ZP and Panchayat Samiti Elections Voting 2026 LIVE : जिल्हा परिषद, पंचायत समितीचा धुरळा! 125 पंचायत समित्यांच्या कारभाऱ्यांसाठी आज मतदान; वाचा सर्व अपडेट्स
Maharashtra Live blog updates: राज्यातील आणि देश-विदेशातील ताज्या घडामोडी आणि लेटेस्ट अपडेट्स मिळवण्यासाठी क्लिक करा. महाराष्ट्राच्या राजकारणात नेमकं काय घडतंय?
पार्श्वभूमी
ZP and Panchayat Samiti Elections Voting 2026 LIVE: राज्यातील 12 जिल्हा परिषदा आणि 125 पंचायत समित्यांसाठी आज मतदान होत असून यासाठी निवडणूक यंत्रणा सज्ज झाली आहे. जिल्हा परिषदेच्या 731 तर...More
छत्रपती संभाजीनगर जिल्ह्यात जिल्हा परिषद आणि पंचायत समिती निवडणुकीसाठी दुपारी साडेतीन वाजेपर्यंत 53.43 टक्के मतदान झाले.
बार्शीतील पानगावमध्ये नवरदेवाने लग्नाआधी बजावला मतदानाचा अधिकार
घोड्यावरील वरात थेट मतदान केंद्रात नेत बजावला मतदानाचा अधिकार
पानगाव येथील आनंद जयराम मोरे यांच्या कृतीमुळे मतदाराची सर्वत्र चर्चा रंगलीय
जयराम मोरे हे प्रशिक्षणार्थी बीडीओ म्हणून कार्यरत आहेत मात्र विवाहासाठी ते गावी आले होते.
मतदानाबाबत जागृती व्हावी म्हणून त्यांनी बोहल्यावर चढण्यापूर्वी मतदानाचा हक्क बाजवला.
तासगाव तालुक्यातील बलगवडे गावातील नागरिकांचा मतदानावर बहिष्कार कायम
4 वाजून गेले तरी गावातील मतदान केंद्रावर एकही मतदान नाही, आता मतदान होण्याची देखील शक्यता कमी
गावातील गायरान जमिनीवर सोलर प्रकल्पासाठी झालेल्या वृक्षतोडीच्या निषेधार्थ गावातील ग्रामस्थांनी मतदानावर टाकला बहिष्कार
तासगाव कवठेमंहाकाळ मतदारसंघाचे आमदार रोहित पाटील यांची या गावच्या निर्णयाबाबत प्रतिक्रिया समोर
मतदानावर बहिष्कार टाकलेल्या गावाच्या प्रश्नावर लोकांशी चर्चा करून तोडगा काढण्यासाठी प्रयत्न सुरू आहेत, लोकशाही मार्गाने आपले प्रश्न मांडण्यासाठी नागरिकांनी मतदान करायला हवे
पुणे: शेततळ्यात बुडून मृत्युमुखी पडलेल्या आफान अफसर ईनामदार ( वय १०) आणि रीफत अफसर ईनामदार ( वय ७) या चिमुकल्यांच्या कुटुंबियांना उपमुख्यमंत्री एकनाथ शिंदे यांनी पाच लाख रुपयांची मदत देऊ केली आहे. नगरपालिका निवडणुकीवेळी जुन्नरमध्ये पचारासाठी आले असता त्यांना या दुर्दैवी घटनेबद्दल कळल्यानंतर त्यांनी ईनामदार कुटुंबीयांची सांत्वनपर भेट घेतली होती. त्यानंतर आता त्यांनी त्यांना मदतीचा हात देऊ केला आहे.
कोणार्क विकास आघाडीचे माजी महापौर विलास पाटील व त्यांचा मुलगा नगरसेवक मयुरेश पाटील यांना शनिवारी भिवंडी न्यायालयाकडून अटकपूर्व जामीन मंजूर करण्यात आला आहे.पाटील यांना अटकपूर्व जामीन मंजूर झाल्याने आता महापौर पदाच्या निवडणुकीतील चुरस आणखीन वाढली आहे.
भिवंडी महापालिका निवडणुकीनंतर कोणार्क विकास आघाडीचे माजी महापौर विलास पाटील व भाजप आमदार महेश चौघुले यांच्या समर्थकांमध्ये निवडणूक निकालानंतर जोरदार हाणामारी झाली होती. या प्रकरणी दोन्ही गटातील सुमारे 450 हून अधिक जणांवर गुन्हा दाखल करण्यात आले होते. त्यापैकी ५१ जणांना पोलिसांनी अटक केली होती. या गुन्ह्यात कोणार्क विकास आघाडीचे माजी महापौर विलास पाटील व त्यांचा मुलगा नगरसेवक मयुरेश पाटील यांच्यावर देखील गुन्हा दाखल करण्यात आला होता.
आज माजी महापौर विलास पाटील व त्यांचा मुलगा मयुरेश पाटील यांना अटक पूर्व जामीन मंजूर करण्यात आला असून कोणार्क विकास आघाडीतील एकूण २३ जणांना तर भाजपच्या ३ जणांना अशा एकूण २६ जनांना भिवंडी न्यायालयातून जामीन मंजूर झाले आहे. माजी महापौर विलास पाटील यांना जामीन मंजूर झाल्याने आता महापौर पदाच्या निवडणुकीतील चुरस आणखीन वाढणार असल्याची चर्चा आहे.
गडचिरोली : गडचिरोली - नारायणपूर जिल्ह्रांच्या सिमावर्ती भागातील जंगल परिसरात माओवादी आणि सुरक्षा दलामध्ये सतत तीन दिवस चकमक झाली. या चकमकीत 7 माओवाद्यांचा खात्मा करण्यात गडचिरोली पोलीस दलाल यश आले आहे. चकमकीत ठार झालेल्या सातही माओवाद्यांची ओळख पटली असून गडचिरोली विभागीय समितीचा प्रभारी प्रभाकरसह 4 वरीष्ठ मेंबर आणि 02 सदस्यांचा खात्मा झाला आहे. सातही माओवाद्यांवर शासनाचे होते तब्बल 71 लाख रुपयांचे बक्षिस होते, अशी माहिती पोलीस दलाने पत्रकार परिषदेत दिली. या चकमकीत माओवाद्यांविरुद्ध शौर्याने लढा देत असताना विशेष पथक प्राणहिता येथील पोलीस शिपाई दिपक चिन्ना मडावी हे गोळी लागून जखमी झाले होते. त्यांना पहाटे अबुझमाड येथील घनदाट जंगलातून हेलीकॉप्टरच्या मदतीने बाहेर काढून उपजिल्हा रुग्णालय भामरागड येथे हलविण्यात आले होते. परंतू दुर्देैवाने अभियानादरम्यान आलेल्या जखमांमूळे दिपक चिन्ना मडावी शहीद झाले. तर पथकातीलच जवान जोगा मडावी हे देखील गोळी लागून जखमी झाले होते. काल त्यांना देखील हेलीकॉप्टरच्या मदतीने गडचिरोली येथे आणण्यात आले होते. सध्या त्यांची प्रकृती स्थिर असून त्यांच्यावर उपचार सुरु आहे.
सिंधुदुर्ग जिल्हा मतदान टक्केवारी
सकाळी 7:30 ते 1:30 पर्यंत 40.13 टक्के मतदान
छत्रपती संभाजीनगर जिल्ह्यात जिल्हा परिषद आणि पंचायत समिती निवडणुकीसाठी दुपारी दीड वाजेपर्यंत ३५.२३ टक्के मतदान झाले.
- मालेगाव महापालिका इमारतीची चौथ्या मजल्यावरून लिफ्ट खाली कोसळली...
- लिफ्टमध्ये क्षमतेपेक्षा जास्त भार झाल्याने लिफ्ट खाली कोसळली...लिफ्टची चैन तुटल्याने अपघात..
- सुदैवाने लिफ्टमधील १८ जण बचावले...
- लिफ्टचा दरवाजा पहिल्या मजल्यावर अडकल्याने लिफ्टमधील नागरिक सुखरूप...
- पहिल्या मजल्यावरील भिंत तोडून अग्निशमन व पोलिस दलाच्या मदतीने नागरिकांना बाहेर काढण्यात आले..
- लिफ्टमध्ये इस्लाम पार्टीचे आसिफ शेख, मुश्तकिन डिग्निटी यांचेसह पाच पत्रकार अडकले होते लिफ्टमध्ये...
छत्रपती संभाजीनगर जिल्ह्यात जिल्हा परिषद आणि पंचायत समिती निवडणुकीसाठी दुपारी दीड वाजेपर्यंत ३५.२३ टक्के मतदान झाले.
अजित पवारांच्या विमानात बॉम्ब होता.या बजरंग सोनवणे यांच्या वक्तव्यावर शहाजीबापू यांनी आज सडकून टीका करताना फुकट प्रसिद्धीसाठी भडक बोलण्याचा उद्योग अलीकडे सुरू झाला आहे असा टोला लगावला. आज सांगोला तालुक्यातील चीक महूद येथे मतदान केल्यानंतर बापू बोलत होते.
हा तांत्रिक आणि निव्वळ अपघात आहे. फरक एवढाच आहे की विमानात चूक होती की वैमानिक चुकला एवढेच समोर यायचे राहिले असल्याचे शहाजी बापूंनी सांगितले. देशाचे संरक्षण मंत्री राहिलेले आणि जगातील सुंदर आणि चांगली विमाने ज्यांनी पाहिले आहेत असे शरद पवार साहेबांनी म्हणाले की हा निव्वळ अपघात आहे. विनाकारण अजित दादांच्या मृत्यूचे कोणी कृपा करून भांडवल करू नका असे आवाहनही शहाजीबापू यांनी केले आहे.
खानापूर तालुक्यातील भाळवणी येथील 90 वर्षीय आजीबाईनी बजावला मतदानाचा हक्क
खानापूर तालुक्यातील भाळवणी येथील 90 वर्षीय मालती माधवराव कुलकर्णी या आजीबाईंनी देखील आपला मतदानाचा हक्क बजावला. दरवेळी मतदानाला त्या न चुकता येत असल्याचे त्यांनी सांगितले.
पुणे जिल्हा परिषदेसाठी ११ :३० वाजेपर्यंतची २१.१६ टक्के मतदान
जुन्नर-२१.७टक्के
आंबेगाव २२.१९ टक्के
शिरूर-२१.३७टक्के
खेड-२१.८२टक्के
मावळ -२४.४५ टक्के
मुळशी-स१८.४९ टक्के
हवेली-१९.८५टक्के
दौंड-२१.६३टक्के
पुरंदर-२१.५१टक्के
वेल्हे-२२.१४ टक्के
भोर-२३.९३टक्के
बारामती-१८.२१टक्के
इंदापूर-२०.५७ टक्के
वाळवा तालुक्यातील कापूसखेड येथील तृप्ती तानाजी पाटील हिने आपल्या लग्नाच्या दिवशीही लोकशाहीप्रती असलेली बांधिलकी जपत लग्नाच्या आधी मतदानाचा हक्क बजावला. सनई-चौघड्यांच्या मंगल सूरांआधीच ती मतदान केंद्रावर दाखल झाली. वैयक्तिक आनंदापेक्षा लोकशाहीचे कर्तव्य महत्त्वाचे मानणाऱ्या तृप्ती पाटील यांच्या या कृतीचे सर्वत्र कौतुक होत आहे.
परभणीच्या पाथरीतील देवनांद्रा जिल्हा परिषद गटातील गुलशन नगर येथील मतदान केंद्रावर किरकोळ कारणावरून काँग्रेस आणि एकनाथ शिंदें शिवसेनेच्या कार्यकर्त्यांत हाणामारी झाली आहे ज्यात एक जण जखमी झाला आहे.आज मतदान पार पडत असताना किरकोळ कारणावरून काँग्रेस आणि शिंदे सेनेचे कार्यकर्त्यांत बाचाबाची झाली त्यांनतर त्याचे पर्यवसान हाणामारी झाले ज्यात काँग्रेस च्या कार्यकर्त्याचा चाकू लागल्याने शिंदे सेनेचा कार्यकर्ता हा जखमी झाला आहे.वसीम शेख असे जखमी झालेल्या कार्यकर्त्याचे नाव असुन पाथरीत प्रथमोपचार करून परभणी येथे हलवण्यात आले आहे.पोलिसानी तत्काळ घटनास्थळी पोचत दोन्ही कडच्या कार्यकर्त्यांना बाजूला केले त्यामूळे पुढील वाद टळला आहे दरम्यान पाथरीत पोलीस बंदोबस्त वाढवण्यात आला आहे.
रायगड जिल्ह्यात सकाळी 11:30 वाजेपर्यंत 26.93 टक्के मतदान
रायगडमध्ये आज जिल्हा परिषदेच्या ५९ जागांसाठी मतदान होत आहे. सकाळच्या सत्रात थोडा कमी उत्साह बघायला मिळाला मात्र आता सर्वच मतदान केंद्रावर मतदारांच्या रांगा बघायला मिळत आहेत. अलिबाग जवळील वायशेत इथे जिल्हा परिषदेच्या शाळेत एक ९५ वर्षांचे आजोबा देखील मतदानासाठी आले होते. चालता येत नसून त्यांनी मतदान केले. त्यांच्यासाठी व्हील चेयरची सोय उपलब्ध करून देण्यात आली होती. तसेच ऊन असल्याने ओ आर एस, पिण्याचे पाणी, प्रथमोमचराची औषधे देखील उपलब्ध करून देण्यात आली आहेत.
तासगाव तालुक्यातील बलगवडे गावात आतापर्यंत जिल्हा परिषद आणि पंचायत समिती साठी एकही मतदान नाही...सोलर प्रकल्पासाठी झालेल्या वृक्षतोडीच्या निषेधार्थ गावातील ग्रामस्थांनी मतदानावर बहिष्काराचा निर्णय
तासगाव तालुक्यातील बलगवडे गावात आतापर्यंत जिल्हा परिषद आणि पंचायत समिती साठी एकही मतदान झालेले नाही.
बलगवडे गावात सोलर प्रकल्पासाठी झालेल्या वृक्षतोडीच्या निषेधार्थ गावातील ग्रामस्थांनी मतदानावर बहिष्काराचा निर्णय घेतला आहे.
बलगवडे येथे प्रस्तावित सोलर प्रकल्पाच्या उभारणीसाठी ग्रामस्थांचा विरोध झुगारून जवळपास १० ते १५ हजार झाडे तोडली आहेत.
शिवाय ग्रामपंचायतीने वृक्षारोपण करण्यासाठी केलेला १० लाखाचा खर्च वाया गेला आहे, त्यामुळे बलगवडे गावातील ग्रामस्थानी आज होणाऱ्या जिल्हा परिषद आणि पंचायत समितीच्या मतदानावर बहिष्कार टाकला आहे.
परभणीच्या गंगाखेड तालुक्यातील राणीसावरगाव येथील मतदान केंद्रावर कुठलाही ओळखपत्राचा पुरावा हातात घेऊन न आल्याने मतदान अधिकारी आणि महंत राधाकृष्ण स्वामी यांच्यामध्ये जोरदार वाद झाला होता या वादानंतर अधिकाऱ्यांनी त्यांना मतदान करू दिले नाही त्यामुळे त्यांचा संताप अनावर झाला होता शेवटी या महंतांनी परत जाऊन आपल्या ओळखीचा पुरावा म्हणजेच आधार कार्ड घेऊन आले आणि त्यानंतर त्यांनी मतदानाचा हक्क बजावला आहे आणि सर्वांनी मतदान करण्याचा आवाहनही केल आहे.
शहरातील भाजपचे पदाधिकारी व कार्यकर्ते झेडपी मतदान केंद्रावर 100 मीटर च्या आत फिरू लागल्याने मतदानाला आलेले शरद पवार गटाचे खासदार धैर्यशील मोहिते पाटील यांनी पोलिसांनी प्रशासनाला कडक शब्दात सुनावले . भाजप कार्यकर्त्यांवर पोलीस कारवाई करीत नसल्याचे पाहून खासदार मोहिते पाटील चांगले संतापल्याचे दिसत होते. त्यानंतर पोलिसांनी शंभर मीटरच्या परिसरात करणाऱ्यांना बाहेर काढण्यास सुरुवात केली.
खासदार धैर्यशील मोहिते पाटील यांनी घेतला आक्षेप
ग्रामीण भागात लॅपटॉप व छोट्या मशीनद्वारे मतदारांचे वेगवेगळे संशयास्पद सर्वे केले जात असल्याचा आक्षेपही खासदार मोहिते पाटील यांनी घेतला आहे. माळशिरस तालुक्यात अशा पद्धतीने लहान मशीन घेऊन मतदारांचे मतदाना दिवशी सर्वे सुरू असल्याचे व्हिडिओ सोशल मीडियात व्हायरल झाल्यानंतर मोहिते पाटील चांगलेच आक्रमक झाल्याचे पाहायला मिळाले.
बीड ब्रेक - सरपंच संतोष देशमुख हत्या प्रकरणाची पुढील सुनावणी 21 फेब्रुवारी रोजी
आज न्यायालयात काय झाले
आरोपी विष्णू चाटेला लातूर कारागृहातून बीड कारागृहात आणले जावे यासाठी वकिलांकडून अर्ज देण्यात आला
तर सरकारी पक्षाकडून यावर आक्षेप घेत विष्णू चाटेचा यापूर्वी एक अर्ज न्यायालयाला देण्यात आला होता तो रद्द करण्यात आला
त्यामुळे तोच निर्णय अंतिम समजला जावा असा युक्तिवाद करण्यात आला
यावर न्यायालयाचा निर्णय येणे अपेक्षित आहे
तर सरकारी पक्षाकडून अतिरिक्त दाखल करण्यात आलेला लॅपटॉप पुरावा आणि तपासणी अहवाल न्यायालयात जमा करण्या बाबत माहिती देण्यात आली
त्याची कॉपी आरोपीच्या वकिलांना मिळाल्यानंतर 21 फेब्रुवारी रोजी यावर युक्तिवाद होऊ शकतो
पुणे जिल्हा परिषदेसाठी पहिल्या दोन तासांत ७.७४ टक्के मतदान
सर्वाधिक मतदान भोर तालुक्यात झाले . ८.७९ टक्के.
जुन्नर-७.४२ टक्के
आंबेगाव ८.५६ टक्के
शिरूर-७.२१ टक्के
खेड-७.६५ टक्के
मावळ -८.६३ टक्के
मुळशी-७.०३ टक्के
हवेली-७.७९ टक्के
दौंड-८.१२ टक्के
पुरंदर-८.१ टक्के
वेल्हे-७.९१ टक्के
बारामती-६.५२ टक्के
इंदापूर-७.६८ टक्के
- राष्ट्रीय स्वयंसेवक संघाची अखिल भारतीय प्रतिनिधी सभा मार्चमध्ये हरियाणातील समालखा (पानीपत) येथे होणार.
- २०२९ लोकसभा निवडणुकीच्या पार्श्वभूमीवर संघाने संघटनात्मक तयारीला गती.
- शताब्दी वर्षानिमित्त संघविस्तार, पंच परिवर्तन आणि पुढील कार्ययोजनेवर सखोल चर्चा.
- प्रचारक प्रणालीत बदलाची शक्यता; प्रांत प्रचारकांऐवजी विभागनिहाय प्रचारक नेमण्यावर मंथन.
- विदर्भात नागपूर व अमरावती विभाग असल्याने प्रचारकांची संख्या वाढण्याची शक्यता.
- संघाच्या दृष्टिकोनातून महाराष्ट्रातील विदर्भ, कोकण, देवगिरी व पश्चिम महाराष्ट्र असे चार प्रांत आहे.
- देशभरात सध्या ४५ प्रांत; विकेंद्रीकरणावर विशेष भर.
- मालेगाव महापालिका महापौर पदी इस्लाम पार्टीच्या शेख नसरीन बानो खालिद विजयी..
- नसरीन बानो यांना मिळाले ४३ मते तर शिवसेनेच्या लता सखाराम घोडके यांना मिळाली १८ मते...
- भाजप, एमआयएम ने स्वीकारली तटस्थ भूमिका..
- घोडके यांचा २५ मतांनी केला पराभव...
- मालेगाव महापालिकेच्या महापौरपदी इस्लाम पार्टीच्या नसरीन शेख विजयी....
सातारा - शरद पवार पक्षाचे प्रदेशाध्यक्ष शशिकांत शिंदे यांनी कोरेगाव तालुक्यातील ल्हासूर्णे येथे सहकुटुंब मतदानाचा हक्क बजावला आहे. जिल्हा परिषद आणि पंचायत समिती च्या या निवडणुकीत दोन्ही राष्ट्रवादींना चांगलं यश मिळेल असा विश्वास शिंदे यांनी व्यक्त केलाय. मात्र सत्तारूढ पक्षाचे मतदानाची स्टॅटर्जी बदलली आहे.पण लोकशाही टिकवण्यासाठी दोन्ही राष्ट्रवादी एकत्र निवडणूक लढवत आहेत त्याचा निश्चित फायदा होईल. सत्तेचा दबाव, विकास कामे केली जाणार नाही असं सुद्धा बोललं जातं, त्यामुळे लोकांना खूप दबावाखाली असतात मात्र लोकांचा प्रतिसाद चांगला आहे. स्वर्गीय अजित पवारांच्या अकाली जाण्याने महाराष्ट्र पोरका झाला पण त्याचा जाण्याने लोकांमध्ये सहानुभूती आहे त्यामुळे त्याचा फायदा निश्चित होईल.
रायगड जिल्हा परिषदेत जर का विकास करायचा असेल तर आपली माणसं असणे गरजेचा आहे असं वक्तव्य भाजपचे नेते प्रवीण दरेकर यांनी आज रायगडच्या पोलादपूर मध्ये केलंय. भाजप आणि राष्ट्रवादी या दोन्ही पक्षाच्या माध्यमातून आम्ही निधी आणून जिल्ह्यात विकासाचा प्रयत्न करत असल्याच म्हणतं त्यांनी सुनील तटकरे आदिती तटकरे यांची प्रशंसा करत भाजप आणि राष्ट्रवादीच्या माध्यमातून पोलादपूर मध्ये कमळ फुलवून विकास करता येणार असल्याच म्हणत गोगावले यांना टोमणे लगावलेत... प्रवीण दरेकर हे आज पोलादपूरच्या रायगड जिल्हा परिषद आणि पंचायत समितीच्या निवडणुकीचा आढावा घेत आहेत. यावेळी त्यांनी भाजप आणि राष्ट्रवादीच्या युतीबद्दल बोलताना दोन्ही पक्षांची स्तुती केली आहे.
मुंबई महानगरपालिकेवर भाजपच्या रितू तावडे आणि उपमहापौर पदी संजय घाडी यांची निवड होताच भाजपचे नेते प्रवीण दरेकर यांनी त्यांचे अभिनंदन केलं आहे. रितू तावडे हे मुंबई महापौर पदी न्याय देतील असा विश्वास व्यक्त करत त्यांनी दोघांनाही त्यांना शुभेच्छा दिल्या.
मोठी बातमी : रितू तावडे मुंबईच्या महापौरपदी तर संजय घाडी उपमहापौर, भाजप-शिवसेनेकडून घोषणा
-रितू तावडे या भाजपच्या ज्येष्ठ नगरसेविका आहेत.
-2012 मध्ये प्रभाग क्रमांक 127 मधून विजय मिळवला होता.
-2017 मध्ये घाटकोपरमध्ये प्रभाग क्रमांक 121 मधून पहिल्यांदा निवडून आल्या होत्या.
-यानंतर 2025 च्या निवडणुकीत प्रभाग क्रमांक 132 मधून विजय मिळवला आहे.
-त्यांनी मुंबई महापालिकेच्या शिक्षण समितीचे अध्यक्षपद भूषविले आहे.
-त्या महापौर पदाच्या प्रबळ दावेदार मानल्या जात होत्या.
दिवंगत अजित दादांचं पवार कुटुंबात दोन्ही राष्ट्रवादीच्या विलीनीकरणाची चर्चा झाली असेल, हे आम्ही नाकारत नाही. सुनेत्रा वहिनींनी विलीनीकरणाचा निर्णय घेतला तर माझा पाठिंबा असेल. असं मोठं विधान अजित पवार राष्ट्रवादीचे आमदार सुनील शेळकेंनी केलाय. शरद पवारांचे आमदार रोहित पवारांनी येत्या 12 तारखेला पत्रकार परिषदेत मोठा खुलासा करणार असल्याचं म्हटलं, त्यानंतर शेळकेंनी अजित दादांची पवार कुटुंब आणि शरद पवार राष्ट्रवादीच्या नेत्यांशी विलीनीकरणाची चर्चा झाली असेल, हे आम्ही कधीचं नाकारलं नाही. असं मोठं विधान शेळकेंनी केलंय. तसेच सुनेत्रा वहिनी जे ठरवतील ते, त्यांनी म्हटलं तर दोन्ही राष्ट्रवादीच्या विलीनीकरणाला माझा पाठिंबा असेल. असं शेळकेंनी जाहीरपणे म्हटलंय. पण शरद पवार राष्ट्रवादीचा प्रस्ताव काय आहे हे आधी पहावं लागेल आणि त्यानंतर भाजपसह शिंदे शिवसेनेची याला संमती लागेल, असं ही ते म्हणालेत.
शेकापचे सरचिटणीस जयंत पाटील यांनी आपला मतदानाचा हक्क बजावला आहे. सकाळीच अलिबाग तालुक्यातील पेझारी येथील मतदान केंद्रावर सहकुटुंब जावून त्यांनी मतदान केलं. यावेळी त्यांनी शेकापच्या विजयाचा विश्वास व्यक्त केला.
सातारा जिल्हा परिषद व कराड पंचायत समिती निवडणुकीसाठी कराड तालुक्यातील तांबवे येथील एका नवरदेवाने लग्नाच्या गडबडीतही मतदानाचा हक्क बजावला आहे. तांबवे येथील विक्रम पाटील यांचा विवाह आज पुणे जिल्ह्यातील उरुळीकांचन येथे आदिती यांच्याशी संपन्न होत आहे. लग्नाची वेळ दुपारी ठरलेली असतानाही विक्रम यांनी सकाळी सर्वप्रथम मतदान केंद्रावर जाऊन आपला मतदानाचा हक्क बजावला.
उपमुख्यमंत्री अजित पवार यांच्या निधनानंतर पुणे जिल्ह्यातील जिल्हा परिषदेची निवडणूकच पालटली. पुण्यातल्या डोणजे गावात अजित पवारांची सभा होणार होती आणि त्यामुळे सगळ्या नेत्यांना कार्यकर्त्यांना उभारी मिळणार होती. मात्र अजित पवारच निधन झालं आणि नेत्यांनी तीच धुरा अजित पवार गेल्यानंतरही समोर सुरू ठेवली आणि प्रचार केला. अजित पवारानंतर सुनेत्राताईच आमच्या नेत्या असणार असं कार्यकर्त्यांचं म्हणणं आहे आणि दोन्ही राष्ट्रवादी एकत्र आले तर व्यवस्थित होईल असाही कार्यकर्त्यांना वाटतंय.
कोल्हापूर जिल्ह्यात जिल्हा परिषद आणि पंचायत समितीसाठी सकाळपासून मतदानाला सुरुवात
कोल्हापूर जिल्हा परिषदेचा अध्यक्ष भाजपचाच होणार
चंदगडचे आमदार शिवाजी पाटील यांना विश्वास
नगरपालिका निवडणुकीतला चंदगड पॅटर्न आता संपलेला आहे
कोल्हापूर जिल्ह्यात विरोधकांनी पैशाचा वापर केला
चंदगडचे आमदार शिवाजी पाटील यांचा आरोप
चिपळूणमध्ये ईव्हीएम मशीन बंद पडण्याचं सत्र सुरूच... कळवंडे येथे मशीन बंद पडल्याने अजूनही मतदान प्रक्रियेला सुरवात नाही तर
मांडकी, आगवे, सावर्डे कासारवाडी येथील ईव्हीएम मशीन पडल्या बंद
गुहागर मधील बोऱ्या येथे मशीन बंद पडल्याने मतदान प्रक्रिया बंद.
शिंदेंच्या शिवसेनेची मुंबई महानगर पालिकेत बैठक सुरू
या बैठकीला शिंदेंच्या शिवसेनेचे सगळे नगरसेवक उपस्थित
काही वेळात गटनेते अमेय घोले पोहचणार
तसेच माजी खासदार राहुल शेवाळे ही राहणार बैठकीला उपस्थित
पालिकेत सुरू असलेल्या बैठकीत शिंदे सेनेच्या उपमहापौर पदावर होणार शिक्का मोर्तब
रायगड जिल्ह्यात सकाळी साडेनऊ वाजेपर्यंत 11.2% मतदान
उत्तर सोलापुरातील कोंडी जिल्हा परिषद गटात भाजपचे उमेदवार पुत्रासाठी माजी आमदार वडिल स्वतः बुथवर बसून मतदारांना वाटतायत वोटिंग स्लिप
मतदानाचा टक्का वाढवण्यासाठी माजी आमदार दिलीप माने यांनी डोणगाव येथील मतदान केंद्रावर थेट बुथवर बसून नागरिकांना मतदान करण्याचं आवाहन केलं.
डोणगाव मतदान केंद्रावर मतदारांशी संवाद साधत, “लोकशाही बळकट करण्यासाठी प्रत्येकाने मतदान केलंच पाहिजे,” असं आवाहन दिलीप माने यांनी केलं.
कोंडी जिल्हा परिषद गटातून भाजपकडून माजी आमदार दिलीप माने यांचे सुपुत्र पृथ्वीराज माने निवडणूक रिंगणात असून, त्यांच्यासमोर काँग्रेसचे उमेदवार भारत जाधव यांचे आव्हान आहे.
आज जिल्हा परिषद पंचायत समिती निवडणुकीचे मतदान सुरू झाला आहे हे मतदान सुरू झाल्यानंतर खेड तालुक्यातील आदर्श मतदान केंद्र बोरज या मतदान केंद्रावर मतदान सुरू झाल्यानंतर अगदी पहिल्या पंधरा-वीस मतदान मशीन बंद पडली आणि हे मशीन बदलण्यामध्ये जवळपास एक तासाचा वेळ निघून गेला आणि त्यानंतर मशीन बदलल्यानंतर आता प्रश्न आहे एक तास मतदारांचा वाया गेला आहे हा वेळ मतदारांना भरून मिळणार का? असा सवाल मतदार करत आहेत
रायगडच्या महाड मधील मोहोत येथे मतदान केंद्रावर मतदान मशीन बंद पडल्याची माहिती मिळते. मतदान प्रक्रिया सुरू होताच अर्धा तासाच्या अंतरात मतदान मशीन बंद पडली. तांत्रिक बिघाड दुरुस्त करून मतदान मशीन सुरळीत करण्याचा प्रयत्न करण्यात आला मात्र मतदान मशीन सुरू झाली नसल्याची माहिती मिळत आहे.पर्यायी मशीन चा वापर करून मतदान प्रक्रिया सुरू झाली असली तरी दीड तास मतदारांचा खोळंबा झाला.
Pune ZP Election Voting 2026 : पुणे जिल्ह्यातील भोर तालुक्यात भाजप नेते संग्राम थोपटे यांनी पत्नी स्वरुपा थोपटे यांच्यासह हातनोशी येथील मतदान केंद्रावर येत मतदानाचा हक्क बजावला. उत्रौली–कारी गटातून जिल्हा परिषद निवडणुकीसाठी स्वरुपा थोपटे पहिल्यांदाच रिंगणात आहेत. राष्ट्रवादीचे उमेदवार आणि माजी उपाध्यक्ष रणजित शिवतरे यांच्या विरोधात लढत आहेत. मतदानानंतर शांततेत मतदान पार पाडण्याचे आवाहन करत त्यांनी विजयाचा विश्वास व्यक्त केला.
Raigad ZP and Panchayat Samiti Election 2026 : मंत्री भरत गोगावले यांचे सुपुत्र विकास गोगावले यांनी आज आपल्या मतदानाचा हक्क बजावला. महाड येथील खरवली येथे जिल्हा परिषदेच्या शाळेत विकास गोगावले यांनी वडील मंत्री भरत गोगावले आणि आई सुषमा गोगावले त्यासोबतच पत्नी आणि बहीण यांच्यासह मतदान केलं. मतदानाला बाहेर पडण्यापूर्वी त्यांच्या आई सुषमा गोगावले यांनी विकास गोगावले यांचे औक्षण केलं. विकास गोगावले यांना शुभाशिर्वाद दिल्यानंतर गोगावले कुटुंबानी एकत्र येत मतदान केलं. विरोधकांनी देव पाण्यात बुडवून ठेवले होते. मात्र, जनता माझ्या सोबत आहे आणि माझा विजय निश्चित आहे असा विश्वास विकास गोगावले यांनी मतदान नंतर व्यक्त केला.
Mahad ZP Election Voting 2026 : मंत्री भरत गोगावले यांनी आपला मतदानाचा हक्क बजावला आहे. सकाळीच महाड तालुक्यातील खरवली येथील मतदान केंद्रावर विकास गोगावलेसह सहकुटुंब जावून त्यांनी मतदान केलं. यावेळी त्यांनी जिल्ह्यातील सर्व शिवसेना उमेदवारांचा विजयाचा विश्वास यावेळी व्यक्त केला.
RatnagiriZP Election Voting 2026 : खेड मध्येही EVM बंद पडण्याची घटना... जामगे येथील मतदान केंद्र क्रमांक 17 वर देखील मशीन बंद पडल्याने अर्धा तास मतदान प्रक्रिया उशिराने सुरु झाली आहे. गृहराज्यमंत्री योगेश कदम यांच्या मतदान केंद्रावर मशीन बंद पडले. मशीन बंद पडल्याच्या अनेक घटना समोर येत असल्याने मतदार ताटकळत बसल्याचा घटना. चिपळूणमध्ये सर्वाधिक ठिकाणी मशिन्स बंद पडल्याच्या घटना. उमेदवार देखील रांगेत उभे.
Sangli ZP Election Voting 2026 : भाजपचे आमदार गोपीचंद पडळकर यांनी आटपाडी तालुक्यातील पडळकरवाडी या ठिकाणी जिल्हा परिषद आणि पंचायत समितीसाठी मतदान केलं. आई हिराबाई पडळकर आणि कार्यकर्त्यांसमवेत मतदान केंद्रावर जात पडळकर यांनी आपलं मतदान केलं. यावेळी त्यांनी जिल्हा परिषदेने पंचायत समितीसाठी मोठ्या संख्येने मतदारांना मतदान करण्याचे आवाहन केले आहे.
Dharashiv ZP Election Voting 2026 : धाराशिव जिल्हा परिषद आणि पंचायत समितीच्या मतदानाला सुरुवात झाली मतदान केंद्रावर सकाळी सकाळीच मतदारांनी आपला मतदानाचा हक्क बजावला. राज्यात ज्या तेर जिल्हा परिषद गटाची चर्चा झाली त्या तेरच्या मतदारांमध्ये कमालीचा उत्साह दिसत आहे. सकाळी सकाळीच मतदानासाठी उमेदवार आणि मतदार बाहेर पडले आहेत. मतदान केंद्रावर मतदानासाठी महिलांची गर्दी पाहायला मिळतेय.
Sindhudurg ZP and Panchayat Samiti Election Voting Election 2026 : खास महिलांसाठी, महिलांकडून संनियंत्रण करणारी आणि व्यवस्थापनावर भर देणारी सिंधुदुर्ग जिल्ह्यात 8 सखी मतदार केंद्र स्थापन केली आहेत. या मतदानकेंद्रांमध्ये पोलिसांपासून ते निवडणूक कार्यावरील अधिकारी आणि कर्मचारी यांच्यासह सर्वच महिला आहेत. मतदार प्रक्रियेत महिलांचा अधिकाधिक सकारात्मकसह भाग वाढावा याअनुषंगाने सखी मतदान केंद्रे उभारली आहेत. जिल्ह्यातील आठ तालुक्यात आठ सखी मतदान केंद्रांची निर्मिती करण्यात आली आहे.
Dharashiv ZP Election Voting 2026 : धाराशीवच्या तुळजापूर तालुक्यातील शिंदफळ जिल्हापरिषद गटात शिरढोण येथे मशीनमध्ये बिघाड झाला असून अजूनही मतदान प्रक्रिया सुरु झालेली नाही. ईव्हीएम मशीनमध्ये बिघाड असल्याने मतदानाला अद्याप सुरुवात झालेली नाही.
Solapur ZP Election Voting 2026 : माळशिरस तालुक्यातील यशवंत नगर मतदान केंद्रावरील मतदान हे पुन्हा एकदा सुरु करण्यात आले आहे. यशवंत नगर मतदान केंद्रावरील ईव्हीएम मशीन काही काळ बंद पडले होते. मात्र, हे मशीन तंत्रज्ञाने तपासणी केल्यानंतर आणि तांत्रिक बिघाड दूर केल्यानंतर पुन्हा एकदा सुरु झाल्याने मतदान आता सुरळीत सुरु झाले आहे.
Chhatrapati Sambhajinagar ZP and Panchayat Samiti Election Voting Election : छत्रपती संभाजी नगरच्या पिसादेवी येथील बुथ क्रमांक 15 मधील खोली क्रमांक पाचमध्ये असलेले ईव्हीएम मशीन बंद झालं आहे. ईव्हीएम मशीन खराब झाल्याने मतदानाला सुरुवात नाही. सुरुवातीपासूनच ईव्हीएम मशीनमध्ये बिघाड होता. मतदानाला सुरुवात न झाल्यामुळे बुध क्रमांक पंधरावरील खोली क्रमांक पाच बाहेर मतदारांच्या मोठ्या रांगा लागल्या आहेत. अधिकारी कर्मचाऱ्यांकडून ईव्हीएम मशीन बदलण्यासाठी तयारी सुरु आहे.
Parbhani ZP Election Voting 2026 : परभणीच्या राणीसावरगावमध्ये मतदान करण्यापासून रोखल्यामुळे मतदान केंद्रावर वाद झाला आहे. राणीसवरगाव येथील महंत राधाकृष्ण स्वामी थेट मतदान केंद्र अधिकार्‍यावर भाजपाची दलाली करत असून आपल्याला मतदानापासून रोखले असल्याचा आरोप केलेला आहे. मतदान केंद्र अधिकारी यांनी महंताना पुरावा विचारलं. मात्र, त्यांच्याकडे प्रत्यक्ष पुरावा नव्हता तर माझे पुरावे हे मोबाईलमध्ये आहेत असे म्हणणे महंतांचे आहे. यावेळी पोलिसांनी मध्यस्थी करण्याचा प्रयत्न केल्यानंतर देखील हा वाद चालूच होता दरम्यान महंत राधाकृष्ण स्वामी मतदान न करताच मतदान केंद्रावरून बाहेर पडले आहेत.
Raigad ZP and Panchayat Samiti Election 2026 :रायगडमधील कर्जत खालापूर मतदार संघाचे शिवसेना शिंदे गटाचे आमदार महेंद्र थोरवे यांनी आपल्या कुटुंबासह मतदानाचा हक्क बजावला आहे.
Akluj ZP And Panchayat Samiti Voting 2026 : अकलूज येथील यशवंत नगर मतदान केंद्रावर निवडणूक आयोगाने महिला मतदान केंद्र बनविले असून येथे सर्व कर्मचारी या महिला आहेत. मतदान केंद्राबाहेर रांगोळ्यांच्या पायघड्या घालण्यात आल्या असून मतदारांना आकर्षित करण्यासाठी हे विविध प्रकार निवडणूक विभागाने केले आहेत. सकाळी साडेसात वाजता मतदानाला सुरुवात झाली असली तरी अद्याप ग्रामीण भागातील मतदार बाहेर पडलेले नाहीत. सोलापूर जिल्ह्यात 68 जागांवर मतदार होत असून या निवडणुकीत ग्राम विकास तथा पालकमंत्री जयकुमार गोरे आणि मोहिते पाटील यांचे प्रतिष्ठापनाला लागली आहे.
Akluj ZP And Panchayat Samiti Voting 2026 : अकलूजमधील एका केंद्रावर चुकीचे बटण दाबल्यामुळे मशीन बंद झाले. सकाळी अर्ध्या तासापासून लोक रांगेत उभारलेली असून अजूनही मशीन सुरू झालेले नाही.
Dharashiv ZP Election Voting 2026 : धाराशिवच्या भूम तालुक्यातील पाथरुड जिल्हा परिषद गटात राष्ट्रवादीच्या उमेदवाराकडून मतदाराला पैसे वाटप करत असल्याचा भाजप उमेदवाराकडून आरोप करण्यात आला आहे. भूमच्या पाथरूड जिल्हा परिषद गटामध्ये भाजपचे उमेदवार सिताराम वनवे यांचा राष्ट्रवादीचे उमेदवार अमोल भोरे यांच्या टीमकडून पैसे वाटले जात असल्याचा आरोप आहे. रात्री दीड वाजता पैसे वाटप होत असल्याचा आरोप आहे.
Konkan ZP And Panchayat Samiti Voting 2026 : कोकणात 88 वर्षीय विद्या निगुडकर या आज्जीनी मतदानाचा हक्क बजावला आहे. मतदान करणे हा आपला अधिकार आहे. सर्वांनी मतदान करावे असे आवाहन या आज्जीनी केलेय.
Baramati ZP Election Voting 2026 : बारामती - जिल्हा परिषद व पंचायत समिती निवडणुकीच्या पार्श्वभूमीवर राज्याच्या उपमुख्यमंत्री श्रीमती सुनेत्रा वहिनी यांनी आज पहाटे काटेवाडी येथील जिल्हा परिषद शाळेत जाऊन आपला मतदानाचा हक्क बजावला आहे. यावेळी त्यांनी राज्यातील सर्व नागरिकांना आपल्या उज्ज्वल भविष्यासाठी लोकशाहीच्या या महत्त्वपूर्ण प्रक्रियेत सक्रिय सहभाग घेत मतदान करण्याचे आवाहन केले.
Baramati ZP Election Voting 2026 : महिलांच्या कर्तृत्वावरील विश्वास आणखी दृढ करण्यासाठी निवडणूक आयोगाकडून पिंक मतदान केंद्राची संकल्पना राबविण्यात येतेय. या अशा पिंक मतदान केंद्राची संपूर्ण जबाबदारी महिला कर्मचाऱ्यांवर सोपविण्यात आलीय. प्रत्येक तालुक्यात असे किमान एक पिंक मतदान केंद्र उभारण्यात आलंय. बारामती तालुक्यातील पिंपळी गावातील अशा पिंक मतदान केंद्रावरुन आढावा घेण्यात आला आहे.
Solapur ZP Election Voting 2026 : सोलापूर जिल्ह्यात उत्साहात मतदानाला सुरुवात झाली आहे. उमेदवारांकडून मतदान केंद्राची पूजा, श्रीफळ फोडून मतदानाला सुरुवात करण्यात आली आहे. कोंडी पंचायत समिती गणाचे उमेदवार सोमनाथ राऊत यांनी मतदान केंद्राची पूजा केली आहे.
अकलूज मधील एका केंद्रावर चुकीचे बटन दाबल्यामुळे मशीन बंद झाले . सकाळी अर्ध्या तासापासून लोके रांगेत उभारलेली असून अजूनही मशीन सुरू झालेले नाही.
धाराशीवच्या भूम तालुक्यात मतदारांना पैसे वाटपावरून गोंधळ
भूम तालुक्यातील पाथरूड जिल्हा परिषद गटात राष्ट्रवादीच्या उमेदवाराकडून मतदाराला पैसे वाटप करत असल्याचा भाजप उमेदवाराकडून आरोप
भूमच्या पाथरूड जिल्हा परिषद गटामध्ये भाजपचे उमेदवार सिताराम वनवे आणि राष्ट्रवादीचे उमेदवार अमोल भोरे दोघांमध्ये पैसे वाटपावरून राडा
रात्री दीड वाजता सुरू पैसे वाटप होत असल्याचा आरोप
कराड तालुक्यातील चचेगाव येथे ईव्हीएम मशीन सुरू होईना
सुरुवातीलाच ईव्हीएममुळे मतदानाला उशीर
बुथ क्रमांक 78 वरील मशीन बंद
काँग्रेस आणि भाजप उमेदवार या ठिकाणी मोठी चुरस
मतदान केंद्रावर झोनल अधिकारी दाखल
छत्रपती संभाजीनगरच्या वाळूजमध्ये मतदान केल्यानंतर मशीन मधून आवाजच येत नाही. खोळंबा सुरू. वाळूज मतदान केंद्र क्रमांक ३९/१ मधील EVM बदलण्यात आले. मतदान केंद्राबाहेर मतदारांच्या लांबच लांब रांगा
रायगड मध्ये जिल्हा परिषद आणि पंचायत समितीच्या निवडणूक प्रक्रियेसाठी प्रत्यक्ष मतदान प्रक्रिया सुरु झाली असून रायगडमध्ये मतदारांमध्ये उत्साह पहावयास मिळात आहे. सकाळी 7.30 वाजता मतदान सुरु होताच मतदारांनी रांगा लावल्याच पहायला मिळत आहे.
सांगली जिल्हा परिषदेच्या 61 आणि 10 पंचायत समित्यांच्या 122 जागांसाठी जिल्हाभरात मतदानाला सुरुवात झाली आहे होणार आहे.
जिल्हा परिषद मधील 61 गटासाठी 211 तर पंचायत समितीच्या 122 गणासाठी 340 उमेदवार निवडणुकीच्या रिंगणात आहेत. एकूण 551 उमेदवारांचे भवितव्य आज पेटीबंद होणार आहे. त्यासाठी 18 लाख 18 हजार मतदार मतदान करणार आहेत. जिल्हाभरातील 2039 मतदान केंद्रांवर सकाळी साडेसात ते सायंकाळी साडेपाच या वेळेत मतदान होईल.
झेडपी आणि पंचायत समिती निवडणुकीदरम्यान उपमुख्यमंत्री अजित पवारांच्या निधन झाल्यानं शोकाकुल वातावरणात मतदान पार पडतंय. उत्तर पुणे जिल्ह्यात जुन्नर, आंबेगाव, खेड आणि मावळ तालुक्यात मतदानाला सुरुवात झालीये. या भागातील 26 झेडपी आणि 52 पंचायत समितीच्या जागांसाठी निवडणुकीच्या रिंगणात उतरलेल्या उमेदवारांचे भवितव्य आज मतपेटीत कैद होणार आहे
आंबेठाण पाईट जिल्हा परिषद गटात तणावाचे वातावरण
राष्ट्रवादीच्या उमेदवाराच्या यजमानावर जीवघेणा हल्ला
पुण्याच्या खेड तालुक्यातील आंबेठाण पाईट जिल्हा परिषद गटातील राष्ट्रवादी काँग्रेस पक्षाच्या अधिकृत उमेदवार सुनिता बुट्टे यांच्या यजमानावर अज्ञात व्यक्तींनी जीवघेणा हल्ला केल्याची धक्कादायक घटना घडली आहे.
शरद बुट्टे पाटील यांनी काही दिवसापूर्वीच भाजपातून अजित पवार यांच्या हस्ते राष्ट्रवादी काँग्रेसमध्ये प्रवेश केला होता
या हल्ल्यात माजी जिल्हा परिषद सदस्य तसेच माजी गटनेते शरद बुट्टे गंभीर जखमी झाले असून त्यांना तातडीने उपचारासाठी वासुली फाटा येथील बालाजी हॉस्पिटल येथे दाखल करण्यात आले आहे.
शरद बुट्टे हे आपल्या खासगी कामानिमित्त बाहेर गेले असता दबा धरून बसलेल्या काही हल्लेखोरांनी त्यांच्यावर अचानक हल्ला चढवला. हल्लेखोरांनी धारदार शस्त्रांचा वापर केल्याची शक्यता वर्तवली जात असून, हल्ल्यानंतर परिसरात एकच खळबळ उडाली. नागरिकांनी तातडीने त्यांना रुग्णालयात हलवले.
शरद बुट्टे यांच्या डोक्याला व शरीराच्या इतर भागांना गंभीर दुखापत झाली असून त्यांच्यावर सध्या अतिदक्षता विभागात उपचार सुरू आहेत. त्यांची प्रकृती स्थिर असल्याचे सांगण्यात येत असले तरी डॉक्टरांचे पथक सतत लक्ष ठेवून आहे.
दरम्यान, या घटनेनंतर आंबेठाण पाईट परिसरात तणावपूर्ण वातावरण निर्माण झाले आहे. निवडणुकीच्या पार्श्वभूमीवर घडलेल्या या घटनेमुळे राजकीय वर्तुळात तीव्र प्रतिक्रिया उमटत आहेत. राष्ट्रवादी काँग्रेस पक्षाच्या कार्यकर्त्यांनी या हल्ल्याचा तीव्र निषेध केला असून दोषींवर कठोर कारवाई करण्याची मागणी केली आहे.
घटनेची माहिती मिळताच स्थानिक पोलिसांनी घटनास्थळी धाव घेत पंचनामा केला असून, हल्लेखोरांचा शोध घेण्यासाठी तपास सुरू करण्यात आला आहे. जुन्या वादातून किंवा राजकीय कारणातून हा हल्ला झाला असावा, असा प्राथमिक अंदाज पोलिसांकडून व्यक्त करण्यात येत आहे.
या घटनेमुळे जिल्हा परिषद निवडणूक काळात सुरक्षेचा प्रश्न पुन्हा ऐरणीवर आला असून प्रशासनाने योग्य ती खबरदारी घ्यावी, अशी मागणी नागरिकांकडून होत आहे.
तळकोकणात जिल्हा परिषद आणि पंचायत समितीच्या मतदानाला शांततेत सुरुवात झाली आहे. यासाठी निवडणूक यंत्रणाही सज्ज झाली आहे. या निवडणुकीत जिल्हा परिषद 50 आणि पंचायत समिती 100 अशा एकूण 150 जागांपैकी 25 जागा बिनविरोध झाल्याने उर्वरित 125 जागांसाठी 359 उमेदवार निवडणूक रिंगणात आहेत. त्यासाठी जिल्ह्यातील 810 मतदान केंद्रांवर 5,61,105 मतदार मतदानाचा हक्क बजावणार आहेत. ही मतदान प्रक्रिया सुरळीत व शांततेत पार पाडण्यासाठी 2000 पोलीस व 3500 होमगार्ड बंदोबस्तासाठी तैनात करण्यात करण्यात आले. मतदान प्रक्रियेसाठी नियुक्त 5500 निवडणूक अधिकारी आणि कर्मचारी मतदान केंद्रांवर आहेत. या निवडणुकीत महायुती विरुद्ध ठाकरे सेनेने आव्हान उभे केले असल्याने लढतींकडे लक्ष लागून राहिले आहे
छत्रपती संभाजीनगरमध्ये प्रत्यक्षात मतदानाला सुरुवात
सकाळच्या सत्रात नागरिकांचा उत्स्फूर्त प्रतिसाद
मतदान सुरुवात होणे अगोदरच मतदान केंद्राबाहेर नागरिकांच्या रांगा
मतदानासाठी मतदार मतदान केंद्रावर मोठ्या प्रमाणात दाखल
छत्रपती संभाजीनगर जिल्हा परिषदेच्या 63 जागा आणि 9 पंचायत समित्यांच्या 126 जागांसाठी आज मतदान प्रक्रिया पार पडत आहे. जिल्हयातील एकूण 18 लाख 73 हजार 53 मतदार आज 189 लोकप्रतिनिधींचे भवितव्य ठरवणार आहेत. निवडणूक प्रक्रिया शांततेत पार पाडण्यासाठी जिल्ह्यात सव्वापाच हजार पोलिसांचा मोठा ताफा तैनात करण्यात आला आहे.
त्यासोबतच 90 हजार अधिकारी आणि कर्मचारी या कामावर लक्ष ठेवून आहेत. जिल्ह्यातील 2282 मतदान केंद्रांवर ही प्रक्रिया राबवली जात आहे. विशेष म्हणजे 34 केंद्रे ही 'अतिसंवेदनशील' म्हणून घोषित करण्यात आली असून, त्यामध्ये सिल्लोड तालुक्यातील सर्वाधिक 14 केंद्रांचा समावेश आहे.
परभणी जिल्हा परिषद निवडणुकीची रणधुमाळी मागच्या अनेक दिवसांपासून सुरूय आज मतदान पार पडणार आहे.जिल्हा परिषदेच्या ५४ आणि पंचायत समितीच्या १०८ जागांसाठी निवडणूक प्रक्रिया पार पडत आहे.आज परभणी जिल्ह्यात एकूण १२७८ मतदान केंद्रावर मतदान प्रक्रिया पार पडणार आहे.ज्यासाठी प्रशासन सज्ज झाले आहे.सकाळी ७.३० ते संध्याकाळी ५.३० वाजेपर्यंत मतदान करण्यात येणार आहे.परभणी जिल्हा परिषदेत ५४ गटासाठी २४७ तर पंचायत समितीच्या १०८ गणांसाठी ४३३ उमेदवार हे निवडणुकीच्या रिंगणात उभे आहे ज्यांचे भवितव्य १० लाख ४३ हजार मतदार आज मतपेटीत बंद करणार आहेत.निर्भयपणे मतदान व्हावे यासाठी व सुरक्षेच्या दृष्टीने सर्वच मतदान केंद्रांवर चोख पोलीस बंदोबस्त तैनात करण्यात आलाय
*लातूर जिल्ह्यात १ हजार ७४७ केंद्रांवर मतदान;
; ८ हजार ४१४ अधिकारी, कर्मचाऱ्यांचा समावेश
• जिल्हा परिषदेसाठी २४२, तर पंचायत समित्यांसाठी ४१९ उमेदवार निवडणूक रिंगणात
• मतदान यंत्रावर जिल्हा परिषदसाठी पांढऱ्या, पंचायत समितीसाठी गुलाबी मतपत्रिका
लातूर जिल्हा परिषद आणि त्याअंतर्गत येणाऱ्या लातूर, औसा, रेणापूर, चाकूर, अहमदपूर, उदगीर, जळकोट, निलंगा, शिरूर अनंतपाळ व देवणी या १० पंचायत समित्यांचा सार्वत्रिक निवडणुकीसाठी आज रोजी सकाळी ७.३० ते सायंकाळी ५.३० वा. दरम्यान मतदान होणार आहे.
पोलीस प्रशासनाकडून चोख बंदोबस्त
पोलीस प्रशासनामार्फत चोख बंदोबस्त तैनात करण्यात आला आहे. यासाठी ८ पोलीस उपाधीक्षक, १८ पोलीस निरीक्षक, १२५ सहायक पोलीस निरीक्षक व पोलीस उपनिरीक्षक, १ हजार ९४५ अंमलदार, ३ हजार ८० होमगार्ड, राज्य राखीव पोलीस दलाच्या २ कंपन्या आणि १ प्लॅटून, यासह बाहेर जिल्ह्यातून १ हजार ९४३ होमगार्ड, ५३ अधिकारी, ६३० अंमलदार यांची नियुक्ती करण्यात आली आहे.
बारामती जिल्हा परिषद निवडणुकीसाठी सुनेत्रा पवार, पार्थ पवार यांच्याकडून मतदान करण्यात आले आहे. अजित पवार यांच्याप्रमाणे सुनेत्रा पवार यादेखील सकाळी लवकरच मतदानसाठी पोहोचल्या. काटेवाडी जिल्हा परिषद शाळेत बजावला मतदानाचा हक्क
छत्रपती संभाजी नगर बजाज नगर येथील जिल्हा परिषदेच्या शिंदे सेनेच्या उमेदवार रत्नमाला ढमढेरे यांनी बजाज नगर येथील मतदान केंद्रावर जाऊन ईव्हीएम मशीन हळद कुंकू वाहून पूजा केली. हे माझ्यासाठी मंदिर आहे आणि यावर माझी भवितव्य आहे म्हणून मी माझ्या श्रद्धेपोटी पूजा केली अशी प्रतिक्रिया ढमढेरे यांनी दिली आहे
कोल्हापुरातील 68 जिल्हा परिषद आणि 136 पंचायत समितीसाठी निवडणूक पार पाडत आहे. या निवडणुकीतील मतदान प्रक्रिया उद्या होत आहे. सकाळी 7:30 वाजता मतदानाला सुरुवात होईल. जिल्ह्यात बहुतांश ठिकाणी महायुतीतील घटक पक्ष वेगळे लढत आहेत. कोल्हापूर दक्षिण, कागल, चंदगड, करवीर, हातकणंगले, राधानगरी मतदारसंघात चूरशीच्या लढती आहेत. महाडिक विरुद्ध पाटील, मंडलिक विरुद्ध मुश्रीफ, आमदार विनय कोरे विरुद्ध सत्यजित पाटील, राहुल पाटील विरुद्ध आमदार चंद्रदीप नरके, शिवाजी पाटील असा सत्तासंघर्ष या निवडणुकीत आहे.
जिल्हा परिषद आणि पंचायत समिती निवडणुकीसाठी राज्य मार्ग परिवहन महामंडळाच्या (एसटी) पुणे विभागाकडून 535 बसचे नियोजन करण्यात आले आहे. त्यानुसार एसटीच्या या बस शुक्रवारी मतपेट्या वाहून नेण्यासाठी पुरवण्यात आल्या, तर शनिवारी पुन्हा या बस मतपेट्या गोळा करण्यासाठी देण्यात येणार आहेत. त्यामुळे जिल्ह्यातील एसटी सेवा काहीशी विस्कळित होण्याची शक्यता आहे.
आज, शनिवारी सकाळी 7.30 ते सायंकाळी 5.30 या वेळेत मतदान होणार आहे. मतमोजणी 9 फेब्रुवारी रोजी सकाळी 10 वाजता सुरू होईल.
लातूर जिल्हा परिषदेच्या 59 जागा...
पंचायत समितीच्या 118 जागेसाठी आज मतदान होणार आहे...
लातूर जिल्हा परिषद*
जिल्हा परिषद – (लातूर)
एकूण जागा – ५९
एकूण मतदार – १४९९१९०
पंचायत समिती संख्या – १०
पंचायत समिती जागा- ११८
शर्मिला पवार आणि श्रीनिवास पवार, युगेंद्र पवार हे बारातमी जिल्हा परिषद निवडणुकीच्या मतदानासाठी मतदान केंद्रावर आले आहेत. ते थोड्याचवेळात मतदान करतील.
रत्नागिरी जिल्हा परिषद आणि 9 पंचायत समितींसाठी आज मतदान
रत्नागिरी जिल्हा परिषदेसाठी ५६ गटांसाठी १५१ उमेदवार, तर ९ पंचायत समितीच्या ११२ गणांसाठी ३५१ उमेदवार रिंगणात
१६९३ मतदान केंद्रावर होणार मतदान, ४२८६ मतदान यंत्रे
जिल्ह्यात ११ लाख ७३ हजार ८९९ मतदार
रत्नागिरी तालुक्यात सर्वात जास्त मतदान केंद्र
पुरुषांपेक्षा महिला मतदारांची संख्या जास्त
५ लाख ६४ हजार ९७६ पुरुष मतदार, ६ लाख ८ हजार ९९३ महिला मतदार
मतदानासाठी ५४५५ कर्मचारी,
मतदान प्रक्रियेसाठी पोलीस फौजफाटा तैनात... ८६ पोलीस अधिकारी, १५३५ पोलीस अंमलदार, १८५३ होमगार्ड, एसआरपीएफ २ कंपनी, आरसीपी प्लाटून २ तैनात
पालकमंत्री उदय सामंत, राज्यमंत्री योगेश कदम, आमदार किरण सामंत, आमदार शेखर निकम, आमदार भास्कर जाधव यांची प्रतिष्ठा पणाला
सर्वाधिक जागांवर शिवसेना विरुद्ध शिवसेना अशी लढत
सोलापूर जिल्ह्यातील जिल्हा परिषदेच्या 68 जागा आणि पंचायत समितीच्या 136 जागासाठी आज मतदान
जिल्हा परिषदेच्या 68 जागासाठी 271 तर पंचायत समितीच्या 136 जागासाठी 485 उमेदवार निवडणुकीच्या रिंगणात
जिल्ह्यातील 24 लाख 59 हजार 227 मतदार आज आपल्या मतदानचा हक्क बजावणार आहेत
सकाळी 7.30 वाजल्यापासून मतदानाला सुरुवात होणार असून प्रशासनाच्यावतीने मतदानाची तयारी पूर्ण करण्यात आलीय
ग्रामीण भागातील जनतेचा कौल हे आज मतपेटीत कैद होणार आहे
सोलापूर जिल्हा परिषद निवडणूक
मतदान केंद्रे 2758
मतदार 24 लाख 59 हजार
EVM 3366 & बॅलेट युनिट 7500
68 जिल्हा परिषद गटासाठी 217 उमेदवार
136 पंचायत समिती गणासाठी 414 उमेदवार
मागील 2017 सालच्या निवडणुकीतील टक्केवारी 66.96 टक्के मतदान
आज पार पडणाऱ्या जिल्हा परिषद आणि पंचायत समिती निवडणुकीची प्रक्रिया पार पडत असून रायगड जिल्ह्यात एकूण 17 लाख 381 मतदार आपल्या मतदानाचा हक्क बजावणार आहेत. त्यासाठी संपूर्ण जिल्ह्यात 2323 मतदान केंद्र तैनात करण्यात आली आहेत.जिल्हा परिषद निवडणुकीकरिता 59 जागांसाठी 173 उमेदवार रणांगणात असून पंचायत समिती साठी 118 जागांकरिता 329 उमेदवार रिंगणात उतरलेत. त्यासाठी 12 हजार हून अधिक शासकीय कर्मचारी मतदान केंद्रावर दाखल झालेत.
राज्य निवडणूक आयोगाने 50 टक्के आरक्षणाच्या मर्यादित असलेल्या रायगड, रत्नागिरी, सिंधुदुर्ग, पुणे, सातारा, सांगली, सोलापूर, कोल्हापूर, छत्रपती संभाजीनगर, परभणी, धाराशिव आणि लातूर या 12 जिल्हा परिषदा आणि त्यांतर्गतच्या 125 पंचायत समित्यांच्या निवडणूक कार्यक्रमाची घोषणा केली होती. त्यानुसार या सर्व ठिकाणी 5 फेब्रुवारी रोजी मतदान होणार होते; परंतु उपमुख्यमंत्री अजित पवार यांच्या अपघाती निधनामुळे राज्यात तीन दिवसांचा दुखवटा जाहीर झाल्यानंतर मतदानाच्या तारखेत बदल करण्यात आला. दरम्यान, सोमवारी सकाळी 10 वाजता मतमोजणी सुरू होईल.
काटेवाडीच्या जिल्हा परिषदेच्या शाळेत मतदान केंद्रावर उपमुख्यमंत्री सुनेत्रा पवार यांचे पुत्र पार्थ पवार, विजया पवार, नीता पवार, आशा पवार यांचे मतदान होणार आहे. याशिवाय याच मतदान केंद्रावर श्रीनिवास पवार, शर्मिला पवार युगेंद्र पवार हे देखील मतदानाचा हक्क बजावणार आहेत
महानगरपालिका आणि नगरपालिकांच्या नुकत्याच पार पडलेल्या निवडणुकांमध्ये भाजपने पहिला क्रमांक मिळवला होता. जिल्हा परिषद आणि पंचायत समितीच्या निवडणुकीतही पहिला क्रमांक पटकावून ग्रामीण भागात पक्षाचा पाया भक्कम करण्याचा मुख्यमंत्री देवेंद्र फडणवीस यांचा प्रयत्न आहे.
जिल्हा परिषद आणि पंचायत समित्यांच्या निवडणुका एकाचवेळी होत असल्याने प्रत्येक मतदाराला एक मत जिल्हा परिषद आणि एक मत पंचायत समितीच्या उमेदवाराला द्यावे लागेल.
मुंबई, दि ६ : पुणे जिल्ह्यातील २०१–बारामती विधानसभा मतदारसंघातील रिक्त जागा भरण्यासाठी लवकरच विधानसभेची पोटनिवडणूक होण्याची शक्यता आहे. त्या पार्श्वभूमीवर भारत निवडणूक आयोगाने लोकप्रतिनिधित्व अधिनियम, १९५० मधील कलम २१ अन्वये २०१–बारामती विधानसभा मतदारसंघासाठी विशेष संक्षिप्त मतदारयादी पुनरिक्षण कार्यक्रम जाहीर केला आहे.
हा कार्यक्रम १ जानेवारी २०२६ या अर्हता दिनांकावर आधारित असेल. निवडणूक आयोगाच्या सूचनांनुसार मतदारयादी अद्ययावत, अचूक आणि पारदर्शक राहावी यासाठी हा कार्यक्रम राबविण्यात येणार आहे. त्यानुसार एकत्रित प्रारूप मतदारयादी सोमवार, ९ फेब्रुवारी २०२६ रोजी प्रसिद्ध करण्यात येईल. त्यानंतर ९ फेब्रुवारी ते २५ फेब्रुवारी २०२६ या कालावधीत मतदारांकडून दावे व हरकती स्वीकारल्या जाणार आहेत.
प्राप्त दावे व हरकतींची छाननी करून त्या ६ मार्च २०२६ पर्यंत निकाली काढण्यात येणार असून, अंतिम मतदारयादी मंगळवार, १० मार्च २०२६ रोजी प्रसिद्ध केली जाणार आहे.
या प्रक्रियेच्या प्रभावी अंमलबजावणीसाठी तसेच मतदान केंद्रांची यादी तयार करताना स्थानिक स्तरावर सुसूत्रता राखण्यासाठी पुणे जिल्हाधिकारी व जिल्हा निवडणूक अधिकारी तसेच बारामती मतदार नोंदणी अधिकारी यांच्या स्तरावर मान्यता प्राप्त राजकीय पक्षांबरोबर बैठकांचे आयोजन करण्यात येणार आहे. या बैठकीत राजकीय पक्षांना कार्यक्रमाची सविस्तर माहिती देण्यात येऊन आवश्यक सूचना व सूचना-आदानप्रदान करण्यात येणार असल्याचे मुख्य निवडणूक अधिकारी कार्यालयाकडून कळविण्यात आले आहे.
महाराष्ट्राचे मुख्यमंत्री आज तेलंगणात
महाराष्ट्रात नगरपालिका, महानगरपालिका निवडणुका जिंकवून दिल्यावर मुख्यमंत्री देवेंद्र फडणवीस तेलंगणात पाचारण
आज घेणार कागजनगर आणि मंचेरियल येथे प्रचारसभा
भाजपाचे राष्ट्रीय अध्यक्ष नितीन नबीन सुद्धा तेलंगणात प्रचारासाठी
जिल्हा परिषद पंचायत समिती निवडणुकीच्या मतदान प्रक्रियेला थोड्यावेळात सुरुवात
जिल्हा परिषदेच्या 55 जागांसाठी 234 उमेदवार रिंगणात, तर पंचायत समितीच्या 110 जागांसाठी 392 उमेदवार आखाड्यात
जिल्हाभरात अकरा लाख पंचेचाळीस हजार मतदार बजावणार मतदाराचा हक्क
जिल्हा परिषद निवडणुकीमध्ये दिग्गजांची प्रतिष्ठा पणाला
धाराशिव मध्ये 55 जिल्हा परिषद गट आणि पंचायत समितीचे 110 गणांसाठी आज मतदान
गेल्या २० दिवसांपासून सुरू असलेली परभणी जिल्हा परिषद निवडणुकीची रणधुमाळी आता अंतिम टप्प्यात आली असून आज मतदान होणार आहे. जिल्हा परिषदेच्या ५४ गटांसह पंचायत समितीच्या १०८ गणांसाठी ही निवडणूक प्रक्रिया पार पडत आहे. परभणी जिल्ह्यात एकूण १ हजार २७८ मतदान केंद्रांवर मतदान होणार असून, त्यासाठी प्रशासन सज्ज झालं आहे. जिल्ह्यातील नऊ तालुक्यांतील निवडणूक निर्णय अधिकारी कार्यालयातून आज मतदान केंद्र अधिकाऱ्यांना ईव्हीएम मशीन, मतदार याद्या आणि इतर साहित्याचं वाटप करण्यात आलं. हे साहित्य घेऊन मतदान अधिकारी केंद्राकडे रवाना झाले असून, ५४ गटांसाठी २४७ तर १०८ गणांसाठी ४३३ उमेदवारांचं भवितव्य आज मतपेटीत बंद होणार आहे.
राज्यभरातील १२ जिल्हा परिषदा आणि १२५ पंचायत समित्यांसाठी आज मतदान पार पडणार आहे. सकाळी साडेसात ते संध्याकाळी साडेपाच दरम्यान ही मतदान प्रक्रिया पार पडेल. निवडणूक आयोगाकडून आणि जिल्हा प्रशासनाकडून या मतदान प्रक्रियेची तयारी सध्या सुरु आहे. मतदानाच्या पार्श्वभूमीवर संबंधित १२ जिल्ह्यांमधील शाळा, महाविद्यालये आणि सरकारी कार्यालयांना सुट्टी जाहीर करण्यात आली आहे. मतदानानंतर ९ फेब्रुवारीला मतमोजणी होऊन निकाल जाहीर केला जाईल. उपमुख्यमंत्री अजित पवार यांच्या निधनामुळे पुकारण्यात आलेल्या दुखवट्यामुळे या निवडणुका ५ फेब्रुवारीऐवजी ७ फेब्रुवारीला घेण्याचा निर्णय राज्य निवडणूक आयोगाने घेतला होता.
राज्यातील 12 जिल्हा परिषदा आणि 125 पंचायत समित्यांसाठी आज मतदान होत असून यासाठी निवडणूक यंत्रणा सज्ज झाली आहे. जिल्हा परिषदेच्या 731 तर पंचायत समित्यांच्या 1,462 जागांसाठी ही निवडणूक होत आहे. एकूण 7,438 उमेदवार रिंगणात असून 2 कोटी 8 लाख 20 हजार 702 मतदान मतदानाचा हक्क बजावणार आहेत. मतदारांनी निर्भयपणे मतदान करावे असे आवाहन राज्य निवडणूक आयुक्त दिनेश वाघमारे यांनी केले आहे.
- मुख्यपृष्ठ
- बातम्या
- महाराष्ट्र
- ZP and Panchayat Samiti Elections Voting 2026 LIVE : जिल्हा परिषद, पंचायत समितीचा धुरळा! 125 पंचायत समित्यांच्या कारभाऱ्यांसाठी आज मतदान; वाचा सर्व अपडेट्स