संदीप देशपांडे मनसे प्रवक्ते, जे बोलतात ती शिंदे गटाची की भाजपची भूमिका? वारंवार तुम्ही टीका का करता?? रुसवे फुगवे असेल तर दोन ठाकरे बंधू बोलतील; ठाकरेंच्या नेत्याचा खोचक टोला
संदीप देशपांडे हे मनसेचे प्रवक्ते असताना ते त्या पद्धतीने बोलतात ते शिवसेना शिंदे गटाची भूमिका मांडतात की भाजपची भूमिका मांडतात? असा खोचक सवाल अखिल चित्रे यांनी केला.
Akhil Chitre on Sandeep Deshpande: चंद्रपूर महानगरपालिकेमध्ये काँग्रेस नेते विजय वडेट्टीवार आणि खासदार प्रतिभा धनोरकर यांच्या वादामध्ये काँग्रेसला महानगरपालिकेमधील आलेली सत्ता गमवावी लागली. तब्बल 27 नगरसेवक निवडून आणूनही काँग्रेस सत्तेपासून दूर राहिला. त्यामुळे भाजपचा महापौर आणि शिवसेना ठाकरे गटाचा उपमहापौर झाल्याने राजकीय चर्चा रंगली आहे. शिवसेना ठाकरे गटावर या संदर्भात होत असलेल्या टीकेला खासदार संजय राऊत यांच्याकडून उत्तर दिला जात असतानाच आज थेट मनसे प्रवक्ते देशपांडे यांनी विश्व प्रवक्ते म्हणत अचानक राऊत यांच्यावर टीका केली. त्यामुळे संदीप देशपांडे यांनी घेतलेल्या भूमिकेवरून चर्चा रंगली आहे. देशपांडे यांनी केलेल्या टीकेनंतर शिवसेना ठाकरे गटाचे प्रवक्ते अखिल चित्रे यांनी देशपांडे यांना टोला लगावला आहे.
शिंदे गटाची भूमिका मांडतात की भाजपची भूमिका मांडतात?
संदीप देशपांडे हे मनसेचे प्रवक्ते असताना ते त्या पद्धतीने बोलतात ते शिवसेना शिंदे गटाची भूमिका मांडतात की भाजपची भूमिका मांडतात? असा खोचक सवाल अखिल चित्रे यांनी केला. संदीप देशपांडे यांना मुंबईत बसून चंद्रपूरमध्ये काय चाललय कसं कळतं मला माहित नसल्याचाही टोला त्यांनी लगावला. ते म्हणाले की रुसवे फुगवे असतील, तर दोन ठाकरे बंधू आपापसात बोलतील. ठाकरे बंधूंची युती आहे त्यामुळे काही गोष्टी पाळाव्यात. वारंवार तुम्ही टीका का करताय? अशी विचारणा त्यांनी केली. कल्याण डोंबिवली महानगरपालिकेमध्ये मनसे आणि शिवसेना एकत्र लढली होती. चंद्रपूरमध्ये आम्ही मनसेसोबत लढलो नव्हतो याकडे चित्रे यांनी लक्ष वेधलं. संदीप देशपांडे जे बोलत आहेत ते कोणाला फायदा करू इच्छित आहेत? अशी विचारणाही त्यांनी केली.
राजकीय स्वार्थासाठी हिंदुत्व तुम्ही शिकवू नये
दरम्यान, परभणीमध्ये मुस्लिम महापूर करण्यावरूनही अखिल चित्रे यांनी प्रतिक्रिया दिली. मातृसंस्थेच्या कार्यक्रमासाठी सलमान खानला बोलवतात ते मुसलमान त्यांना चालतात, पाकिस्तानी वंशाचा अदनान सामी चालतो तेव्हा तुमचे हिंदुत्व कुठे गेलं? राजकीय स्वार्थासाठी हिंदुत्व तुम्ही शिकवू नये, अशी टीका त्यांनी केली. शिवसेनेमध्ये साबिर शेख मंत्री होते. उपमुख्यमंत्री एकनाथ शिंदे सुद्धा बोलले. जो महापौर झाला होता तो वीस वर्ष सुद्धा ते याच पक्षाचेा तालुका अध्यक्ष होता, असे ते म्हणाले. तुम्हाला एवढी चीड मुसलमानांबद्दल आहे तर तुमच्या भाजपच्या झेंड्यावरचा हिरवा रंग काढून टाका. टिल्लू नेत्यांमध्ये जर हिम्मत असेल तर त्यांनी सांगावं की हिरवा रंग काढून टाका, असा टोलाही त्यांनी लगावला.
इतर महत्वाच्या बातम्या
महत्त्वाच्या बातम्या
