मुंबई : मनसे कार्यकर्त्यांच्या दादागिरीचा प्रकार पुन्हा एकदा समोर आला आहे. मनसे अध्यक्ष राज ठाकरे यांच्याविरुद्ध व्हॉट्सअॅपवर पोस्ट करणाऱ्या तरुणाला मारहाण करण्यात आली आहे. राज ठाकरे यांच्या विरोधात अंबरनाथ मध्ये राहणाऱ्या संदीप तिवारी या तरुणाने एका व्हॉट्सअॅप ग्रुपवर आक्षेपार्ह पोस्ट केली होती. त्यानंतर आक्रमक झालेल्या मनसे कार्यकर्त्यांनी मनसेच्या कार्यालयात आणून संदीप तिवारीला उठाबश्या काढायला लावल्या. अंबरनाथच्या पूर्वेकडील धारा रेसिडेन्सी संकुलात हा प्रकार घडला. VIDEO | राज ठाकरेंविरोधात व्हॉट्सअॅपवर कमेंट करणाऱ्याला मारहाण | अंबरनाथ | एबीपी माझा मनसे नेते संदीप देशपांडे यांनी या घटनेचं समर्थन केलं आहे. 'टीका करावी, आम्ही ती सहनही करु, टीका करणे हा लोकशाहीचा हक्क आहे, पण जर कोणी अशाप्रकारे खालच्या पातळीवर टीका करत असेल, तर त्याला असाच धडा शिकवला जाईल' असा इशारा देशपांडेंनी दिला. राज ठाकरेंवर टीका करणाऱ्यांना मनसे कार्यकर्त्यांकडून होणाऱ्या मारहाणीचा प्रकार नवीन नाही. राज ठाकरेंबद्दल फेसबुकवर आक्षेपार्ह लिखाण केल्याबद्दल नाशिकमध्ये मनसे कार्यकर्त्यांनी एका तरुणाला चपलेने चोप दिला होता, तर पुणे, औरंगाबादेतही एकावर शाईफेक करुन मारहाण करण्यात आली होती.
संबंधित बातम्या :
राज ठाकरेंवर टीका करणाऱ्या तरुणाला उठाबशा काढायला लावल्या, व्हिडीओ व्हायरल
नाशिकमध्ये राज ठाकरेंविरोधात आक्षेपार्ह पोस्ट लिहिणाऱ्या तरुणाला मनसैनिकांनी चोपलं
दहा रुपयांसाठी प्रवाशाला मारहाण, मुजोर रिक्षाचालकाला मनसेचा चोप
राज ठाकरेंविरोधात आक्षेपार्ह पोस्ट, मनसैनिकांनी डॉक्टरला चोपलं