPSC ची तयारी करणाऱ्या विद्यार्थ्याने जीवन संपवलं; अभिजीत दिपके, हर्षवर्धन सपकाळांचा संताप