सोनाजी आनंदराव दळवी, त्यांची पत्नी सुरेखा सोनाजी दळवी आणि मुलगी पूजा सोनाजी दळवी अशी मृतांची नावं आहेत. हे तिघे घरात असताना, मध्यरात्री अडीचच्या सुमारास गॅसचा स्फोट झाला, ज्यात तिघांचा जागीच अंत झाला.
पूजा दळवी ही पुण्यात बीएचएमएसचं शिक्षण घेत होती. मात्र लग्नासाठी ती कुरुंदा इथे आई-वडिलांकडे आली होती. हा स्फोट एवढा शक्तीशाली होता की दळवी कुटुंबाचं पूर्ण घर जळून खाक झालं.
अग्निशमन दल, पोलिस आणि गावकऱ्यांनी आग विझवली. मात्र या स्फोटात तिघेही दगावल्याने कुरुंदा गावावर शोककळा पसरली आहे.