Rajendra Jain: प्रफुल पटेलांचे अत्यंत विश्वासू शिलेदार अन् एकेकाळच्या स्वीय सहाय्यकाची राज्यसभेवर वर्णी; राजेंद्र जैन आहेत तरी कोण?

Rajendra Jain: राजेंद्र जैन हे पूर्व विदर्भातील, विशेषतः गोंदिया जिल्ह्यातील एक ज्येष्ठ आणि वजनदार राजकारणी आहेत. राष्ट्रवादी काँग्रेस पक्षाचे विदर्भातील एक प्रमुख नेते म्हणून त्यांची ओळख आहे.

Who Is Rajendra Jain

Source : Facebook

Rajendra Jain: उपमुख्यमंत्री सुनेत्रा पवार यांच्या राजीनाम्यानंतर रिक्त झालेल्या राज्यसभेच्या जागेवर राष्ट्रवादी काँग्रेसकडून राजेंद्र जैन यांना संधी दिली आहे. राष्ट्रवादीकडून छगन भुजबळ यांच्या नावाची चर्चा असतानाच भाजपच्या नवनीत राणा यांच्याही नावाची चर्चा रंगल्याने भूवया उंचावल्या होत्या. मात्र, अखेर पक्षाकडून राजेंद्र जैन यांच्या पारड्यात वजन टाकण्यात आले. राजेंद्र जैन प्रफुल पटेल यांचे विश्वासू शिलेदार ते एकेकाळी त्यांचे स्वीय सहाय्यक राहिले आहेत. 

कोण आहेत राजेंद्र जैन?

राजेंद्र जैन हे पूर्व विदर्भातील, विशेषतः गोंदिया जिल्ह्यातील एक ज्येष्ठ आणि वजनदार राजकारणी आहेत. राष्ट्रवादी काँग्रेस पक्षाचे विदर्भातील एक प्रमुख नेते म्हणून त्यांची ओळख आहे. माजी केंद्रीय मंत्री आणि ज्येष्ठ नेते प्रफुल्ल पटेल यांचे अत्यंत विश्वासू सहकारी आणि एकेकाळचे स्वीय सहाय्यक (PA) म्हणून त्यांनी आपल्या कारकिर्दीची सुरुवात केली. प्रफुल्ल पटेल यांच्यासोबत काम करत असतानाच त्यांचा राष्ट्रवादी काँग्रेस पक्षातील सक्रिय वावर आणि प्रभाव वाढत गेला.

विधान परिषदेवर आमदार

विधान परिषद सदस्य (माजी आमदार): राष्ट्रवादी काँग्रेस पक्षाने त्यांच्या पक्षकार्याची दखल घेत त्यांना भंडारा-गोंदिया स्थानिक स्वराज्य संस्था मतदारसंघातून महाराष्ट्र विधान परिषदेवर पाठवले होते. 2016 मध्ये झालेल्या विधान परिषद निवडणुकीत त्यांचा भारतीय जनता पक्षाचे उमेदवार परिणय फुके यांच्याकडून पराभव झाला होता.

पक्षीय व संघटनात्मक जबाबदाऱ्या

राष्ट्रवादी काँग्रेस पक्षाच्या पूर्व विदर्भातील संघटनात्मक बांधणीत राजेंद्र जैन यांनी अत्यंत महत्त्वाची भूमिका बजावली आहे. पक्षाने त्यांच्यावर वेगवेगळ्या काळात गोंदिया, भंडारा आणि नागपूर जिल्ह्यांची महत्त्वाची संघटनात्मक जबाबदारी सोपवली होती. 

शैक्षणिक व सामाजिक क्षेत्रातील योगदान

राजकीय क्षेत्रासोबतच राजेंद्र जैन यांचे शैक्षणिक क्षेत्रातही मोठे योगदान राहिले आहे. प्रफुल्ल पटेल यांच्या कुटुंबाशी संबंधित असलेल्या आणि विदर्भातील एक नामांकित शैक्षणिक संस्था म्हणून ओळखल्या जाणाऱ्या 'गोंदिया एज्युकेशन सोसायटी'चे सचिव म्हणून त्यांनी अनेक वर्षे यशस्वीपणे काम पाहिले आहे.

इतर महत्वाच्या बातम्या