Mumbai Crime : जेवणात जास्त चिकन न दिल्याचा राग, माथेफिरू पतीनं पत्नीवर लोखंडी रॉडने केला हल्ला 

मुंबईत गटारीच्या रात्री जेवणात चिकन आणि चायनीज जास्त  न दिल्याच्या रागातून एका माथेफिरु पतीने लोखंडी रॉडने आपल्या पत्नीवर हल्ला केल्याची धक्कादायक घटना घडली आहे.

Mumbai Crime News

Source : Getty Images

Mumbai Crime News : मुंबईत गटारीच्या रात्री जेवणात चिकन आणि चायनीज जास्त  न दिल्याच्या रागातून एका माथेफिरु पतीने लोखंडी रॉडने आपल्या पत्नीवर हल्ला केल्याची धक्कादायक घटना घडली आहे. ही घटना मुंबईतील ट्रॉम्बे इथं घडली आहे. या प्रकरणी ट्रॉम्बे पोलिसांनी अजय अरुण दाभाडे (38) याला अटक केली. दरम्यान या हल्ल्यात स्वाती दाभाडे या  गंभीर जखमी झाल्या आहेत. त्यांच्यावर शताब्दी रुग्णालयात दाखल करण्यात आले होते. सध्या त्यांची प्रकृती स्थिर असल्याची माहिती मिळाली आहे. 

स्वाती दाभाडे या  गंभीर जखमी

दरम्यान, पीडित स्वाती दाभाडे (37) यांनी दिलेल्या तक्रारीनुसार, 3 जुलै रोजी रात्री जेवणाच्या वेळी अजयने तिला अधिक चिकन व चायनीज वाढण्याची मागणी केली. त्यावर स्वातीने जेवण संपल्याचे सांगितले. या उत्तराने संतप्त होऊन अजयने लोखंडी सळईने तिच्या डोक्यावर प्रहार केला. या हल्ल्यात स्वाती दाभाडे या  गंभीर जखमी झाल्या आहेत. त्यांना तातडीने शताब्दी रुग्णालयात दाखल करण्यात आले. सध्या तिची प्रकृती स्थिर असल्याची माहिती पोलिसांनी दिली. स्वाती दाभाडे यांनी तब्येत ठिक झाल्यानंतर ट्रॉम्बे पोलीस ठाण्यात तक्रार दिली आहे. 

विविध कलमान्वये गुन्हा दाखल

भारतीय न्याय संहितेच्या कलम 109 (हत्येचा प्रयत्न), 115 (2) (हिंसा), 352 (मारहाण), आणि 3 (5) (सामूहिक हेतू) या कलमांतर्गत अजय विरोधात गुन्हा दाखल करण्यात आला आहे. याआधी 1 जून रोजी स्वातीने पती व सासरच्या मंडळींविरुद्ध हुंडाबळीचा गुन्हा दाखल केला होता. ही तक्रार मागे घेण्यासाठी अजय स्वातीवर दबाव टाकत असल्याचे पोलीस तपासात समोर आले आहे.

गटारी आमवस्येदिवशी मांसाहारी जेवणाचा आनंद घेतला जातो

गटारी आमवस्या हा मराठी संस्कृतीसाठी एक खास आणि मजेदार सण आहे. गटारीचा सण हा आषाढ महिन्यातील आमवस्येला साजरा केला जातो. हा सण मित्र परिवासोबत एकत्र येऊन साजरा करण्याचा आहे. मांसाहारी जेवणाचा आनंद यादिवशी घेतला जातो. या गटारी आमवस्येला विशेषत: मांसाहारी भोजनाला विशेष महत्व आहे. कारण यानंतर पुन्हा श्रावण महिना सुरु होता. या महिन्यात अनेकजण मांसाहार करणे टाळतात. दरम्यान, उद्यापासून म्हणजे 25 जुलैपासून श्रावण महिन्याला सुरुवात होत आहे. त्यामुळं मांसाहार करणाऱ्यांसाठी आजचा दिवस शेवट आहे. कारण श्रावण महिन्यात अनेकजण मांसाहार करत नाहीत. 

महत्वाच्या बातम्या: