Nashik News : नाशिक जिल्हा उपनिबंधक कार्यालय पुन्हा चर्चेत, जिल्हा उपनिबंधकावर इच्छुकांकडून नोटांची उधळण
Nashik News : नाशिकरोड व्यापारी बँकेच्या इच्छुकांचे अर्ज अवैध ठरविल्याने निवडणूक निर्णय अधिकाऱ्यांवर नोटा उधळून आंदोलन करण्यात आले.
Nashik News : नाशिकरोड व्यापारी बँकेच्या (Nashik Road Commercial Bank) निवडणुकीसाठी निवडणूक निर्णय अधिकारी तथा जिल्हा उपनिबंधक गौतम बलसाने यांनी लाच घेतल्याचा आरोप करीत गुरुवारी विरोधी पॅनलच्या इच्छुकांनी बलसाने यांच्यावर पाचशे आणि शंभरच्या नोटांची उधळण करीत त्यांच्याविरोधात घोषणाबाजी केली. त्यामुळे कार्यालयामध्ये भीतीचे वातावरण पसरले होते.
काही दिवसांपूर्वी दिंडोरी बाजार समितीतील (Dindori Bajar Samiti) संचालकाच्या बाजूने निर्णय देण्यासाठी तत्कालीन जिल्हा उपनिबंधक डॉ. सतीश खरे (Satish Khare) याला 30 लाखांची लाख घेताना लाचलुचपत विभागाने ताब्यात घेतले होते. या घटनेने संपूर्ण राज्यात बदनाम झालेले नाशिकचे (Nashik) जिल्हा उपनिबंधक कार्यालय पुन्हा चर्चेत आले. नाशिकरोड व्यापारी बँकेच्या 54 उमेदवारांचे अर्ज अवैध ठरवण्यात आले. त्यानुसार सहकार पॅनलचे उमेदवार बिनविरोध निवडून आले. याच पार्श्वभूमीवर संबंधित उमेदवारांनी नाशिकच्या सहकार उपनिबंधक कार्यालयात जाऊन निवडणूक निर्णय अधिकाऱ्यांवर नोटा उधळून भ्रष्टाचाराचे आरोप करत एक अनोखे आंदोलन करण्यात आले.
देवळाली व्यापारी बँकेच्या पंचवार्षिक निवडणुकीमध्ये मंजूर झालेले 54 उमेदवारी अर्ज अचानक बाद करण्यात आले, निवडणूक बिनविरोध करण्यासाठी सहकार विभागाकडून यात मोठा भ्रष्टाचार सुरु असल्याचा आरोप विरोधी परिवर्तन पॅनलकडून करण्यात आला. सहकार विभागीय उपनिबंधक गौतम बलसाने या निवडणूक अधिकाऱ्यांच्या अंगावर त्यांच्याच केबिनमध्ये पैसे उधळत परिवर्तन पॅनेलच्या उमेदवारांनी आंदोलन केले. यावेळी वीस खोके एकदम ओके, चोर हे चोर हे बलसाने चोर हे अशी घोषणाबाजीही करण्यात आली. पॅनलच्या सर्व सदस्यांना निवडणुकीतून बाद करण्यासाठी बलसाने कारणीभूत असल्याचा आरोप केला जात आहे. काही दिवसांपूर्वीच नाशिकचे सहकार विभागाचे उपनिबंधक सतीश खरे यांना 30 लाखांची लाच घेताना एसीबीने अटक केली होती. यानंतर सहकार विभागातील भ्रष्टाचार हा चांगलाच चर्चेचा विषय ठरला होता.
एका महिला जागेसाठी निवडणूक
सहकार आणि परिवर्तन पॅनल यांच्यात लढत होणार होती, परंतु सहकार पॅनलच्या इच्छुकांनी नियम क्र. 40 नुसार निवडणूक प्रक्रिया राबवावी, यासाठी उच्च न्यायालयात फेरयाचिका दाखल केली होती, त्यानुसार न्यायालयाने सहकारमंत्र्यांच्या आदेशाला स्थगिती देत जिल्हा उपनिबंधक यांना नियम क्र. 40 नुसार निवडणूक प्रक्रिया राबवण्याचे जिल्हा उपनिबंधकांना आदेश दिले. त्यानुसार निवडणूक निर्णय अधिकारी गौतम बलसाने यांनी 54 इच्छुकांचे अर्ज अवैध ठरवले होते, परंतु यामध्ये एक अर्ज चुकीने अवैध ठरल्याचे सांगितले गेले. याच एका महिला जागेसाठी 11 जून रोजी निवडणूक होत आहे. तर दुसरीकडे उमेदवारी अर्ज अवैध ठरवल्याने संतप्त झालेल्या परिवर्तन पॅनलच्या इच्छुकांनी माघारीच्या दिवशी बलसाने यांच्यावर भ्रष्टाचाराचे आरोप नोटांची उधळण केली.
महत्त्वाच्या बातम्या
ट्रेंडिंग न्यूज
