Mumbai Shivaji Park Protest : शिवाजी पार्कवर विनापरवाना आंदोलन, CJP च्या अभिजीत दिपकेंसह 500 कार्यकर्त्यांवर गुन्हा दाखल

CJP Protest Shivaji Park Mumbai :शिवाजी पार्क मैदानावर विनापरवाना आंदोलन करून कायदा व सुव्यवस्थेचा प्रश्न निर्माण केल्याप्रकरणी पोलिसांनी CJP च्या 400 ते 500 कार्यकर्त्यांविरोधात गुन्हा दाखल केला आहे.

CJP Protest Shivaji Park Mumbai

Source : abp majha

मुंबई : मुंबईतील दादर येथील ऐतिहासिक शिवाजी पार्क मैदानावर विनापरवाना बेकायदेशीरपणे आंदोलन (Unlawful Assembly) करणे आणि लाउडस्पीकरचा वापर करणे 'कॉकरोच जनता पार्टी' (CJP) आणि त्यांच्या कार्यकर्त्यांना महागात पडले आहे. परवानगी नाकारलेली असतानाही 2 ऑक्टोबर रोजी शिवाजी पार्कवर गर्दी जमवून जोरदार घोषणाबाजी केल्याप्रकरणी दादर पोलिसांनी (Dadar Police) CJP चे राष्ट्रीय संघटक अजिंक्य शिंदे, मुंबई कोऑर्डिनेटर प्रणव आहिरे यांच्यासह तब्बल 400 ते 500 कार्यकर्त्यांविरोधात विविध कलमांन्वये गुन्हा दाखल केला आहे.

CJP Organizers Booked Dadar Police : पोलिसांनी परवानगी नाकारूनही केले आंदोलन

पोलीस सूत्रांनी दिलेल्या माहितीनुसार, CJP चे राष्ट्रीय संघटक अजिंक्य शिंदे आणि मुंबई कोऑर्डिनेटर प्रणव आहिरे यांनी 2 ऑक्टोबर रोजी शिवाजी पार्क येथे आंदोलनासाठी परवानगी मागितली होती. मात्र, सुरक्षेचे आणि कायदा-सुव्यवस्थेचे कारण देत पोलिसांनी आंदोलनाला स्पष्ट शब्दांत परवानगी नाकारली होती.

असे असतानाही, गुरुवारी (2 ऑक्टोबर) सायंकाळी 4 ते 7 वाजेच्या सुमारास शिवाजी पार्क मैदान, गेट क्रमांक 6, मीनाताई ठाकरे स्मारकासमोर शेकडो समर्थक एकत्र जमले. आंदोलकांनी विनापरवाना सार्वजनिक ठिकाणी सभा घेऊन घोषणाबाजी केली तसेच मोठ्या आवाजात लाउडस्पीकरचा वापर केला.

Sections Imposed On CJP Leaders : भारतीय न्याय संहितेनुसार कारवाई; कोणावर झाले गुन्हे दाखल?

विनापरवाना जमाव जमवणे, सार्वजनिक रस्त्यावर वाहतुकीला व नागरिकांना अडथळा निर्माण करणे आणि पोलिसांच्या आदेशाचे उल्लंघन केल्याप्रकरणी दादर पोलिसांनी कठोर कारवाई केली आहे.

या प्रमुख नेत्यांवर दाखल झाले गुन्हे :

अजिंक्य शिंदे (राष्ट्रीय संघटक, CJP)

प्रणव आहिरे (मुंबई कोऑर्डिनेटर)

अभिजीत दीपके

सौरभ दास

आशुतोष रांका

आफरीन नवाज

सौम्या कोरडे

अंकित भारद्वाज

विजय मलंगी

योगेश इंगळे (तसेच इतर 300 ते 400 अज्ञात समर्थक)

Dadar Police Action BNS Sections : कोणत्या कलमांखाली कारवाई?

दादर पोलिसांनी या प्रकरणी नवीन भारतीय न्याय संहिता (BNS) आणि 'महाराष्ट्र पोलीस कायद्यां'न्वये गुन्हे नोंदवले आहेत:

BNS कलम 189(2) : बेकायदेशीर जमाव जमवणे.

BNS कलम 223 : सरकारी कर्मचाऱ्याने जारी केलेल्या आदेशाचे उल्लंघन करणे.

महाराष्ट्र पोलीस कायदा कलम 37(1), 37(3) आणि 135 : जमावबंदी आणि मनाई हुकुमाचे उल्लंघन.

या बेकायदेशीर आंदोलनामुळे सार्वजनिक शांतता भंग पावली असून, दादर पोलीस आता या प्रकरणाचा पुढील तपास करत आहेत.

ही बातमी वाचा :