पुणे : पुण्यात आज सकाळी झालेल्या अपघातात दोघांचा मृत्यू झाला आहे. पुणे-बंगलोर एक्स्प्रेसवर आज सकाळी 5.30 च्या सुमारास अपघात झाला.
उड्डाणपुलावर ऑईल सांडल्याने नियंत्रण गमावलेल्या ट्रेलरने एका ट्रकला धडक दिली. या धडकेत ट्रक चालकाचा जागीच मृत्यू झाला.
त्यानंतर 20 ते 25 मिनिटांच्या अंतराने तीन गाड्या एकमेकांना धडकल्या. यानंतर दूध वाहून नेणाऱ्या टेम्पोने पेट घेतला. गाडीतून बाहेर पडता न आल्याने चालकाचा होरपळून मृत्यू झाला.