Mumbai Rains Updates: मुंबईला आज रेड अलर्ट, पश्चिम उपनगरात पावसाला सुरुवात; लोकलची काय स्थिती?, पाहा A टू Z माहिती

मुकेश चव्हाण Updated at: 28 Sep 2025 07:06 AM (IST)

Mumbai Rains Updates: मुंबईसाठी आज रेड अलर्ट जारी करण्यात आला आहे. तर ठाणे, पालघर, रायगडसह संपूर्ण कोकणाला मुसळधार पावसाचा इशारा देण्यात आला आहे.

Mumbai Rains Updates

Mumbai Rains Updates Maharashtra Heavy Rain: आजपासून राज्यात पावसाचा जोर वाढण्याची शक्यता (Heavy Rain In Maharashtra) वर्तवली जातेय. मुंबईसह ठाणे, पालघर आणि रायगड जिल्ह्याला आज रेड अलर्ट (Mumbai Rain Updates) देण्यात आला आहे. तर नाशिक आणि पुणे घाट माथ्यावरही रेड अलर्ट (Nashik Pune Rain Updates) देण्यात आला आहे.

Continues below advertisement

मुंबईसह उपनगरात काल मध्यरात्रीपासूनच पावसाला सुरुवात झाली आहे. पश्चिम उपनगरात रिप रिप पाऊस सुरू आहे. पहाटेपासून पश्चिम उपनगरात पावसाच्या जोर कमी असल्यामुळे सखल भागात पाणी भरलं नाही. सध्या पश्चिम (Western Railway), मध्य (Central Railway) आणि हार्बर लाईनवरील लोकल (Mumbai Local Updates) वाहतूकसह रस्ते वाहतूक देखील सुळरित सुरु आहे.

ठाण्यात रात्रीपासून मुसळधार पाऊस- (Heavy Rain In Thane)

ठाण्यात रात्रीपासून मुसळधार पाऊस सुरू आहे. ठाण्यातील वंदना डेपो, माजीवाडा , तीन हात नाका या परिसरामध्ये सखल भागात पाणी साचलंय.पावसामुळे वाहतूक संथ गतीने सुरू आहे. ठाणे जिल्ह्याला आज रेड अलर्ट देण्यात आलाय. ठाणे जिल्ह्यांमध्ये अतिवृष्टीची शक्यता आहे. या पार्श्वभूमीवर, जिल्हा प्रशासन पूर्णपणे सतर्क झालं आहे.

रत्नागिरी, सिंधुदुर्गाला ऑरेंज, मराठवाडा, विदर्भातील सर्व जिल्ह्यांना यलो अलर्ट- (Orange Alert For Konkan)

रत्नागिरी, सिंधुदुर्ग, कोल्हापूर, सातारा, संभाजीनगरला ऑरेंज अलर्ट देण्यात आलाय. तर मराठवाडा, विदर्भातील सर्व जिल्ह्यांना यलो अलर्ट देण्यात आला आहे. मराठवाडा आणि मध्य महाराष्ट्राच्या काही भागात मुसळधार ते अतिमुसळधार पावसाची शक्यता आहे. त्यामुळे नागरिकांनी सतर्क राहावे अशा सूचना देण्यात आल्यात.

नागरिकांसाठी महत्वाच्या सूचना- (Important notices for citizens)

नागरिकांनी अधिकृत सूचनांचे पालन करावे, धोकादायक व पूरप्रवण भाग टाळावेत, वीज पडत असताना झाडाखाली थांबू नये, पूरस्थितीत नदी-नाल्यांच्या पुलावरून पाणी वाहत असताना रस्ता ओलांडू नये आणि अफवांवर विश्वास ठेवू नये, असे स्पष्टपणे सांगितले आहे. आपत्तीच्या परिस्थितीत स्थानिक निवारा केंद्रांचा वापर करावा आणि अनावश्यक प्रवास व पर्यटन टाळावे.