Maharashtra Police: 'खाकी स्वॅग'चा ट्रेंड आटोक्यात येणार, पोलिसांना गणवेशात सोशल मीडियावर व्हिडिओ पोस्ट करण्यास बंदी; नेमकं कारण काय?
Maharashtra Police : सोशल मीडियावर वाढत चाललेल्या ‘रील्स’ आणि ‘मिनी-व्लॉग’च्या ट्रेंडला आळा घालण्यासाठी महाराष्ट्र पोलीस दलाने महत्त्वाचा निर्णय घेतला आहे.
Maharashtra Police : सोशल मीडियावर वाढत चाललेल्या ‘रील्स’ आणि ‘मिनी-व्लॉग’च्या ट्रेंडला आळा घालण्यासाठी महाराष्ट्र पोलीस (Maharashtra Police) दलाने महत्त्वाचा निर्णय घेतला आहे. गणवेशात असताना कोणत्याही पोलिस अधिकारी किंवा कर्मचाऱ्याने सोशल मीडियावर व्हिडिओ तयार करून पोस्ट करू नयेत, असे कडक निर्देश देण्यात आले आहेत. आदेशाचे उल्लंघन करणाऱ्यांवर शिस्तभंगाची कारवाई करण्यात येणार असल्याचा स्पष्ट इशाराही देण्यात आला आहे.
विशेष शाखेचे उपायुक्त दत्तात्रय कांबळे यांनी जारी केलेल्या परिपत्रकानुसार, महाराष्ट्र पोलिस दलातील 51 हजार पोलिस कर्मचाऱ्यांना हा आदेश लागू करण्यात आला आहे. अलीकडच्या काळात अनेक पोलिस कर्मचारी गणवेशात रील्स, मिनी-व्लॉग किंवा इतर प्रकारचे व्हिडिओ तयार करून सोशल मीडियावर पोस्ट करत असल्याचे निदर्शनास आले होते.
Maharashtra Police : गोपनीयतेला धोका
परिपत्रकात नमूद केल्याप्रमाणे, अशा व्हिडिओंमध्ये अनेकदा नकळत कार्यालयीन परिसर, शासकीय वाहने, उपकरणे किंवा कर्तव्याशी संबंधित संवेदनशील माहिती दिसून येते. यामुळे पोलिस विभागाच्या गोपनीयतेला आणि कार्यात्मक सुरक्षेला धोका निर्माण होऊ शकतो, अशी चिंता वरिष्ठ अधिकाऱ्यांनी व्यक्त केली आहे. यापुढे सोशल मीडियावर अशा प्रकारचे व्हिडिओ आढळल्यास संबंधित अधिकारी-कर्मचाऱ्यांवर तात्काळ कारवाई करण्याचे निर्देश देण्यात आले आहेत.
Maharashtra Police : सोशल मीडिया लॅबवर नजर ठेवण्याची जबाबदारी
या आदेशाच्या अंमलबजावणीसाठी मुंबई पोलीस दलातील सोशल मीडिया लॅबला विशेष जबाबदारी देण्यात आली आहे. विविध सोशल मीडिया प्लॅटफॉर्मवर लक्ष ठेवून नियमभंगाच्या घटना नोंदवणे आणि वरिष्ठांना अहवाल सादर करणे, असे आदेश लॅबच्या अधिकाऱ्यांना देण्यात आले आहेत.
Maharashtra Police : विधानसभेतही मुद्दा उपस्थित
सोशल मीडियावर ‘खाकी स्वॅग’ दाखवणाऱ्या व्हिडिओंचा ट्रेंड वाढत असल्याने याबाबत काही आमदारांनी महाराष्ट्र विधानसभेत लक्षवेधी प्रश्न उपस्थित केला होता. दरम्यान, राज्य सरकारने जुलै 2025 मध्ये शासकीय कर्मचाऱ्यांच्या सोशल मीडिया वापराबाबत मार्गदर्शक सूचना जारी केल्या होत्या. त्यानुसार कर्मचाऱ्यांनी वैयक्तिक आणि अधिकृत सोशल मीडिया खाती वेगळी ठेवावीत, शासकीय पदनाम, लोगो, कार्यालयाचा पत्ता किंवा शासकीय मालमत्ता वैयक्तिक खात्यावर वापरू नये, तसेच कोणतीही गोपनीय माहिती पूर्वपरवानगीशिवाय प्रसारित करू नये, असे स्पष्ट करण्यात आले आहे.
आणखी वाचा
पायलटने अजितदादांचं विमान मुद्दाम खाली आपटलं अन् स्फोट घडवला, रोहित पवारांचा हादरवणारा आरोप
महत्त्वाच्या बातम्या
