मुंबई महापालिकेच्या महापौर पदासाठी एक आणि उपमहापौर पदासाठी एकच अर्ज, निवडणूक बिनविरोध होण्याचा मार्ग मोकळा

मुंबई महापालिकेच्या महापौर पदासाठी एक आणि उपमहापौर पदासाठी एकच उमेदवारी अर्ज दाखल झाला आहे. त्यामुळं  मुंबई महापालिकेची महापौर उपमहापौर पदाची निवडणूक बिनविरोध होण्याचा मार्ग मोकळा झाला आहे. 

Mumbai Municipal Corporation

Source : Getty Images

Mumbai Municipal Corporation : मुंबई मनपाच्या महापौरपदी भाजपकडून रितू तावडे (Ritu Tawade Mumbai mayor) यांच्या नावाची घोषणा करण्यात आली आहे. मुंबई भाजप अध्यक्ष अमित साटम यांनी त्यांच्या नावाची घोषणा केली. मुंबईच्या उपमहापौरपदी शिंदेसेना शिंदे गटाकडून संजय शंकर घाडी (Sanjay Ghadi) यांच्या नावाची घोषणा करण्यात आली. दरम्यान, या दोन्ही उमेदवारांची निवड बिनविरोध होणार आहे. कारण, मुंबई महापालिकेच्या महापौर पदासाठी एक आणि उपमहापौर पदासाठी एकच उमेदवारी अर्ज दाखल झाला आहे. त्यामुळं  मुंबई महापालिकेची महापौर उपमहापौर पदाची निवडणूक बिनविरोध होण्याचा मार्ग मोकळा झाला आहे. 

मुंबई महापालिकेच्या महापौर पदासाठी एक आणि उपमहापौर पदासाठी एकच उमेदवारी अर्ज दाखल झाला आहे. उमेदवारी अर्ज दाखल करण्याची वेळ ही सकाळी 10 ते सायंकाळी 6 वाजेपर्यंतची वेळ होती. भाजपकडून रितू तावडे महापौर पदासाठी उमेदवारी अर्ज दाखल केला तर शिवसेनेकडून संजय घाडी यांनी उपमहापौर पदासाठी उमेदवारी अर्ज दाखल केला होता. इतर कोणत्याही पक्षांनी महापौर आणि उपमहापौर निवडणुकीसाठी उमेदवारी अर्ज भरला नाही. त्यामुळं येणाऱ्या 11 फेब्रुवारी रोजी महापौर आणि उपमहापौर निवडणूक बिनविरोध होईल. इतर पक्षाचे उमेदवार अर्ज न आल्यामुळे रितू तावडे महापौर आणि संजय घाडी यांची उपमहापौर म्हणून सभागृहात घोषणा केली जाणार आहे. मुंबई महापालिकेची महापौर उपमहापौर पदाची यंदाची निवडणूक बिनविरोध होणार हे स्पष्ट झालं आहे. 

कोण आहेत रितू तावडे? (Who Is Ritu Tawade)

• रितू तावडे या भाजपच्या ज्येष्ठ नगरसेविका आहेत. 
• 2012 मध्ये प्रभाग क्रमांक 127 मधून विजय मिळवला होता.
• 2017 मध्ये घाटकोपरमध्ये प्रभाग क्रमांक 121 मधून पहिल्यांदा निवडून आल्या होत्या. 
• यानंतर 2025 च्या निवडणुकीत प्रभाग क्रमांक 132 मधून विजय मिळवला आहे.
• त्यांनी मुंबई महापालिकेच्या शिक्षण समितीचे अध्यक्षपद भूषविले आहे. 
• त्या महापौर पदाच्या प्रबळ दावेदार मानल्या जात होत्या.

उपमहापौरपदी संजय घाडींच्या नावाची घोषणा 

दुसरीकडे, मुंबई मनपामध्ये शिवसेना शिंदे गटाचा उपमहापौर असणार आहे. शिंदे गटाकडून संजय घाडी यांच्या नावाची घोषणा करण्यात आली. दरम्यान, शिंदे गटाकडून मुंबईत सुद्धा पदांची खांडोळी पायंडा कायम ठेवला आहे. संजय घाडी यांना सव्वा वर्षांचा कार्यकाळ असेल, अशी घोषणा शिंदे गटाचे नेते राहुल शेवाळे यांनी केली. 

महत्वाच्या बातम्या: