मुंबईत एकूण 23 मतमोजणी केंद्रे, 23 निवडणूक निर्णय अधिकारी
प्रत्येक केंद्राच्या अंतर्गत असलेल्या सर्व प्रभागांची मतमोजणी एकाच वेळी सुरु होणार
एका प्रभागासाठी दोन टेबल, प्रत्येक टेबलवर दोन बॅलेट मशीन आणि काऊंटिंग मशिन
सुरुवातीला पोस्टल बॅलेट -- पोस्टानं आलेल्या मतांची मोजणी होणार
मतमोजणीदरम्यान होणाऱ्या राऊंडची संख्या प्रभागातील एकूण मतदानावर अवलंबून असणार
एका राऊंडसाठी सरासरी 15 मिनिटांचा वेळ लागणार
प्रत्येक उमेदवाराचा एक प्रतिनिधी मतमोजणी केंद्रावर असणार
2012 मधील मुंबई महापालिका निवडणुकांच्या तुलनेत 2017 मधील निवडणुकीतल्या मतदानामध्ये लक्षणीय वाढ झाली आहे. गेल्या निवडणुकांच्या तुलनेत तब्बल 6 लाख अधिक मतदारांनी मतदान केल्याची माहिती आहे.
मुंबई महापालिकेच्या निवडणुकीत मतदानाचा टक्का वाढला असला तरी अनेकांना मतदार यादीतील घोळामुळे मतदान करता आले नाही. मुंबईत 2012 मध्ये भारत निवडणूक आयोगाने तयार केलेल्या यादीमध्ये 1 कोटी 2 लाख मतदार होते.