एकीकडे मुरलीधर मोहोळ जैन बोर्डिंग होस्टेलमध्ये दाखल, दुसरीकडे भाजपची धंगेकरांविरोधात पत्रकार परिषद

पुण्यातील जैन बोर्डिंगच्या (Jain Boarding House) जमिनीच्या व्यवहारावरुन राजकीय वातावरण चांगलेच तापल्याचं चित्र पाहायला मिळत आहे.

Pune

Source : Getty Images

Pune : पुण्यातील जैन बोर्डिंगच्या (Jain Boarding House) जमिनीच्या व्यवहारावरुन राजकीय वातावरण चांगलेच तापल्याचं चित्र पाहायला मिळत आहे. याप्रकरणी भाजप खासदार आणि केंद्रीय राज्यमंत्री मुरलीधर मोहोळ (Muralidhar Mohol) यांच्यावर एकामागून एक आरोप केले जात आहेत. शिवसेना शिंदे गटाचे नेते आणि मादी आमदार रवींद्र धंगेकर ( Ravindra Dhangekar)  हे मोहळ यांच्यावर जोरदार हल्लाबोल करत असल्याचे दिसत आहे. या दोन्ही नेत्यांमध्ये चांगलाच कलगीतुरा रंगल्याचं चित्र पाहायला मिळत आहे. दरम्यान, एका बाजूला मंत्री मुरलीधर मोहोळ हे जैन बोर्डिंग होस्टेलमध्ये गेले आहेत. या ठिकाणी जाऊन ते जैन गुरूंचं दर्शन घेणार आहेत. तर दुसऱ्या बाजूला पुण्यात भाजपची पत्रकार परिषद होत आहे. भाजप शहराध्यक्ष धीरज घाटे आणि माजी सभागृह नेते गणेश बिडकर हे पत्रकार परिषद घेणार आहेत.

आरोप झाल्यानंतर मंत्री मुरलीधर मोहोळ पहिल्यांदाच ते जैन हॉस्लटमध्ये दाखल

मंत्री मुरलीधर मोहोळ यांच्यावर आरोप झाल्यानंतर पहिल्यांदाच ते जैन हॉस्लटमध्ये दाखल झाले आहेत. मुरलीधर मोहोळ जैन गुरुचं दर्शन घेणार आहेत. दरम्यान, दुसऱ्या बाजूला पुण्यात भाजपची पत्रकार परिषद होणार आहे. भाजप शहराध्यक्ष धीरज घाटे आणि माजी सभागृह नेते गणेश बिडकर घेणार पत्रकार परिषद घेणार आहेत. मुरलीधर मोहोळ विरुद्ध रवींद्र धंगेकर वादात भाजपची महत्वाची पत्रकार परिषद आहे. रवींद्र धंगेकर यांच्या विरोधात भाजप भूमिका स्पष्ट करणार आहे.

नेमके प्रकरण काय?

पुण्यातील मॉडेल कॉलनी परिसरातील एचएनडी जैन बोर्डिंगची जागा 1958 साली हिराचंद नेमचंद दोषी यांनी सार्वजनिक ट्रस्टद्वारे मुलांसाठी वसतिगृह आणि धर्मशाळेकरीता त्यांनी ही जागा दान दिली होती. शिक्षणासाठी पुण्यात येणाऱ्या ग्रामीण भागातील विद्यार्थ्यांच्या निवासासाठी याचा चांगला फायदा होत आला आहे. गेल्या पन्नास वर्षात या वसतीगृहाचा दहा हजारपेक्षा जास्त मुलांनी लाभ घेतला आहे.  आता या जमिनीच्या विक्रीवरून वाद निर्माण झाला आहे. एचएनडी जैन बोर्डिंगची संपूर्ण तीन एकर जागा गहाण ठेवण्यात आलेली असून या जागेत असलेले 1008 श्री भगवान महावीर दिगंबर जैन मंदिर देखील आता गहाण आहे. शिवाय, 70 कोटी रुपयांच्या कर्जापोटी संपूर्ण जागेवर आता बँकेचा बोजा चढविण्यात आला असल्याचीही माहिती  आहे. सार्वजनिक मालमत्ता असलेली ही जागा काही विश्वस्तांनी गोखले कन्स्ट्रक्शन नावाच्या कंपनीला विकल्याचा आरोप करण्यात येत आहे. या कंपनीत खासदार मुरलीधर मोहोळ यांची भागीदारी असल्याचाही बोललं जात आहे. 

महत्वाच्या बातम्या: