मानखुर्दमधील बॉम्बे सोप फॅक्टरीच्या जागेवरील 1400 अनधिकृत झोपड्या पाडल्या, मुंबई पालिकेची कारवाई
मानखुर्द येथील बॉम्बे सोप फॅक्टरीच्या जागेवरील 1400 अनधिकृत झोपड्यांचे पाडण्यात आल्या आहेत. बृहन्मुंबई महानगरपालिका आणि मुंबई उपनगरे जिल्हाधिकारी कार्यालय यांनी संयुक्त कारवाई केली आहे.
मुंबई : मानखुर्द येथील बॉम्बे सोप फॅक्टरीच्या जागेवरील 1400 अनधिकृत झोपड्यांचे पाडण्यात आल्या आहेत. बृहन्मुंबई महानगरपालिका आणि मुंबई उपनगरे जिल्हाधिकारी कार्यालय यांनी संयुक्त कारवाई केली आहे. महाराष्ट्र जमीन महसूल अधिनियम 1966 च्या कलम 50 अन्वये घाटकोपर-मानखुर्द जोड मार्गालगत असलेल्या मानखुर्द येथील बॉम्बे सोप फॅक्टरी (डब्बा कंपनी) या शासकीय जागेवरील झोपड्यांवर निष्कासनाची कारवाई करण्यासंदर्भात अपर जिल्हाधिकारी (अतिक्रमण निष्कासन) पूर्व उपनगरे यांनी निर्देशित केले होते.
मोठ्या पोलीस बंदोबस्तात केली कारवाई
घाटकोपर-मानखुर्द जोड मार्गालगत असलेल्या मानखुर्द येथील बॉम्बे सोप फॅक्टरी (डब्बा कंपनी) या शासकीय जागेवरील 1400 अनधिकृत झोपड्यांचे आज निष्कासन करण्यात आले. बृहन्मुंबई महानगरपालिकेचे ‘एम पूर्व’ प्रशासकीय विभाग आणि मुंबई उपनगरे जिल्हाधिकारी कार्यालय यांनी संयुक्तपणे ही कारवाई केली. हानगरपालिकेचे सह आयुक्त (परिमंडळ-5) श्री. देविदास क्षीरसागर, सहायक आयुक्त (एम पूर्व) उज्ज्वल इंगोले यांच्या नेतृत्वात बृहन्मुंबई महानगरपालिकेच्या ‘एम पूर्व’ प्रशासकीय विभागाने ही कारवाई केली. इमारत व कारखाना विभागातील सहायक कनिष्ठ आणि दुय्यम अभियंत्यांची या कारवाईसाठी नेमणूक करण्यात आली होती. तसेच, सुमारे 200 कामगारांसह 3 पोकलेन, 7 जेसीबी, 10 डंपर, 2 ड्रोन कॅमेरे आदी यंत्रसामग्री पुरविण्यात आली. यावेळी पुरेसा पोलीस बंदोबस्त तैनात होता.
सुमारे 22 एकर जमीन क्षेत्रावर झोपड्या बांधण्यात आल्या होत्या
एम पूर्व’ प्रशासकीय विभागातील घाटकोपर-मानखुर्द या जोड मार्गालगत असलेल्या मानखुर्द (ता. कुर्ला) येथील नगरभूमापन क्रमांक १/२ (पै) या मिळकतीवर बॉम्बे सोप फॅक्टरी (डब्बा कंपनी) हे सुमारे 22 एकर जमीन क्षेत्र असून त्यावर अनधिकृतपणे झोपड्या बांधण्यात आल्या होत्या.
महत्त्वाच्या बातम्या
