उपविभागीय अधिकारी प्रशांत खेडेकर यांनी हिंगोली शहरातील खटकाळी बायपास वर अवैध वाळू वाहतूक करणारा वाळूचा ट्रॅक्टर रोखण्याचा प्रयत्न केला. मात्र ट्रॅक्टर चालकाने त्याचे ट्रॅक्टर न थांबवता चक्क प्रशांत खेडेकर यांच्या वाहनावर चढवला.
प्रशांत खेडेकर ज्या वाहनात बसले होते त्या शासकीय वाहनाला मागून ट्रॅक्टरची धडक देण्यात आली ही धडक इतकी जोरात होती की शासकीय वाहनाचे मागचे भागाचा चुराडा झाला. इतकेच नाही तर आरोपीने शासकीय अधिकारी आणि कर्मचाऱ्यांना शिवीगाळ आणि दमदाटीही केली.
हा धक्कादायक प्रकार घडल्यानंतर अवैध वाळू उपसा करणारे पळून गेले. सुदैवाने या हल्ल्यात प्रशांत खेडेकर यांना इजा झाली नाही. याप्रकरणी हिंगोली ग्रामीण पोलीस ठाण्यात तिघां विरोधात गुन्हा दाखल करण्यात आहे. पुढील तपास पोलीस करत असून, वाळू माफियांवर कडक कारवाई करण्याची मागणी करण्यात येत आहे