नांदेडमधील मुखेड तालुक्यात भूकंपाचे सौम्य धक्के, नागरिकांनी सतर्क राहावं,  जिल्हाधिकाऱ्यांचं आवाहन

नांदेड जिल्ह्यातील मुखेड तालुक्यात भूकंपाचे सौम्य धक्के बसले आहेत. दुपारी 3 वाजून 25 मिमीटांनी हे भूकंपाचे सौम्य धक्के बसले आहेत.

Nanded earthquake News

Source : Getty Images

Nanded earthquake News :  नांदेड (Nanded) जिल्ह्यातील मुखेड तालुक्यात भूकंपाचे सौम्य धक्के (earthquake)बसले आहेत. दुपारी 3 वाजून 25 मिमीटांनी हे भूकंपाचे सौम्य धक्के बसले आहेत. भूगर्भातून आवाज येऊन जमीन हादरली असल्याची माहिती ग्रामस्थांनी प्रशासनाला दिली होती. त्यामुळं नागरिकांनी सतर्क राहण्याचे आवाहन जिल्हाधिकाऱ्यांनी केलं आहे. मुखेड तालुक्यातील हिब्बट, कोळगाव, धामणगाव, मोटरगा, धनज व जामखेड या गावांमध्ये भूकंपाचे धक्के बसले आहेत. 

या धक्क्यामुळे कुठलीही जीवित व वित्त हानी झाली नाही

मुखेड तालुक्यातील हिब्बट, कोळगाव, धामणगाव, मोटरगा, धनज व जामखेड या गावांमधून आज दिनांक 11 फेब्रुवारी 2026 रोजी दुपारी 3 वाजून 25 मिमीटांनी भूगर्भातून आवाज येऊन जमीन हादरली असल्याची माहिती ग्रामस्थांनी प्रशासनाला दिली होती. त्यानुसार राष्ट्रीय भूकंप विज्ञान केंद्राच्या संकेतस्थळावर तपासले असता दिनांक 11 फेब्रुवारी 2026 रोजी दुपारी  3 वाजून 25 मिमीटांनी या धक्क्याची नोंद झाली असून या धक्क्याची तीव्रता रिश्टर स्केलवर 3.0 एवढी नोंदवण्यात आली असून याचा केंद्रबिंदु नांदेड जिल्ह्यातील मुखेड तालुक्यातील खपराळ गावाजवळ असल्याचे कळते. सदर धक्का हा अतिसौम्य प्रकारचा आहे तसेच या धक्क्यामुळे कुठलीही जीवित व वित्त हानी झाली नसल्याबाबत तहसीलदार मुखेड यांनी जिल्हा आपत्कालीन कार्यकेंद्रास कळविले आहे. 

नागरिकांनी घाबरुन न जाता सतर्क राहण्याचे प्रशासनाकडून आवाहन 

दरम्यान, याबाबत नागरिकांनी घाबरुन न जाता सतर्क राहण्याचे आवाहन प्रशासनाकडून करण्यात येत आहे. तसेच गावात ज्या लोकांच्या घराचे छत पत्र्याचे आहे व त्यांनी पत्र्यावर आधारासाठी दगड ठेवले आहेत त्यांनी सुरक्षिततेचा भाग म्हणून त्वरित दगड काढून घ्यावेत व पत्रे बोल्ट ने फिट करून घ्यावेत अशा सूचना देण्यात आल्या आहेत. तसेच पुन्हा असा आवाज आलाच तर पटकन घराबाहेर मोकळ्या जागेत गोळा व्हावे व प्रशासनाला (02462) 235077 या क्रमांकावर संपर्क करून कळवावे. तसेच कोणत्याही अफवांनावर विश्वास ठेवू नये असे आवाहन जिल्हाधिकारी राहुल कर्डिले यांनी जनतेला केले आहे.

नागरिकांच्या मनात भितीचं वातावरण

या धक्क्याची तीव्रता रिश्टर स्केलवर 3.0 एवढी नोंदवण्यात आली असून याचा केंद्रबिंदु नांदेड जिल्ह्यातील मुखेड तालुक्यातील खपराळ गावाजवळ आहे. दरम्यान, या घटनेमुळं नागरिकांच्या मनात भितीचं वातावरण निर्माण झालं आहे.  

महत्वाच्या बातम्या: