एटापल्ली तालुक्यातील वट्टेपल्ली- गट्टेपल्ली मार्गावर रस्त्याच्या दुरुस्तीचे काम चालु आहे. यासाठी ट्रक, जेसीबी, जीप आणण्यात आले होते. तिथे काही मजूरही उपस्थित होते. शुक्रवारी रात्री नक्षलवाद्यांनी मजुरांना थांबवून ठेवलं. त्यानंतर नक्षलवाद्यांनी वाहनांची जाळपोळ केली. या जाळपोळीत 10 जेसीबी, 5 ट्रॅक्टर, 2 जीप जाळून खाक झाले, तर इतर अन्य छोट्या वाहनांची नासधूस केली. त्यानंतर नक्षली पसार झाले.
आजपासून नक्षल PLJA शहीद सप्ताह सुरु झाला आहे. त्यामुळे आता अधिक पोलीस बंदोबस्त घटनास्थळी रवाना करण्यात आला आहे. तसेच या प्रकरणी पोलीस अधिक तपास करत आहे.