Video: 'विधानसभा अध्यक्षासोबत ही हाणामारी कोठे आणि का झाली? राहुल नार्वेकर यांनी पळ काढला, तुम्ही सांगताय की मी सांगू?' संजय राऊतांचा व्हिडिओ बाॅम्ब टाकत सवाल!
अलिबाग तालुक्यातील म्हात्रोळी गावामध्ये जमीन मोजणीसाठी गेल्यानंतर राहुल नार्वेकर यांच्यासह त्यांच्या सहकाऱ्यांना अक्षरशः हाकलून लावण्यात आल्याचा व्हिडिओ शिवसेना खासदार संजय राऊत यांनी ट्विट केला आहे.
Sanjay Raut on Rahul Narvekar Video: नुकत्याच पार पडलेल्या महापालिका निवडणुकीमध्ये विधानसभा अध्यक्ष राहुल नार्वेकर यांचा विरोध उमेदवाराला उमेदवारी अर्ज माघार घेण्यासाठी धमकावणारा व्हिडिओ व्हायरल झाला होता. तसेच माजी खासदारांची सुरक्षा तडकाफडकी आदेश मुंबई पोलिसांना देताना सुद्धा दिसून आले होते. हा व्हिडिओ व्हायरल झाल्यानंतर चांगलीच खळबळ उडाली होती. हे प्रकरण ताजे असतानाच पुन्हा एकदा राहुल नार्वेकर वादात सापडणार का अशी चर्चा रंगली आहे. अलिबाग तालुक्यातील म्हात्रोळी गावामध्ये जमीन मोजणीसाठी गेल्यानंतर राहुल नार्वेकर यांच्यासह त्यांच्या सहकाऱ्यांना अक्षरशः हाकलून लावण्यात आल्याचा व्हिडिओ शिवसेना खासदार संजय राऊत यांनी ट्विट केला आहे.
राहुल नार्वेकर यांनी पळ काढला
संजय राऊत यांनी ट्विट करत म्हटलं आहे की, विधानसभा अध्यक्षासोबत ही हाणामारी कोठे आणि का झाली? राहुल नार्वेकर यांनी पळ काढला आहे! तुम्ही सांगताय की मी सांगू? संजय राऊत यांनी व्हिडिओ पोस्ट करताना आपल्या ट्विटमध्ये मुख्यमंत्री देवेंद्र फडणवीस, राहुल नार्वेकर आणि पीएमओला सुद्धा टॅग केलं आहे. दरम्यान, व्हिडिओत राहुल नार्वेकर यांच्यासह जमीन मोजणीसाठी आलेल्या सहकाऱ्यांसमोर एक दाम्पत्य अत्यंत आक्रमक पद्धतीने बोलताना दिसून येत आहे. आम्ही घरात नसल्याची संधी साधत तुम्ही आतमध्ये शिरता का? अशी संतप्त विचारणा महिला करताना दिसून येत आहे.
ब्रेकिंग:
— Sanjay Raut (@rautsanjay61) February 14, 2026
विधान सभा अध्यक्षासोबत ही हाणामारी कोठे आणि का झाली?
राहुल नार्वेकर यांनी पळ काढला आहे!
तुम्ही सांगताय की मी सांगू?
@Dev_Fadnavis
@rahulnarwekar
@PMOIndia pic.twitter.com/r5YqC9j2Xi
राहुल नार्वेकर मान खाली घालून गेले
दाम्पत्याचा संताप पाहून राहुल नार्वेकर काढता पाय घेताना दिसून येतात. महिलेची नार्वेकरांच्या सहकाऱ्यांसमवेत झटापट सुरु असतानाच मागून व्हिडिओ कर असा आवाज येताच राहुल नार्वेकर मान खाली घालून अगतिकपणे जाताना दिसून येत आहेत. दरम्यान, संतापलेल्या दाम्पत्याला राहुल नार्वेकर भांडणे करू नका असे सांगण्याचा प्रयत्न करतात, पण जमिनीमध्ये मोजणी करत असल्याने दाम्पत्य चांगलंच भडकल्याचे दिसून येत आहे.
इतर महत्वाच्या बातम्या
महत्त्वाच्या बातम्या
