Maharashtra Weather: राज्यात 20 ते 24 एप्रिलदरम्यान वादळी पाऊस, गारपीट व विजांचा इशारा; भारतीय हवामान खात्याचा अंदाज जाहीर

Maharashtra Weather: राज्यातील विविध भागांत 20 ते 24 एप्रिल या कालावधीत वादळी वारे, विजांचा कडकडाट, गारपीट आणि पावसाची शक्यता व्यक्त करण्यात आली आहे.

Maharashtra Weather

Source : ABP

Maharashtra Weather मुंबई: भारतीय हवामान खात्याच्या (आयएमडी) दिनांक 20 एप्रिल 2026 रोजी जाहीर केलेल्या पाच दिवसीय अंदाजानुसार, राज्यातील विविध भागांत 20 ते 24 एप्रिल या कालावधीत वादळी वारे, विजांचा कडकडाट, गारपीट आणि पावसाची शक्यता (Rain In Maharashtra) व्यक्त करण्यात आली आहे. विशेषतः मध्य महाराष्ट्र, विदर्भ, मराठवाडा आणि कोकण विभागातील जिल्ह्यांनी सतर्कता बाळगावी, असे आवाहन राज्य आपत्कालीन कार्य केंद्राच्या वतीने करण्यात आले आहे. या पार्श्वभूमीवर नागरिकांनी आवश्यक ती खबरदारी घेण्याचे आवाहन करण्यात आले आहे. (Maharashtra Weather)

नागरिकांसाठी सूचना- (Maharashtra Weather)

विजेचा कडकडाट ऐकू आला किंवा विज चमकताना दिसताच तात्काळ घरात किंवा सुरक्षित ठिकाणी आश्रय घ्यावा. झाडाखाली, मोकळ्या शेतात, पाण्याजवळ किंवा लोखंडी वस्तूंच्या जवळ उभे राहणे टाळावे. मोकळ्या जागेत मोबाईल फोन किंवा इतर इलेक्ट्रॉनिक उपकरणांचा वापर करू नये. निवाऱ्यापासून दूर असल्यास जमिनीवर आडवे न पडता पाय एकत्र करून खाली बसून राहावे.

प्रशासनासाठी उपाययोजना- (Maharashtra Weather)

ग्रामपंचायत, पोलीस व आरोग्य विभागांनी तातडीने जनजागृती करावी. रुग्णवाहिका, अग्निशमन दल आणि आपत्कालीन पथके सज्ज ठेवावीत. शाळा, सभागृह व सार्वजनिक इमारती सुरक्षित निवाऱ्यासाठी खुल्या ठेवाव्यात. हवामान खात्याचे अद्ययावत इशारे गावपातळीपर्यंत त्वरित पोहोचवावेत.

विशेष सूचना- (Maharashtra Weather)

शेतकरी बांधवांनी विजांच्या इशाऱ्याच्या कालावधीत शेतातील कामे टाळावीत. बांधकाम स्थळांवरील कामकाज तात्पुरते थांबवावे. तसेच यात्रा, धार्मिक कार्यक्रम आणि मोठ्या प्रमाणावरील गर्दीचे आयोजन तातडीने स्थगित करण्याचे आवाहन करण्यात आले आहे. राज्य आपत्कालीन कार्य केंद्राने सर्व संबंधित यंत्रणांना सतर्क राहण्याच्या सूचना दिल्या असून नागरिकांनी अफवांवर विश्वास न ठेवता अधिकृत सूचनांचे पालन करावे, असेही आवाहन करण्यात आले आहे.

सध्याची तापमानाची स्थिती- (Maharashtra Weather)

• अनेक भागात तापमान 40–45°C
• अकोला व वर्धा येथे 45°C उच्चांक
• बहुतांश भागात तापमान सामान्यपेक्षा जास्त

पुढील अंदाज काय? (Maharashtra Weather)

• उत्तर भारतात तापमान आणखी 3–4°C ने वाढणार
• महाराष्ट्रात थोडी घट (20–21 एप्रिल), नंतर पुन्हा वाढण्याची शक्यता
• अनेक राज्यांत वादळी पाऊस, विजा आणि जोरदार वारे
• हरियाणा, दिल्ली, राजस्थान, विदर्भ, छत्तीसगड, यूपी इ. ठिकाणी उष्णतेची लाट
• काही भागात गरम व दमट हवामान
• रात्रीही तापमान जास्त (Warm night)
• दिल्ली हवामान (20–23 एप्रिल):
• तापमान: 41°C ते 44°C
• आकाश स्वच्छ, पण उष्णतेची लाट

राज्यासह देश-विदेशातील महत्वाच्या घडामोडी, VIDEO:

संबंधित बातमी: