Solapur Sangola Rain : राज्याच्य विविध भागात सध्या मुसळधार पाऊस (Hevay Rain) सुरु आहे. या पावसामुळं अनेक भागात जनजीवन विस्कळीत झालं आहे. नदी नाल्यांना पूर आले आहेत. यामुळं शेती पिकांचं (Agriculture Crop) देखील मोठ्या प्रमाणात नुकसान होत असल्याचं चित्र दिसत आहे. सोलापूर जिल्ह्यातील सांगोला तालुक्यात देखील ढगफुटी झाली आहे. या पावसामुळं शेती पिकांना मोठा फटका बसला आहे. तसेच शेकडो घरांमध्ये पाणी शिरलं आहे. त्यामुळं मोठं नुकसान झालं आहे. 

एका रात्रीत 170 मिलिमीटर पाऊस 

दुष्काळी सांगोल्याला ढगफुटीचा मोठा दणका बसला आहे. एका रात्रीत 170 मिलिमीटर पाऊस पडला आहे. तर शेकडो घरात पाणी शिरले आहे. कायम दुष्काळी अशी ओळख असणाऱ्या आणि पाण्याच्या टँकरवर सहा महिने काढणाऱ्या सांगोला तालुक्याला काल रात्री ढगफुटीने मोठा दणका दिला असून पुढे नाले कडलास जवळा आणि सोनंद या तीन सर्कल मधील अनेक गावांना या पावसाचा मोठा फटका बसला आहे. कडलास वाटंबरे खटकाळेवाडी अशा अनेक गावातील लोकांचे सामान पावसात वाहून गेलेले असून ग्रामस्थ असाह्य बनले आहेत. काही ठिकाणी घरांची पडझड झाली तर शेतातील खरीप व रब्बी पिकांना याचा फार मोठा फटका बसला आहे. 

 गेल्या काही दिवसांपासून सर्वदूर मुसळधार पाऊस सुरू आहे. सप्टेंबर महिन्यात पिकांची मोठी हानी झाली आहे. अतिवृष्टीचा सर्वच जिल्ह्यांना फटका बसत असून शेतकऱ्यांच्या शेतातील पिके पुर्णपणे पाण्याखाली गेल्याचे चित्र आहे. त्यामुळे शेतकरी वर्ग मोठ्या प्रमाणावर अडचणीत सापडल्याचे चित्र आहे. शेतकऱ्यांकडून नुकसान भरपाईची मागणी केली जात आहे. तर ओला दुष्काळ जाहीर करण्याची मागणी देखील जोर धरू लागली आहे. याबाबत आता कृषीमंत्री दत्तात्रय भरणे (Dattatray Bharne) यांनी महत्वाचं भाष्य केलं आहे. 

आतापर्यंत 30 जिल्ह्यातील 62 लाख 17 हजार 540 एकर क्षेत्रात शेती पिकाचे नुकसान

कृषीमंत्री दत्तात्रय भरणे म्हणाले की, राज्यात मोठ्या प्रमाणात पाऊस पडत आहे. हवामान बदलामुळे एकाच वेळेस मोठा पाऊस होतोय. शेती पिकांचे मोठे नुकसान झाले आहे. आतापर्यंत 30 जिल्ह्यात 195 तालुक्यात 654 महसूल मंडळामध्ये 62 लाख 17 हजार 540 एकर क्षेत्रात शेती पिकाचे नुकसान झाले आहे. यावर सरकारचे लक्ष आहे. जिल्ह्याचे पालकमंत्री, अधिकारी नुकसानीची पाहणी करत आहे. ज्यांचे नुकसान झाले, त्याबाबत पंचनामा करण्याचे आदेश देण्यात आले आहेत. नुकसान झालेल्या शेतकऱ्यांना शासन मदत करेल, असे आश्वासन त्यांनी दिली आहे. 

महत्वाच्या बातम्या:

Nashik Crop Damage : नाशिकमध्ये अतिवृष्टीने शेतीचं प्रचंड नुकसान, चार हजार हेक्टरवरील पिकं बाधित, शेतकऱ्यांच्या डोळ्यात पाणी, सरकारकडून मदतीची प्रतीक्षा