Mumbai Art Gallery : मुंबईत व्यंगचित्रकारांच्या कलेचे भव्य दालन उभारणार, मुख्यमंत्री देवेंद्र फडणवीसांची मोठी घोषणा

BMC Demolition Action : भाजपच्या तक्रारीनंतर ठाकरेंचे नगरसेवक तुळशीराम शिंदे अडचणीत! गोरेगावमधील घरावर पालिकेचा बुलडोझर चालणार; कारवाईची नोटीस बजावली

एबीपी माझा ब्युरो — Fri, 30 Oct 2026 23:45:06 +0530

मुंबई : ठाकरेंच्या शिवसेनेचे गोरेगाव प्रभाग क्रमांक 40 चे नगरसेवक तुळशीराम शिंदे यांच्या अडचणीत मोठी वाढ झाली आहे. दिंडोशी संतोष नगर परिसरातील त्यांचे अनधिकृत घर असल्याची तक्रार करण्यात आली असून त्यावर मुंबई महानगरपालिकेचा (BMC) बुलडोझर चालणार आहे.

झोपडपट्टी पुनर्वसन क्षेत्रात 14 फुटांपेक्षा जास्त उंचीचे बेकायदेशीर बांधकाम केल्याचा ठपका त्यांच्यावर ठेवण्यात आला आहे. मुंबई पालिकेने नगरसेवक तुळशीराम शिंदे यांना कारवाईची नोटीस बजावली असून 3 नोव्हेंबर रोजी हे घर पाडण्याचे निश्चित केले आहे.

BJP Sanjay Avhad Complaint : नगरसेवक पदाचा गैरवापर केल्याचा भाजपचा आरोप

दिंडोशी मनपा वसाहत संतोष नगर परिसरामध्ये नगरसेवक तुळशीराम शिंदे यांनी नियमांचे उल्लंघन करून 14 फुटांपेक्षा जास्त उंचीचे घर बांधल्याची लेखी तक्रार प्रभाग 40 मधील भाजप उमेदवार संजय आव्हाड यांनी मुंबई महानगरपालिकेकडे केली होती.

तुळशीराम शिंदे यांनी आपल्या नगरसेवक पदाचा गैरवापर करून हे अनधिकृत बांधकाम उभारल्याचा थेट आरोप संजय आव्हाड यांनी केला आहे. या तक्रारीची गंभीर दखल घेत पालिकेने नगरसेवकाच्या घरावर तोडक कारवाई करण्यासाठी 3 नोव्हेंबरची नोटीस जारी केली असून सुरक्षेसाठी पोलिसांकडे अतिरिक्त बंदोबस्त मागितला आहे.

BMC Demolition Action : स्वतः घर रिकामे करताना नाट्यमय घडामोडी; तक्रारदाराचा विरोध

पालिकेची कारवाईची नोटीस मिळताच नगरसेवक तुळशीराम शिंदे यांनी स्वतःहून घर रिकामे करून ते पाडण्याचे काम सुरू केले होते. मात्र, या दरम्यान घटनास्थळी मोठा राजकीय ड्रामा पाहायला मिळाला. तक्रारदार भाजप नेते संजय आव्हाड यांच्या मुलाने घटनास्थळी पोहोचून तुळशीराम शिंदे यांना स्वतःचे घर तोडण्यापासून रोखले.

पोलिसांना मध्यस्थीसाठी बोलावून नगरसेवकाला स्वतःचे घर पाडण्यापासून थांबवण्यात आले. नगरसेवकाने स्वतः तोडफोड न करता, मुंबई महानगरपालिकेनेच थेट बुलडोझर चालवून ही कारवाई करावी, अशी आक्रमक भूमिका तक्रारदाराने घेतली आहे.

Tulshiram Shinde Defense : 'परिसरातील 4 ते 5 हजार घरांवरही कारवाई करा'

या सर्व कारवाईवर प्रतिक्रिया देताना ठाकरे गटाचे नगरसेवक तुळशीराम शिंदे यांनी आपले स्पष्टीकरण दिले आहे. "हे घर 1980-1985 च्या काळातील जुने आहे. या संपूर्ण दिंडोशी परिसरात माझ्या घरासारखीच समान उंची असलेली तब्बल 4 ते 5 हजार घरे आहेत. राजकीय द्वेषापोटी केवळ माझ्यावरच कारवाई केली जात आहे. जर पालिका नियमांवर बोट ठेवत असेल तर परिसरातील त्या सर्व 4 ते 5 हजार घरांवरही पालिकेने समान कारवाई करून दाखवावी," अशी मागणी तुळशीराम शिंदे यांनी केली आहे.

ही बातमी वाचा:

Thane Honeytrap Case : मुंबईतील प्रसिद्ध मॉडेलविरोधात 1.39 कोटींच्या खंडणीचा गुन्हा! उद्योगपतीला ब्लॅकमेल करून उकळले कोट्यवधी रुपये

Thane Honeytrap Case : मुंबईतील प्रसिद्ध मॉडेलविरोधात 1.39 कोटींच्या खंडणीचा गुन्हा! उद्योगपतीला ब्लॅकमेल करून उकळले कोट्यवधी रुपये

सचिन गाड — Fri, 30 Oct 2026 22:00:26 +0530

मुंबई : सोशल मीडियावर 10 लाखांपेक्षा जास्त फॉलोअर्स असलेल्या मुंबईतील एका प्रसिद्ध मॉडेलविरोधात ठाण्यातील कासारवडवाली पोलीस ठाण्यात 1 कोटी 39 लाख रुपयांच्या खंडणीचा गुन्हा दाखल करण्यात आला आहे. एका व्यावसायिकाला हनीट्रॅपमध्ये अडकवून, बदनामीची तसेच खोट्या गुन्ह्यात अडकवण्याची धमकी देऊन त्याच्याकडून कोट्यवधी रुपये उकळल्याचा आरोप करण्यात आला आहे. व्यावसायिकाने दिलेल्या तक्रारीनुसार, संबंधित मॉडेलने त्याला प्रेमाच्या जाळ्यात ओढून आणि खासगी फोटो आणि व्हिडीओचा वापर करून ब्लॅकमेल करण्यास सुरुवात केली होती.

Flats Cars And Foreign Trips : आलिशान कार, फ्लॅट आणि परदेश वारीचा खर्च

कासारवडवाली पोलिसांत दाखल झालेल्या तक्रारीनुसार आणि एफआयआरमधील दाव्यांनुसार, या मॉडेलने व्यावसायिकाकडून विविध महागड्या गरजांसाठी मोठी रक्कम उकळली आहे.

तक्रारदाराकडून खालील गोष्टींसाठी पैसे उकळल्याचा आरोप आहे:

आलिशान मालमत्ता: मुंबईतील आलिशान फ्लॅट, ऑफिससाठी जागा आणि बंगळुरूमधील मालमत्ता.

वाहने: आलिशान MG Hector कार.

परदेश दौरे: बँकॉक, व्हिएतनाम, जॉर्जिया आणि बाकू यांसारख्या देशांतील विविध अलिशान परदेश दौऱ्यांचा सर्व खर्च.

Counter Rape FIR : दबाव आणण्यासाठी अत्याचाराचा गुन्हा?

या प्रकरणाला आता एक वेगळे वळण मिळाले आहे. संबंधित मॉडेलने याआधी व्यावसायिकाविरोधात मुंबईतील वर्सोवा पोलीस ठाण्यात पाठलाग करणे, मारहाण आणि शारीरिक अत्याचारासारखे गंभीर गुन्हे दाखल केले आहेत. मात्र, हे सर्व गुन्हे केवळ आपल्या पक्षकारावर दबाव आणण्यासाठी आणि खंडणीची रक्कम वसूल करण्यासाठीच दाखल करण्यात आल्याचा दावा तक्रारदार व्यावसायिकाच्या वकिलांनी केला आहे.

Thane Model Extortion Case : कासारवडवाली पोलिसांकडून तपास सुरू

संबंधित मॉडेलचे सोशल मीडियावर 10 लाखांहून अधिक फॉलोअर्स असल्याने या हाय-प्रोफाइल प्रकरणामुळे सोशल मीडिया आणि मनोरंजन विश्वात मोठी खळबळ उडाली आहे. कासारवडवाली पोलीस या प्रकरणातील आर्थिक व्यवहार, बँक खाती आणि डिजिटल पुराव्यांची तपासणी करत असून पुढील सखोल तपास सुरू आहे.

ही बातमी वाचा:

Pimpri Chinchwad : लंडनमध्ये MBA साठी गेली, पण गुप्तपणे भारतात परतली, पिंपरीतील अलिशान फ्लॅटमध्ये 34 वर्षीय मुग्धाचा मृतदेह कुजला, झोमॅटो-ब्लिंकिटमुळे शोध

हा ओलावा, भविष्यात काय होईल सांगता येत नाही, उद्धव ठाकरे आणि मुख्यमंत्री एकाच व्यासपीठावर येताच संजय राऊतांचं मोठं वक्तव्य

इशान देशमुख — Fri, 30 Oct 2026 19:41:29 +0530

Sanjay Raut : महाराष्ट्राच्या हास्यरेषा या प्रशांत कुलकर्णी संपादीत पुस्तकाचा प्रकाशन सोहळा काल मुंबईत पार पडला. या सोहळ्यात राज्याचे मुख्यमंत्री देवेंद्र फडणवीस आणि माजी मुख्यमंत्री उद्धव ठाकरे, मनसे प्रमुख राज ठाकरे एकत्र आले होते. याची जोरदार चर्चा राजकीय वर्तुळात रंगल्याचं पाहायला मिळालं. यावर शिवसेना ठाकरे गटाचे खासदार संजय राऊत यांनी प्रतिक्रिया दिली आहे. काल उद्धव ठाकरे आणि मुख्यमंत्री देवेंद्र फडणवीस एकत्र होते ना, हा ओलावा असतो. भविष्यात काय होईल सांगता येत नाही, असं मोठं वक्तव्य संजय राऊत यांनी केलं. लोकांचे मन चंचल आहे. लोकशाही म्हणजे बदल आणि परिवर्तन आहे. सत्तेवर कायम कुणी राहू शकत नाही असेही संजय राऊत म्हणाले.

भाजपमध्ये ज्यांच्या मांडला मांडी लावून बसावे असे आशिष शेलार आहेत

मी आणि शेलार दोघे बाजूला बसलेलो आहोत आणि प्रेमाने बोलत आहोत. भाजपमध्ये ज्यांच्या मांडला मांडी लावून बसावे असे आशिष शेलार आहेत असं वक्तव्य देखील राऊतांनी केलं. मुळीक यांच्यासोबत मी 40 वर्ष काम केले आहे. हे पुस्तक मला त्यांनी अर्पण केले आहे. आपली भूमिका मांडण्याचा अधिकार प्रत्येकाला आहे. 28 वर्ष ते सामनात होते तेव्हा कधी त्यांच्या डोक्यात सूड असे शब्द नव्हते. माझे पण 66 वर्ष आहे. काही गोष्टी मनात ठेवायच्या असतात. सूड शब्द हा महाभारतातून आला. गेल्या काही काळातले आम्ही राजकारण पाहतो. कोणताही नेता हा स्वतःच्या स्वार्थासाठी पक्ष सोडतो असे राऊत म्हणाले. ज्या पक्षात तुम्हाला वर्षानुवर्षे पदे आणि प्रतिष्ठा दिली जातात तो पक्ष सोडतात. या देशाला आणि राज्याला सुडाच्या राजकारणाची कधी भावना नव्हती असेही राऊत म्हणाले.

कुणावरही सुडाने कारवाई होऊ नये असे सागणारे बाळासाहेब आणि अटलबिहारी वाजपेयी होते

कुणावरही सुडाने कारवाई होऊ नये असे सागणारे बाळासाहेब ठाकरे आणि अटलबिहारी वाजपेयी होते. मी स्वतः अनेक वर्ष राजकारणात आहे. वसई- विरारचा कालखंड मी जवळून पाहिला आहे. मला जेव्हा सत्य समजले तेव्हा पासून मी आप्पाच्या पाठीशी उभा राहिलो असे संजय राऊत म्हणाले.

मुख्यमंत्र्यांनी लगावला होता ठाकरे बंधूंना टोला

काल महाराष्ट्राच्या हास्यरेषा या प्रशांत कुलकर्णी संपादीत पुस्तकाचा प्रकाशन सोहळा मुंबईत पार पडला. या सोहळ्यात राज्याचे मुख्यमंत्री देवेंद्र फडणवीस आणि माजी मुख्यमंत्री उद्धव ठाकरे, मनसे प्रमुख राज ठाकरे एकत्र आले होते. याची जोरदार चर्चा राजकीय वर्तुळात रंगल्याचं पाहायला मिळालं. यावेळी बोलताना मुख्यमंत्री देवेंद्र फडणवीस यांनी राज ठाकरे चांगले व्यंगचित्रकार आहेत, उद्धव ठाकरे चांगले छायाचित्रकार आहे. मी चांगला राकारणी आहे, मला राजकारणातलच समजतं, त्यामुळं मी राजकारण करणार, त्यामुळं मला या दोघांनी राजकारणात चांगल काम करुन द्यावं असा टोला मुख्यमंत्र्यांनी ठाकरे बंधूंना लगावला होता.

अन्न व्यावसायिकांनो सावधान! दिवाळीत कालबाह्य अन्न देऊ नका, अन्यथा... तुकाराम मुंढेंचा इशारा, भेसळयुक्त तेलाविरोधात मोहीम सुरु राहणार असल्याचा उल्लेख

वेदांत नेब — Fri, 30 Oct 2026 17:21:12 +0530

Tukaram Mundhe : दिवाळी आली आहे त्यामध्ये खाद्य संस्कृती आपली आहे. खाद्य तयार करताना योग्य तेलाचा वापर करणं गरजेच आहे. भेसळयुक्त तेलावर आमची मोहीम सुरु आहे आणि ती सुरु राहणार असल्याचा इशारा अन्न व औषध प्रशासन विभागाचे आयुक्त तुकाराम मुंढे (FDA CommissionerTukaram Mundhe) यांनी दिला आहे. खाद्यतेलाच्या आतापर्यत 1089 तपासणी केल्या आहेत, यामध्ये 80 लायसन रद्द केल्या आहेत. तर 28753 क्विंटल माल जप्त केल्याची माहिती तुकाराम मुंढे यांनी दिली. जे अन्न व्यावसायिक आहेत त्यांनी खबरदारी घ्यायची आहे. फक्त विक्रेताची ही जबाबदारी नाही. कालबाह्य अन्नाची एकही पिशवी बाहेर येणार नाही यांची दक्षता घ्यावी कंपनी छोटी असो किंवा मोठी असे मुंढे म्हणाले.

खराब झालेले अन्न पुन्हा वापरात आणले जाते, आता ते नष्ठ केल्याचा पुरावा द्यावा लागेल

कारवाया आमचे गोल नाही आम्ही फक्त कंटिन्यू काम करत आहोत. आपण सगळ्यात मोठं काय केलं तर कम्पल्यान्स ऑर्डर आणल्या आहेत. हॉटेल, मिल्क आणि मिल्क प्रॉडक्ट, तेल, स्कुल फूड असेल किंवा इतर बाबीमध्ये काय नियम असावेत हे आपण ऑर्डर काढले आहेत असे मुंढे म्हणाले. आतापर्यंत 22 रेग्युलशन आले आहेत. फीड बिजनेस आणि लायसन्स होल्डर आणि अधिकाऱ्यांची जबाबदारी काय आहे ते सांगतो असेही मुंढे यावेळी म्हणाले. आजची ऑर्डर आहे एक्स्पायर रिटर्न अँड डॅमेज फूड. कोणत्याही राज्यात अशी ऑर्डर नाही कालबाह्य खराब झालेले अन्नाबाबत ही ऑर्डर आहे. कालबाह्य झालेले खराब झालेले अन्न पुन्हा वापरात आणले जाते. अन्न पूर्ण नष्ट झाल्याचा पुरावा कंपनीला द्यावा लागेल असेही मुंढे म्हणाले.

अन्न नष्ट न करता विल्हेवाट प्रमाणपत्र दाखवले जाते

ऑर्डर काढण्याचं कारण काय? तर खराब झालेलं अन्न नष्ट न करता विल्हेवाट प्रमाणपत्र दाखवले जाते आणि एजंटद्वारे पुन्हा चैनमध्ये आणले जाते. तारखेत फेरफार केली जाते हे आमच्या निदर्शनास आले आहे. गेल्या 15 दिवसात आम्ही मोठी कारवाई केली आहे. भिवंडीमध्ये 80 हजार रुपयाचा साठा जप्त केला आहे. नंतर 26 लाख रुपयांचा साठा जप्त केला. वडपे येथे सुद्धा दोन ठिकाणी साठा जप्त करून परवाना निलंबित केल्याची माहिती मुंढेंनी दिली.

5 कोटीचा साठा जप्त केला

5 कोटीचा साठा जप्त केला आहे. 10 कारवायानंतर 2 गुन्हे दाखल केले आहेत. आपण यात मालकाची नाव सुद्धा टाकली आहेत. 32 आरोपी यामध्ये आहेत. कालबाह्य झालेला माल वेगळ्या ठिकाणी ठेवणं गरजेचं आहे ते आढळून आलेला नाही. महाराष्ट्र प्रदूषण नियंत्रण मंडळाकडे ज्या विल्हेवाट लावणाऱ्या कंपन्या आहेत, त्यांच्याकडून अन्नची विल्हेवाट लावल्याचे प्रमाणपत्र आढळल्याची माहिती मुंढेंनी दिली. ही एक दिवसाची कारवाई नाहीतर 2 महिन्यापासून हे काम करत आहोत.

FDA News : एफडीएच्या आणखी 6 अधिकाऱ्यांचं निलंबन होणार? मुख्यमंत्र्यांचा हिरवा कंदील, कार्यक्षेत्राबाहेर रेड मारणं भोवणार, नेमकं काय आहे प्रकरण?

राजू सोनावणे — Fri, 30 Oct 2026 10:50:54 +0530

मुंबई : एफडीएच्या अधिकाऱ्यांना पुणे आणि भिवंडीतली धाड टाकल्याचं प्रकरण भोवणार असल्याचं दिसून येत आहे. एफडीएच्या (FDA News) आणखी सहा अधिकाऱ्यांचं निलंबन होण्याची शक्यता आहे. सहा जणांच्या निलंबनाच्या कारवाईला मुख्यमंत्र्यांनी हिरवा कंदील दाखवल्याचं सूत्रांच्या हवाल्याने समोर आलं आहे. एकूण 20 अधिकाऱ्यांची विभागीय चौकशी करून कारवाईचे आदेश देण्यात आल्याचे समोर (FDA News) आले आहे. कार्यक्षेत्राबाहेर धाडी टाकल्यानं एफडीएचे 26 अधिकारी अडचणीत आलेले आहेत. सहा अधिकाऱ्यांवर यापूर्वीच निलंबनाची कारवाई झाली आहे. आयुक्त तुकाराम मुंडे आणि मंत्री नरहरी झिरवळ यांनी मुख्यमंत्र्यांकडे या संदर्भात फाईल पाठवलेली होती आणि आता मुख्यमंत्र्यांनी देखील कारवाई संदर्भात आता शिक्कामोर्तब केल्याचं समजंतय. तर आणखी सहा अधिकारी या प्रकरणी निलंबित होऊ शकतात एकूण 20 अधिकाऱ्यांची विभागीय चौकशी करून कारवाईचे आदेश देण्यात आल्याची माहिती समोर आली आहे.(FDA News)

एफडीएच्या एकूण 26 अधिकाऱ्यांवरती याबाबत ठपका ठेवलेला होता. एबीपी माझाच्या बातमीवरती शिक्कामोर्तब झालेलं पाहायला मिळतंय. याप्रकरणामध्ये एकूण 26 अधिकारी जे आहे ते अडकलेले आहेत आणि आता मुख्यमंत्र्यांनी सुद्धा सहा अधिकाऱ्यांच निलंबन करण्यासाठी हिरवा कंदील दाखवलेल आहे आणि 20 अधिकाऱ्यांची विभागीय चौकशी करून त्यांच्यावरती कारवाई करण्याचे निर्देश दिलेले आहेत. एकूण 26 अधिकाऱ्यांवरती ही कारवाई होणार आहे. पुणे आणि भिवंडीमध्ये गेल्या काही दिवसांमध्ये या अधिकाऱ्यांनी आपल्या अधिकार क्षेत्राच्या बाहेर असताना सुद्धा रेड केलेली होती, रेड केलेली ही कंपनी केंद्र सरकारच्या अंतर्गत येते, मात्र महाराष्ट्राच्या एफडीच्या अधिकाऱ्यांनी ही रेड केलेली होती, आणि हे सगळं प्रकरण कोर्टापासून अगदी दिल्लीपर्यंत गेलेलं होतं आणि त्यानंतर आता ही कारवाई होताना दिसते आहे. ही टोबॅको कंपनी आहे, ही कंपनी केंद्र सरकारच्या अंतर्गत येते, मात्र एफडीएच्या अधिकाऱ्यांना हे माहित असताना सुद्धा त्यांनी ज्या प्रकारे ही रेड केली ती अनाधिकृत होती त्यामुळे त्यांच्यावरती कारवाईचा ठपका ठेवण्यात आलेला होता. (FDA News)

या प्रकरणाची फाईल आयुक्त तुकाराम मुंडे मंत्री निहारी झिरवळ यांनी मुख्यमंत्र्यांकडे पाठवलेली होती आणि मुख्यमंत्र्यांनी सहा अधिकाऱ्यांचे निलंबन आणि 20 अधिकाऱ्यांची विभागीय चौकशी करून त्यांच्यावरती कारवाई करण्याचे निर्देश दिलेले आहेत. त्यामुळे एकूण 26 अधिकारी यामध्ये अडकलेले आहेत. याच्या आधी सुद्धा काही दिवसांपूर्वी सुपारी प्रकरण समोर आलेलं होतं, सुपारी प्रकरणामध्ये जवळपास पाच अधिकाऱ्यांचे निलंबन केलेलं होतं, आणि त्यानंतर तब्बल 26 अधिकाऱ्यांवरती या कारवाईचा ठपका ठेवण्यात आला आहे. एफडीएमधील आतापर्यंतचं सगळ्यात मोठं प्रकरण हे आहे. यातील सर्व अधिकारी सगळे वरिष्ठ अधिकारी आहेत आणि या वरिष्ठ अधिकाऱ्यांवरती ही कारवाई होताना पाहायला मिळते. एकीकडे एफडीए हॉटेल्स किंवा इतर वस्तूंवरती कारवाई करताना पाहायला मिळतंय, मात्र यामधल्या काही अनाधिकृत आणि बेकायदेशीर ज्या काही रेड झालेल्या आहेत त्यामुळे या अधिकाऱ्यांवरती सुद्धा आता कारवाईचा बडगा उगारलेला आहे, त्यामुळे आज दुपारपर्यंत कदाचित या सहा अधिकाऱ्यांच्या निलंबनाची ऑर्डर आहे समोर येईल अशी शक्यता आहे, त्यानंतर 20 अधिकाऱ्यांच्या विभागीय चौकशीची सुद्धा आदेश मंत्री कार्यालयातून निघण्याची शक्यता आहे.

हे सगळे अधिकारी पुण्यातील आणि मुंबईतले आहेत. यामध्ये मंत्री कार्यालयाचे सुद्धा काही अधिकारी असण्याची शक्यता नाकारता येत नाही, त्यामुळे त्यांचीही नाव समोर येतात का हे सुद्धा पाहणं अतिशय महत्त्वाचं राहणार आहे. तुकाराम मुंडे किंवा मंत्री नरहरी झिरवळ सुद्धा विभागाअंतर्गत कारवाईसाठी ऍक्शन मोडवरती आलेले दिसून येत आहेत.

Uddhav Thackeray Speech Mumbai : 'हास्यरेषा' पुस्तक प्रकाशन सोहळ्यात उद्धव ठाकरेंची फटकेबाजी

abp majha web team — Fri, 30 Oct 2026 10:31:50 +0530

Uddhav Thackeray Speech Mumbai : 'हास्यरेषा' पुस्तक प्रकाशन सोहळ्यात उद्धव ठाकरेंची फटकेबाजी

माजी मुख्यमंत्री उद्धव ठाकरे यांनी आपल्या व्यंगचित्रकार म्हणून काम करताना आलेल्या आठवणींना उजाळा दिला. 'रीडिंग इन बिटवीन लाईन्स' म्हणजेच रेषांमधील गूढ अर्थ समजावून सांगत त्यांनी 'फटकारे' पुस्तकाच्या निर्मितीचा प्रवास उलगडला. समाजात निर्माण होणाऱ्या विसंगतीवर व्यंगचित्रकार अचूक बोट ठेवतो, असे सांगत सरकारने उभारणाऱ्या व्यंगचित्रकारांच्या कला दालनासाठी सर्वतोपरी मदत करण्याचे आश्वासन त्यांनी दिले.या ऐतिहासिक सोहळ्याला सांस्कृतिक कार्यमंत्री ॲड. आशिष शेलार, माजी मुख्यमंत्री उद्धव ठाकरे, मनसे अध्यक्ष राज ठाकरे, ग्रंथालीचे विश्वस्त सुदेश हिंगलासपूरकर आणि संपादक प्रशांत कुलकर्णी हे मान्यवर विशेष उपस्थित होते.मनसे अध्यक्ष राज ठाकरे यांनी व्यंगचित्र काढताना रेषांचे महत्त्व, अचूक टिपण आणि स्वाभिमान कसा टिकवून ठेवावा, यावर मार्गदर्शन केले. जुन्या काळातील व्यंगचित्र विश्वातील आठवणींना उजाळा देताना त्यांनी सांगितले की, "संस्कृती आणि कलेच्या व्यासपीठावर राजकीय मतभेद बाजूला ठेवून एकत्र येणे ही महाराष्ट्राची जुनी आणि प्रगल्भ परंपरा आहे."

Navnath ban and Nilesh Rane: तुझी लायकी किती तू बोलतो किती! नवनाथ बन शिंदे साहेबांवर बोलताना लायकीत राहायचं: निलेश राणे

रोहित धामणस्कर — Fri, 30 Oct 2026 10:12:46 +0530

Navnath ban and Nilesh Rane: राज्यातील पदवीधर आणि शिक्षक मतदारसंघाच्या निवडणुकीच्या निकालानंतर एकनाथ शिंदे यांची शिवसेना आणि भाजप यांच्यात वाद पेटला आहे. राज्यातील पाच जागांवर विधानपरिषदेची निवडणूक (MLC Election Result 2026) झाली होती. यामध्ये महाविकास आघाडीने पदवीधरच्या 3 पैकी 3 जागा जिंकल्या, सत्ताधारी महायुतीने शिक्षक मतदारसंघाच्या दोन्ही जागा जिंकल्या. परंतु पाचपैकी फक्त दोन जागा मिळाल्याने महायुतीत सध्या अंतर्गत वाद पेटला आहे. पुण्यात एकनाथ शिंदे (Eknath Shinde) यांच्या शिवसेनेने साथ न दिल्याने भाजपच्या उमेदवाराचा पराभव झाला. शिवसेनेच्या भूमिकेने महायुतीच्या गणिताला सुरुंग लावल्याचा आरोप भाजपचे प्रवक्ते नवनाथ बन (Navnath Ban) यांनी केला होता. त्यानंतर शिंदेंच्या शिवसेनेचे नेते आक्रमक झाले होते. त्यांनी नवनाथ बन यांना प्रत्युत्तर देण्याचा सपाटा लावला होता. या सगळ्या वादात आता निलेश राणे यांनीही उडी घेतली आहे. (Maharashtra Politics news)

एकनाथ शिंदे यांच्या शिवसेनेचे आमदार असलेल्या निलेश राणे यांनी सोशल मीडियावर एक पोस्ट केली आहे. यामधून त्यांनी नवनाथ बन यांच्यावर निशाणा साधला. नवनाथ बन शिंदे साहेबांवर बोलताना लायकीत राहायचं. तुझी लायकी किती तू बोलतो किती, असे निलेश राणे यांनी म्हटले. या टीकेनंतर आता नवनाथ बन राणे यांना प्रत्युत्तर देणार का, हे बघावे लागेल.

नवनाथ बन शिंदे साहेबांवर बोलताना लायकीत राहायचं. तुझी लायकी किती तू बोलतो किती.
— Nilesh N Rane (@meNeeleshNRane) October 30, 2026

Shivsena Vs BJP: विधान परिषद निवडणुकीनंतर महायुतीतील वाद वाढवू नका – एकनाथ शिंदे यांचे शिवसेना नेत्यांना आदेश

विधान परिषद निवडणुकीच्या निकालानंतर महायुतीत निर्माण झालेला विसंवाद वाढवू नका, अशी सूचना उपमुख्यमंत्री एकनाथ शिंदे यांनी शिवसेना नेते आणि पदाधिकाऱ्यांना दिली आहे. निवडणुकीतील निकालांचे महायुती म्हणून आत्मपरीक्षण करा, झालेल्या चुकांची पुनरावृत्ती टाळा, असे एकनाथ शिंदे यांनी सांगितले आहे. युतीत वितुष्ट निर्माण होणार नाही आणि अंतर्गत वादाचा फायदा विरोधकांना मिळणार नाही, याची खबरदारी घ्या. महायुती म्हणून काम करताना झालेल्या चुका आणि त्रुटींचा सविस्तर अहवाल स्थानिक पदाधिकाऱ्यांकडून मागवण्यात आला असून महायुती समन्वय समिती आणि वरिष्ठ नेत्यांच्या बैठकीत या मुद्द्यांवर सविस्तर चर्चा होणार असल्याची माहिती आहे.तूर्तास शिवसेनेच्या प्रवक्त्यांनी आणि पदाधिकाऱ्यांनी माध्यमांसमोर मित्रपक्षांवर टीका करू नये. विसंवाद टाळून एकजुटीने पुन्हा कामाला लागण्याचे निर्देश एकनाथ शिंदे यांनी गुरुवारी रात्री झालेल्या बैठकीत दिले.

आणखी वाचा

Navnath Ban : शिवसेनेनं केसानं गळा कापला; भाजपच्या उमेदवाराच्या विरोधात प्रचार; नवनाथ बन यांनी पराभवाचं खापर शिवसेनेवर फोडलं; पुरावे दाखवत म्हणाले, 'धंगेकरांवर कारवाई....'

Mumbai Rains: मुंबईत पावसाची रिपरिप, अचानक पाऊस कोसळल्यानं नागरिकांची तारांबळ, दादर परिसरात पावसाच्या सरी, PHOTOs

अजय माने — Fri, 30 Oct 2026 08:26:58 +0530

Mumbai Rains: मुंबईत पावसाची रिपरिप, अचानक पाऊस कोसळल्यानं नागरिकांची तारांबळ, दादर परिसरात पावसाच्या सरी, PHOTOs

Mumbai Drone Accident Churchgate station: वानखेडे स्टेडियममधून दोन ड्रोन अचानक भिरभिरत आले अन् चर्चगेट रेल्वे स्टेशनवरील प्रवाशाच्या डोक्यावर आदळले, रक्ताची धार लागली अन्...

सुरज सावंत — Fri, 30 Oct 2026 08:10:56 +0530

Mumbai Drone Accident Churchgate station: मुंबईतील वानखेडे स्टेडियमवर बुधवारी रात्री टेलिकॉम कंपनीच्या ड्रोन शोदरम्यान एक मोठी दुर्घटना घडली. या दुर्घटनेत पश्चिम रेल्वेच्या चर्चगेट रेल्वेस्थानकावर (Churchgate Railway station) उभा असणारा एक प्रवासी जखमी झाला आहे. गुरुवारी रात्री घडलेल्या या घटनेने चर्चगेट रेल्वे स्थानकात एकच खळबळ उडाली होती. सुरुवातीला अचानक हे ड्रोन हवेतून येऊन प्रवाशाच्या डोक्यावर पडल्याने त्याच्या डोक्यातून येणारे रक्त पाहून इतर प्रवासी घाबरले होते. मात्र, काहीवेळाने रेल्वे पोलीस याठिकाणी आल्यानंतर या सगळ्या प्रकाराचा उलगडा झाला. (Mumbai Crime news)

प्राथमिक माहितीनुसार, वानखेडे स्टेडियमवर बुधवारी रात्री एका टेलिकॉम कंपनीचा कार्यक्रम सुरु होता. यावेळी ड्रोन शो चे आयोजन करण्यात आले होते. हा ड्रोन शो सुरु असताना रात्री 8 वाजून 10 मिनिटांच्या सुमारास दोन ड्रोन नियंत्रणाबाहेर गेले आणि थेट जवळच असलेल्या चर्चगेट रेल्वे स्थानकात कोसळले. चर्चगेट स्टेशनवरील प्लॅटफॉर्म क्रमांक तीनवर हे ड्रोन कोसळले. त्यावेळी हेमंत महोत्सवकर (वय 37) हे तीन नंबर फलाटावर विरारच्या बाजूला उभे होते. दोन ड्रोनपैकी एक ड्रोन हवेतून खाली कोसळताना त्यांच्या डोक्यावर येऊन आपटला. ड्रोन जोरात डोक्याला लागल्याने हेमंत महोत्सवकर यांच्या डोक्यातून रक्ताची धार वाहू लागली. यानंतर रेल्वे सुरक्षा कर्मचाऱ्यांकडून त्यांच्यावर तातडीने मदत आणि प्राथमिक उपचार करण्यात आले. यानंतर त्यांना रुग्णवाहिकेतून जीटी रुग्णालयात हलवण्यात आले. हेमंत महोत्सवकर यांना रुग्णालयात नेल्यानंतर जीआरपीने दोन्ही ड्रोन ताब्यात घेतले आहेत. या प्रकरणानंतर अज्ञात व्यक्तींविरोधात गुन्हा दाखल करण्यात आले आहे. ड्रोन नियंत्रणाबाहेर जाऊन रेल्वे स्थानकात कसे कोसळले, याचा तपास सुरु आहे.

Mumbai Crime: मुंबईत इमू पक्ष्यांच्या अंड्यांमधून गुंतवणुकीवर परताव्याचे आमिष; तिघांना ६ वर्षांचा कारावास

इमू पक्ष्यांच्या अंड्यांच्या बुकिंगवर गुंतवणुकीचा परतावा देण्याचे आमिष दाखवून ८९.१८ लाखांची फसवणूक. विशेष MPID न्यायालयाकडून खासगी कंपनीच्या तीन पदाधिकाऱ्यांना सहा वर्षांच्या कारावासाची शिक्षा. इंडियन इमू लाइफ प्रायव्हेट लिमिटेडचा संचालक हरीश दीक्षित, व्यवस्थापकीय संचालक मनोज पवार आणि सेल्स मॅनेजर चेतन दाने यांना शिक्षा. २०१०-११ मध्ये कंपनीने इमू पक्ष्यांच्या अंड्यांच्या बुकिंगच्या नावाखाली गुंतवणूक योजना सुरू केली होती. दोन महिने ते तीन वर्षांच्या कालावधीत बोनसच्या स्वरूपात परतावा देण्याचे आमिष. अवघ्या ४५ दिवसांत गुंतवणुकीची रक्कम दुप्पट करण्याचे आश्वासन दिल्याचा गुंतवणूकदारांचा आरोप. एका तक्रारदाराने सुरुवातीला ५.०४ लाख रुपये गुंतवले. २५ दिवसांत एक लाख रुपये परत मिळाल्याने पत्नीच्या नावाने आणखी ४.०४ लाखांची गुंतवणूक केली. मात्र, पुढील परतावा न मिळाल्याने पती-पत्नीने भांडुप पोलीस ठाण्यात तक्रार दाखल केली. कंपनीचे भांडुप येथील कार्यालय बंद झाल्याचे समजल्यानंतर गुंतवणूकदारांनी मुदतपूर्तीची वाट न पाहता पोलिसांकडे धाव घेतली. कंपनीचे कार्यालय बंद झाल्यानंतर सर्वसामान्य गुंतवणूकदारांनी पोलिसांकडे जाणे स्वाभाविक असल्याचे निरीक्षण नोंदवत न्यायालयाने बचाव पक्षाचा युक्तिवाद फेटाळला.

आणखी वाचा

Virar Crime News: बंद फ्लॅटमध्ये तीन भावंडांचे आढळले मृतदेह; विरारमध्ये खळबळ, प्राथमिक कारण चक्रावून टाकणारं, नेमकं काय घडलं?

Mumbai Art Gallery : मुंबईत व्यंगचित्रकारांच्या कलेचे भव्य दालन उभारणार, मुख्यमंत्री देवेंद्र फडणवीसांची मोठी घोषणा

एबीपी माझा ब्युरो — Thu, 29 Oct 2026 23:37:28 +0530

मुंबई : मुंबईत मराठी व्यंगचित्रकारांच्या उत्कृष्ट कलाकृतींसाठी आणि त्यांच्या कलेचा वारसा जतन करण्यासाठी एक भव्य कला दालन (Art Gallery) उभारण्यात येईल, अशी महत्त्वपूर्ण घोषणा राज्याचे मुख्यमंत्री देवेंद्र फडणवीस यांनी केली आहे. सांस्कृतिक कार्य विभागाच्या माध्यमातून राज्य सरकार यासाठी पुढाकार घेईल, अशी ग्वाही त्यांनी दिली. दादर येथील स्वातंत्र्यवीर सावरकर स्मारक सभागृहात ग्रंथाली प्रकाशनातर्फे आयोजित आणि ज्येष्ठ व्यंगचित्रकार प्रशांत कुलकर्णी संपादित 'महाराष्ट्राच्या हास्यरेषा' या पुस्तकाच्या प्रकाशन सोहळ्यात मुख्यमंत्री बोलत होते.

या ऐतिहासिक सोहळ्याला सांस्कृतिक कार्यमंत्री ॲड. आशिष शेलार, माजी मुख्यमंत्री उद्धव ठाकरे, मनसे अध्यक्ष राज ठाकरे, ग्रंथालीचे विश्वस्त सुदेश हिंगलासपूरकर आणि संपादक प्रशांत कुलकर्णी हे मान्यवर विशेष उपस्थित होते.

Devendra Fadnavis On Caricature Art : "एकही शब्द न वापरता मारलेले फटके"

आपले मनोगत व्यक्त करताना मुख्यमंत्री देवेंद्र फडणवीस म्हणाले, "व्यंगचित्रकला ही अत्यंत प्रभावी कला आहे. एकही शब्द न उच्चारता हवे तेवढे प्रभावी फटके मारण्याची ताकद या कलेमध्ये असते. कोणत्याही काळातील सामाजिक, राजकीय घडामोडी किंवा समाजातील विरोधाभास मराठी व्यंगचित्रकारांनी नेहमीच आपल्या रेषांमधून मांडला आहे. ही विलक्षण कला भावी पिढीपर्यंत पोहोचवण्यासाठी हे पुस्तक मोलाचे ठरेल."

Uddhav Thackeray Reaction : दालनासाठी सर्वतोपरी मदत करू - उद्धव ठाकरे

Raj Thackeray On Lines : 'रेषांमधील स्वाभिमान अन् अचूक टिपण' - राज ठाकरे

मनसे अध्यक्ष राज ठाकरे यांनी व्यंगचित्र काढताना रेषांचे महत्त्व, अचूक टिपण आणि स्वाभिमान कसा टिकवून ठेवावा, यावर मार्गदर्शन केले. जुन्या काळातील व्यंगचित्र विश्वातील आठवणींना उजाळा देताना त्यांनी सांगितले की, "संस्कृती आणि कलेच्या व्यासपीठावर राजकीय मतभेद बाजूला ठेवून एकत्र येणे ही महाराष्ट्राची जुनी आणि प्रगल्भ परंपरा आहे."

Ashish Shelar Announcement : शि. द. फडणीस यांच्या नावाने पुणे विद्यापीठात केंद्र

सांस्कृतिक कार्यमंत्री ॲड. आशिष शेलार यांनी 'महाराष्ट्राच्या हास्यरेषा' या ग्रंथाच्या निर्मितीसाठी ग्रंथाली आणि प्रशांत कुलकर्णी यांनी घेतलेल्या परिश्रमांचे कौतुक केले. तसेच, ज्येष्ठ व्यंगचित्रकार शि. द. फडणीस यांच्या प्रदीर्घ कार्याचा गौरव म्हणून पुणे विद्यापीठात त्यांच्या नावाने विशेष अध्ययन केंद्र सुरू करण्याचे काम अंतिम टप्प्यात असल्याची माहिती त्यांनी दिली.

ही बातमी वाचा:

Maharashtra Politics : मोठी बातमी! आधी बंद दाराआड गुप्त चर्चा, अन् नंतर मुख्यमंत्री देवेंद्र फडणवीसांसह दोन्ही ठाकरे बंधू एकाच व्यासपीठावर