Nagpur Crime News : आतापर्यंत 8 लग्न, एकही नवऱ्याकडून घटस्फोट नाही; मॅट्रिमोनिअल साईट्सवरून 'लुटेरी दुल्हन'चा अनेकांना लाखोंचा गंडा
Nagpur Crime News : मॅट्रिमोनिअल साईट्सवरून अनेकांना गंडा घालणाऱ्या 'लुटेरी दुल्हन' नामक महिलेचा नागपूर पोलिसांनी भांडाफोड करत तिला अटक केली आहे.
Nagpur Crime News : आजपर्यंत आपण 'लुटेरी दुल्हन' नावाने चित्रपट किंवा टीव्ही मालिकांमध्ये असं एखादं पात्र पाहिलं असेल. पण अशीच ऐखादी खरी आणि वास्तविक कहाणी जर तुम्हाला सांगितली तर? होय नागपूर शहरातून अशीच एकाखळबळजनक घटना समोर आली आहे. 'लुटेरी दुल्हन' समीराची कथा शादी डॉटकॉमसारख्या मॅट्रिमोनियल साईट्स (Matrimonial website) वरून सुरु होते. याच मॅट्रिमोनियल (Crime News) साईट्सचा वापर करून तिने अनेक पुरुषांना फसवलं. ती श्रीमंत, प्रतिष्ठित व्यक्तींना टार्गेट करत स्वतःला ‘घटस्फोटित’ असल्याचं सांगते आणि लग्न करायची इच्छा व्यक्त करत अनेकांना आपल्या जाळ्यात अडकवते. शिवाय लग्न झाल्यावर थोडा काळ संसाराचा अभिनय केला कि मग सुरू व्हायचं ब्लॅकमेलिंगचं सत्र. या यादीतील अशीच एक पीडित व्यक्ती आहे गुलाम पठाण. त्यांनी आपल्यावर घडलेला संपूर्ण घटनाक्रम सांगितला असून एखाद्या चित्रपटाच्या कथेप्रमाणे हि घटना घडली आहे.
आतापर्यंत 8 लग्न, एकही नवऱ्याकडून घटस्फोट नाही
दरम्यान, या घटनेतील पीडित पती गुलाम पठाण यांनी सांगितले की, तिने गेल्या 2010 पासून अनेक पुरुषांशी लग्न करून त्यांची फसवणूक केली. लग्नानंतर ती त्यांना ब्लॅकमेल करायची. नवीन नवऱ्याकडून ती पैसे उकळायची. तिने आतापर्यंत 8 लग्न केलेत. महत्वाचं म्हणजे तिने एकही नवऱ्याकडून तिचा घटस्फोट घेतला नाही.
आतापर्यंत 50 लाखा रुपयाची फसवणूक
पुढे आलेल्या माहितीनुसार, समीरा एका शाळेत शिक्षिका आहे आणि नवीन लोकांशी बोलायची तेव्हा त्यांना माझा घटस्फोट झालेला आहे, अशी खोटी माहिती ती द्यायची. त्यानंतर पुरुषांना आपल्यावर अत्याचार होत आहे, असं सांगत ती म्हणायची की मला तुमचा सहारा द्या. मी तुमची दुसरी पत्नी म्हणून राहील, असं म्हणत ती मुस्लिम पुरुषांना आपल्या प्रेमाच्या जाळ्यात ओढायची. त्यानंतर लग्न करायला लावायची आणि पैसे वसूल करायची. तिने आतापर्यंत 50 लाखा रुपयाची फसवणूक केली असल्याची माहिती समोर येत आहे. या पीडित पुरुषांमध्ये हँडलूम व्यावसायिक, शिक्षक, कंपनी मॅनेजर, बँक मॅनेजर मोहम्मद तारीक अनिस, ट्रान्सपोर्ट व्यावसायिक अमानुल्ला खान, आणि रिअल इस्टेट व्यावसायिक यांचा समावेश आहे.
समीराला अटक, इतर गुन्हेगारीचा इतिहास उघड होण्याची शक्यता
दरम्यान, पोलिसांनी या प्रकरणाचे गांभीर्य लक्ष्यात घेता या प्रकरणी गुन्हा दाखल करत समीराला अटक केली आहे. मात्र अजून किती जण या ट्रॅपच्या जाळ्यात अडकले आहेत, याचा पोलिसांकडून शोध घेतला जात आहे. त्यामुळे समीराचा गुन्हेगारी इतिहास अजूनही उघड होण्याची दाट शक्यता आहे.
हेही वाचा :
महत्त्वाच्या बातम्या
