Mumbai : मुंबईतील गोरेगाव नेस्को संकुलातील लाइव कॉन्सर्टमध्ये ड्रग्जच्या ओव्हरडोसने 2 विद्यार्थ्यांचा मृत्यू झाल्याची धक्कादायक घटना घडली आहे. मुंबईच्या गोरेगाव पूर्वेकडील नेस्को संकुलात ही धक्कादायक घटना घडली आहे. नेस्को कडून आयोजित लाईव्ह कॉन्सर्ट मध्ये सहभागी झालेल्या एका नामांकित कॉलेजच्या दोन विद्यार्थ्यांचा मृत्यू झाल्याने खळबळ उडाली आहे.
मृतांमध्ये एक मुलगा आणि एक मुलगी असल्याची माहिती
नेस्को संकुलात आयोजित करण्यात आलेल्या कार्यक्रमाला तब्बल 3 ते 4 हजारांची गर्दी उपस्थित होती. ड्रग्ज ओव्हरडोस घेतल्यामुळे दोन विद्यार्थ्यांचा दुर्दैवी मृत्यू झाला आहे. मृतांमध्ये एक मुलगा आणि एक मुलगी असल्याची माहिती मिळत आहे. आणखी एक विद्यार्थी गंभीर जखमी झाला असून, त्याच्यावर रुग्णालयात उपचार सुरु आहेत. नेस्कोकडून कार्यक्रमाचे आयोजन करण्यात आले होते. ही घटना परवा संध्याकाळी घडल्याची माहिती समोर येत आहे. वनराई पोलिसांनी गुन्हा दाखल करून तपास सुरू केला आहे. या घटनेमुळे परिसरात खळबळ उडाली असून कॉलेज वर्तुळात भीतीचे वातावरण पसरले आहे. मिळालेल्या माहितीनुसार, मुंबईच्या पश्चिम उपनगरातील गोरेगाव परिसरात 11 एप्रिल रोजी एका लाईव्ह म्युझिक कॉन्सर्टचे आयोजन करण्यात आले होते. या कार्यक्रमासाठी तीन ते चार हजार तरुण-तरुणींनी गर्दी केली होती. या म्युझिक कॉन्सर्टदरम्यान जास्त प्रमाणात मद्यपान आणि ड्रग्ज घेतल्यामुळे काही तरुणांना त्रास झाला. त्यांची प्रकृती खालवल्यामुळे यातील 2 तरुणींना मुंबईच्या जोगेश्वरी येथील हिंदू हृदय सम्राट बाळासाहेब ठाकरे ट्रामा केअर रुग्णालयात उपचारासाठी दाखल केले होते.
राजधानी एक्सप्रेसमधून 4 कोटीं 26 लाखांचे कोकेन जप्त
नागपूरमध्येही धक्कादायक घटना ध़ली आहे. राजधानी एक्सप्रेसमधून 4 कोटीं 26 लाखांचे कोकेन जप्त करण्यात आले आहे. पोलिसांनी याबाबातची माहिती दिली आहे. या प्रकरणी एका महिलेला अटक देखील करण्यात आली आहे. औषधाच्या 50 कॅप्सूलमध्ये लपवून ड्रग्ज ची तस्करी केली जात होती. या प्रकरणी डीआरआयने धडक कारवाई केली आहे. अमली पदार्थ तस्करीसाठी गुन्हेगार आता किती कुटील मार्ग अवलंबत आहेत, याचा धक्कादायक नमुना नागपुरात समोर आला आहे.
शॅम्पूच्या बाटल्यांमध्ये कोकेनचे कॅप्सूल लपवून तस्करी
शॅम्पूच्या बाटल्यांमध्ये कोकेनचे कॅप्सूल लपवून तस्करी केली जात होती. मिळालेल्या गोपनीय माहितीच्या आधारे महसूल गुप्तचर संचालनालयाच्या (डीआरआय) नागपूर युनिट हजरत निजामुद्दीन ते बंगळुरु जाणाऱ्या राजधानी एक्सप्रेसमध्ये कारवाई करत कोकेनच्या तस्करीच्या भांडाफोड केला आहे. यात डीआरआय पथकाने तब्बल 4 कोटी 26 लाख किमतीचे 853 ग्रॅम कोकेन जप्त केले आहे. या प्रकरणी एका महिलेला अटक करण्यात आली आहे.