Anil Deshmukh: माजी गृहमंत्री अनिल देशमुखांच देवेंद्र फडणवीस यांना पत्र; चांदिवाल आयोगाच्या अहवालचा दाखला देत MPSC च्या प्रस्तावित न्यायिक चौकशीवर प्रश्नचिन्ह, म्हणाले....

Tukaram Mundhe FDA Nagpur: नागपुरात तुकाराम मुंढेंच्या FDA अन् अंमली पदार्थ विरोधी टास्क फोर्सची मोठी कारवाई; नशा आणणाऱ्या औषधांचा 22 लाखांचा बेकायदेशीर साठा जप्त

रजत वशिष्ठ, एबीपी माझा — Fri, 9 Oct 2026 08:35:33 +0530

Tukaram Mundhe FDA Nagpur: राज्याच्या अन्न व औषध प्रशासन विभागाचे (Maharashtra Food and Drug Administration) आयुक्त तुकाराम मुंढे (Tukaram mundhe) यांनी कारवायाचा धडाका लावला आहे. गेल्या काही महिन्यांपासून सातत्याने सुरु असलेल्या कारवाईच्या सत्रामुळे तुकाराम मुंढे चांगलेच चर्चेत आले असून त्यांच्या या कारवाईमुळे नियमबाह्य आणि भेसळखोरी करणाऱ्यांचे चांगलेच धाबे दणाणले आहे. अशातच नागपुरात अन्न व औषध प्रशासन विभाग (FDA) आणि अमली पदार्थ विरोधी टास्क फोर्स विभागाने संयुक्तिकरित्या मोठी कारवाई केली आहे. नागपुरात नशा आणणाऱ्या औषधांचा 22 लाख रुपयांचा बेकायदेशीर साठा जप्त करण्यात आला आहे.

Nagpur: औषध दुकानात विनापरवाना औषध विक्री, छापा घालून 22 लाख 3 हजार रुपये किमतीचा औषध साठा जप्त

मिळालेल्या माहितीनुसार, नागपूरच्या भारत माता चौक परिसरातील एका औषध दुकानात विनापरवाना औषध विक्री सुरू असल्याची माहिती मिळाली होती. या माहितीच्या आधारे छापा घालून 22 लाख 3 हजार रुपये किमतीचा औषध साठा जप्त करण्यात आलाय. तर वाठोडा परिसरात एका फार्मसीमध्ये औषध नियमावलीनुसार आवश्यक कागदपत्रे नसताना औषध विक्री सुरू असल्याचे समोर आले. परिणामी या दुकानाचा औषध परवाना रद्द करण्याचे एफडीएकडू प्रस्तावित करण्यात आले आहे.

Yavatmal: अधीक्षकसह कर्मचाऱ्यांना नोटीसा; सफाई कामगाराचे इन्क्रिमेंट रद्द, बोटोणी आश्रमशाळेची जिल्हाधिकाऱ्यांकडून अकस्मात पाहणी

मारेगाव तालुक्यातील बोटोणी येथील शासकीय आश्रमशाळेला जिल्हाधिकारी विकास मीना यांनी आज अचानक भेट देऊन शाळेची पाहणी केली. यावेळी त्यांनी आश्रमशाळेतील विविध सोयी-सुविधांबाबत शाळा प्रशासनाची झाडाझडती घेत विद्यार्थ्यांना उपलब्ध करून देण्यात येणाऱ्या सुविधांचा आढावा घेतला. कामकाजातील त्रुटी व निष्काळजीपणाबाबत आश्रमशाळेचे अधीक्षकसह कर्मचाऱ्यांना नोटीसा बजावण्यात आले असून सफाई कामगाराचे इन्क्रिमेंट रद्द करण्याचे निर्देश देण्यात आले.

Yavatmal News : 30 ऑक्टोबरपर्यंत अहवाल सादर करण्याचे निर्देश

यावेळी आश्रमशाळेतील वर्गखोल्या, डिजिटल क्लासरूम, वसतिगृह, प्रसाधनगृह शाळेची इमारतीची पाहणी केली. विद्यार्थ्यांसाठी आवश्यक त्या सुविधा योग्य पद्धतीने उपलब्ध आहे का? तसेच शाळेतील स्वच्छता व व्यवस्थापनाची स्थिती याबाबत आढावा घेतला. शाळेतील या सर्व आवश्यक सुधारणा, स्वच्छता व व्यवस्थापनाशी संबंधित कामे पूर्ण करून त्याचा अहवाल 30 ऑक्टोबरपर्यंत सादर करण्याचे निर्देश देण्यात आले.

इतर महत्वाच्या बातम्या

Bhandara News: सरकारकडून मंजुरी 100 कोटींची, पण 3 वर्षांत एक रुपयाचाही खर्च नाही; भंडाऱ्यातील बावनथडी पुलाच्या 'कासवगती' कारभारामुळं दोन राज्यांचा संपर्क धोक्यात

Mahajyoti-Vanarti Exams : पुण्यासह नांदेडच्या परीक्षा केंद्रावर पुन्हा परीक्षा होणार, महाज्योती अन् वनार्टी संस्थेमार्फत स्पष्टीकरण; अहवालानंतर दोषींवर कारवाईचाही शब्द

तुषार कोहळे — Wed, 7 Oct 2026 14:55:20 +0530

Mahajyoti-Vanarti Re-examination : महाज्योती (Mahajyoti) आणि वनार्टी (Vanarti Exams) संस्थेमार्फत घेण्यात येणाऱ्या प्रशिक्षण पूर्व परीक्षेसाठी तीन दिवस 64 केंद्रावर परीक्षा घेतली जात आहे. यासाठी 90 हजार 600 विद्यार्थ्यांनी परीक्षेसाठी आज अर्ज केले. मात्र आज पहिल्या दिवशी 30 हजार विद्यार्थी परीक्षा सुरु असतांना सनराईत आंबेगाव पुणे (Pune) आणि नांदेडच्या (Nanded) मराठवाडा ऑनलाईन या परीक्षा केंद्रावर तांत्रिक अडचण आल्यामुळे परीक्षा रद्द करण्यात आली. यूपीएससी, एमपीएससी, पोलीस भरती यासाठी जे आमचं प्रशिक्षण घेतलं जातं, त्या प्रशिक्षणासाठी हि निवड परीक्षा होती. परिणामी आता नवीन तारीख आणि नवीन वेळ लवकरच विद्यार्थ्यांना कळविण्यात येईल, असे स्पष्टीकरण महाज्योती आणि वनार्टी संस्थेमार्फत देण्यात आले आहे. महाज्योतीचे व्यवस्थापकीय संचालक मिलिंद नारिंगे आणि वनार्टीचे व्यवस्थापकीय संचालक प्रशांत वावगे यांनी एकत्रित पत्रकार परिषद घेत या संदर्भात माहिती दिली आहे.

दरम्यान, परीक्षेवेळी तांत्रिक अडचण होती आणि त्या संदर्भात अहवाल मागितलेला आहे. अहवालात नेमकी काय तांत्रिक अडचण आली, हे कळेल. शिवाय कोणी दोषी आढळल्यास कारवाई केली जाईल, असेही यावेळी सांगण्यात आले.

Mahajyoti-Vanarti Re-examination : केवळ त्याच विद्यार्थ्यांसाठी नव्याने परीक्षा, कुठलेही परीक्षा शुल्क आकारले जाणार नाही

दरम्यान, नव्याने परीक्षा केवळ त्याच विद्यार्थ्यांसाठी होईल, नवीन सेंटर आम्ही आयडेंटिफाय करतोय आणि लवकरच विद्यार्थ्यांना त्याबाबत कळवण्यात येईल. या सेंटरवर तीनशे विद्यार्थी होते, त्या विद्यार्थ्यांची पुन्हा परीक्षा घेतली जाईल. तर पुणे केंद्रावर लॉगिंग होत नव्हते, तर तिकडे नांदेडमधील सेंटरवर वीज गेल्याने ट्रिप झाली होती. त्यामुळे दोन्ही केंद्रावर पुन्हा परीक्षा घेणार असल्याचे महाज्योती आणि वनार्टी संस्थेमार्फत सांगण्यात आलं आहे. तर नव्याने घेण्यात येणाऱ्या या परीक्षेसाठी कुठलेही परीक्षा शुल्क आकारले जाणार नाही, अशी देखील माहीती देण्यात आली आहे.

Mahajyoti-Vanarti Re-examination : सेंटरवरच्या सर्व विद्यार्थ्यांची सुविधेनुसार पुढची डेट आणि सेंटर

परीक्षेसाठी 90 हजार 600 विद्यार्थ्यांनी अर्ज केलेला आहे, त्यासाठी ही परीक्षा घेण्यात आली होती. 32 शहरांमध्ये 64 सेंटरवर ही परीक्षा आयोजित करण्यात आली होती. बाकी इतर सर्व सेंटर सुरळीत पार पडली आहे. या सेंटरवरच्या सर्व विद्यार्थ्यांची सुविधेनुसार पुढची डेट आणि सेंटर आजच सांगणार आहोत. विद्यार्थ्यांना कुठल्याही प्रवासाची अडचण येणार नाही. तसेच यानंतरचे सगळे सेंटर हे सुद्धा सेंटर तपासून घेतले होते. पण तांत्रिक अडचण आली. मात्र यापुढे आम्ही याची खबरदारी घेऊ असे देखील महाज्योती आणि वनार्टी संस्थेमार्फत सांगण्यात आलं आहे.

इतर महत्वाच्या बातम्या

Mumbai High Court On Pune MPSC Protest: पुण्यातील आंदोलक विद्यार्थी अँटी सोशल नाहीत, सध्या संपूर्ण वातावरण दूषित झालंय, राज्य सरकारने तीन आठवड्यात म्हणणं मांडावं, हायकोर्टाने खडसावलं

Mohan Bhagwat: विश्व हिंदू परिषदेच्या नागपुरातील गौ विज्ञान केंद्राला ‘गो टुरिझम’चा दर्जा; सरसंघचालक मोहन भागवत म्हणाले, 'समाजाची गरज पाहता गौ-सेवेचे हे कार्य पुरेसे नाही, तर...'

रजत वशिष्ठ, एबीपी माझा — Wed, 7 Oct 2026 13:44:39 +0530

Mohan Bhagwat: संघाचे एक गीत आहे, बोलणे जाते विरून, सत्कर्म होतात अमर..., जे काम गौ विज्ञान केंद्र आणि विश्व हिंदू परिषद करत आहे, ते मोलाचे आहेच. मात्र, समाजाची गरज पाहता गौ-सेवेचे हे कार्य पुरेसे नाही. आम्हा सर्वांना आपल्या स्वतःच्या सुरक्षिततेसाठी, धर्माच्या सुरक्षिततेसाठी हे कार्य करणे आवश्यक आहे. आपला समाज उत्सव प्रिय आहे, उत्सवात जोशात सहभागी होतो. मात्र, जे केले पाहिजे ते मी नाही तर ते दुसऱ्याने करावे, अशी समाजाची अपेक्षा असते. धर्मांचे रक्षण करण्यासाठी, धर्म स्थापना करण्यासाठी देवाने अवतार घ्यावे, आम्ही ते करणार नाही, आमची तर नोकरी आहे, आम्हाला इतर कामे आहे, अशी समाजाची अपेक्षा असते. मात्र जेव्हा जेव्हा हे कार्य (धर्म रक्षणाचे) झाले, तेव्हा संपूर्ण समाजाचे प्रयत्न त्यात लागले होते. काय होईल याची काळजी न करता, माझे काय होईल, याची काळजी न करता पूर्ण शक्तीने देश आणि समाजासाठी काम केले पाहिजे. असं आवाहन राष्ट्रीय स्वयंसेवक संघाचे (Rashtriya Swayamsevak Sangh) प्रमुख मोहन भागवत (Mohan Bhagwat) यांनी केले आहे.

जे काही मी कमावतो त्यातील काही योगदान मी समाजासाठी देणे लागतो, असे जर झाले तरच आपण आपल्या महापुरुषांच्या पावलांवर चालत आहों हे सिद्ध होईल, असेही सरसंघचालक मोहन भागवत म्हणाले. ते विश्व हिंदू परिषदेच्या नागपुरातील गौ विज्ञान केंद्राला ‘गौ टुरिझम’चा दर्जा देण्यात आला. या दर्जाचे प्रमाणपत्र सरसंघचालक मोहन भागवत यांच्या हस्ते केंद्राचे पद्मेश गुप्ता यांना प्रदान करण्यात आले. यावेळी ते बोलत होते.

Ashish Jaiswal: विश्व हिंदू परिषदेच्या नागपुरातील गौ-विज्ञान केंद्राला ‘गो टुरिझम’चा दर्जा, आशिष जयस्वाल नेमकं काय म्हणाले

देवलापार क्षेत्र अभयारण्य आणि इथल्या वाघांसाठी प्रसिद्ध होतेच. आता येथील गौ विज्ञान केंद्रामुळे आणि इथल्या संशोधनांना जाणून घेण्यासाठी लोक इथे येतील. महाराष्ट्र सरकार ने देवलापार येथील 'गौ विज्ञान केंद्राला गौ-तीर्थाचा दर्जा दिला आहे. त्यामुळे येणाऱ्या काळात इथल्या संशोधनासाठी शासकीय निधी देणे शक्य होणार आहे. सध्या दुष्काळी परिस्थिती पाहता विविध जिल्ह्यासाठी जी CFR जमिनी आहे, त्यावर चारा लागवड करण्याचे विचार आहे, अशी प्रतिक्रिया राज्याचे अर्थ राज्यमंत्री आशिष जयस्वाल (Ashish Jaiswal) यांनी दिली आहे.

Alok Kumar : अयोध्येतील लोकांनी, कारसेवकांना सहयोग करत आश्रय दिला

अशोक सिंघल यांची आज 1990 ची आठवण येते. तत्कालीन मुख्यमंत्री मुलायम सिंह यांनी अयोध्यामध्ये आणि अयोध्येकडे येणाऱ्या प्रत्येक मार्गावर अनेक अडथळे व अडचणी निर्माण केल्या होत्या. मात्र हिंदू समाजाने ते आव्हान स्वीकार केले. अयोध्येतील लोकांनी, कारसेवकांना सहयोग करत आश्रय दिला. अशोक सिंघल मोटारसायकलवर बसून तिथे पोहोचले. त्यांना विट डोक्यावर लागली. त्याची काळजी न करता अशोक सिंघल कार सेवेत कायम राहिले. जखमी अशोक सिंघल यांनी त्या दिवशी हिंदू समाजाला शौर्य दिले. अशोक सिंघल यांनी हिंदू समाजाला विजय भाव दिला. अशी प्रतिक्रिया यावेळी विश्व हिंदू परिषदेचे राष्ट्रीय अध्यक्ष आलोक कुमार यांनी दिली.

Parinay Fuke On Rohit Pawar : राहुल गांधी ज्यादिवशी पुण्यातील आंदोलनाला येतील तेव्हा...; रोहित पवारांचा वेगळाच डाव, भाजप नेत्याने सांगितली थिअरी

रजत वशिष्ट, एबीपी माझा, नागपूर — Wed, 7 Oct 2026 10:21:12 +0530

Parinay Fuke On Rohit Pawar : रोहित पवार (Rohit Pawar) सध्या राहुल गांधींच्या नजरेत येण्यासाठी धडपड करत आहे. ज्या दिवशी पुण्याच्या एमपीएससीच्या आंदोलनात (Pune MPSC Protest) राहुल गांधींचा प्रवेश होईल, त्याच दिवशी रोहित पवारांचा आंदोलन संपुष्टात येईल, असा गंभीर आरोप भाजप नेते परिणय फुके (Parinay Fuke) यांनी केला आहे.. सुप्रिया सुळेसोबत रोहित पवारांचे जमत नसल्यामुळे रोहित पवार काँग्रेसमध्ये जाण्याच्या तयारीत आहेत, आणि त्याच अनुषंगाने राहुल गांधींची (Rahul Gandhi) जवळीक वाढवण्यासाठी त्यांचे असे प्रयत्न सुरू असल्याचा खळबळजनक आरोपही फुकेंनी केलाय. तर नागपूर विभाग पदवीधर मतदारसंघाच्या निवडणुकीतून बंडखोरी करणारे अनिल सोले निश्चितच माघार घेतील, असा विश्वासही फुकेंनी व्यक्त केलाय. (Parinay Fuke On Rohit Pawar)

Rahul Gandhi India Aghadi Protest Delhi: रोहिंग्यांना पुन्हा मतदार यादीत समाविष्ट करण्यासाठीच राहुल गांधी यांचे आंदोलन

राहुल गांधी मतदार याद्यांमधून 13 कोटी नावे वगळले गेल्याचा आरोप करत असले, तरी त्यामध्ये जुन्या पत्त्यावरून कायमचे निघून गेलेल्यांची संख्या मोठी आहे. जुन्या पत्त्यावरून कायमच्या निघून गेलेल्यांमध्ये बांगलादेशी रोहिंग्यांची संख्या जास्त असून त्या रोहिंग्यांना पुन्हा मतदार यादीत समाविष्ट करण्यासाठीच राहुल गांधी यांचे आंदोलन सुरू असल्याचा गंभीर आरोप भाजप नेते परिणय फुके यांनी केला आहे. सध्या भारताची प्रगती होत आहे, ती अनेक पाश्चिमात्य देशांना बघवत नाही, म्हणून राहुल गांधींना भारताला बदनाम करण्याची सुपारी देण्यात आल्याचा आरोपही फुकेंनी केलाय. काँग्रेस पक्षाच्या मागे अति डाव्यांचं डोकं असून राहुल गांधी दिमागी नक्षल सारखेच वागत असल्याचा आरोप ही फुकेंनी केलाय. ते नागपुरात बोलत होते.

पुण्यातील आंदोलनाचा आज सातवा दिवस- (MPSC Protest Pune)

राष्ट्रवादी शरद पवार गटाचे आमदार रोहित पवार एस.एम जोशी पुलाजवळ एमपीएससीचे अध्यक्ष विवेक भीमनवार यांच्या राजीनाम्याच्या प्रमुख मागणीसाठी आंदोलनाला बसलेत आहेत. आज आंदोलनाचा सातवा आणि महत्वाचा दिवस आहे. दरम्यान एकीकडे रोहित पवार मैदानात असतानाच पुण्यात आणखी 2 ठिकाणी एमपीएससी विद्यार्थ्यांची आंदोलनं सुरू आहेत. शास्त्री रोडवरील अहिल्यादेवी अभ्यासिकेसमोर काही परीक्षार्थी आंदोलनाला बसलेत. ऑब्जेक्टिव्ह पद्धतीनं परीक्षा घ्यावी, अशी त्यांची मुख्य मागणी आहे. तर अलका टॉकीज चौकात आंदोलन करणाऱ्या परीक्षार्थींना डिस्क्रिप्टिव्ह पद्धतीनं परीक्षा व्हायला हवीय. त्यामुळे पेपरफुटीमुळे बेजार विद्यार्थ्यांना खरंच न्याय मिळणार की आंदोलनाची हवा नुसतीच विरून जाणार हे पाहावं लागेल.

इतर महत्वाच्या बातम्या

Rohit Pawar and Rajendra Pawar: विरोधक म्हणत असलेला तुझ्या तोंडात असणारा सोन्याचा चमचा शोधतोय, पाठीराख्या बापाचं रोहित पवारांसाठी भावनिक पत्र

Nagpur Crime News: दारूच्या नशेत 45 वर्षीय पित्याकडून पोटच्या लेकीवर अतिप्रसंगाचा प्रयत्न? संतापात 17 वर्षीय मुलीने डोक्यात बॅट टाकली, पित्याचा जागीच मृत्यू; नागपूर हादरलं!

रजत वशिष्ठ, एबीपी माझा — Wed, 7 Oct 2026 09:45:17 +0530

Nagpur Crime News : नागपूरमधील एमआयडीसी पोलिस ठाण्याच्या हद्दीत बाप-लेकीच्या नात्याला काळीमा फासणारी एक धक्कादायक घटना समोर आली आहे. दारूच्या नशेत असलेल्या 45 वर्षीय पित्याने आपल्या 17 वर्षीय मुलीसोबत शिवीगाळ करत बळजबरी करण्याचा प्रयत्न केल्याचा आरोप आहे. बापाच्या कृत्याचा (Nagpur Crime News) विरोध करताना झालेल्या वादात मुलीने लाकडी बॅटने डोक्यावर (Crime News) प्रहार केल्याने पित्याचा जागीच मृत्यू झाला. या घटनेनंतर सर्वत्र मोठी खळबळ उडाली असून या प्रकरणाचा पोलीस (Nagpur Police) अधिक तपास करत आहे. (Nagpur Crime News)

Nagpur Crime News : लाकडी बॅटने पित्याच्या डोक्यावर गंभीर वार, पित्याचा जागीच मृत्यू

मिळालेल्या माहितीनुसार, मृत जयपाल बारेलाल खोलपिटणे याला दारूचे व्यसन होते. घटनेच्या रात्री तो दारू पिऊन घरी आला आणि 12वीत शिकणाऱ्या मुलीसोबत असभ्य वर्तन करू लागला. वाद वाढल्यानंतर त्याने मुलीला मारहाणही केली. परिणामी, स्वतःचा बचाव करताना संतप्त मुलीने घरात असलेल्या लाकडी बॅटने पित्याच्या डोक्यावर गंभीर वार केला. या हल्ल्यात जयपाल यांचा मृत्यू झाला. दरम्यान, या घटनेची माहिती नियंत्रण कक्षाला 112 नंबरवर मिळताच एमआयडीसी पोलिसांनी घटनास्थळी धाव घेतली. मृतदेह शवविच्छेदनासाठी एम्स रुग्णालयात पाठवण्यात आला असून पोलिसांनी अल्पवयीन मुलीला ताब्यात घेतले आहे. याप्रकरणी पुढील कायदेशीर कारवाई सुरू आहे. मात्र या घटनेने नागपूर शहरात मोठी खळबळ उडाली असून पोलीस तपासात पुढे काय माहिती उघड होते, हे पाहणे महत्वाचे ठरणार आहे.

Gadchiroli News : सर्पदंशामुळे एसआरपीएफ जवानाचा मृत्यू

गडचिरोलीत माओवादविरोधी मोहिमेवर तैनात असलेल्या एसआरपीएफ जवानाचा सर्पदंशाने दुर्दैवी मृत्यू झाल्याची घटना चामोर्शी तालुक्यातील रेगडी पोलीस ठाण्यात घडली. राहुल प्रभाकर शिनगारे, वय 39 वर्षे, असे जवानाचे नाव आहे. ते धुळे जिल्ह्यातील रहिवासी होते. शिनगारे हे दीड महिन्यापूर्वी माओवादविरोधी मोहिमेसाठी गडचिरोलीत दाखल झाले होते. चामोर्शी तालुक्यातील रेगडी पोलीस मदत केंद्राच्या हद्दीत त्यांची तैनाती करण्यात आली होती. रेगडी येथील कॅम्पमध्ये ते वास्तव्यास होते. 6 ऑक्टोबर रोजी सकाळी सातच्या सुमारास ते अंधोळीसाठी गेले असताना त्यांच्या हाताला विषारी सापाने दंश केला. सर्पदंशानंतर ते तातडीने कॅम्पमध्ये परतले. अधिकारी आणि सहकाऱ्यांनी त्यांना चामोर्शी ग्रामीण रुग्णालयात हलवलं. प्राथमिक उपचारानंतर त्यांना गडचिरोली जिल्हा रुग्णालयात दाखल करण्यात आलं. मात्र डॉक्टरांनी शर्थीचे प्रयत्न करूनही दुपारी अडीचच्या सुमारास त्यांची मृत्यूशी झुंज संपली. शिनगारे यांच्या मृत्यूनंतर पोलीस दलात हळहळ व्यक्त केली जात आहे.

इतर महत्वाच्या बातम्या

Nagpur Criem: नागपुरातील कॅफेमध्ये अल्पवयीन मुलीवर अत्याचार अन् धमकी, बळजबरीने प्रेग्नन्सी किटद्वारे तपासणीसाठी दबाव; अखेर पंडितेनं पोलीस स्टेशन गाठलं, गुन्हा दाखल

Nagpur : राहुल गांधींवरील दिल्ली पोलिसांच्या कारवाई विरोधात काँग्रेस कार्यकर्त्यांच्या संतापाचा उद्रेक; नागपुरात मध्यरात्री भाजप कार्यालयासमोर युवक काँग्रेसचं आंदोलन, भाजपकडूनही प्रत्युत्तर

तुषार कोहळे — Wed, 7 Oct 2026 08:23:22 +0530

Rahul Gandhi India Aghadi Protest Delhi: निवडणूक प्रक्रियेतील अनियमितता आणि मतदार याद्यांमधील त्रुटींचा आरोप करत, काल (6 ऑक्टोबर) 'इंडिया' आघाडीचे (INDIA Alliance Protest Delhi) खासदार आणि नेते निवडणूक आयोगाला घेराव घालण्यासाठी दिल्लीच्या रस्त्यांवर उतरले. या आंदोलनादरम्यान, लोकसभेतील विरोधी पक्षनेते राहुल गांधी (Rahul Gandhi) आणि विरोधी पक्षातील नेत्यांना पोलिसांकडून ताब्यात घेण्यात आल्यानंतर राजकीय वर्तुळातून तीव्र प्रतिक्रिया उमटू लागल्या आहेत. अशातच राहुल गांधी यांच्यावर दिल्ली पोलिसांच्या कारवाईच्या विरोधात नागपुरात (Nagpur News) युवक काँग्रेसच्या (Congress) कार्यकर्त्यांनी मध्य रात्री 12.30 वाजताच्या सुमारास गणेशपेठ परिसरातील भाजप कार्यालय समोर जोरदार घोषणाबाजी केल्याचं समोर आलं आहे.

Rahul Gandhi Protest Delhi: राहुल गांधींच्या आंदोलनाचे समर्थन, कारवाईच्या विरोधात भाजप कार्यालयसमोर आंदोलन

दरम्यान, नागपूरच्या गणेशपेठ येथील भाजप शहर कार्यालयसमोर काँग्रेस कार्यकर्ते आंदोलन करत असल्याचे पोलिसांना कळताच गणेश पेठ पोलिसानी आंदोलकांना ताब्यात घेतलं. यावेळी जोरदार घोषणाबाजी करत युवक काँग्रेसकडून राहुल गांधींच्या कालच्या दिल्लीतील आंदोलनाचे समर्थन करण्यात आलं. यावेळी पोलिसांनी सुमारे 20 काँग्रेस कार्यकर्त्यांना ताब्यात घेऊन रात्री उशिरापर्यंत गणेशपेठ पोलिस स्टेशनमध्ये ठेवले.

Congress vs BJP : काँग्रेस कार्यकर्त्यांना प्रत्युत्तर देण्यासाठी भाजप युवा मोर्चाचं गणेशपेठ पोलीस स्टेशन समोर आंदोलन

तर दुसरीकडे युवक काँग्रेसचे कार्यकर्त्यांनी भाजप कार्यालय समोर आंदोलन केल्याचे कळताच भारतीय जनता युवा मोर्चाचा कार्यकर्त्यांनी ही प्रत्युत्तर देण्यासाठी गणेशपेठ पोलीस स्टेशन समोर जाऊन काँग्रेस विरोधात आंदोलन केलं. भाजप युवा मोर्चाचे शहर अध्यक्ष सचिन करारे यांच्या नेतृत्वात हे आंदोलन करण्यात आले. उशिरा रात्रीपर्यंत गणेशपेठ पोलीस स्टेशन समोर काँग्रेस विरोधात घोषणा देत विनापरवानगी, विनाकारण भाजप कार्यालयासमोर आंदोलन करणाऱ्या युवक काँग्रेसच्या कार्यकर्त्यांवर कारवाईची मागणी यावेळी करण्यात आली. तर यावेळी भारतीय जनता युवा मोर्चाच्या काही कार्यकर्त्यांनी पोलीस स्टेशनमध्ये प्रवेश करण्याचा प्रयत्न केला, तेव्हा पोलिसांनी बाळाचा वापर करून त्यांना बाहेर काढले.

इतर महत्वाच्या बातम्या

Rahul Gandhi India Aghadi Protest Delhi: गनिमी कावा, काँग्रेसचे खासदारही चक्रावले; 9 तास हाय-व्होल्टेज ड्रामा, 2 तास ताब्यात...दिवसभर चाललेल्या राहुल गांधींच्या आंदोलनात काय काय घडलं?

Nagpur Criem: नागपुरातील कॅफेमध्ये अल्पवयीन मुलीवर अत्याचार अन् धमकी, बळजबरीने प्रेग्नन्सी किटद्वारे तपासणीसाठी दबाव; अखेर पंडितेनं पोलीस स्टेशन गाठलं, गुन्हा दाखल

रजत वशिष्ट, एबीपी माझा, नागपूर — Wed, 7 Oct 2026 07:23:17 +0530

Nagpur Crime News: नागपूरच्या नंदनवन पोलीस ठाण्याच्या हद्दीतून एका अल्पवयीन मुलीवर अत्याचार (Nagpur Crime News) झाल्याची धक्कादायक घटना समोर आली आहे. यात 20 वर्षीय तरुणाने 17 वर्षांच्या मुलीला फुस लावून तिच्यावर अत्याचार (Crime News) केल्याचा प्रकार समोर आला आहे. सोबतच या कृत्याबाबत कोणाला सांगितल्यास गंभीर परिणामांची धमकीही या 20 वर्षीय तरुणाने दिलीय. परिणामी या प्रकरणी पीडितेच्या तक्रारीवरून पोलिसांनी (Nagpur Police) गुन्हा दाखल केला आहे. सध्या पोलीस या प्रकरणाचा अधिक तपास करत आहे. मात्र एका कॅफेमध्ये घडलेल्या या घटनेमुळे अनके प्रश्नचिन्ह आता उपस्थित केले जात आहे. (Nagpur Crime News)

Nagpur Crime News: नंदनवन परिसरातील कॅफेमध्ये अत्याचार, कोणाला सांगितल्यास गंभीर परिणामांची धमकी

मिळालेल्या माहितीनुसार, सक्करदरा येथील समीर शेख नावाच्या आरोपीची पीडितेशी तिच्या मैत्रिणीमार्फत ओळख झाली होती. आरोपीने 29 जुलै 2026 रोजी नंदनवन परिसरातील 'एफ झोन' कॅफेमध्ये तिच्यावर अत्याचार केला. त्यानंतर या कृत्याबाबत कोणाला सांगितल्यास गंभीर परिणामांची धमकीही या 20 वर्षीय तरुणाने दिलीय. परिणामी धमकीमुळे आणि भीतीमुळे पीडिता गप्प होती. मात्र आरोपीने त्रास देणे सुरूच ठेवल्याने तिने वडिलांना घडलेला सर्व प्रकार सांगितला. अखेर 4 ऑक्टोबरला आरोपीने पीडितेच्या घरी जाऊन तिच्यावर प्रेग्नन्सी किटद्वारे तपासणीसाठी दबाव आणला. यानंतर कुटुंबीयांनी सामाजिक संस्थेच्या मदतीने नंदनवन पोलीस ठाण्यात तक्रार नोंदवली. या प्रकरणी पोलिसांनी पोक्सो कायद्यासह विविध कलमांखाली गुन्हा दाखल केला असून या प्रकरणातील संशयित आरोपी फरार असून त्याचा शोध पोलीस घेत आहे. तर या संपूर्ण घटनेत कॅफेच्या भूमिकेचीही पोलीस चौकशी करत असल्याची माहिती नंदनवन पोलीस स्टेशनचे सहाय्यक पोलीस निरीक्षक उमाकांत राठोड यांनी दिली आहे.

Crime : समृद्धी महामार्ग बनला गांजा तस्कराचा मार्ग? दोन कारवाईत तीन क्विंटल गांज्यासह 2 कोटी रुपयांचा मुद्देमाल जप्त

वाशिमच्या मालेगाव आणि कारंजावरून जाणाऱ्या समृद्धी महामार्गावरून मोठ्या प्रमाणात गांजा तस्करी होत असल्याची गुप्त माहिती पोलिसांना मिळाली होती. त्या आधारे मालेगाव आणि कारंजा शहर पोलिसांनी आज दोन ठिकाणी मोठी कारवाई केली. गुप्त माहितीच्या आधारे पोलिसांनी केलेल्या कारवाईत दोन ट्रक आणि दोन्ही ट्रकमधून तीन क्विंटल छुप्या पद्धतीने तस्करी केल्या जात असलेल्या जवळपास दोन कोटी रुपयांचा मुद्देमाल जप्त केला आहे. सध्या या कारवाईचा अधिक तपास वाशिम जिल्हा पोलीस करत आहे.

इतर महत्वाच्या बातम्या

Nagpur Crime News : नऊ वर्षीय बालिकेवर अतिप्रसंगाचा प्रयत्न करणाऱ्याला जमावाकडून बेदम मारहाण; संशयित आरोपीचा उपचारादरम्यान मृत्यू, नागपूरच्या परडीत खळबळ

Nagpur Crime News : नऊ वर्षीय बालिकेवर अतिप्रसंगाचा प्रयत्न करणाऱ्याला जमावाकडून बेदम मारहाण; संशयित आरोपीचा उपचारादरम्यान मृत्यू, नागपूरच्या पारडीत खळबळ

रजत वशिष्ठ, एबीपी माझा — Wed, 7 Oct 2026 06:43:45 +0530

Nagpur Crime News : नागपूरच्या पारडी पोलिस स्टेशनांतर्गत एका वस्तीत नऊ वर्षाच्या बालिकेसोबत लैंगिक चाळे (Crime) करून तिच्यावर अतिप्रसंग केल्याच्या संशयातून स्थानिक जमावाने आरोपीस बेदम मारहाण Crime News) केली होती. सोमवारी घडलेल्या मारहाणीच्या घटनेत गंभीर जखमी झालेल्या आरोपीला उपचारासाठी रुग्णालयात दाखल करण्यात आलं होतं. मात्र उपचारादरम्यान, आरोपी नारायणदास वैष्णव याचा काल (6 ऑक्टोबर) उपचारादम्यान मृत्यू झालाय. (Nagpur Crime News)

मिळालेल्या माहितीनुसार, आरोपी नारायणदास वैष्णव मुळचा छत्तीसगड राज्यातील भिलाई येथील रहिवासी असून सध्या पारडी भागात राहत होता. पिडीत नऊ वर्षांची चिमुकली घरा जवळील परिसरात खेळण्यासाठी गेली असता जवळच राहणाऱ्या नारायणदासने या अल्पवयीन मुलीला जबरदस्तीने स्वतःच्या घरी नेले व तिच्यासोबत लैंगिक चाळे करण्याचा प्रयत्न केला. परिसरातील नागरिकांचा आरोपी नारायणदासने बालीकेवर अतिप्रसंगाचा प्रयत्न केल्याचा संशय होता. तशा आशयाची तक्रार पारडी पोलीस ठाण्यात दाखल करण्यात आली होती. पोलिसांनी या प्रकरणात कारवाई करत पॉक्सो अंतर्गत गुन्हा दाखल केला होता.

Nagpur Police : पोलिसांनी मारहाण करणाऱ्या संशयितांचा शोध सुरू

दरम्यान पोलीस कारवाई सुरू असतानाच परिसरातील संतप्त जमावाने सोमवारी रात्री आरोपी नारायणदासला गल्लीत गाठले. जमावाने त्याला बेदम मारहाण सुरू केली. यात नारायणदास गंभीर जखमी झाला होता. मारहाणीची माहिती मिळताच घटनास्थळी धाव घेतलेल्या पोलिसांनी जमावाच्या तावडीतून सोडवत नारायणदासला मेयो रुग्णालयात दाखल केले होते. दरम्यान काल (मंगळवार) दुपारी साडेतीनच्या सुमारास नारायणदास याचा मृत्यू झाला आहे. त्यानंतर पोलिसांनी मारहाण करणाऱ्या जमावातील संशयितांचा शोध सुरू केला आहे.

Nagpur Crime News : जमावाने गुन्हेगारांना पकडून मारहाण केल्याची आणि त्यानंतर मृत्यू झाल्याची शहरातील दुसरी घटना

काही दिवसांपूर्वी बेलतरोडी परिसरात मॉडेल मिल कॉलनीमध्ये धार्मिक कुटुंबीयांच्या घरी चोरीच्या उद्दिष्टाने घुसलेल्या चोरट्याने वृद्ध महिलेच्या अंगावरील दागिने लुटण्याचा प्रयत्न केला होता. तेव्हा परिसरातील नागरिकांनी चोरट्याला पकडून मारहाण केली होती. त्या घटनेतही नंतर चोरट्याचा मृत्यू झाला होता. त्यामुळे जमावाने गुन्हेगारांना पकडून मारहाण केल्याची आणि त्यानंतर गुन्हेगारांचा मृत्यू झाल्याची अलीकडील काळातील ही नागपुरातील दुसरी घटना आहे.

इतर महत्वाच्या बातम्या

Nagpur News: नागपूर विभाग पदवीधर मतदारसंघात मोठा ट्विस्ट; बसपची अर्ज भरण्याची रॅली अचानक रद्द; सेवानिवृत्त GST कमिशनर संजय थुल यांचा अपक्ष उमेदवारी अर्ज

रजत वशिष्ठ, एबीपी माझा — Tue, 6 Oct 2026 14:20:14 +0530

Nagpur Graduate Constituency Election 2026 : नागपूर विभाग पदवीधर मतदार संघाच्या निवडणुकीत (MLC Election 2026) सेवानिवृत्त जीएसटी कमिशनर संजय थुल ही उतरले आहेत. संजय थुल (Sanjay Thool) यांनी आज अपक्ष उमेदवार म्हणून त्यांचा उमेदवारी अर्ज दाखल केलाय. पदवीधर मतदारसंघात आजवर अनेक जण आमदार राहिले, मात्र तरुणांसाठी आवश्यक काम कोणीच केले नाही. त्यामुळे पदवीधर मतदारसंघाचा आमदार फक्त उच्च विद्या विभूषितच नव्हे, तर तरुणांचे काम करणाराही असायला हवा, असे संजय थुल म्हणालेय. (Nagpur Graduate Constituency Election 2026)

तर दुसरीकडे बहुजन समाज पक्षाचे संभाव्य उमेदवार म्हणून संजय थुल आणि बसपाच्या कार्यकर्त्यांनी नामांकन अर्ज दाखल करण्यासंदर्भात रॅलीचं नियोजन केलं होतं. मात्र ऐनवेळी बहुजन समाज पक्षानं संजय थुल यांना एबी फॉर्म न देता तांत्रिक कारण असल्याचे सांगितलं. मात्र अखेरच्या क्षणी सेवानिवृत्त IRS संजय थुल यांनी अपक्ष उमेदवारी अर्ज दाखल करत नागपूर विभाग पदवीधर मतदार संघातून निवडणूक लढण्याचा निर्धार कायम ठेवला आहे.

Sanjay Thool: भाजप आणि काँग्रेस दोघांनीही आजवर तरुणांचा भ्रमनिरास केल्याचे आरोप

दरम्यान, भाजप आणि काँग्रेस दोघांनीही आजवर तरुणांचा भ्रमनिरास केल्याचे आरोप ही त्यांनी केलाय. विशेष म्हणजे संजय थूल यांनी बहुजन समाज पक्षाकडून उमेदवारी मागितली होती. बहुजन समाज पक्षाने ही त्यांना तयारी करण्यास सांगितले होते. मात्र अखेरच्या क्षणी बहुजन समाज पक्षाने त्यांना एबी फॉर्म न दिल्यामुळे संजय थुल यांनी अपक्ष म्हणूनच त्यांचा उमेदवारी अर्ज दाखल केला आहे.

Nagpur Graduates Constituency Poll: भाजपकडून सुधाकर कोहळे तर काँग्रेसकडून अभिजित वंजारींमध्ये चुरशीची लढत

नागपूर पदवीधर मतदारसंघासाठी भाजपनं (BJP) सुधाकर कोहळे (Sudhakar Kohale) यांना संधी देत काँग्रेसच्या अभिजित वंजारी यांच्या विरोधात मैदानात उतरवलं आहे. अतिशय प्रतिष्ठेच्या मानल्या जाणाऱ्या या मतदारसंघातील विजयासाठी भाजपनं मोठी मोर्चे बांधणी केली असून पक्षातील अनेक नावं ही निवडणूक लढण्यासाठी इच्छुक होते. मात्र पक्षाशी एकनिष्ठ राहिलेल्या आणि पेशाने शिक्षक असलेल्या सुधाकर कोहळेंवर भाजप पक्षानं विश्वास दर्शवत उमेदवारी दिली आहे.

MLC Election Schedule: विधानपरिषद निवडणुकीचे संपूर्ण वेळापत्रक

अधिसूचना जारी (Notification Date): 29 सप्टेंबर 2026

उमेदवारी अर्ज भरण्याची अंतिम तारीख (Nomination Last Date): 6 ऑक्टोबर 2026

अर्जांची छाननी (Scrutiny): 7 ऑक्टोबर 2026

अर्ज मागे घेण्याची अंतिम तारीख (Withdrawal Last Date): 9 ऑक्टोबर 2026

मतदानाची तारीख व वेळ (Poll Date & Time): 23 ऑक्टोबर 2026 (सकाळी 8 ते दुपारी 4)

मतमोजणी व निकाल (Counting Date): 27 ऑक्टोबर 2026

इतर महत्वाच्या बातम्या

Anil Deshmukh: माजी गृहमंत्री अनिल देशमुखांच देवेंद्र फडणवीस यांना पत्र; चांदिवाल आयोगाच्या अहवालचा दाखला देत MPSC च्या प्रस्तावित न्यायिक चौकशीवर बोट, म्हणाले...

Anil Deshmukh: माजी गृहमंत्री अनिल देशमुखांच देवेंद्र फडणवीस यांना पत्र; चांदिवाल आयोगाच्या अहवालचा दाखला देत MPSC च्या प्रस्तावित न्यायिक चौकशीवर प्रश्नचिन्ह, म्हणाले....

रजत वशिष्ठ, एबीपी माझा — Tue, 6 Oct 2026 13:04:57 +0530

Anil Deshmukh: महाराष्ट्र लोकसेवा आयोग (MPSC) परीक्षांमधील गोंधळ, गैरप्रकार आणि औषध निरीक्षक पेपरफुटी प्रकरणी राज्य सरकारने घोषित केलेल्या न्यायिक चौकशीवर माजी गृहमंत्री अनिल देशमुख (Anil Deshmukh) यांनी गंभीर प्रश्न उपस्थित केले आहेत. केवळ विद्यार्थ्यांचा असंतोष शमवण्यासाठी आणि आंदोलन शांत करण्यासाठीच 'न्यायिक चौकशी'चे आश्वासन दिले जात आहे का? असा थेट सवाल करत त्यांनी यासंदर्भात राज्याचे मुख्यमंत्री देवेंद्र फडणवीस (Devendra Fadnavis) यांना पत्र पाठवून आपल्या मागण्या मांडल्या आहेत.

दरम्यान, न्यायमूर्ती के. यू. चांदिवाल आयोगाच्या (Justice KU Chandiwal Commission) अनुभवाचा हवाला देत अनिल देशमुख यांनी मुख्यमंत्र्यांना पाठवलेल्या निवेदनात म्हटले आहे की, MPSC गैरप्रकाराची चौकशी करण्यासाठी राज्यपालांकडे उच्च न्यायालयाच्या निवृत्त न्यायाधीशांमार्फत चौकशीची मागणी करणे हे स्वागतार्ह असले, तरी अशा चौकशीचा अहवाल MPSC च्या युवकांच्या तोंडाला पाने पुसणारा ठरू नये. 1400 पानांचा अहवाल धूळ खात पडून तत्कालीन राज्य सरकारने मार्च 2021 मध्ये मुंबई उच्च न्यायालयाचे सेवानिवृत्त न्यायमूर्ती के. यू. चांदिवाल यांच्या अध्यक्षतेखाली स्थापन केलेल्या आयोगाने 13 महिने सखोल चौकशी करून 1400 पानांचा अंतिम अहवाल सादर केला आहे. हा अहवाल सार्वजनिक करण्यासाठी स्वतः 13 वेळा सरकारकडे आणि 2 वेळा राज्यपालांकडे लेखी पत्रव्यवहार केला, तरीही शासनाने तो अहवाल अद्याप सार्वजनिक केलेला नाही किंवा विधिमंडळाच्या पटलावरही ठेवलेला नाही, याकडे देशमुख यांनी लक्ष वेधले.

Anil Deshmukh to Devendra Fadnavis: अनिल देशमुख यांच्या मुख्य मागण्या काय?

• चांदिवाल आयोगाचा अहवाल तात्काळ जाहीर करा: न्यायिक आयोगाच्या अहवालावर शासन गांभीर्याने कारवाई करते, हा विश्वास जनतेत निर्माण करण्यासाठी न्यायमूर्ती चांदिवाल आयोगाचा 1400 पानांचा अहवाल तात्काळ सार्वजनिक करून विधिमंडळात सादर करण्यात यावा.

• MPSC अध्यक्षांचा राजीनामा घ्या: पदावर कायम असताना निष्पक्ष चौकशी होणे शक्य नाही. त्यामुळे चौकशी सुरू करण्यापूर्वी MPSC अध्यक्षांचा राजीनामा घेण्यात यावा.

• चौकशीची मुदत निश्चित असावी: MPSC साठी स्थापन होणाऱ्या न्यायिक चौकशीची मुदत 2 ते 3 महिने अशी निश्चित असावी आणि अहवाल प्राप्त होताच तो विनादबाव सार्वजनिक केला जावा.

• मुख्य सूत्रधारांवर SIT/पोलीस कारवाई सुरूच राहावी: चौकशी आयोगाच्या नावाखाली मुख्य आरोपी व पेपरफुटीतील सूत्रधारांवरील पोलीस किंवा SIT ची कारवाई मंदावता कामा नये.

न्यायिक आयोगांच्या अहवालांवर जनतेची विश्वासार्हता पुन्हा प्रस्थापित करण्यासाठी राज्य सरकारने या सर्व मागण्यांचा गांभीर्याने विचार करावा, अशी विनंती अनिल देशमुख यांनी पत्राच्या शेवटी केली आहे.

Rohit Pawar and Vikram Pachpute: पुढच्या निवडणुकीत तू कसा निवडून येतो बघतोच! रोहित पवारांचा सर्वांदेखत अजितदादा स्टाईल इशारा, नेमकं काय घडलं?