Mumbai Crime news : अंडरवर्ल्ड डॉन दाऊद इब्राहिमचा भाऊ इक्बाल कासकरला मुंबई NCB कडून अटक करण्यात आली आहे. (underworld don dawood ibrahim brother iqbal kaskar arrested by mumbai ncb) इक्बाल कासकर याला मुंबई नार्कोटिक्स कंट्रोल ब्यूरोनं बुधवारी ताब्यात घेतलं आहे. ड्रग्ज प्रकरणात प्रोडक्शन वारंट वर इक्बाल कासकरची कस्टडी घेतली आहे.
नुकतंच एनसीबीने चरसचे दोन कंसाइनमेंट पकडले होते. पंजाबचे लोक याला काश्मीरवरुन मुंबईला बाईकवरुन आणायचे. या प्रकरणात जवळपास 25 किलो चरस पकडला होता. या प्रकरणाची चौकशी करत असताना एनसीबीला अंडरवर्ल्ड कनेक्शन मिळून आलं. यामुळंच अंडरवर्ल्ड डॉन दाऊद इब्राहिमचा भाऊ इक्बाल कासकरला एनसीबीनं कस्टडीत घेतलं आहे. इक्बाल कासकर आधीपासूनच ठाण्याच्या जेलमध्ये आहे. काही वेळातच इक्बालला एनसीबी कार्यालयात आणलं जाईल, अशी माहिती आहे. या प्रकरणाची चौकशी करताना एनसीबीला टेरर फंडिंग आणि ड्रग्ज सप्लायसाठी अंडरवर्ल्ड कनेक्शनबाबत महत्वाचे धागेदोरे हाती लागले आहेत.
याच आधारावर एनसीबीने मुंबई मध्ये काही ठिकाणी छापामारी केली. अटक केलेल्या आरोपींची चौकशी केल्यानंतर आणि चरस सप्लायचं कनेक्शन दाऊद इब्राहिमचा भाऊ इक्बाल कासकरशी असल्यानं एनसीबीनं ठाण्याच्या जेलमध्ये बंद असलेल्या इक्बाल कासकरला रिमांडमध्ये घेतलं आहे.