Pune Accident : पुण्यात अपघाताची (Pune Accident) भीषण घटना घडली आहे. पुण्यातील कात्रज घाटामध्ये एसटी बस आणि रिक्षाचा भीषण अपघात झाला आहे. या अपघातात रिक्षा चालकाचा जागीच मृत्यू झाला आहे. तर बाकी तिघे जण गंभीर जखमी झाले आहेत. एसटी बस साताऱ्याच्या दिशेने जात होती तर रिक्षा पुण्याच्या दिशेने येत असल्याची माहिती मिळत आहे.
रिक्षा चालकाचा जागीच मृत्यू, जखमींवर पुण्यातील भारती हॉस्पिटलमध्ये उपचार सुरु
पुण्यातील कात्रजच्या घाटामध्ये भीषण अपघाताची घटना घडली आहे. रीक्षा .आणि एसटी बसचा भीषण अपघात झाला आहे. यामध्ये रिक्षा चालकाचा जागीच मृत्यू झाला आहे. तर तीन जण जखमी झाले आहेत. जखमींना तात्काळ उपचारासाठी पुण्यातील भारती हॉस्पिटलमध्ये दाखल करण्यात आल्याची माहिती मिळत आहे.
पिकअपची दुचाकीला जोरादार धडक, एकाच कुटुंबातील तीन जणांचा जागीच मृत्यू
वाशिम जिल्ह्यात भीषण अपघाताची धक्कादायक घटना घडली आहे. वाशिम मंगरुळपीर महामार्गावर पारडी टकमोर गावाजवळ आंबे वाहून नेणाऱ्या पिकअप वाहनाने दुचाकीला जोरदार धडक दिल्याने भीषण अपघात झाला आहे. या अपघातात दुचाकीवरील तीन जणांचा जागीच मृत्यू झाला आहे. पिकअप वाहनाने दुचाकीला धडक दिल्यानं हा अपघात झाला आहे. अपघात इतका भीषण होता की अपघातनंतर पिकअप वाहन रस्त्यालगत असलेल्या शेतात खाली पलटी झाला आहे. पिकअप वाहनात या धडकेत वारा देपुळ गावातील एकाच कुटंबातील तीन जण जागीच ठार झाले आहेत. या घटनेमुळं परिसरात हळहळ व्यक्त केली जात आहे.