Nagpur Accident News: नागपूर जिल्ह्यातील रामटेक तालुक्यात नगरधन येथून एक अपघाताची (Accident News) बातमी समोर आली आहे. यात कार चालकाचे कारवरील नियंत्रण सुटल्याने झालेल्या अपघातात अनेक जण जखमी झाले आहेत. पुढे आलेल्या माहितीनुसार, यातील आरोपी कारचालक दारूच्या नशेत तीव्र गतीने कार चालवत होता. त्यामुळे त्याने 25 ते 30 दुचाकी चालक आणि पादचाऱ्यांना कट मारली. त्यापैकी अनेक जण खाली पडले आणि जखमी झाले. परिणामी संतप्त गावकऱ्यांनी पाठलाग केला. तर हि कार काही अंतरावर जाऊन नाल्यात जाऊन पलटी झाली आणि गावकऱ्यांनी आरोपी कार चालकाला पकडून चांगलेच चोप दिला.

आसाम येथे सैन्य दलात कार्यरत, चार दिवसांपूर्वीच सुट्टीवर गाठलं घर

दरम्यान, ही घटना रामटेक पोलीस स्टेशन अंतर्गत नगरधन येथे काल (3 ऑगस्ट ) रात्री 8.30 वाजताच्या सुमारास घडली. हर्षपाल वाघमारे असे आरोपी कार चालकाचे नाव असून, तो भारतीय सैन्य दलात आसाम येथे कार्यरत असल्याची माहिती पुढे आली आहे. शिवाय तो चार दिवसांपूर्वीच सुट्टीवर गावात आला होता. असे देखील सांगण्यात येतंय. रामटेक पोलिसांनी मद्यधुंद अवस्थेतील आरोपीला ताब्यात घेतले असून. जमावाने मारहाण केल्यामुळे तो किरकोळ जखमी झाला होता. त्यामुळे त्याला रुग्णालयात दाखल करण्यात आले आहे.

सावधान...! समृद्धी महामार्गांवर वेग मर्यादेचे उल्लंघन कराल तर होणार दंड

नागपूर-मुंबई असा 701 किलोमीटरचा जागतिक दर्जाचा दृत गती असलेला समृद्धी महामार्ग पूर्णपणे तयार झाला असून या मार्गाने आता नागपूर ते मुंबई आठ तासात गाठता येत आहे. मात्र समृद्धी महामार्गावर वेगाच्या नियमांचे उल्लंघन अनेक वाहने करताना आढळून येत असल्याने आता या संपूर्ण सातशे एक किलोमीटरच्या महामार्गावर प्रत्येक किलोमीटरवर एक सीसीटीव्ही कॅमेरा व स्पीड सेंसर गन लावण्यात येणार आहे. त्यामुळे वेगाचे उल्लंघन करणाऱ्यांना तात्काळ दंडाची पावती मोबाईलवर मिळणार आहे. समृद्धी महामार्गावर हलक्या वाहनांसाठी वेग मर्यादा 120 किलोमीटर प्रति तास तर ट्रक आणि अवजड वाहनांसाठी 80 किलोमीटर प्रतितास अशी वेग मर्यादा घालून देण्यात आली आहे. मात्र अनेक वाहने वेग मर्यादेसह लेन कटिंग चे उल्लंघन करताना दिसत आहे. त्यामुळे आता समृद्धी महामार्गावर जवळपास 1000 कॅमेरे बसविण्याचा निर्णय एमएसआरडीसी ने घेतला आहे. याकरिता एमएसआरडीसी ने दोन नामांकित कंपन्यांसोबत करार केल्याची ही माहिती उच्चपदस्थ अधिकाऱ्यांनी दिली आहे.

इतर महत्वाच्या बातम्या