Sanjay Gaikwad on Uddhav Thackeray : ठाकरेंची शिवसेना मुंबई ते नागपूर सर्वच निवडणुका स्वबळावर लढणार असल्याची घोषणा खासदार संजय राऊत यांनी आज केली. त्यांच्या या निर्णयावर विविध स्तरातून प्रतिक्रिया येत आहेत. अशातच शिवसेना शिंदे गटाचे आमदार संजय गायकवाड यांनी देखील प्रतिक्रिया दिली आहे. हे उशिरा सुचलेलं शहाणपण असल्याचा टोला आमदार गायकवाड यांनी लगावलाय. भाजपा शिवसेना एकत्रित हिंदुत्वाच्या विषयावर निवडणूक लढले, त्यानंतर काँग्रेस राष्ट्रवादी सोबत जाण्याची गरज नसताना केवळ मुख्यमंत्री पदाच्या हव्यासापोटी उद्धव ठाकरे तिकडे गेलेत. ते सर्व नाका तोंडाची माणसे गमावून बसल्याचे गायकवाड म्हणाले.
शिवसेना ठाकरे गटाचा स्वबळावर लढण्याचा निर्णय म्हणजे उशिरा सुचलेलं शहाणपण असल्याचा टोला शिंदेंच्या शिवसेनेचे आमदार संजय गायकवाड यांनी लगावला. भाजपा शिवसेना एकत्रित हिंदुत्वाच्या विषयावर निवडणूक लढले होते. मात्र, काँग्रेस राष्ट्रवादीसोबत जाण्याची गरज नसताना केवळ मुख्यमंत्री पदाच्या हव्यासापोटी ते तिकडे गेले होते असे गायकवाड म्हणाले.
नेमकं काय म्हणाले होते संजय राऊत?
विधानसभा निवडणुकीत महाविकास आघाडीला मोठा फटका बसला. यानंतर महाविकास आघाडीतील धुसफूस समोर येत आहे. नुकताच काँग्रेस नेते नितीन राऊत यांनी महाविकास आघाडीला घरचा आहेर दिला. यानंतर राष्ट्रवादी शरद पवार गटाचे खासदार अमोल कोल्हे यांनी काँग्रेस आणि ठाकरे गटाला टोला लगावला. यामुळे आगामी महापालिकेच्या निवडणुकीत महाविकास आघाडी एकत्र लढणार की स्वतंत्र मैदानात उतरणार याकडे सर्वांचे लक्ष लागले होते. त्यातच आता शिवसेना ठाकरे गटाचे खासदार संजय राऊत यांनी महानगरपालिका, जिल्हा परिषद आणि नगर पंचायतीच्या निवडणूक स्वबळावर लढवण्याची घोषणा केली आहे.नागपूरपासून मुंबईपर्यंत आम्ही स्वबळावर लढणार आहे. एकदा आम्हाला पाहायचे आहेच, जे काही होईल ते होईल, आमचं असं ठरतंय. मुंबई, ठाणे नागपूरमध्ये कार्यकर्त्यांना संधी केव्हा देणार? कार्यकर्त्यांना संधी न दिल्यामुळे पक्ष वाढीला फटका बसतो. स्थानिक स्वराज्य संस्थांच्या निवडणूका सर्व पक्षांनी स्वबळावर लढवाव्या आणि आपापल्या कार्यकर्त्यांना संधी द्यावी, अशी घोषणा त्यांनी केली आहे. संजय राऊत यांच्या घोषणेनंतर आता महाविकास आघाडीतील मित्रपक्ष नेमकी काय भूमिका घेणार? हे पाहणे महत्त्वाचे ठरणार आहे. लोकसभा आणि विधानसभेला स्वबळाची आवश्यकता होती असं वक्तव्य ठाकरेंच्या शिवसेनेचे दक्षिण मुंबईचे खासदार अरविंद सावंत यांनी केलं आहे. आपल्या पक्षाच्या कार्यकर्त्यांना महापालिका, जिल्हा परिषद आणि नगरपंचायतीमध्ये संधी द्यायची असते असे ते म्हणाले.