सरफराज समीर खान, अमन सय्यद आणि त्यांचा अजून एक मित्र काल (25 जुलै) मुंब्र्याहून दक्षिण मुंबईतील एका दर्ग्यात दर्शनासाठी येत होते. मुंब्र्याहून त्यांनी स्लो लोकल पकडली आणि नंतर घाटकोपर रेल्वे स्थानकावर उतरून त्यांनी छत्रपती शिवाजी महाराज टर्मिनसला येणारी जलद लोकल पकडली.
प्रवासादरम्यान रात्री साडेनऊच्या सुमारास सॅण्डहर्स्ट रोड रेल्वे स्थानकादरम्यान सरफराज थुंकण्यास झुकला आणि त्याचा हात सुटून तोल गेला. तसंच लोकलच्या दरवाज्यात उभा असलेला मित्र अमन हादेखील पडून गंभीर जखमी झाला.
या दुर्घटनेत सरफराज जागीच ठार झाला, तर अमन सय्यदला उपचारासाठी सेंट जॉर्ज रुग्णालयात दाखल केलं असता डॉक्टरांनी त्याला मृत घोषित केलं.
या दोघांसोबत अजून एक मित्र प्रवास करत होता,तो सुखरुप बचावला आहे. या सुखरुप असलेल्या मित्रानेच घडलेला सर्व प्रकार पोलिसांना सांगितला.